هل هناك متسع للضحكة والابتسامة ؟؟؟

[طارق الحسن محمد]

مسطول بيشاغل فى بت
البت قالت ليهو اعمل حسابك
ابوى ورانا
قاليها قولى ليهو دا اخووووووووووى !!!!!!

[خضر عبدالغفور]

المشاركة الأصلية كتبت بواسطة أبومناهل

هو الجيلي بتاع أفيال ؟؟؟
بسأل بس

العزيز ابومناهل انتي ياخوي قايل السطلة دي بالبنقو والحشيش بس امكن يكون مجذوب والانجذاب نوع من انواع السطلة الاارادية لك التحايا
العزيز عبدالمنعم شيخ ادريس لك التحية والود وتحياتي للاهل في المسعودية .
هاكم الفرفشة دي
قالوا في سوداني اسمه حسنين شغال ليه في شركة بالخليج معاهو واحد خليجي اسمه خلفان الخليجي عايز يخفف دمه قام قال لحسنين اهلك ديل طماعين خلاص يازول حسنين قال ليه كيف قال ليه اسموك حسنين ما كان يسموك حسن واحده
السوداني انفعل وعينك حمره وشرارة قال ليه اهلك ديل الطمع زاااااااااااااااااااااااااااااااااو قال ليه كيف يازول .
ياخي يسموك خلفان ما كان يسموك خلف وااااااااااااااااااااااحد .

قالوا في واحد رباطابي دخل الجامعة جديد وفي الاجازة رجع البلد ومنزل اهله في الضفة الشرقية للنيل ركب المركب متجه لي اهله بعد ماتحركت المركب قال لصاحب المركب بتعرف سيكولجي ياعمي المركبجي قال ليه لا قال ليه سجم البلد بعد فتره سألو تاني بتعرف بيوليجي ياعمي المركبجي قال ليه لا قال ليه سجم البلد المركب في نص النيل انقدت وامتلاءت موية صاحب المركب بنشوة قال ليه بتعرف عومنجي ياولدي الطالب باندهاش قال ليه لا قال ليه سجم امك......

النكته دي لي الاصدقاء بهولندا مهدا للصديقان العزيزان منعمم شوف وخالد سلطان .
قالوا في واحد من اخوانا اولاد الدبيبة مقيم في قرية من قري هولندا امه اتصلت بيهو ودار بيناتهم الحديث ده
سلام ياولدي حق الله بق الله فال ليها الحمد لله قالت ليه انتي بتسوي في شنو ياولدي قال ليها بدرس والله ياامي قالت ليه قراية شنو ياولدي اشتغل ياولدي انحنا محتاجين للمصاريف اشتغل في الجرايد امسك ليك فايك فايكين ماشفتي امحمد ود عشة نزل لي امه رقشة تقول ياغربتي ما هو شغال في الجرايد قال ليها والله يامي الحلة الساكن فيها صغيرة والجرايد بوزعها واحد هولندي قالت لي بانفعال شديد انتي البقعدك في الحلة الصغيرة دي شنو امشي خورنقن امشي خورنقن

[Garcia]

عودة على بدء , نكات متفرقة :
* في واحد مصري قاعد يصلي وسمع اثنين يمدحونه على صلاته وايمانه ، فقطع المصري صلاته وألتفت عليهم وقال : وكمان أنا صايم ..

* وزير عربي راح زيارة على البرازيل.. هناك استرعى انتباهه ببغاء يحكي عربي فاشتراه
عند عودة الوزير الى بلاده سأله احد موظفي الجمارك في المطار: معاليك.. الحيوان هذا معك؟
فرد الببغاء بسرعة: ايوا.. معي..!؟

* مواطن عربي صعد الباص ومعه ابنه الصغير ، فشاهد الصغير صورة الرئيس الملصقة على
الشبابيك ، فقال : بابا اليست هذه صورة الشخص الذي يطلع على التلفزيون كل يوم
وأنت تبصق عليه ؟ فترك الرجل يد الطفل وصاح : طفل ضايع يا شباب .

