نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 17-10-2011, 12:11 PM   #[1]
أحمد المجتبى
:: كــاتب جديـــد ::
 
Lightbulb ألعابنا زمان, نبهني صديق إلى أنها تتلاشى, ذكريات ممتعة عن ألعابنا زمان, هنا "توثيق وحفظ" لها

السلام عليكم,
من فترة في بالي فكرة للموضوع أو بالأحرى هو توثيق, فالموضوع توثيق للألعاب المختلفة أو التسلية زمان, فهنا هأكتب الألعاب القديمة الأنا متذكرها, هأكتبها وطريقة لعبها وأي معلومات عنها.

لكن حابي أقول بداية الفكرة متين وكيف, القصة,

أنا طالب بجامعة السودان,كنا في بعض المرات لو جا ذكر لمواضيع أو تعليقات أو حاجة معينة أو ذكرى "المهم من ضمنها الألعاب" مثلا "شد وأركب", معظم الشباب ما يعرفوها"الأجيال الجديدة" أو ممكن ما يهتموا, لكن في الغالب ما عارفين, أنا يا جماعة في الأصل دنقلاوي, وعشت طفولتي كلها في عطبرة من" لحدي 13" وبعدها جينا الخرطوم, لكن بنقضي الإجازات وأي حاجة هناك, يعني عارف حاجات مختلفة,
وفي فترة من الفترات واحد من أصحابي بقى مقرب بعد جمعتنا مشاريع وحتى مكانات المواصلات والطريق واحد "تقربا", المهم في يوم من الأيام كان عندي إمتحان مؤجل فطبعا ذهبت ليه للمساعدة وهو مميز ما شاء الله, فجا كلام عن زمان والألعاب, ففي الكلام عرف أني عندي خلفية قوية نظرا لأني من عطبرة وهو من جهات النيل الأبيض لكنه جا الخرطوم أبدر, وأنا قلتليه "حقو نسجل الحاجات دي لأنها بقيت متلاشية", فمنها الفكرة.

فالمهم رغبتي في الحقيقة هي توثيق بحت, أذكر الألعاب وطريقتها ويمكن يكون عندها مسميات مختلفة عند الناس, فأكتب وأوثق وأحكي, أكيد ما هأذكر كل الأشياء, لذلك الموضوع في منتدى يسمح لمختلف الناس والأعمار يذكرونا ويوثقوا معانا, فالموضوع توثيق وهيتم إنشاء الله إذا بمساعدة خير وبركة وبكون أشمل, وإلا على الأقل أكتب الألعاب البعرفها أنا.

أبدأ أول لعبة,
زرد البصلة
والله بعد كتابتي لإسمها إتذكرتها وجاتني نشوة, قبل ما أبدا في مواصفات اللعبة ووو

هأسأل الناس بتعرفوها, كانت لعبة مؤلمة ومضحكة ورياضية لأبعد الحدود.

سؤال البعرفها يقول؟؟؟؟؟؟

وبعدها نوثق بصورة أجمل.



أحمد المجتبى غير متصل   رد مع اقتباس
قديم 17-10-2011, 01:55 PM   #[2]
ناصر يوسف
:: كــاتب نشــط::
الصورة الرمزية ناصر يوسف
 
افتراضي

اقتباس:
المشاركة الأصلية كتبت بواسطة أحمد المجتبى مشاهدة المشاركة
السلام عليكم,
من فترة في بالي فكرة للموضوع أو بالأحرى هو توثيق, فالموضوع توثيق للألعاب المختلفة أو التسلية زمان, فهنا هأكتب الألعاب القديمة الأنا متذكرها, هأكتبها وطريقة لعبها وأي معلومات عنها.

