تطاردني ولي تسك ....
تاني ما بتلقاني
لا برة لا في الفيس بوك
تطاردني ولي تسك
******
تسوي طلب صداقة
عشان تقوي العلاقة
تاني ما بنتلاقي
يا الفي اخلاصي بتشك
*****
تهنضبني برسايلك
اروق فيك واحايلك
مليت انا عمايلك
ومليتك يا الفيس بوك
******
اقبل صداقتك ووووب
اتجاهلك شقيت يادوب
واخير لي مساخة الروب
ولا سماحة جبنة بوك
******
الفيس بقي حالتو حالة
بقت حالتو بطالة
يلملم في العطالة
والشباب للجامعة يدك
******
تاني ما بتلقاني
لا برة لا في الفيس بوك
تطاردني ولي تسك ...
وطوالي اونلاين
بكاميرا الويب تعاين
زمان بعت يا خاين
وراي ح تجري وراي تسك
******
|