جقادو (شمس تأبي أن تغيب) وتحية خاصة..

[عصمت العالم]

العزيز حمدى ابو جقادى..

هذا الشاب منحة من السماء لنا جميعا..يدخل كل القلوب كالنسمه وتنشرح له كل الافئده..وتبادله الالفه والحب..تحس مجاورا ملازما متابعا متخلالا لك فى غياب اللحظة وحضور ا الذات.يمنح بلا حدود الوان ابداعه ويشكله بخفة روحه وجسارة الراى وطرفة الحكى.يظلل سماء الكون بابداع الجمال...ظهرت امكا نياته المتعدده فى عدة مجالات .خلاق ..وفنان.وموهوب.وابان تمكنه الفنى وهو يشرح خصائص المنتدى الجديد ..امكانياته وجوانبه واسراره بطريقة السهل الممتنع.وبظرف ولباقه..وتكنيك.. مضيافا لجوانب تفرده مدى وبعدا ومساحات متعدده ومتلونه..
لا استطيع غير ان اقول ان حمدى فلته.ومعنى.وقيمه..ورفقه.والفه..وفن .وتمكن..وذوق
اسعدتنى..واسعدتنا معرفته ومشاركته ..وملاطفته..وتداخلاته التى احبها الجميع.واحبه الجميع من خلال لمساته وصحكاته وتعليقاته ومشاركاته..
وكمال قال الباشمهندس خالد الحاج..حمدى انت شمس لا تغيب..
حفظك الله.وابقاك..
عميق ودى ومحبتى وتقديرى وإعزازى ...يا ايها الرجل الجميل النبيل

[أبومناهل]

[align=right][align=right]حمدي أبجقادو ... متميز كسودانيات وسودانيات متميزه به وحبوب وحبيب وأخو أخوان وود بلد أصيل وكل الكلام ده تحسو من كتاباته ( الماهلة ) ... كلام حق ما ( نفخ ) وأقوله بصدق أبجقادو يستاهل تكريم خصوصي من سودانيات وذلك بوضعه في الكرسي الساخن الذي إبتكره لنا ونام على كده ...[/align][/align]

[حمدي اب جقادو]

المشاركة الأصلية كتبت بواسطة أبوجهينة

لا غرو .. أن يكون هذا الشبل من ذاك الأسد الهصور .. شيخنا الوقور المغفور له الشيخ شريف.
جقادو .. يوم شكرك ما يجي

[align=center][/align]
عزيزي وقريبي الاديب القاص (ابوجهينه)
اسعد الله اوقاتك بكل ماهو جميل ياغالي

شكرا ابو جهينه علي الاطراء الذي لااستحقه (وصدقني خالد هو الختاني في الحته الضيقه دي وانا ماقدرالكلام ده)

ابوجهينه
انا وين وشيخ شريف ادريس وين ؟؟؟؟ ياخوي شن جاب السماء للواطه (ابجهينه ماتتم البداها خالد) والله الكلام ده اكبر مني

عزيزي ابوجهينه
مره ثانيه شكرا علي الكلمات التي لايستحقها شخصي الضعيف ولكن كلي امل باان اكون عند حسن ظن الجميع

ويلا ابقي شمس مابتغيب
حمدي اب جقادو

[align=center][/align]

[حمدي اب جقادو]

المشاركة الأصلية كتبت بواسطة مي هاشم

حمدي يا دفعة

والله صدقوا..سودانيات بيك شمس دايما

الدفعه الغاليه ميويه
اسعد الله اوقاتك بل ماهو جميل ومبهج سيدة الحرف الدافي الحنون

ميويه
يشهد الله فرحتني بي جيتك وشكرا علي كلمات الاطراء التي لايستحقها دفعتك جقجق (لكن الله غالب)
شكرا مره تانيه يامي وجد سعيد بي وجودك في هذا البوست (وسيبي الغياب وارجعي واصلي زي زمان) ولا دي التقله ؟

ميويه ابقي شمس
حمدي
[align=center][/align]

[حمدي اب جقادو]

المشاركة الأصلية كتبت بواسطة أبو الحسين

ما عندي شئ تاني أقولو أكثر مما قالوهو الإخوة قبالي غير أنني أُحبك يا أب جقادو في الله تعالى...
...