لكن حابي أقول بداية الفكرة متين وكيف, القصة,

أنا طالب بجامعة السودان,كنا في بعض المرات لو جا ذكر لمواضيع أو تعليقات أو حاجة معينة أو ذكرى "المهم من ضمنها الألعاب" مثلا "شد وأركب", معظم الشباب ما يعرفوها"الأجيال الجديدة" أو ممكن ما يهتموا, لكن في الغالب ما عارفين, أنا يا جماعة في الأصل دنقلاوي, وعشت طفولتي كلها في عطبرة من" لحدي 13" وبعدها جينا الخرطوم, لكن بنقضي الإجازات وأي حاجة هناك, يعني عارف حاجات مختلفة,
وفي فترة من الفترات واحد من أصحابي بقى مقرب بعد جمعتنا مشاريع وحتى مكانات المواصلات والطريق واحد "تقربا", المهم في يوم من الأيام كان عندي إمتحان مؤجل فطبعا ذهبت ليه للمساعدة وهو مميز ما شاء الله, فجا كلام عن زمان والألعاب, ففي الكلام عرف أني عندي خلفية قوية نظرا لأني من عطبرة وهو من جهات النيل الأبيض لكنه جا الخرطوم أبدر, وأنا قلتليه "حقو نسجل الحاجات دي لأنها بقيت متلاشية", فمنها الفكرة.

فالمهم رغبتي في الحقيقة هي توثيق بحت, أذكر الألعاب وطريقتها ويمكن يكون عندها مسميات مختلفة عند الناس, فأكتب وأوثق وأحكي, أكيد ما هأذكر كل الأشياء, لذلك الموضوع في منتدى يسمح لمختلف الناس والأعمار يذكرونا ويوثقوا معانا, فالموضوع توثيق وهيتم إنشاء الله إذا بمساعدة خير وبركة وبكون أشمل, وإلا على الأقل أكتب الألعاب البعرفها أنا.

أبدأ أول لعبة,
زرد البصلة
والله بعد كتابتي لإسمها إتذكرتها وجاتني نشوة, قبل ما أبدا في مواصفات اللعبة ووو

هأسأل الناس بتعرفوها, كانت لعبة مؤلمة ومضحكة ورياضية لأبعد الحدود.

سؤال البعرفها يقول؟؟؟؟؟؟

وبعدها نوثق بصورة أجمل.
أحمد المجتبي يا بني دنقل

تحياتي

حقيقي هي فكرة كويسة وبتتماشي برضو مع بوست هنا عن الأمثال الشعبيه السودانية وبوستات تانيه بتهتم بالتوثيق

يلا نحن معاك ومنك نعرف الما بنعرفو زي زرد البصلة دي يخربني ما سمعت بالإسم ده إلا هسي دي . إحتمال بعد شرحك ليها ربما أكون بعرفها بإسم تاني

يلا في إنتظار شرحك للعبة بتاعة زرد البصله دي



التوقيع:
ما بال أمتنا العبوس
قد ضل راعيها الجَلَوس .. الجُلوس
زي الأم ما ظلت تعوس
يدها تفتش عن ملاليم الفلوس
والمال يمشيها الهويني
بين جلباب المجوس من التيوس النجوس
ناصر يوسف غير متصل   رد مع اقتباس
قديم 20-10-2011, 04:42 PM   #[3]
أحمد المجتبى
:: كــاتب جديـــد ::
 
افتراضي

أهلا وسهلا , وشكرا ليكم,
بالنسبة للعبة الفوق هأبدا المواصفات,

الاسم : زرد البصلة

صفات : لعبة عنيفة ومؤلمة "كان الأهل يمنعوا لعبها" ورياضية وممتعة, لكن الصفة المميزة مؤلمة وممتعة,

من الاسم اللعبة فيها زرد بمعنى شخص, في نقطة معينة أو بشرط معين يزرد ويعصر شديد وسط نفرين" في كتابتي للنقطة دي "ذكرتني بالألم",

طريقة اللعب : يقسم الناس إلى فريقين وتبدأ التحديات "لأن اللعبة أصلا عبارة عن سلسلة من التحديات",
تبدأ بسيطة الحكاية "دايرة رسم والله", الفريق الأول "نفرين" يقعد في الأرض "متقابلين" ويشكلوا للفريق التاني التحديات المختلفة, تبدا بوضع أرجل الفريق الأول فوق بعض والفريق الآخر يتجاوزها بالنط بفوقها بوضعيات محددة "صم القيت" في المراحل الأولى, حتى تصل إلى أن يضع الفريق الأول الأربع أرجل فوق بعض والفريق التاني له القفز فوقها بحريةيشرط عدم اللمس, ومرحلة بعدها توضع أيادي الفريق الأول فوق الأرجل "كل لزيادة التحدي",
فإذا نجح الفريق الثاني يعاقب الأول بزرد كل فرد بين الأرجل "يجلس على الأرض والفريق الأول يعصرهم بتقاطع الأرجل وكل يجر رجل الآخر بقوة, والمسكين داك في الوسط",
طبعا إذا فشل الأول يبدأ دور الجماعة التانين,

"|العصرة دي مؤلمة يا جماعة والنطة العلية والمرمقة في التراب ممتعة"

النت ما عندي طوالي عشان كدا وثقوا طوالي, وممكن بطرق أحسن.



