ضيف على مائدة سودانيات ...! - 12 - زول الله

[زول الله]

المشاركة الأصلية كتبت بواسطة Amin Bushari

زول الله يا جميل
متابعين وما عايزين نعصر عليك كتير
شكرا لعكسك لنا الجانب الاخـــر من زول الله الذي نعرف
وحقي انــا بشيلو لما اقابلك
الساعة ديك ابشـــر بالعصر الجد
تحاياي

شكرا ليك اتا دا ياخ
بعدين هو في عصر اكتر من حق فيصل سعد دا ؟؟
الله لاورانا
شكراً يافخم












اقول قولي هذا واستغفر الله لي ............

[أبو أماني]

المشاركة الأصلية كتبت بواسطة فيصل سعد

لك مجدد التحايا يا ود الشيخ و لك الشكر على ردودك السابقة،
نعود لك بسؤال تقليدي و سؤالين آخرين:

1. الهوايات، المفضل لزول الله (فنان، فلم، لاعب، موسيقى، فريق، اغنية، لون، وجبة غذائية)

2. اين يقف زول الله سياسيا، اجتماعيا، فكريا، و ثقافيا ؟

3. الكتابة في اكثر من منتدى !!
ما لها و ما عليها سلبا و ايجابا ؟؟

و نواصل ...

حقيقي سررت لما لقيت العزيز بن الأعزاء فيصل سعد قام بالواجب وزيادة في سريان وإستمرارية هذا البوستر خلال فترة غياب صاحبه (المجحفة)! .. وأعجبت حد الثمالة بأريحية وروح فيصولة الله يطول عمرك يا بن العم وبصراحة إدارتك للحوار وإختيارك لهذه الشخصية المثيرة وأسلوبلك السلس خلوني أفكر مليئا في المثل البقول .. الحوار الغلب شيخه .. تصدقوا بالله يا جدعان هذا الشحط حملته ذات يوم طفلا غريرا على كتفي ؟؟ كيفك وكيف أسرتك الكريمة ياود عمي سعد رحمه الله وحاجة سميرة أطال الله عمرها .. لك خالص معزتي وحبي .. على فكرة تقبل سلام العمة .. محاسن أمبارح كت معاهم في بري .. وتفقدت الأرحام كذلك سلام الست .. زول الله .. ما تعمل رائح .. جاييك برواقة .. والعربون دلوقت .. لم أكن أعرف عنك الشاعرية والفن .. أرجو أن تحدثنا عنهما في حياتك بلا ريبة .. لكم كل الحب وتعيدوا سالمين وغانمين .. يلا تشششاااووو

[زول الله]

المشاركة الأصلية كتبت بواسطة أبو أماني

زول الله .. ما تعمل رائح .. جاييك برواقة .. والعربون دلوقت .. لم أكن أعرف عنك الشاعرية والفن .. أرجو أن تحدثنا عنهما في حياتك بلا ريبة .. لكم كل الحب وتعيدوا سالمين وغانمين .. يلا تشششاااووو

هلا والله سواق البص اقصد صاحب البوست
ياخ سواقة فيصل دي ذكرتني نكتة:
قال ليك حلفاوي إمام جامع طقتو ملاريا ورسل ولدو يصلي بالناس
الولد ماحافظ غير ألهاكم التكاثر كل مرة يقراها لمن الناس زهجت
بعد كم يوم الإمام اتعافى وجاء صلى بالناس صلاة العشاء وقرا ليهم والتين والزيتون ..قبلما يتمها واحد قال ليهو ينصر دينك ياشيخ .. ياخ ولدك شابكنا هاكم التذاكر زوروا المقابر لمن طلع د.. زاتو .
اها الحبيب فيصل عندو جنس ردم كدا بعرفو براو
ياحبيبنا مرحب بعودتك والعود احمد وماتقول لي احمد دا منو سمح ؟
الشعر واحد من عيال الفن البارين بآبائهم لي معه وقفات ووقفات عند كثير من المبدعين الذين أثروا وجداني ووجدان الناس بروائعهم الخالدة . اكتب نعم لكن لا أتجرأ بتسميتها شعراً ربما بسبب القامات الذين اسمع لهم وأقرأ , اما الفن - الغناء تحديداً - فهو هواية محببة امارسها كل حين واهرب اليها عندما تدلهم عواصف الحياة وتأتي رياحها بما لاتشتهي سُفُني ولي فيها مآرب أخرى.
خليك قريب وعربونك قبلناهو وراجيين باقي العداد












اقول قولي هذا واستغفر الله لي ..............

[فيصل سعد]

يا زول الله لك جزيل شكرنا و تقديرنا على اريحيتك و صبرك الجميل على
سيل الاسئلة و التي سرت بدافع المحبة و التواصل، و اهو جاك سيد القهوة،
فمرحبا به و بك دائما و ابدا، انا اسألتي خلصت بس مطلوب منك
ترشح الضيف القادم لهذا اللقاء و تنتظر ابو اماني يدير دفة البوست
و ممكن برضو تبدأ انت محاورة الضيف و تقديمة ..

و يا ريت تختم لينا باغنية،،

و لك وافر الود و التقدير
و الاعزاز و المودة ..

[حسين يوسف مكى]

[align=center]لا حول الله

زول الله والزرزرة دى بادية من متين ياخ وانا ماعارف؟
قالو كان حبيبك وقف بينات الحرووف ناولو جملة انشاء من اخوات كان.

اسى انا متابع من بعيييد لكن جاييييك جية الزول البريييد حن الاهل.

كان فى الخاس اسئلتى م بخليها يعنى ياتجاوب ي تجاوب [/align]

[النور يوسف محمد]

بسم الله الرحمن الرحيم

يا فيصل ..
دقيقة ياخ سؤال سؤالين ..

