نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتــــدي التوثيق > ارشيف ضيف على مائدة سودانيات

موضوع مغلق
 
أدوات الموضوع انواع عرض الموضوع
قديم 27-07-2009, 06:38 PM   #[1]
أبو أماني
:: كــاتب نشــط::
 
Thumbs up ارشيف : ضيف على مائدة سودانيات ...! - 22 -1

أحبائي الأعزاء ..
أحباء سودانيات .. لكم صادق الود والتحايا القلبية .. حقا قد سرني وأثلج صدري عمق صداقتي بكم ذهاء ما يقارب السنة أو يزيد .. قضيتها بينكم في سعادة وحبور .. وأحسست وأنا بينكم وبكم بدفء الأسرة وأحلى وشائج الإخاء والمحبة .. حيث صرتم بالنسبة لي كأفراد أسرتي رحما بل أكثر من ذلك..بحيث أقضي الساعات الطوال في رحابكم المرحة العامرة قبل وأكثر مما أقضيه مع أسرتي .. فلكم الشكر على ما وهبتموني من حب صادق إمتزج في شراييني وصار يغزو القلب ويعمر غرفه الأربع ويهرب ليعود ثانية ليمدني بالحياة .

فكرت مليئا في شكل مستقبل علاقة كل سوداني في سودانيات بالآخر! وهالني أن تكون علاقة صادقة حميمة كهذه عرضة للعيش والعمران طويلا عبر الفضاء الإسفيري والعالم الأثيري ..! وتصورت حياة شخوصها في اللاشئ وفنائهم في اللاشئ ..تماما كما يحدث يوميا بالنسبة لممثلين وممثلات نشاهدهم عبر الشاشات البيضاء والبلورية .. نعايشهم ونعاصرهم ثم يتلاشوا في اللاشئ حقيقي حزت في نفسي هذه الخاطرة .. وفكرت ثانية !..

أضع بين أياديكم عتبة أولي لتجسيد علاقة كل منا بالآخر .. وهو بوستر تتم استضافة عضو فيه ليكون مصدر حوار تعارفي يحكي لنا ما عن له أن يرويه عن نفسه فنزداد قربا منه أكثر وأكثر ومعرفة به وثيقة أكثر .. نعرف موقعه الحالي .. رقم موبايله .. عدد أفراد أسرته .. طموحاته الآنية والمستقبلية .. بعض مشاكله الخاصة التي يمكن الخوض فيها .. والمشاركة في علاجها بعض الجوانب المضيئة من حياته الماضية والتي يحلو له الخوض فيها مع الأحباء .. الخ ..

إن راقت لكم فكرتي هذه فأقترح أن يقوم كل ضيف حل بالبوستر في نهاية حلقته بترشيح من يحل بعده ضيفا على مننتسبي سودانيات .. وهكذا دواليك .. تبقى المعضلة في إختيار عضو الشرف الأول .. وأقترح أيضا أن يقوم صاحب البوستر بإختياره .. درج كبارنا على إختيار كبير القوم ليتولى ضربة البداية في كل مشروع أو عمل .. وحيث أن مجتمع سودانيات يحفل بالكبار شكلا وموضوعا وليس من بينهم من يتفضل على الآخر .. فأسمحوا لي أن أختار أكبر الأعضاء (سنا) .. فليكن ضيف الحلقة الأولى العميد الأستاذ :-

[align=center]خـــالـــد الحــــاج [/align]
مساهمتي الأولي معه المطالبة بنبذة صغيرة عن عميدنا والبطاقة الشخصية وتعريف مختصر ولكم جميعا خالص حبي وإعتزازي وإحترامي ...



