خاطرة وليس تظلماً أو شكوى

[أمير الأمين]

دى حبة حساسية زايدة منك يا مقدس
البوستات المعنونة بالاسماء(شخصية او حزبية الخ)
تكون جاذبة و اكثر عرضة للفت النظر و التداخل
لا يكفى ان نقول ان عنونة اى بوست فيه اساءة
ما لم يتبعه اساءة حقيقية من مفترع البوست داخل متنه



دم بخير

[معتصم الطاهر]

لا عيب فى ذكر اسم ..

المسألة فى السم بعد الاسم

[أبو جعفر]

المشاركة الأصلية كتبت بواسطة كيشو

طبعاً أكيد يكون عندي كلام في الموضوع دا
ودا حيخليني أؤجل الاحتجاب الذي أفكر في الدخول فيه قليلاً
الراجح عندي أن استهدافك أو التعامل معك باعتبارك (مسيحي) موجود ولكنه على نطاق ضيق جداً
بعدين مسيحي شنو الماسك فيها دي كمان؟ قبل يوم واحد أنتا ركّبوك مع المسلمين في سرج واحد؛ بس اعتبروك إصدار قديم

مرحبا كيشو وعساك بألف خير
وإسلام رأفت قال به القرآن الكريم وغيبه الطغاة لأن وجود حالة عداء في مواجهة المجتمع أو داخله تجعل الشعوب أسلس قياداً...

قال تعالى: {وَإِذْ أَوْحَيْتُ إِلَى الْحَوَارِيِّينَ أَنْ آَمِنُوا بِي وَبِرَسُولِي قَالُوا آَمَنَّا وَاشْهَدْ بِأَنَّنَا مُسْلِمُونَ (111)} المائدة. والآيات كثيرة في هذا المعنى.

المهم في هذا الموضوع هو تحقق الترابط في المعطى الإلهي فالأديان الإلهية هي كم مترقي ومتراكم عبر الزمن فرغم أكتمال نزول القرآن في القرن السابع إلا أن الفهم له يتجدد بتجدد الزمن وتطور العلوم.

[كيشو]

المشاركة الأصلية كتبت بواسطة كيشو

بعدين مسيحي شنو الماسك فيها دي كمان؟ قبل يوم واحد أنتا ركّبوك مع المسلمين في سرج واحد؛ بس اعتبروك إصدار قديم

المشاركة الأصلية كتبت بواسطة أبو جعفر

وإسلام رأفت قال به القرآن الكريم وغيبه الطغاة لأن وجود حالة عداء في مواجهة المجتمع أو داخله تجعل الشعوب أسلس قياداً...

قال تعالى: {وَإِذْ أَوْحَيْتُ إِلَى الْحَوَارِيِّينَ أَنْ آَمِنُوا بِي وَبِرَسُولِي قَالُوا آَمَنَّا وَاشْهَدْ بِأَنَّنَا مُسْلِمُونَ (111)} المائدة. والآيات كثيرة في هذا المعنى.

هسي يا أبا جعفر؛ رأفت دا ما بوّظت ليهو كفرو القاشر بيهو في نصنا دا
كُفُر رأفت بس؟ البوست دا ذاتو نفّس، وكلامي الكنت عايز أقولو، وحاجات وحاجات

[معتصم الطاهر]

لو المسألة ما لوائح و أخلاق كتابة كنا اتكلمنا عن اسلام جعفر و الابراهيمية و الحنفية ..

لكن دى نفتح ليها بوست براهو ..

أسع حقو الناس تحترم عقائد بعض .

ما ممكن افتح بوست باسم رأفت و اعتذر ليه بعد المداخلة العاشرة
ويقوم واحد تانى من الدواعش يفتح بوست باسم رأفت و يوضح مقصدو فى المداخلة رقم عشرين ..

ياخ رأفت دا بقولو ليهو كافر و بضحك .. تقول ليهو "مسيحي" .. و هو ذاتو عندو راي فى كم من المسيحيات .. و افكار .. و شرح ليكم شنو بروتستانت؟ و كيف احتجو؟
يعنى رأفت دا مطلوب منو يرفع كل مداخلاتو ..!!!!

غايتو "كفر" رأفت دا ما داير اقول افضل من اسلام البعض لكن "أسمح".
ورحم الله امرئٍ سمحا..

