دمج منتدى سودانيات دوت نت في دوت أورغ !!! عبد السلام

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!
آخر الأخبار العالمية

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 29-06-2013, 09:08 AM   #[1]
wadosman
:: كــاتب نشــط::
 
افتراضي كيف نلوم عصفور حنيّن ...؟!

كتب سعد الدين ابراهيم:

من جيرانه الشمس بتشرق
و من جيرانه بيجينا النور
و شوف هاجرت بعيد للفرحة
و بينى و بين الفرحة السور
انت هنا وانا رحت هناك
للموسم اشواق مهجور
و لما رجعت رجعت حزين
فى جواى فلبى المكسور
فجأة صحيت على صوتك و صورتك
فى جواى مليون عصفور...

و اظنه عبد الرحمن الريح من كتب:

الحب موجود فى الدنيا
من مااضى دهور
لليل تشتااق الانجم
و الظلمة تحب النور
الروض يتعشق بعضه
أغصان و فروع و زهور
فى الروض كم سااجعة جميلة
تغرد للعصفور...

و ابو امنه حاامد كتب:

و الحنين العاشق لحبك
بت تسخر من نواحو
سيبو مرة يغسل
احزانو
بالامل يشرق صباحو
و كيف يطير لى عشو
عصفور منكسر....
مكسور جنااحو..

و ربما العميرى ايضا كتب:

عشانك ابقى زي رحال اطوف الدنيا زي عصفور
يداري الدمعة في عيونو ويقبل قسمة المقدور
يصارع في قساوة الريح وشايل لصغارو زهوور
يامل في وصول عشه ويوصل بجناح مكسووور...


و كتب الشاعر المرهف الفنان الرقيق الاستاذ جمال عبد الرحيم:

اصلو يا العصفور دا حالك
من ما سويت ليك جناح
يعنى كان صارحت مالك
نحن ما بينا الصراح

كيف نلوم عصفور حنين
مرة بيقاسى الرياح
و مرة تلقاهو بيغنى
فوق فريعو مع الصباح
و مرة فى ارض المحنة
و مرة فى ابعد بطاح

اطرا يا عصفور حبابيبك
و انت فوق حلتنا راحل
جايبك الصيف من دايرك
شايلك الشوق للسواحل
فرح ايامنا الحزينة
و بالسلامة تانى واصل
كان نسيت موسمنا ديا
فى المواسم الجاية حاول

و الاخيره موضوعنا و اى زول عندو عصفور يجيبوا لينا هنا....
و دايما فى البال...

[rams]http://up.nilelove.org/uploads/1371879158.mp3[/rams]

لينك للحفظ و الاستمااع



wadosman غير متصل   رد مع اقتباس
قديم 09-09-2013, 07:43 PM   #[2]
wadosman
:: كــاتب نشــط::
 
افتراضي

و نامت العصاافير....



wadosman غير متصل   رد مع اقتباس
قديم 10-09-2013, 09:43 AM   #[3]
قرقاش
:: كــاتب نشــط::
الصورة الرمزية قرقاش
 
افتراضي

ياسلام عليك ياود يامرهف ...ياذوق ..وحاتك مافى غنيه جبتها الا ونزلتها عندى فى الكمبيوتر وهى ما بتقصر ..تقوم تعمل لى وجع شديد لكنه وجع من النوع الذيذ ..وانا مسامحك ياحنين
عايز افجر قنبله ...اغانى واغانى 2010 غنى فيه ود البنا لى عبد العزيز محمد داود... جزء من اغنيه صبابه ...البناء كان اكثر اقناعا وادهاشا ..عفوا ابو داود قامه وسيد الاغنيه ..لكين البناء كان مدهش اها فى رائك السبب شنو ...الادوات والمعدات الموسيقيه التى لم تكن موجوده ايام ابوداود ام الموضوع تطريب فقط ..؟
كان من المفترض ان انزل ليك العينتين حتى تقارن ...ولكن للاسف فشلت كثيرا فى انزال اليوتوبيات .. تلحقنا وتنجدنا يااشرف السر ..



التوقيع: انته رايك شنو ...؟؟ قرقاش

(وما من كاتبٍ إلا سيفنى/ ويبقى الدهرُ ما كتبت يداه / ولا تكتب بكفّك غير شيء / يسرُّك في القيامةِ أن تراه).
قرقاش غير متصل   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 08:43 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2021, vBulletin Solutions, Inc.