التوقيع:
اللهم أرحمه وأغفر له ..
يشرفني أن رجلا مثله في ذمة الله قال عني يوما :-

... ولا يفوتني أن أعلن فرحتي بقلم تريان يا أبا أماني...
أنت إضافة لسودانيات مبهجة ولا شك .
رحمة الله عليك وإنا لفقدك لمحزونون
أبو أماني غير متصل  
قديم 27-07-2009, 07:14 PM   #[2]
سارة
:: كــاتب نشــط::
الصورة الرمزية سارة
 
افتراضي

امانة ما وقع راجل

انا من دربى دا بمشى اعدل دماغى واجيب سعوالاتى واجيكم واسئلتى يا خال كلها اجبارى


ابو امانى والله بس المرة دى ( عفيت منك )



التوقيع: تـجـــاربنا بـالـحيـــاة تــألـــمنـا.... ولــكنــها بــلا شــك تــعلــمنـا
لك الرحمة ياخالد ولنا صبرا جميلا
سارة غير متصل  
قديم 27-07-2009, 07:51 PM   #[3]
المليجي
:: كــاتب نشــط::
الصورة الرمزية المليجي
 
افتراضي

ابو اماني الراجل الهمام
دائما سباق للخيرات
والمرة دي عملتها مائدة عدييييل كدا
انا من اسي حربط لي حجر في بطني
وحستنى زول يدردق لي الدور
واجيكم خاشي بنفس مفتوحه
تحياتي يا وهاج
على قولتك (اتشاااااااوات)



التوقيع: يـا واضـحة عـيونك خــشت
دوني حـــــبال الـصـــــــدفة
لمت كـــل مســـاحة الــكلمة
وهبشت فيني الحتة النضفة

(الهادي ابوبكر)
المليجي غير متصل  
قديم 27-07-2009, 10:29 PM   #[4]
بابكر مخير
:: كــاتب نشــط::
الصورة الرمزية بابكر مخير
 
افتراضي

أبو أماني
سلام
يابا ظنيتو الشافك فتحتا ليك مطعم عدييييييييييل ما كضب،،
إبتديتا بي قهوة نشاط وحسي مائدة سودانيات،، غايتو حيكومتك ظنيتك شاغلها مطبخ full-time...
أنا ما بستغرب يوم تفتح لينا بوست بي إسم أسماء في صينية كنافة (يا عمر الجوزلي وأسماء في صحن فولنا)

تعرف فيصل سعد كان فتح ليهو بوست وظنيتو سماهو الكرسي الساخن،،
لكنه دقس شوية،،


أكان بكبر العمر، كان تكون الأول،،
خلودي ولدهو لساتو إعداد وين لي ناس وليداتهم وكلاء وزارات معاش

ربنا يحفظكم ليهم ولينا ويحفظهم ليكم ولينا



بابكر مخير غير متصل  
قديم 28-07-2009, 07:16 AM   #[5]
تحفة حوا
:: كــاتب نشــط::
 
افتراضي

أبو أماني يا أظرف زول
افكار حلوة زي دي ما بتجي من زول ساهل
لكن بوستيك دا زي الشامبو
2*1
هنا يجي الضيف ويجلس على مائدة سودانيات ونحنا نسألوا
وهو يمتنع عن الاجابة متى أراد (كرسي بارد وحنين )

وحقو تفتح بوست تاني للمشاكل عشان صاحب المشكلة يرسلا ليك في الخاص وانت تعرضا في العام بدون ذكر اسم صاحب المشكلة
والكل يحاول يساعد بي رايو (مشكلتك لها حل )



تحفة حوا غير متصل  
قديم 28-07-2009, 02:34 PM   #[6]
أبو أماني
:: كــاتب نشــط::
 
Thumbs up الشكر لجميع المشاركين والرد على الحبيب!

اقتباس:
المشاركة الأصلية كتبت بواسطة بابكر مخير مشاهدة المشاركة
أبو أماني
سلام
يابا ظنيتو الشافك فتحتا ليك مطعم عدييييييييييل ما كضب،،
إبتديتا بي قهوة نشاط وحسي مائدة سودانيات،، غايتو حيكومتك ظنيتك شاغلها مطبخ full-time...
أنا ما بستغرب يوم تفتح لينا بوست بي إسم أسماء في صينية كنافة (يا عمر الجوزلي وأسماء في صحن فولنا)

تعرف فيصل سعد كان فتح ليهو بوست وظنيتو سماهو الكرسي الساخن،،
لكنه دقس شوية،،


أكان بكبر العمر، كان تكون الأول،،
خلودي ولدهو لساتو إعداد وين لي ناس وليداتهم وكلاء وزارات معاش

ربنا يحفظكم ليهم ولينا ويحفظهم ليكم ولينا

ده قولك يا الحبيب تكعيب :-
يابا ظنيتو الشافك فتحتا ليك مطعم عدييييييييييل ما كضب،،
إبتديتا بي قهوة نشاط وحسي مائدة سودانيات،، غايتو حيكومتك ظنيتك شاغلها مطبخ full-time...
وماعندي عليو تعقيب ماك عارف البئر وغطاءها .. أها تاني شنو كمان؟ خلى الطابق مستور..