[فيصل سعد]

المشاركة الأصلية كتبت بواسطة رأفت ميلاد

سلامات يا باذخ

بقول خاطرة ياخ .. يعنى حاجة نزلت على كده من الله

عموماً كلامك واضح بس أرجو تعميمو وما تخصيصو الىّ عشان ما تكون محسوبية وريدة أولاد برى لأولاد إمتداد ناصر

نوعية العناوين دى تعمد لعدم تتحييد القارئ من قولة تيت بإستعمال نوع من العنصرية .. ألا تعتقد ذلك؟

كيفنك يا جلك
بضم الجيم و كدا،

طيب ما اهوندا انت بتعرف الله،، مالو كيشو شابكك كافر و زنديق و لاعن سنسفيلك و باهتك،، قلت لي الله نزلها ليك كدة بس؟؟ هسا لو كان نزل ليك فرنكات كان جليت الموضوع و لبدت و عملت زغبير!!!

المهم انا متفق مع رأي أخونا أمير الأمين في مسألة تخصيص و عنونة البوستات، مع احترامي الكامل لوجهة نظر و رؤية أستاذنا النور يوسف، و أعتقد لكل بوست خواص و سمات و رؤى متعددة.. و أعتقد العنصرية ما عندها دخل و لا وجود لها أساسا في هذا الموضوع..

و أرقد عافية..

[صديق عيدروس]

المشاركة الأصلية كتبت بواسطة معتصم الطاهر

لو المسألة ما لوائح و أخلاق كتابة كنا اتكلمنا عن اسلام جعفر و الابراهيمية و الحنفية ..

لكن دى نفتح ليها بوست براهو ..
.

اظنك تقصد الجناح السياسي ل(القاعدة وداعش) ،،،،
الحنفية والابراهيمية شيئ مختلف تماما ياباش

[معتصم الطاهر]

المشاركة الأصلية كتبت بواسطة صديق عيدروس

اظنك تقصد الجناح السياسي ل(القاعدة وداعش) ،،،،
الحنفية والابراهيمية شيئ مختلف تماما ياباش

ومن قال بغير ذلك ؟

[عبد المنعم حضيري]

أرجو أن يتواصل النقاش حول حرية الرأي وحدودها داخل المنبر وأن لا يقتصر ذلك على البوستات المفتوحة بأسماء أشخاص ليشمل مفهوم حرية النشر على إطلاقه...كما أرجو تناول هذه البوستات (موضوع هذا البوست) كل على حدا ومحاولة التفريق بين فكر وأيدلوجيات كاتبيها وبين ثوابت الدين (إسلامي أو مسيحي) ... إذ ليس بالضرورة الإنتماء لفكر ديني معين للتصدى لهفوة مثل هفوة أخونا رأفت عندما سب أئمة المساجد ... ومن يعتذر عن شئ هو بالضرورة أدرك أنه أخطأ وإلا لم إعتذاره ؟؟؟ومن أخطأ وإعتذر عن خطأه فما الداعي لمحاولة إلباس ذلك الخطأ وذلك الإعتذار ثوباً آخر مقترناً بحرية الرأي وإسقاطات اللوائح ....

[أسعد]

سبحان الله ياخ
تخاطر توارد عجيب ياخ، قبل شوية نزلت بوست يحمل نفس الفكرة

عموما يا عمنا، هي الدنيا دي بتطور كيف؟!
ما بي جنس دا
تسامح الأديان الحقيقي ينتج عن طريق الاحتكاك المباشر الزي دا
فالكلمات المثالية والشعارات البراقة لن تحدث تغييرا
لكن الاحتكاك هو البحقق التغيير
أنا أجي اسخر منك ومن دينك، أنت تتفاعل مع سخريتي ونتشاكل ونطلع الجوانا دا
عشان في النهاية نكتشف حقيقة الأشياء لمن نطلع الجوانا

الأشياء ما ح تاخد مجراها الصحيح إلا عن طريق الصراع والدفاع عن حقوق الفرد كل على حدا
حاسدك كونو يكون مقامك بيننا مقام عمتنا العظيمة روزا باركس التي لعبت اعظم دور في تاريخ محاربة العنصرية...

[كيشو]

المشاركة الأصلية كتبت بواسطة فيصل سعد

كيفنك يا جلك
بضم الجيم و كدا،

طيب ما اهوندا انت بتعرف الله،، مالو كيشو شابكك كافر و زنديق و لاعن سنسفيلك و باهتك،، قلت لي الله نزلها ليك كدة بس؟؟ هسا لو كان نزل ليك فرنكات كان جليت الموضوع و لبدت و عملت زغبير!!!

..