أحمد المجتبى غير متصل   رد مع اقتباس
قديم 20-10-2011, 05:07 PM   #[4]
بدور التركي
:: كــاتب نشــط::
الصورة الرمزية بدور التركي
 
افتراضي

يا احمد:
مالو عنوانك طويل زي لعبة الحبل


بتذكر من العاب زمان
لعبة كمبلت كمبلت كمبلوت لوت

ولعبة الحفرة
ولعبة السيجا
ولعبة العصاية

لو اتذكرت برجع ليك



بدور التركي غير متصل   رد مع اقتباس
قديم 27-10-2011, 11:03 AM   #[5]
أحمد المجتبى
:: كــاتب جديـــد ::
 
افتراضي


وعليكم السلام أخت بدور, العنوان ممكن يكون طويل ذي لعبة الحبل, لكن أنا قلت الغرض الأساسي هو التوثيق يعني ما داير أجزب الناس بعنوان منمق, العنوان به الحقيقة القصة المختصرة,
ومتزكر الألعاب القلتها "تقريبا" بس زكرها ما يعطبر توثيق لأننا بننسى طريقة اللعب, فعشان كدا كلام بسيط عن اللعبة بيثبتها ويخلي الناس يعرفوها إذا عندها إسم تاني, شكرا ليك, بعدين الحبل دي منو والله ما ما عرفتها, ما تكوني قاصدة نط الحبل بتاعة النفرين يلفوا الحبل والجماعة جوا ينططوا لحدي ما, بتاعت الأرواح ديك والله كانت جميلة, لكن البنات هم أصحاب اللعبة فأنحنا ما كنا بجودتهم.
وبعدين العصاية دي منو والحفرة دي البتتلعب بالزرار بتاع القمصان دا "بتذكر زمان البلقا ليهو قميص مخستك دا كا نلقا غنيمة" ولا ما ياهة, ولا تكوني قاصدة طقش طقش الذي البلي لكن في حفرة, ولا أقوليك آخر تخمين وهي لعبة البنات فيها الأفضل بتاعت تجع الحصا فوق وتحصل الفي الحفرة أو حاجة زي دي, متذكر حفرة وحجار صغيرة تتطاير, وتشيل من الحفرة وتطلع برة بنظام حاجة زي دي, أظن دي الصحيحة.


في نقطة مهمة في لعبة زرد البصلة, هي اللعبة لازم تلعب في أرض ساهلة وطرية نوعا ما, يعني ترابية ما تكون جامدة, لأن اللعبة فيها "نطات" عالية,
وفي حاجة نسيتها, بعد ما في عملية الزردة, تقريبا الفريق مكون من إتنين أو ثلاثة ما عارف بالظبط, المهم الزرد يكون بالدور نفر نفر والإتنين أو الواحد البرا يحاول يخلص زميله من قبضة "زردة" الفريق المنافس, وفي اللحظات دي الشخص المزرود يكون في معانة من القبضة بالإرجل وزميله البحاول يجره ويملصه من بينها, وكمان على ما أذكر النط أو محاولة إجتياز درجات اللعبة عندها شروط أدق, منها النط بالأرجل مضمومة, لحدي ما تكون عالية بثلاث أرجل فوق بعض, يبدأ تتغير طريقة النط

"الحكاية تبقى صعبة, بعد الأربع أرجل فوق بعض "طبعا دي رجلين الفريق الأول وهو جالس على الأرض يعملها", فبعد الأربع أرجل توضع اليد الأولى وتكون في وضعية "الشبر", ثم الثانية وبنفس الطريقة الثالثة والرابعة, والله الحكاية محتاجة مرونة بتاعة جسم غريبة "ما شاء الله علينا زمان", الكلام دا كان يحصل من الفريق العلى الأرض, بيصل مرحلة يكون اللاعب يدينو فوق ما متكل على شي,

فقط مرونة وقوة بطن وكدا, وفي الحتة دي بيكون الحاجز بقى عالي جدا, الفريق يشمر السواعد في كل مرحلة ويجي جاري ويتجهز وينط نطة جميلة وفاهمة من غير ما يلمس وفي نفس الوقت لازم يمر بأعلى نقطة اللهي في نص", بعداك اللعبة تستمر بالطريقة دي تقريبا.