وتاني قلت :-
تعرف فيصل سعد كان فتح ليهو بوست وظنيتو سماهو الكرسي الساخن،،
لكنه دقس شوية،،
بس ده عندي عليو تعقيب .. الحقيقة فكرة الكرسي الساخن قديمة وتعم معظم المنتديات .. وهذا قريب الشبه بس بيختلف في المحتوى والمضمون .. فالقصد من الأول مناكفات بريئة ومساجلات بين الزملاء .. بينما الهدف الأساسي من هذا البوستر .. هو تعميق الصلات وتوثيق المعرفة كل بالآخر..نريد التقارب..ومعرفة أبسط الحقائق عن أحب الناس..فهلا تكرمت أستاذي (الخال) البلال البسر البال .. وادلوت بدلوك ؟؟..



التوقيع:
اللهم أرحمه وأغفر له ..
يشرفني أن رجلا مثله في ذمة الله قال عني يوما :-

... ولا يفوتني أن أعلن فرحتي بقلم تريان يا أبا أماني...
أنت إضافة لسودانيات مبهجة ولا شك .
رحمة الله عليك وإنا لفقدك لمحزونون
أبو أماني غير متصل  
قديم 28-07-2009, 02:38 PM   #[7]
أبو أماني
:: كــاتب نشــط::
 
Thumbs up تكرمي يا تحفة دائما فاهماني زين..

اقتباس:
المشاركة الأصلية كتبت بواسطة تحفة حوا مشاهدة المشاركة
أبو أماني يا أظرف زول
افكار حلوة زي دي ما بتجي من زول ساهل
لكن بوستيك دا زي الشامبو
2*1
هنا يجي الضيف ويجلس على مائدة سودانيات ونحنا نسألوا
وهو يمتنع عن الاجابة متى أراد (كرسي بارد وحنين )

وحقو تفتح بوست تاني للمشاكل عشان صاحب المشكلة يرسلا ليك في الخاص وانت تعرضا في العام بدون ذكر اسم صاحب المشكلة
والكل يحاول يساعد بي رايو (مشكلتك لها حل )

كلامك غاية الروعة وعين الإعتبار .. بس أديها صنة لو .. لم يستجيب العميد أو كانت الوتيرة سالبه سوف نعيد النظر سويا في إقتراحك الرائع .. وحقوق الطبع محفوظة .. تسلمي يا تحفة



التوقيع:
اللهم أرحمه وأغفر له ..
يشرفني أن رجلا مثله في ذمة الله قال عني يوما :-

... ولا يفوتني أن أعلن فرحتي بقلم تريان يا أبا أماني...
أنت إضافة لسودانيات مبهجة ولا شك .
رحمة الله عليك وإنا لفقدك لمحزونون
أبو أماني غير متصل  
قديم 28-07-2009, 10:36 PM   #[8]
مرافي
:: كــاتب نشــط::
الصورة الرمزية مرافي
 
افتراضي ده المفروض يحصل....


العزيز ابواماني .
والله سبقتني في الفكرة..امكن مانفس الفكرة...لكن بيني وبين نفسي كنت بفكر..انو المنتدى
بقى للانسان زي بيتو وناس المنتدى زي اهلو لكن ..للاسف علاقة عبر الاثير.. والكيبود.!!نعرف بعضنا (نناكف) بعضنا ،لكن للاسف واحد شاف التاني مافي!!!!وكنت اسائل نفسي..كيف بنتلاقى..وكيف الامكانية للشيء ده..كل انسان يضع للاخر صورة من نسج الخيال ..وهم يعني
يعني.الواحد لو لقى التاني في الشارع ما يعرفو للاسف...واقول كيف اللقاء واللمه .زي المحال كده..منتشرين في كل القارات وكلنا تجمعنا سودانيات عبر الكلمات وكل واحد هويتو كلماتو وردودو.وكتير مننا اسماءهم وهمية ...ورغم تواصلنا كل يوم...ورغم الحب الذي يجمعنا لكننا بعيدين مكاناً..فكيف اللمة وكيف التلاقي..ياناس سودانيات...والله الواحد نفسو يقابل كل اعضاء سودانيات وجهاً لوجه...مني نتمناه ..وياربي الشوفة متيييين لناس سودانيات...



