إلى هــدى الأمين مع حبــى !!! عايــد عبد الحفيــظ

إلى كل الأحباب في سودانيات !!! ود المامون

أصلي سميتك وطن !!! أريج محمد

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!
آخر الأخبار العالمية

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 22-07-2021, 10:14 AM   #[1]
علي الشيخ
Guest
 
افتراضي الشطه،،،،،،

*بي 📝 الحنين*،،،،
*د. علي الشيخ*،،،،،،

*الشطه،،،،،*
من ما نجيب سيرتها،،،،
الزول ريقو بجري 😋😋😋
و عرقو ينقط 😅😅😅
ونخرينوا يسيلو 😤😤😤
*الشطه،،،*
ليها ناسها،،،، البسوها ،،،، ما اي زول يجي ناطي يعملها،،،
هي زي القطعيه في الحلاقه،،،
و زي شوتة البنلتي في الكوره ⚽،،،
الشطه دي *الحمراء*🌶️ فيها،،،، ختره ،،،، و *الخدرا* ،،،، منها خليها ساي،،، اصلوا الخدار ده سمح في أي شيء،،،،
في ناس متخسسه جدا،،، خبره،،، بتعرف تعزل الشطه الخدرا دي بالذات،،،، تلقاهو يشيل واحدة و يرجع اربعه،،، زي منافسات التأهيلي للممتاز،،،،
بعرفها من اللون،،، و الطول،،،،
و الملمس ،،، و الراس،،،، يعني *Interview* عديييييل كده 🤔 🤔 🤔 ،،،،
الشطه دي براها ما بتنضاق،،، في ناس الدكوة،،،، الملح،،،، الليمون،،،، و حبة مويه،،، و شوية خل،،،،
ديل زي الكمنجات ،،،،، و بشبهو لعيبة النص في فريق برشلونه،،،،
و مهمين جدا،،، جدا،،،، زي محضرين العمليات،،، عندنا ،،،،
الناس البعرفوا الاكل،،،، ما ناس اللهط،،، ناس المزاج،،،، ديل بقعدوا بي زاويه منفرجه،،، بقابلوا محل صحن الشطه،،، بكون زي صينيه الحركه،،،، يلف يمين يغمس،،، يلف شمال يغمس،،، يترتر لي وراء برضو يغمس،،، يدقش ليهو يد زول داخل غلط علي الصحن،،، ما برجع يده،،،، بغشي صحن الشطه يغمس،،،
ده من الاول لو ماقعد صاح ونشن على صحن الشطه،،، ما بقدر يوزع الباصات دي بالساهل كده،،،
ريقكم جرى،،،، 🤣 🤣 🤣
نواصل ،،،،
*الشطه القبانيت،،،،،*
احححححححححح،،،،،
قرن الشطه القبانيت أحر من الشاكوش البجيك من طرف الحبيب؟!!!!
بتعرفوا شطة الدنقابه ،،، دي ترخيص *هيئة دبلوماسيه عديل كده CD,,,,*
في شطه مربوطه بي اكل العجور،،،
و التبش ،،، دي بتقوم النفس،،،،
تلقى *ست التبش و لا العجور،،،* بتراقبك في الغميس،،، عشان ما تغطس أصابعك،،، مشغله عيونها 👀،،،👀 *زي الكديس 🐈 اللابت للفار 🐀*،،،، فجأه كده تدقك من يديك🤛🏻،،، هوى يا ولد ماتغطس يديك في صحن الشطه،،، الأولي دي معاها كرت 🟨 البعدها كرت 🟥 و تقوم تشتت تلحس اصابعك متحسر،،،
في حرفنه هنا،،، تغطس التبش ولا العجور🥒 مسافه عشان يشرب و يرتوي بالشطه،،، و دي فيها حسابات زمنيه،،، تقرب ست العجور و لا التبش تصفر ليك سارق،،،
*الشطة حقت اللحمه ،،،،،*🍖🍗🦴🥩 براها ،،،،،، مسبكه ،،،، فيها من اللون الأحمر حسب جرعة و قوة الشطه،،، صحن،،،، وصحن تاني ،،،، للمؤلفة قلوبهم،،، لونه بني فاتح،،،، فاتح للشهيه،،،
و *شطة السمك،،،* براها ،،،، حسب الفروع،،، للعجل و البلطي،،، و القراقير و الصير،،، ديل بدون شطة زي صحبة راكب،،،
*شطة السندودشات،،،،* براها 🌭🌮،،،، حسب المشطور بين الشاطر،،، في شطه خفيفه و تانيه يشتتوها ليك زي شتيت العيش لي ودابرق و عشوشه،،،
جربتوا *شطة الطعميه،،،* تحفه،،،، معاها مويه جبنه،،،،، اشششششش،،،،
دخلت علينا *المنقه 🥭 بالشطه،،،،،،،* ده شيتين جانا جديد،،،،
اكل أهلنا الطيبين للشطوط،،،
في ناس بتعاين من الشباك،،،
و في ناس امشي و اجيهو راجع،،،،
و في ناس نظره،،، و في ناس من بعيد،،،، لي بعيد،،،
*الشطة سمحة* و بتخليك تأكل لكن بتوريك الويل في عز الليل ،،، و الضهر و العصر، بي مرورو،،، و أي وقت ما بتسترك ولله،،،،،


*كان عايز تمغس زول،،، قول ليهو ما تاكل شطه*

*د. علي الشيخ*
*الحنين*
*ينبع البحر*
*السعوديه*
*٢٣ يوليو ٢٠٢١*



  رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 05:15 PM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2021, vBulletin Solutions, Inc.