الرياض ,, مدينة تعلم الجفاء ..
العمل فى مجال الطيران والخطوط ,, برضو بعلم الجفاء

الفن والشعر والطرب .. ( ترقق المشاعر , وتخلى الزول , زول الله )

أين أنت من هذه التقاطعات ؟؟ ومن احتوى من ؟؟

يا فيصل ما تفك الزول ده .....

[زول الله]

المشاركة الأصلية كتبت بواسطة فيصل سعد

يا زول الله لك جزيل شكرنا و تقديرنا على اريحيتك و صبرك الجميل على
سيل الاسئلة و التي سرت بدافع المحبة و التواصل، و اهو جاك سيد القهوة،
فمرحبا به و بك دائما و ابدا، انا اسألتي خلصت بس مطلوب منك
ترشح الضيف القادم لهذا اللقاء و تنتظر ابو اماني يدير دفة البوست
و ممكن برضو تبدأ انت محاورة الضيف و تقديمة ..
و يا ريت تختم لينا باغنية،،
و لك وافر الود و التقدير
و الاعزاز و المودة ..

الحبيب ودسعد لك الشكر على هذه السواقة المحترفة
والشكر لسيد القهوة ومرحباً به
اجاوب على النور دا واجيك راجع
دايما يجي في الزمن الضايع












اقول قولي هذا واستغفر الله لي ..............

[زول الله]

المشاركة الأصلية كتبت بواسطة حسين يوسف مكى

[align=center]لا حول الله
زول الله والزرزرة دى بادية من متين ياخ وانا ماعارف؟
قالو كان حبيبك وقف بينات الحرووف ناولو جملة انشاء من اخوات كان.
اسى انا متابع من بعيييد لكن جاييييك جية الزول البريييد حن الاهل.
كان فى الخاس اسئلتى م بخليها يعنى ياتجاوب ي تجاوب [/align]

والله انت حكايتك حكاية
يعني انا اتزرزر كدا وانت تجي تتفرج وتمشي ؟؟
خوة بي تعريفة ماعندك











اقول قولي هذا واستغفر الله لي .................

[زول الله]

المشاركة الأصلية كتبت بواسطة النور يوسف محمد

بسم الله الرحمن الرحيم
يا فيصل ..
دقيقة ياخ سؤال سؤالين ..
الرياض ,, مدينة تعلم الجفاء ..
العمل فى مجال الطيران والخطوط ,, برضو بعلم الجفاء
الفن والشعر والطرب .. ( ترقق المشاعر , وتخلى الزول , زول الله )
أين أنت من هذه التقاطعات ؟؟ ومن احتوى من ؟؟
يا فيصل ما تفك الزول ده .....

قرار الحكم نهائي يازول .. انتو مابتعرفو كورة ولا شنو ؟
غايتو مامشكلة لكن تاني تجي بدري بالله

الرياض صحراء قاحلة لولا التقيناكم فيها فصارت واحة خضراء
العمل في هذا المجال يشغلك عن الناس كثيراً نسبة لمواسمه التي لاتنقطع
تقل زياراتك للاهل والاصدقاء وتجد نفسك دون ان تشعر بقيت جافي ونسيت الخوة
الفن والطرب هو استراحتنا التي اقتطعناها قسراً من ليالي الرياض الجافة
كنا نرتبط ثلاثة أو اربعة حفلات في الاسبوع الواحد
ونسبة للمسؤوليات في العمل والبيت اختصرناها لإرتباط واحد في الاسبوع وغالباً الخميس
فصار لنا المتنفس الوحيد في هذه الكتمة المامنها فايدة هو يوم الطرب آخر الاسبوع
وبقينا نعد ايامنا بالاسابيع يعني بدل نقول:باقي كم يوم .. نقول:باقي كم خميس
وصار الشهر عندنا اربعة خمايس لذلك تمضي السنين بنا سراعاً و ربنا يدي العافية













اقول قولي هذا واستغفر الله لي ..............

[فيصل سعد]

المشاركة الأصلية كتبت بواسطة زول الله

الحبيب ودسعد لك الشكر على هذه السواقة المحترفة
والشكر لسيد القهوة ومرحباً به
اجاوب على النور دا واجيك راجع
دايما يجي في الزمن الضايع

اقول قولي هذا واستغفر الله لي ..............

[align=center]ما عندك مشكلة تب ،، تقعد براحتك
و تقوم براحتك، دندن لينا نغم نغمين
و اختار ليك ضيف بعدك و دردش
معاو لغاية ما يظهر ابو اماني، و
لو ما ظهر بنديك البوست دا و
بنسجله ليك ملك حر و بنصدر
ليك شهادة بحث اصلية [/align]

[زول الله]

المشاركة الأصلية كتبت بواسطة فيصل سعد

[align=center]ما عندك مشكلة تب ،، تقعد براحتك
و تقوم براحتك، دندن لينا نغم نغمين
و اختار ليك ضيف بعدك و دردش
معاو لغاية ما يظهر ابو اماني، و
لو ما ظهر بنديك البوست دا و
بنسجله ليك ملك حر و بنصدر
ليك شهادة بحث اصلية [/align]

يازول بوستيكم دا طرفي منو
مالي ومال السككان في النهار الحار دا
جني وجن السواقة في الشوارع الضيقة دي
النغم دا معتق ومخصص للمريخاب منكم والمؤلفة قلوبهم
ولا مانع من ابناء السبيل كمان
مخمخو معاهو بي مزاااج الى ان يتبين لكم الخيط الابيض من الاسود

كم نظرنا هلاااااال
ابراهيم خوجلي - عود
[rams]http://www.sudanyat.org/upload/uploads/kam nazarna hilaal.mp3[/rams]












اقول قولي هذا واستغفر الله لي ...............