التوقيع: [frame="1 80"]خلقنا للحياة ِ وللمماتِ ومن هذين كلُّ الحادثاتِ
ومَهْدُ المرءِ في أَيدي الروَاقي كنعش المرءِ بينَ النائحات
وما سَلِمَ الوليدُ من اشْتكاء فهل يخلو المعمَّرُ من أَذاة ؟
أحمد شوقي
[/frame]
مرافي غير متصل  
قديم 29-07-2009, 09:23 AM   #[9]
بابكر مخير
:: كــاتب نشــط::
الصورة الرمزية بابكر مخير
 
افتراضي

اقتباس:
المشاركة الأصلية كتبت بواسطة أبو أماني مشاهدة المشاركة

ده قولك يا الحبيب تكعيب :-
يابا ظنيتو الشافك فتحتا ليك مطعم عدييييييييييل ما كضب،،
إبتديتا بي قهوة نشاط وحسي مائدة سودانيات،، غايتو حيكومتك ظنيتك شاغلها مطبخ full-time...
وماعندي عليو تعقيب ماك عارف البئر وغطاءها .. أها تاني شنو كمان؟ خلى الطابق مستور..

وتاني قلت :-
تعرف فيصل سعد كان فتح ليهو بوست وظنيتو سماهو الكرسي الساخن،،
لكنه دقس شوية،،
بس ده عندي عليو تعقيب .. الحقيقة فكرة الكرسي الساخن قديمة وتعم معظم المنتديات .. وهذا قريب الشبه بس بيختلف في المحتوى والمضمون .. فالقصد من الأول مناكفات بريئة ومساجلات بين الزملاء .. بينما الهدف الأساسي من هذا البوستر .. هو تعميق الصلات وتوثيق المعرفة كل بالآخر..نريد التقارب..ومعرفة أبسط الحقائق عن أحب الناس..فهلا تكرمت أستاذي (الخال) البلال البسر البال .. وادلوت بدلوك ؟؟..
إتا وصلك الشمار،،
لكن المطعم كان حق أخويا،،
أريتو كان حقي كان عوازيم طواااااااااااااالي لمن أفلس...
بعدين شوقي بدري ما قالها قبال كدي "بابكر، كلامك ما بتفهم" وأنا يابا قصدي من دي كانت التورية، أنو أوري الناس كرمك والملان قدحك، لي درجة أنو السيدة الفضلى، ما بتمرق من المطبخ،، الحبيب وقع ليييييييييييييك "طاخ ودقا الدلجة؟؟"...
بعدين ياهو فكرتك صايبة، (قوووووووووووون تكون سجلتو براك في ود الهادي يعني آلشآ على قول المصاروآ) وما في سبب أنه ما تكتر البوستات البتوثق الخوة والصداقة بين الأعضاء وربنا يديمها محبة...
وما شايف وما شفتا ولا قصدتا أنه ما يكون في تاني وتالت، لكن بس لزوم التحشري وبقت عليا، جيت أظارف، ظبزتها وأنا ما عارف...
بس ما قلتا ليا حكاية الكُوبر ما إتعرضتا ليها ليييييييييييه؟؟
ولا حرقووووووووووووو

سلام يابا



بابكر مخير غير متصل  
قديم 29-07-2009, 09:49 AM   #[10]
بدور التركي
:: كــاتب نشــط::
الصورة الرمزية بدور التركي
 
افتراضي

اقتباس:
فكرت مليئا في شكل مستقبل علاقة كل سوداني في سودانيات بالآخر! وهالني أن تكون علاقة صادقة حميمة كهذه عرضة للعيش والعمران طويلا عبر الفضاء الإسفيري والعالم الأثيري ..!
انا كدا مستقبلي ضاع وسطكم
يعني حسى لو كنت سودانية واحمل الجواز السوداني
ما كنتوا عاملتوني بالقسوة دي
طيب اعتبروني اخت سودانية ولو بالكضب



