دمج منتدى سودانيات دوت نت في دوت أورغ !!! عبد السلام

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!
آخر الأخبار العالمية

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 08-03-2006, 07:59 AM   #[31]
عكــود
Administrator
الصورة الرمزية عكــود
 
افتراضي

اقتباس:
ملحوظة:
عجبني ناصر يوسف و هو مبتسم في السوق العربي.
ممكونة،
نسيت أقول ليك، أنا عجبتني أكتر بعد ما شفت صورتو كمان ..
لأني قِدرت إتخيّل المنظر والتكشيمة .. تمام،

ناصر،
الله يدّيك العافية ياخوي
نحن لسّع بدري على المراحل دي،
خايف عليك يوم تنجلد،


عكــود



التوقيع:
ما زاد النزل من دمع عن سرسار ..
وما زال سقف الحُزُن محقون؛
لا كبّت سباليقو ..
ولا اتقدّت ضلاّلة الوجع من جوّه،
واتفشّت سماواتو.
عكــود غير متصل   رد مع اقتباس
قديم 08-03-2006, 08:19 AM   #[32]
عكــود
Administrator
الصورة الرمزية عكــود
 
افتراضي

اقتباس:
المشاركة الأصلية كتبت بواسطة عبدالله الشقليني
[align=center]اللههههههههههههههههههههههههه

أمانا ما مات راجل .. وخلا مرتُو
يا سلام .
فتحت علينا الجروح .
في أغنية قديمة تقول :
زاهي في زيَّك في وسامتًك
نِحنا عايشين على ابتسامتَك

آآآآآآآآآآآآآآآآآه
[/align]
حبيبنا شقليني،

إنت ما شاء الله عليك ..
أناقة .. لباقة ..حُسْن هندام .. وجه طلِق يشرح القلب،
ينفع تعمل لينا الكورسات دي؟
1- Interview skills
2- Interpersonal communication skills
3- Controlling stress and dealing with difficult people
4- Customer Service mind set
5- Total Quality Management
ديل في السمستر الأوّل، وبنجيك في السمستر التاني لو نجحنا في ديل،
بس بالله ركّز لي علي نمرة 3 ده،

عكــود



التوقيع:
ما زاد النزل من دمع عن سرسار ..
وما زال سقف الحُزُن محقون؛
لا كبّت سباليقو ..
ولا اتقدّت ضلاّلة الوجع من جوّه،
واتفشّت سماواتو.
عكــود غير متصل   رد مع اقتباس
قديم 08-03-2006, 02:13 PM   #[33]
أبو الحُسين
:: كــاتب نشــط::
الصورة الرمزية أبو الحُسين
 
افتراضي

اقتباس:
المشاركة الأصلية كتبت بواسطة عكــود
.
.
يمشي السوداني في الأسواق بالجلابية مفتوحة الزرارة العلوية مبرزاُ للفانلة الداخلية ومن غير طاقية منتعلاُ شبشباُ يكشت به بطريقة يمشي الهوينا، ناهيك عن النيش البدون تسريح.


يا خوانّا ده يكون من شنو؟

عكـــود
الغالي جداً عكود...

دا من الأُوتوكيت ... لووووووووووووووووووووووووووووووووول...

قال فنيلة ظاهرة من تحت قال!!!!!!

لك من المودة أحلاها... وبجيك راجع...

أبو الحســــــين...



التوقيع:
وَتولّني يَا وَليّ يَا عليّ بالولاية وَالرعاية وَالعناية وَالسلامة بمزيد إِيرادِ إِسعادِ إِمدادِ ذلكَ خير ذلكَ من فضل الله.
أبو الحُسين غير متصل   رد مع اقتباس
قديم 08-03-2006, 03:21 PM   #[34]
haneena
:: كــاتب نشــط::
الصورة الرمزية haneena
 
افتراضي

عمي عكود
تحياتي علي بوستك الجميل
و هو له علاقة كبيرة بما كتبته في إنطباعاتي عن رحلتي الاخيرة للسودان و التصرفات الغير مسئولة من الكثرة



طيب أجاوب في الاول عن هذا السؤال..
اقتباس:
بدخل أسبوع واحد يستطيع هذا الاستشاري أن يشتري كراسي جديدة تليق بالمرضى والعجائز ويشتري طربيزة كبيرة جديدة مرتبة، ويؤجر عيادة نظيفة. لكنه لا يفعل ذلك! لماذا لا تدري.
أها أنا أدري
و قد سألته مرة لأحد الأخصائيين الذن أعرفهم
تصدق الضرائب بتقدر دخل العيادة من منظر الكراسي و النظافة
يعني لو إنت زول بتحب النضافة و عيادتك مرتبة و مرمية في الضهاري و ما بتجيب دخل كويس
طوالي الضرائب تعاقبك لأنه منظر النظافة يكهربهم و و يرفع درجة حرارتهم و يجعل ثيرمومتر التقدير الضريبي يقفز لأعلي
شفت كيف الشغل الدراش؟؟!!