* المريض للدكتور : لقد عملت بنصيحتك يا دكتور ، فأبتعدت عن العمل وأخذت راحة ،
وقمت بالأسترخاء على شاطئ البحر .
الدكتور : وما النتيجة ؟
المريض : لقد طردوني من العمل .

* استاذ العلوم يسأل ـ اعطيني اسم حيوان يطير؟ اجاب الطالب ـ الفيل يا استاذ . فقال الاستاذ ـ ما هذا الغباء ..ايش بيشتغل ابوك . فرد الطالب ـ في المخابرات . فقال الاستاذ ـ مو مشكلة ، الفيل يمكن يطير اذا شـد حيلو

[أبومناهل]

عريس مشى مع عروسته شهر العسل . .
وهو داخل غرفته في الفندق شاهد صورة
كبيرة لـ ( عمر البشير ) على جدار الغرفة . .
فقال : والله الزول ده حيرنا أي إفتتاح عايز يحضره

[عكــود]

يا سلااااام يا شباب ..
قريت البوست لآخر قطرة.
أكثر ما تعجبني نكات أخوانا الرباطاب

واحد يونّس في صاحبو الرباطابي، قال ليهو: إنت عارف في نوع من الدبايب لامن يعضّي بيخلّي أنيابو داخل جسم الزول ..
الرباطابي سألو: طيّب .. لو لاقالو زول تاني، يعضّي كيفِن؟
قال ليهو: ربّنا تاني بيقوّم ليهو أنياب وبرضو بيعضّيهو بنفس الطريقة.
الرباطابي: أصلو الشي ده .. دابي وللا دبّاسة؟

[عكــود]

قطر كريمة زحمة شديدة .. الناس نايمين في الممشى ..
الشايقي مرقّد ولدو جنبو ونايم، صِحَـى بالليل ما لقى الولد ..
قام يفتّش فيهو، طقش الرباطابي في راسو ..
الرباطابي بزعل: يا زول مالك تطقّش فينا؟
الشايقي: بفتّش في ولدي، كان راقد هني وما لقيتو ..
الرباطابي: نان ولدك ده إبريق؟ ما تكورك ليهو.

[Garcia]

فقال : والله الزول ده حيرنا أي إفتتاح عايز يحضره

العزيز ابومناهل - مرحب بيك افتقدنا الفترة الماضية نكاتك العجيبة ...
قلت لى الافتتاح كيف

الشايقي: بفتّش في ولدي، كان راقد هني وما لقيتو ..
الرباطابي: نان ولدك ده إبريق؟ ما تكورك ليهو.

loooooooool@ عكــود
الاخ عكود نرحب بحضورك لهذا البوست , وتشكر للاضافات المميزة ..

[عبدالله الشقليني]

والله فرقتُو علينا !

فردَ أحدهم :

فَرقنَا عليك شِنو ؟

[Garcia]

عبدالله الشقليني كتب :

والله فرقتُو علينا !

فردَ أحدهم :

فَرقنَا عليك شِنو ؟

دى براها نكتة , صاحب الرد شكلو رباطابى
بيكاسو مرحب باطلالتك البهية من هنا ...

[أبومناهل]

فوق
دي هدية لعمنا فتحي
عشان فك الشفرة
قال بالإيطالي قال

[فتحي مسعد حنفي]

المشاركة الأصلية كتبت بواسطة أبومناهل

فوق
دي هدية لعمنا فتحي
عشان فك الشفرة
قال بالإيطالي قال

تاخد نص رطل سمسمية وتقول لي اسم المحرشك علي.وما قالوا ليك انو ألله ستار وأمر بالستر

[سوسي]

ياجقجق اتعشتنا ومسحت الحزن من وشنا والفرح سري في دمنا
هاك واحدة من عندنا
واحد اسمو طه طبيعي مسطووووووووول قاعد جنب خشم بابه كل البمر بيه ويعرفو يسلم عليه :
يا طه..... يرد طه يا خينا ....... والتاني يمر يا طه .... يرد طه يا خينا ............
مرة واحد ما بعرف اسمة سلم يا خينا ........ رد طه .. يا طه