من الألعاب الجميلة الممتعة المزكرها كويس جدا "لأن لعبتها قريب كم سنة لورا"

لعبة سكج مكج



التعديل الأخير تم بواسطة أحمد المجتبى ; 27-10-2011 الساعة 12:27 PM.
أحمد المجتبى غير متصل   رد مع اقتباس
قديم 07-11-2011, 01:45 PM   #[6]
أحمد المجتبى
:: كــاتب جديـــد ::
 
افتراضي

الاسم : سكج مكج

صفات : تلعب بالعصايات من أنواع معينة من الشجر لأنها محتاجة تستحمل, بها "عصاية وضقل" عندها شروط معينة للإختيار, اللعبة ممتعة لدرجة غريبة, خصوصا عند ضربك للضقل بالعصاية اللحظة دي.....

طريقة اللعب : بإختصار, بعد تجهز العصاية والضقل, من نوع قوي من الشجر, ننقسم لفريقين, وتبدأ المرحلة الأولى بإستخدام القوة والعصاية تقرف الضقل من الحفرة لبعيد, والفريق الثاني يحاول لقفوا أو من بعد يقع يستخدم مهارته ويرميه ويضرب العصاية من بعيد, إذا عدت الحتة دي, تبدا المرحلة التانية, وفيها تضرب الضقل ضربة خفيفة تخليه يطير لعلى معين, وبعدها وبسرعة تضربه ضربة قوية "تتمقى فيها" يصل بعيد, وبعدها عندك 5 ضربات بنفس الطريقة لكي توصله أبعد مسافة ممكنة, ومن هنا تحسب النقاط, والفريق التاني ليه المحاولة ومسك الضقل في وسط هذا "خطرة", وبرضها عايزا مساحة مناسبة كنا بنلعبها في الشارع عادي بس نخلي مساحة قدامنا.........


لعبة شد وأركب



أحمد المجتبى غير متصل   رد مع اقتباس
قديم 10-11-2011, 11:51 AM   #[7]
bayan
:: كــاتب نشــط::
الصورة الرمزية bayan
 
افتراضي

بوست موفق جدا

لدي صديق كتب بحثه عن العاب الصبية
جمع كل اللعبات دي ممكن تلقاه في مكتبة المعهد العالي للموسيقى

والمسرح
اسم الباحث مصطفى آدم دراج


هاك دي لعبة بنات بريلا بيرلا برلالالا المرسال جاكم


انا برضو من عطبرة الداخلة



التوقيع: http://bayannagat.blogspot.com/2013/...post_4173.html

شهوة ان تكون الخصومة فى عزها
واضحة ..
غير مخدوشه بالعناق الجبان
فقبلات من لا اود حراشف سردينة
وابتسامته شعرة فى الحساء

من شهوات مريد
bayan غير متصل   رد مع اقتباس
قديم 12-11-2011, 11:35 AM   #[8]
أحمد المجتبى
:: كــاتب جديـــد ::
 
افتراضي

شكرا ليك يا بيان وجاري البحث عن "الباحث والبحث", ولعبتك دي جبتيها من وين, إسمها براه عجيب, لكن نظرا لأنها لعبة بنات ف...., وأجمل مافي الداخلة "الشجر", أنا مرة زمان طشيت, هي ما طشة لكن "حوامة" المهم حمتها تمام وسبحان الله.

اسم اللعبة : شد وأركب

صفات : لعبة بسيطة نوعا ما وفيها مجهود عضلي.

طريقة اللعب : بالجد أنا ما متذكر منها حاجة ولا حتى شروطها بس متذكر أنو بتركب ظهر المعاك ويشيلك ويقوم جاري بيك, لكن الشروط وكدا ما متذكرها بالظبط لكن أظن فيها جري وخطوط وكدا "مسحتها".

لعبة حنجلة يا ......



أحمد المجتبى غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 05:39 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.