أما عن الكورسات التي قلتها ..فكلها مرينا عليها هنا في هذا البلد
أما بالسودان..فهي لا وجود لها بتاتآ
مع إنه مهنتنا في تعاملها المباشر مع الناس تتطلب أن تكون علي قدر كبير من معرفة كل هذا
عندي كتاب كامل عن HOW TO BE SUCCESSFUL IN AN INTERVIEW
بدءآ من الCV و ملء إستمارة التقديم و زيارتك المسبقة للمكان الذي تريد أن تعمل به
ماذا تلبس و كيف تتحكم في حركات جسمك أثناء المعاينة
و الEye contact مع الذين يجرون معك المعاينة
و كيفية الإبتسامة
و كيف تخاطبهم و كيف ترد علي الأسئلة
ماذا تسأل عندما يسألونك في آخر المعاينة..ماذا تريد أن تسألنا..أو لماذا قدمت لهذه الوظيفة
و كيف تمثِّل الثقة حتي لو كنت تهتز من الداخل ككسار الصخور

تعرف ذاكرته كويس و ذهبت لمعاينة في وظيفة من الصعب أن يحصل عليها غير الإنجليز و طبقته حرفيآ
و كان أن أخذت الوظيفة مع بعض إعجاب و إندهاش منهم بال performance المدروس بعناية

من الأشياء التي يركز عليها العمل أيضآ
Breaking Bad news
دة يا عكود كتاب كبيييييييير

عن التعامل مع ال angry customers دة برضو فن..
المهم إنك تبعد الحاجات الشخصية عن العمومية..هنا مربط الفرس.

طبعآ بالخبرة في العمل نعلم كيف نتحكم في أشياء كثيرة و نعرف كيف نفرق بين العام و الخاص
رغم الBrain drainage البيحصل ليك

المشكلة في الغربة يا عكود الناس إتعلمت كيف تاخد الوظيفة.
لكن أول ما يرجعوا البيوت أو يتقابلوا مع سوادنيين تانيين..ترجع حليمة لعادتها القديمة و تبدأ الصرة و كل التصرفات الغير لائقة و الشغل الدراش الصحي صحي


ذكرتني في زيارتي للسوادن ..
قادني القدر لزيارة أحد المكاتب الحكومية
قريبي (الخبرة) حذرني..
أوعي تعملي لينا إبتسامتك دي هنا؟
صُرّي وشك دة

قلت له..
أبيت ..صُر إنت بالنيابة عني..مافي أي سبب يخليني أصر

أجاب...لأ في....الناس دي ما حتاخدك بجدية صدقيني لو إبتسمتي كدة لازم تتجهمي

المهم تركته هو يتحدث و يتجهم و أستمتعت أنا بإبتساماتي ( الطبيبعية)


بجيك كان الله هون تاني

أنا حأودي الكلام دة مع الذيادة في جزء من إنطباعاتي عن السوادن



التوقيع: Life is all about choices
haneena غير متصل   رد مع اقتباس
قديم 09-03-2006, 12:05 AM   #[35]
mamkouna
:: كــاتب نشــط::
الصورة الرمزية mamkouna
 
افتراضي

اقتباس:
أما عن الكورسات التي قلتها ..فكلها مرينا عليها هنا في هذا البلد
أما بالسودان..فهي لا وجود لها بتاتآ

العزيزة حنينة...
NIIT...أو أكاديمية الخرطوم التقنية ( Khartoum Academy of Technology ( KAT..و هي كلية متخصصة في ال Distant Learning ...و ال E-degrees ...و مقرها المنشية - الخرطوم ...تقدم كل الكورسات التى ذكرتيها و أكثر ...و متعاقدة مع عدة شركات و مصالح حكومية و شركات خاصة لتقديم short courses ..لموظفيها...و يقوم بتدريس الكورسات أساتذة أكفاء...و هنالك تبادل للخبرات بينها و بين عدة جامعات أمريكية و بريطانية...
اقتباس:
In partnership with NIS Sparta, World’s largest B2B Business Effectiveness and Training Solutions organization, we are pleased to launch the business skills curriculum which covers multiple topic areas like customer services, selling skills, presentation skills, sales, management, interviewing, negotiation skills, finance, human resources, quality & process management and more.
زوري موقعهم و أعرفي المزيد عن ما يقدموه من الكورسات التى ذكرتيها...في...
http://www.niitsudan.com/career_seri...es=it_business