الزول الحنين بالحيل والزول الروعه بالصح
ابو الحسين (جمال ابريده)
صباحك عسل وقشطه ياراجل

وانا والله ماعندي شي اقولو الا (انني احبك اكثر من حبك لست ريدك ياابريده) ويشهد الله اني لمن ادخل منتدي الحوار اول شي بكوس مكان انت موجود (وربي علي مااقول شهيد) وبس يااب ريده

ابقي شمس ياابريده
حمدي جقجق
[align=center][/align]

[حمدي اب جقادو]

المشاركة الأصلية كتبت بواسطة mohamed hemaid

حمدي أخوي..
سلامات أيها الاستاذ المبدع ..
الله يخليك بقيت لينا شرّاح ودكشنري..
كفاك لا حدي هنا..
لكن بيني وبينكم (الحبيب حمدي) منجض شغلو ومافي بصيص أمل لي..
.

الحبيب الحبوب ابو الشافعه العسوله دي
الرجل الروعه الرجل الزوق (محمد حميد)

اسعد الله اوقاتك بكل ماهو جميل ياغالي

الحبيب حميد
شكرا نبيلا علي الكلمات الاطراء التي افحمتني بها فانا والله لم استحقها (الا بس هي شربكة شوايقه ساكت)

اخوي حميد يشهد الله اني احبك اكثر من حبك لست الريد وبتك السغنتوته دي .. والزول الانا بحبو لمن يمكتب فيني كلام زي ده انا بي صراحه بتجرس (يعني بالمفضوح بدمع)لوووول

انت عارف ياحميد لقب استاذ الانت اطلقتو علي ده انا اخر مره سمعتو كان سنة 97 وانحنا بندرس كورسات لابنا دنقلا الممتحنين شهادة ثانويه (عشان يتنيلو يدخلو الجامعات) فلمن قريت كلامك جاني احساس غريب كده ياربي ده يكون من شنو ياسنجك اليوم الابيض ؟؟؟

الحبوب حميد مره تانيه وتالته شكرا كتير علي كلماتك المعبرات ويارب اكون عند حسن ظنكم بي دايما وياربي مايخزلني معاكم

ويلا ياحميد ابقي شمس مابتغيب
حمدي اب جقادو
[align=center][/align]

[حمدي اب جقادو]

المشاركة الأصلية كتبت بواسطة عجب الفيا

هذه واحدة من فيوضات ابوجقادي التي سوف لن تغيب عنها الشمس
لانها تظل محفورة في الذاكرة دوما ،
يا ليتني شاعر كنت سارد التهنئة باحسن منها ولكن ..

الحبيب عجب الفيا
سلامات يازوق

وصل ياحبيب وزيكانك رديت بالاحسن منها (ياخي نحنا لاقينك وين بس)

لك التحيه عزيزي الفيا ويلا ابقي شمس مابتغيب

حمدي ابجقادو

[حمدي اب جقادو]

المشاركة الأصلية كتبت بواسطة عصمت العالم

لا استطيع غير ان اقول ان حمدى فلته.ومعنى.وقيمه..ورفقه.والفه..وفن .وتمكن..وذوق
وكمال قال الباشمهندس خالد الحاج..حمدى انت شمس لا تغيب..
حفظك الله.وابقاك..
عميق ودى ومحبتى وتقديرى وإعزازى ...يا ايها الرجل الجميل النبيل

العزيز الشفيف معتصم كل العالم
كل سنه وانت طيب ياحبيب وربنا يسعد اوقاتك بكل ماهو مبهج وجميل
عزيزي كل العالم
كلماتك تمنحني الثقة حتى خشيت على نفسي من الغرور اشكرك على منحي اياها ولكنني في النهاية تلميذ في مدرستك
فلا عجب ان املك شيء من التميز وما ذلك الا بعض مما عندك وخلق من صنعك وأثر يدل عليك دمت المعلم والصديق