بدور التركي غير متصل  
قديم 29-07-2009, 10:21 AM   #[11]
خالد الحاج
:: كــاتب نشــط::
الصورة الرمزية خالد الحاج
 
افتراضي

إزيك يا أبا أماني
إنت يا أخي الحكايا لو بالكبر ناس عمك بابكر مخير وشوقي بدري ورأفت ميلاد وحتى جيل ناس معتصم الطاهر والعمدة عكود ..مالك ديل هارب منهم ؟
ما قالوا ليك الخال من الجيل الوسيط
علي العموم مرحب بأي أسئلة و "تحقيقات"
حبابكم عشرة ...



التوقيع: [align=center]هلاّ ابتكَرْتَ لنا كدأبِك عند بأْسِ اليأْسِ، معجزةً تطهّرُنا بها،
وبها تُخَلِّصُ أرضَنا من رجْسِها،
حتى تصالحَنا السماءُ، وتزدَهِي الأرضُ المواتْ ؟
علّمتنا يا أيها الوطنُ الصباحْ
فنّ النّهوضِ من الجراحْ.

(عالم عباس)
[/align]
خالد الحاج غير متصل  
قديم 29-07-2009, 10:35 AM   #[12]
بدور التركي
:: كــاتب نشــط::
الصورة الرمزية بدور التركي
 
افتراضي

اهلا وسهلا بالضيف الجميل

ستعود للتحقيقات...



بدور التركي غير متصل  
قديم 29-07-2009, 10:41 AM   #[13]
همس الشوق
:: كــاتب نشــط::
الصورة الرمزية همس الشوق
 
افتراضي

[align=right]أبو أماني ياخ فكرة عظيمة كما عهدناك


بس



لو



بديت لينا بالناس السينغل
[/align]



التوقيع:

[frame="1 80"]أنا إمراة لا أنحنى لكى ألتقط ماسقط من عينى ابداً[/frame]
همس الشوق غير متصل  
قديم 29-07-2009, 11:05 AM   #[14]
شبارقة
:: كــاتب نشــط::
الصورة الرمزية شبارقة
 
افتراضي

اقتباس:
المشاركة الأصلية كتبت بواسطة خالد الحاج مشاهدة المشاركة

مرحب بأي أسئلة و "تحقيقات"
حبابكم عشرة ...
[align=justify]شكراً يا أبو أماني وشكرا ً للضيف الأول في هذا اللقاء الخال / خالد

وأسمحوا لي بأن أرمي أول حجر في البحيرات الساكنة في الدواخل ....

أها يا خال ممكن في البداية كده تدينا سيرة ذاتية مختصرة ... وشكرا ً[/align]



شبارقة غير متصل  
قديم 29-07-2009, 02:39 PM   #[15]
أبو أماني
:: كــاتب نشــط::
 
Thumbs up خليك مفتحة .. زي أخوك كده !

اقتباس:
المشاركة الأصلية كتبت بواسطة همس الشوق مشاهدة المشاركة
[align=right]أبو أماني ياخ فكرة عظيمة كما عهدناك


بس



لو



بديت لينا بالناس السينغل
[/align]

السينغل من الجنسين .. مخلينهم في اللآخر .. راجيين الحلو .. من الجنسين .. أسع خلينا نشطب على البضاعة الديو تو إكسبايري .. يعني ممكن أخوك يترشح التاني ..ما تفهمونا بقى بعدين إتي يا بت أمي مالك شغالة بالسينغل .. ما عينك مليااااانة تحمدي سيدك .. ولا بتفكري في ... أيوااااا فهمت !!!!
دقي يا مزيكة



التوقيع:
اللهم أرحمه وأغفر له ..
يشرفني أن رجلا مثله في ذمة الله قال عني يوما :-

... ولا يفوتني أن أعلن فرحتي بقلم تريان يا أبا أماني...
أنت إضافة لسودانيات مبهجة ولا شك .
رحمة الله عليك وإنا لفقدك لمحزونون
أبو أماني غير متصل  
موضوع مغلق

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 09:54 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.