كما نرى على صفحات الجرائد اليومية الكثير من الإعلانات عن معاهد جديدة أو كليات تقنية ...تقدم كل ما ذكرتيه و أكثر...و هنالك مراكز خاصة بكل ما يتعلق بمعاملة الزبون لدرجة كورسات في ال Anger Management ...!!!
أتمنى أن تطول إقامتك المرة الجاية في الخرطوم...حتى تتعرفي أكثر على ما جدٌ على كافة الأصعدة..
لك فائق ودي و إحترامي



التوقيع: ممكوووووووووووووووونة...و...صاااااااااااابرة!!!!
mamkouna غير متصل   رد مع اقتباس
قديم 09-03-2006, 12:20 AM   #[36]
haneena
:: كــاتب نشــط::
الصورة الرمزية haneena
 
افتراضي

العزيزة ممكونة
شكرآ علي المعلومات المفيدة التي ذكرتيها
هذه الكورسات لم تكن موجودة حين كنت اعمل بالسودان و هذا ما ذكرته
لكن موجودة بهذه البلاد منذ بدايات القرن الماضي.

ال Anger management موجود بالسودان بالله؟؟

دة اهم كورس مفروض يتعمل بالسودان... و بالذات من هم في وش المقابلة في المطارات و الجوازات و قبلها سودانير و غيرها
عشان ما يفشوا زعلهم فينا..
( مش نحنا الحنفش زعلنا فيهم... )

إذا كان علي الfunding يشيلوه من أتاوات ( أقصد ضرائب) المغتربين و قروش الفيزا و رسوم المغادرة البندفعها بالدولار.
المرة الجاية..بجي بي مهلة و دة وعد إن بقي فيها زمن
لكن أتمني ألا أغادر مغادرة نهائية

ولكِ ودي و كامل إحترامي



التوقيع: Life is all about choices
haneena غير متصل   رد مع اقتباس
قديم 09-03-2006, 06:37 AM   #[37]
mamkouna
:: كــاتب نشــط::
الصورة الرمزية mamkouna
 
افتراضي

اقتباس:
ال Anger management موجود بالسودان بالله؟؟

صباحك خير يا حنينة...
في كمان مراكز بتقدم حلقات و جلسات لل stress management و كمان reflexology ...و دي بالذات لازمانا كلنا...
شيل العيال و الجري وراهم ما خلا فينا يد و لا رجل...



التوقيع: ممكوووووووووووووووونة...و...صاااااااااااابرة!!!!
mamkouna غير متصل   رد مع اقتباس
قديم 09-03-2006, 09:53 AM   #[38]
عكــود
Administrator
الصورة الرمزية عكــود
 
افتراضي

اقتباس:
الغالي جداً عكود...

دا من الأُوتوكيت
والله الكان من الأتوكيت آ بعرفو ..
بس إن شاء الله راس السوط ما يكون وصلك؟


عكــود



التوقيع:
ما زاد النزل من دمع عن سرسار ..
وما زال سقف الحُزُن محقون؛
لا كبّت سباليقو ..
ولا اتقدّت ضلاّلة الوجع من جوّه،
واتفشّت سماواتو.
عكــود غير متصل   رد مع اقتباس
قديم 09-03-2006, 11:21 AM   #[39]
عطر
:: كــاتب نشــط::
 
افتراضي

أخي عكود ...
طبعاً الأخوة والأخوات قبلي لم يتركو شيئاً (لأهلي الغبش)
هل شاهدتا قريباً نشرة أخبار يذيعها عمر الجزلي؟؟ حتجيك الهجيمة والرجيمة حتقول الزول دا غضبان على الزمن ولا طالع من شكلة ومش عاوز يذيع أخبار إنما عاوز يعلن الحرب (على الرغم من المظهر النضيف ولفة العمة المكرّبة)

لكن في زول كدا لمن يجي يقدم برنامجو ما بتعرفو جادي ولا بهظر من شدة ما بكون مرّة صارّي ومرّة مبتسم وطوالي بيديك شعور أنو مستغرب لأنو ما بنزل حاجب إلاّ عشان يرفع التاني ... عرفتوهو دا منو ؟؟












