إلى هــدى الأمين مع حبــى !!! عايــد عبد الحفيــظ

إلى كل الأحباب في سودانيات !!! ود المامون

أصلي سميتك وطن !!! أريج محمد

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!
آخر الأخبار العالمية

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 17-07-2021, 11:28 AM   #[1]
علي الشيخ
Guest
 
افتراضي شعرة جلدي ،،، كلبت ،،،،،

*بي 📝 الحنين* ،،،،،،،،،
*د. علي الشيخ* ،،،،،،،،،

*شعرة جلدي كلبت*،،،،،،

الخلعه،،،، بتوقف القلب،،،
و الخبر الشين،،،
و الشاكوش ،،،،
بوقفوا شعرة جلدك،،، يخلوها *تكلب* ،،، كان حكيتها،،، بتحمر ليك ،،،، و كان خليتها،،،، ما بتنوم،،، بتكلب كده زي لعيبة الكورة الواقفين في الحيطه،،، ركبيهم يتطاقشوا ساي،،،،
في احساس كده،،، عجيب،،، متفرد،،،، وكت شعرة جلدك تكلب،،، زي صقعة الكهرباء الجايه بعد انقطاع،،،، *١١٠ فولت،،،،* تنعنشك ،،،، و تخوفك ،،،،، و تقول انت تاني،،،
*جلد ما جلدك جررررر فيهو الشوق،،،،* اي بي حرف القاف،،، الكاف ده ما حقنا،،،
في زول فيكم جرب القافيه دي،،،
دي احلى من العسل بي اللبن،،،
بتشتاق لي زول،،، لي مكان،،، لي فجه،،، لي حته،،، كل مفرده بتحكي روايه،،، في قاموسنا الجاي متفائل،،،،
عشان كده دايرين ندور القافيه دي بي فهم تاني،، مزدوج،،، فهم جديد،،، ضد الانانيه و سلاح فتاك ضد الحسد،،، سلاح نحرس بيهو تراب البلد،،،، وسلاح يجمعنا كلنا،،،، نحمي بيهو و نأمن بيهو،، *حريه سلام و عداله*
في ناس *جلدهم تخيييييين،،،،* الصقط ما بحرقهم،،، اي،،، الصقط بحرق بس بي كدكده،،، في السنون،،،، و شقيق الكرعين،، ونشاف الشلاليف،،،،،
ناس اب جلدن تخين ديل اختوهم ،،،، ديل جونا بالغلط هنا في الفاصل المداري حقنا ده،،، فاصلنا المداري ده كتاحتو،،، براها،،،، من شدة الريد بتخش جووووو
العيون و مطرته تجهجهك ،،،، شايل لحافك داخل مارق،،، دي زمان ،،،، صاح ،،،،
ناس الجلد التخين ديل هم و الدب القطبي،،، قلبين ضماهم غرام،،،،
و نحن ما حاسدين،،،،
شعرة الجلد وكتين تكلب،،،، معناتها،،،، نكلب معاها ،،،
شعرة جلدك ،،، المكلبه ،،، بتشبه غنم ابليس،،، تحت مغنطيس و من فوق تراب،،، و بيناتهم ورقه،،، المغنطيس تجروه شمال،،، الغنم المكلبات ديل يمشن يمين،،، *اللهم اجعلنا من أصحاب اليمين،،،*
و العكس،،، واضح،،،
يلا نكلب يدينا للمشوار،،، الجاي ،،،، بي فهم انه الوطن يسع الجميع،،،، الا *من ناس ديل واسفاي،،،،* تاني شوق المرقه للدهن،،،، و شوق بصلة المكاده،،، للمعذبين خارج الوطن،،،،
شعرة الجلد عشان تكلب،،، ما محتاجه *Router WiFi*
بتكلب بي أقل احساس،،، و بتعكس رد الفعل،،، زي فرملة العجله الدبل،،،،

هسه في حاجه كان قلناها
ال🐏،،،
*كلنا شعرة جلدنا بتكلب،،،،*
نوصيكم ماترموا الجلد ،،،،،
نوصيكم لموا باقي شغل الجزار 🪓🔪🗡️


*أوصيكم بي ال Extremities بتاعة ال🐏،،،*
متأكد الحريفين عرفوها،،،
هي ال👅 و الضنب،،،

*د. علي الشيخ*
*الحنين*
*أمدرمان*
*١٧ يوليو ٢٠٢١*



  رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 10:58 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2021, vBulletin Solutions, Inc.