شكرا استاذي معتصم
ويلا ابقي شمس مابتغيب
حمدي اب جقادو
[align=center][/align]

[حمدي اب جقادو]

المشاركة الأصلية كتبت بواسطة أبومناهل

[align=right][align=right] أبجقادو يستاهل تكريم خصوصي من سودانيات وذلك بوضعه في الكرسي الساخن الذي إبتكره لنا ونام على كده ...[/align][/align]

ليه بس ليه ؟؟ انا كتلت منو من اهلك

استاذنا الكريم والرجل الحبوب
السيد احمد ابراهيم (ابومناهل)
اولا كل سنه وانت طيب ياراجل يازوق وان شا الله السنه الجايه رمضان في قلب الخرطوم واكون انا معاك عشان افطّرك غصب عنك في مطعم الحاتي في نمره اتنين

ابومناهل
ايها الرائع اشكرك شكرا نبيلا علي كلماتك التي (اخجلت تواضعي) السيد اخوي والله حمدي اخوك مابستاهل الكلام ده كلو (الا عاد بس زي ماانت شايف الشوايقه ديل اتشربكو فيني ساكت)

لحد هنا الكلام الناعم كمل

شنو ياسيد يعني حركات الجيش الانت بتعمل فيها دي .. كرسي ساخن شنو ياخوي كده صلي علي رسول الله وخت الكوره واطه

سيد ياغالي مره تانيه شكرا ليك وراجع بريدك الخاص

وابقي شمس مابتغيب
حمدي اب جقادو

[align=center]وشكرا بي كل لغات الكون [/align]
[align=center][/align]

[مصدق]

كن يا حمدى كما أنت .. دوما شمس لا تغيب ،،
لك التحيه و التهنئه بما أنت أهلا له .

[Garcia]

ليه بس ليه ؟؟ انا كتلت منو من اهلك

loooooooooooool@ ابومناهل
تعرف دى يا حمدى بسموها شنو ؟؟؟؟؟؟
وانقلب السحر على الساحر

اب جقادو يا جميل اقول ليك :
مااجملك .. واروعك .. فهنيا لسودانيات بك ..

[عطر]

المشاركة الأصلية كتبت بواسطة خالد الحاج

يا حمدي أبقي شمس ولا تغيب ..

[خالد الحاج]

المشاركة الأصلية كتبت بواسطة عطر

يا عطر يشهد الله ده إسمه الشوق الخلاكي تنكتي البوست ده من الرف
الله يديك العافية الزول أنا عارفو قلبو حجر

[عطر]

المشاركة الأصلية كتبت بواسطة خالد الحاج

يا عطر يشهد الله ده إسمه الشوق الخلاكي تنكتي البوست ده من الرف
الله يديك العافية الزول أنا عارفو قلبو حجر

يا خال... إن شاء الله هو يكون سعيد وأنا خلي حالي بجي أحكي ليك ...


[rams]http://shahss.com/song/safuat-ashtgtlik.rm[/rams]

[محمد ابراهيم قرض]

جقادو ..
وينك يا راجل .. و الله ليك وحشة ..
شوف يا شيخنا فقد شهد شاهد
من أهلها ... ود الحاج الشكر ما
بيطلع منه بالساهل ... معنى الكلام
انت تستحق الشكر وزيادة ... و ياخي
الناس لازم توفيك حقك و انت كل يوم
تنَور و تجمًل لينا هذه الدار الفسيحة ...
عارفك مليان تواضع ... لكن انت راجل
هميم و كريم و صاحب مروة .. عشان
كده الشكر هنا من داب التعريف بالفضل
و غصبا عنك تقبلو ... و لو ما قبلتو حنهريك
بالمزيد من الشكر .. أها رايك شنو ؟؟؟