التوقيع: [align=center]
وما من كاتب إلا سيفنى *** ويُبقى الدهرُ ما كتبت يداه
فلا تكتب بكفك غير شئٍ *** يسرك في القيامة أن تراه
[/align]
عطر غير متصل   رد مع اقتباس
قديم 11-03-2006, 06:41 AM   #[40]
عكــود
Administrator
الصورة الرمزية عكــود
 
افتراضي

اقتباس:
[align=justify]تصدق الضرائب بتقدر دخل العيادة من منظر الكراسي و النظافة
يعني لو إنت زول بتحب النضافة و عيادتك مرتبة و مرمية في الضهاري و ما بتجيب دخل كويس
طوالي الضرائب تعاقبك لأنه منظر النظافة يكهربهم و و يرفع درجة حرارتهم و يجعل ثيرمومتر التقدير الضريبي يقفز لأعلي
شفت كيف الشغل الدراش؟؟!!
[/align]
حنينة بت أخوي،
صبّحك الله بالخير .. وآسف على تأخير الرد على مداخلتك الكاربة،
أتمنى إنّو يكون، فقط، ده هو السبب وما يكون الديفولت بتاعنا كشخصية سودانية
رغم إني أرى أنّ "دُراش الآخرين لا يبرّر دُراشنا"
اقتباس:
و كان أن أخذت الوظيفة مع بعض إعجاب و إندهاش منهم بال performance المدروس بعناية
مثل هذه الإنجازات تُثلج الصدر ..
وتكون مصدر فخرنا كسودانيين/ات
وأتّفق معاك، إنّ كل ما في الأمر فنّيات يُمكن التدرّب عليها
داخل أو خارج السودان
وما فات فينا الفوات
اقتباس:
قلت له..
أبيت ..صُر إنت بالنيابة عني
وأكيد الراجل كفّى و وفّى


في إنتظار المزيد،

عكــود



التوقيع:
ما زاد النزل من دمع عن سرسار ..
وما زال سقف الحُزُن محقون؛
لا كبّت سباليقو ..
ولا اتقدّت ضلاّلة الوجع من جوّه،
واتفشّت سماواتو.
عكــود غير متصل   رد مع اقتباس
قديم 11-03-2006, 06:57 AM   #[41]
عكــود
Administrator
الصورة الرمزية عكــود
 
افتراضي

الممكـــونة الصـــابرة،

ما شاء الله على متابعتك واهتماماتك ..
تشكري كتيييير على رابط NIIT، وطبعاً اضفتو على طول في الفافوريتز
وحأرجع ليهو كتير
صراحة الواحد ينبسط جدّاً لوجود مثل هذه المراكز المتخصّصة في السودان
بس إتمنى إنها تكون في متناول يد المؤسسات والشركات والمصالح المختلفة
والأهم من كده، إنّو يكونوا المسؤولين مقتنعين بفائدة مثل تلك الكورسات وعارفين الحوجة التدريبية لموظفيهم، بصورة علمية.

تسلمي يا ممكونة،

عكـــود



التوقيع:
ما زاد النزل من دمع عن سرسار ..
وما زال سقف الحُزُن محقون؛
لا كبّت سباليقو ..
ولا اتقدّت ضلاّلة الوجع من جوّه،
واتفشّت سماواتو.
عكــود غير متصل   رد مع اقتباس
قديم 11-03-2006, 07:07 AM   #[42]
عكــود
Administrator
الصورة الرمزية عكــود
 
افتراضي

أختي عطر،
صباحاتك بخير
اقتباس:
هل شاهدتا قريباً نشرة أخبار يذيعها عمر الجزلي؟؟ حتجيك الهجيمة والرجيمة حتقول الزول دا غضبان على الزمن ولا طالع من شكلة ومش عاوز يذيع أخبار إنما عاوز يعلن الحرب (على الرغم من المظهر النضيف ولفة العمة المكرّبة)
شاهدتها وأشاهده كلّما أطلّ على الشاشة مُجرجراً ..
ودايماً يتخيّل لي كأنّو مجبور علي قراية النشرة
لأنّو الكلمة يطلّعها بعد حراق روح
يعني مش الوقفات المطلوبة في نشرة الأخبار
لأ .. هو زايدها شويتين
وكلامك في محلّو
رغم تحفّظي الشديد على وصفك ل لفّة العِمّة بالمكرّبة

اقتباس:
لكن في زول كدا لمن يجي يقدم برنامجو ما بتعرفو جادي ولا بهظر من شدة ما بكون مرّة صارّي ومرّة مبتسم وطوالي بيديك شعور أنو مستغرب لأنو ما بنزل حاجب إلاّ عشان يرفع التاني ... عرفتوهو دا منو ؟؟
ودايماً "في الواجهـــــة"