هههههههههههه
عليك الله يا فيصل الجلك دا ما قاشر بي كفرو في سودانيات دي؟
أنا شخصياً مصلحتي يبقى معانا عشان ألزمو ليك بالدين، مرة في فترة غيابك كبّ ليهو كلام بتاع كفار ولم يرمش ليهو جفن، كتبت ليهو: والله هسي تلقى في واحدين هنا حاسدنك على كفرك دا
أها تعليقي دا قرب يكتلو بالضحك، أكيد يكون قعد اتخيل الحاسدنو منو

[صديق عيدروس]

المشاركة الأصلية كتبت بواسطة أبو جعفر

وإسلام رأفت قال به القرآن الكريم وغيبه الطغاة لأن وجود حالة عداء في مواجهة المجتمع أو داخله تجعل الشعوب أسلس قياداً...

ياراجل ،،،،

[فيصل سعد]

المشاركة الأصلية كتبت بواسطة كيشو

مرة في فترة غيابك كبّ ليهو كلام بتاع كفار ولم يرمش ليهو جفن، كتبت ليهو: والله هسي تلقى في واحدين هنا حاسدنك على كفرك دا
أها تعليقي دا قرب يكتلو بالضحك، أكيد يكون قعد اتخيل الحاسدنو منو

دي زي نكتة الخواجة الكاثوليكي زوجته مكرهاو الدنيا، قرر يخش الإسلام و يخلص منها، مسلمين اصحابو في الشغل بشرحوا ليو ببساطة عن الدين و العبادة و كدا و زولك اقتنع تب و اتفقوا على المواعيد يسوقوه المسجد للإشهار، نط ليو واحد عكليتة متلقي حجج و مسخوت و لميض و لديح، قاليو يا خواجة هوي راجع نفسك و الحق روحك قبال تغطس، ناسك السايقنك و ماشي معاهم ديل عندهم شهر اسمه رمضان، يمين و حرم و على بالطلاق اخير منه الف مرة مرتك المعذباك دي...

[عادل عسوم]

غايتو يا معتصم الطاهر انت وابوجعفر (فهمكم) لي دينكم ما بعيد كتير من بعض

[أبو جعفر]

المشاركة الأصلية كتبت بواسطة كيشو

هسي يا أبا جعفر؛ رأفت دا ما بوّظت ليهو كفرو القاشر بيهو في نصنا دا
كُفُر رأفت بس؟ البوست دا ذاتو نفّس، وكلامي الكنت عايز أقولو، وحاجات وحاجات

مرحبا كيشو
وحقيقي نحن عشنا زمن كان الدين تخصص يهم القساوسة والفقهاء ونلجأ إليهم في حالة الحاجة مثل مسائل الأحوال الشخصية والعبادات مثلهم مثل أي نجار أو بناء ..

ومن هنا كان المسيحي هو مسمى مثل الشايقي والرباطابي فهو الجار وزميل الدراسة والعمل ... وأذكر كان معنا مهندس مسيحي في الطيران المدني أسمه شوقي ... وعندما أسلم أخرجت فيه مزحة بأنه فقد مهارته في العمل..

وفي هذا الجو من إهمال العامة للدين أنتهز أهل الطغيان والتطرف العداء للدين من جهة اليساريين ... واستغلال الدين بعد تحريف تعاليمه من جهة أنصار السنة والإسلامويين .. ووصلوا في ذلك حدود لا تصدق فسمعنا بـ أن نقتل أصبح اسهل من إلقاء تحية ... ومن الجهة المقابلة بـ فلترق كل الدماء...

المهم الآن نحن محظوظين لأن القرآن الكريم محفوظ .. وهو نص يوافق تماماً فكر ما بعد الحداثة ويتفوق عليه .. ومن هنا علينا نحن العامة أن نلجأ إليه لنكتشف حقيقة الوحي الموحي فكراً ... والإسلام الرابط لدين الله وترقيه عبر الزمن .. وكما ذكرت سابقاً نحن نحتاج إلى موسوعة لكي ندرك مدى التحريف الذي قام به الطغيان الأموي والعباسي في تاريخنا القديم والسلفية والصوفية والإخوان في تاريخنا الحديث في أصول الدين والإسلام الخاتم.

أما عن رأفت فيجب عليه أن ينظر إلى منتقده من زاوية المغتصب لحق الناس ويريد أن يبقى الحال على ما هو عليه وإن أقترف من الكفر ما أقترف .. وهذه هي نظرتي التي صدقت في هذه الفئة من أذناب الطغاة.