أمّا صورتك المرفقة، فخير دليل،

تسلمي على المرور والإضافة "المكرّبة"

عكـــود



التعديل الأخير تم بواسطة عكــود ; 11-03-2006 الساعة 05:27 PM.
التوقيع:
ما زاد النزل من دمع عن سرسار ..
وما زال سقف الحُزُن محقون؛
لا كبّت سباليقو ..
ولا اتقدّت ضلاّلة الوجع من جوّه،
واتفشّت سماواتو.
عكــود غير متصل   رد مع اقتباس
قديم 04-10-2006, 10:20 AM   #[43]
نزار حسن علي
:: كــاتب نشــط::
 
افتراضي

الأخ/ عكود

يا سيدي دي ما عندها حل نهائي عارف ليه لانو خلاص ده موضوع اتطبع فينا خلاص عارف يا سيدي مرة كنا مسافرين القاهرة هل تصدق في مطار الخرطوم واحد لابس لبس عجيب ملابس وسخانه وجلابيه ما معروف لونه شنو وبدون طاقيه الظابط رجعوا قال ليهو عايز تعمل لينا فضيحه في مصر ايه رايك عدم الاهتمام بأي شئ مشكله كبيره وبعدين تزيد عليها الانهزامية عندهم روح انهزاميه من وين جابوها ما عارف

مع مودتي



نزار حسن علي غير متصل   رد مع اقتباس
قديم 04-10-2006, 11:54 AM   #[44]
ملكة سبأ
:: كــاتب نشــط::
الصورة الرمزية ملكة سبأ
 
افتراضي

آخر مداخلة لعكود كانت في :

11-03-2006 05:07 AM

ثم في
04-10-2006 09:20 AM

(كفتك) تناول نزار البوست ورد عاااادي تقول الموضوع ما مضى عليه نصف عام ويزيد من الزمان


نزار ؟ انت الوداك المتواجدين الآن شنو ؟

عندي إحساس انك خطفت الموضوع دا مني اثناء سياحتي في رحاب عكود صباح اليوم


اعترف وخلي الشغل الدراش


خلى بالك طويل الدنيا رمضان



التوقيع: [align=justify]زمــــنًــــا ... ... ... جــــــــاري
يـقـطـع نــفــس الــــزول الــواقــف
جــــوع الـبـحــر الـيـبـلـع قـيـفــو
عـــرق الـمـويـه الـهــادر وجــــارف
يـعــرض زي إبـلـيـس بــــى سـيـفــو
لا بـنــتــرا ولا بــقـــول آســــــف [/align]



(عبد العظيم الطاهر)
ملكة سبأ غير متصل   رد مع اقتباس
قديم 04-10-2006, 01:58 PM   #[45]
عبد العظيم الطاهر
:: كــاتب نشــط::
 
افتراضي

اقتباس:
المشاركة الأصلية كتبت بواسطة عطر
أخي عكود ...
طبعاً الأخوة والأخوات قبلي لم يتركو شيئاً (لأهلي الغبش)
هل شاهدتا قريباً نشرة أخبار يذيعها عمر الجزلي؟؟ حتجيك الهجيمة والرجيمة حتقول الزول دا غضبان على الزمن ولا طالع من شكلة ومش عاوز يذيع أخبار إنما عاوز يعلن الحرب (على الرغم من المظهر النضيف ولفة العمة المكرّبة)

لكن في زول كدا لمن يجي يقدم برنامجو ما بتعرفو جادي ولا بهظر من شدة ما بكون مرّة صارّي ومرّة مبتسم وطوالي بيديك شعور أنو مستغرب لأنو ما بنزل حاجب إلاّ عشان يرفع التاني ... عرفتوهو دا منو ؟؟
















اعوذ بالله يا عطر ........ ده اكتر زول انا مكجنو في الجماعة الهبرتجية ديل
صرة وشو دي تقطع الخميرة من البيت ....

مرة بابكر حنين عامل معاهو مقابلة في قناة النيل الازرق ... كان شفتوهو كان بتكلم ويهرش في حنين كييف ..؟ انا قرربت أنط ليهو جوّا الشاشة ...



التوقيع: [align=center]


يـا عـروب الحِلَّه الغادي
ويـا أدروب أنا ليكا بنادي
ويا الطمبـورن غـرد شـادي
ويا الساكنين في جنوب الوادي
خلوا أرواحـنا التبقى أيادي
نكتل الـدابي الدخـل العشه
هل في طريقه ............... ؟
[/align]
عبد العظيم الطاهر غير متصل   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 09:16 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2021, vBulletin Solutions, Inc.