دمج منتدى سودانيات دوت نت في دوت أورغ !!! عبد السلام

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!
آخر الأخبار العالمية

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 05-12-2013, 08:20 AM   #[1]
قرقاش
:: كــاتب نشــط::
الصورة الرمزية قرقاش
 
افتراضي عشان نهتف العلمانيه تطير وتقع البير ..اشرح لينا يا ود الخير..

حبيبنا ود الخير ..لك كل التحايا والاحترام ..
اسمح لى ان اجلس امامك متربعا ..كما كنا ايام الخلوه حين كنا نجلس متربعين امام الفكى .. احتراما ورهبه وايضا خوفا من الفلقه او ام سعد الله ...
وبما انى اقراء لك فى منتدانا هذا ..فلقد احسست ..انك تموت رعبا من وصول العلمانين الى الحكم ...وانك تحمل الشيوعيه مسئوليه رعايتهم للعلمانيه ..كل هذا من حقك ..
نتمنى فقط ان تشرح لنا ماهى هذه العلمانيه ..؟ وماهى اغراضها ..؟ وكيف ستوذيك او تؤذيكم حال وصولها الى الحكم ..؟
اعنى اتمنى ان تشرح لنا العلمانيه ...حتى لا نباريها ..



التوقيع: انته رايك شنو ...؟؟ قرقاش

(وما من كاتبٍ إلا سيفنى/ ويبقى الدهرُ ما كتبت يداه / ولا تكتب بكفّك غير شيء / يسرُّك في القيامةِ أن تراه).
قرقاش غير متصل   رد مع اقتباس
قديم 05-12-2013, 09:45 PM   #[2]
ود الخير
:: كــاتب نشــط::
الصورة الرمزية ود الخير
 
افتراضي

حبيبنا قرقاش القومة ليك يارجل يا محترم....وانا أقول ليك إنو انا شائف حرام عشان مجموعة بسيطة ..من الناس الربنا إبتلاهم بمعصية وهو القادر على ان يتوب عليهم حرام يا قرقاش نحن عشان نرضي الناس ديل نشيل توب الحياء من هذا الوطن المستور..ونعريهو ..هذا الوطن الذي حباه رب العالمين بناس، ...الامانه... والشهامة.. والمروة... هي زادهم وغطاهم ورفيقة دربهم...
فكيف نسمح لأنفسنا بعد أن منّا الله علينا بآخر أيام نميري الله يرحمو..بإغلاق مية وأربعتاشر بار بالعاصمة..وأصبحت كل مظاهر العاصمة ومنذ ذلك الحين مظاهر مشرفه ويتمناها كل غيور على دينه وعرضه...كيف يا قرقاش نسمح لأنفسنا أن نلبس توب لا يستر بالكاد عوراتنا ونترك توب العفاف والشرف..عشان نرضي منو...وهل بنضمن بعد أن نترك ديننا وتراثنا أن يرضى هولاء الرفاق مننا..

انا أشفق على هولاء الرفاق بعد أن توافق الحكومة على أن مرحب بالعلمانية في السودان...تخرج العلمانية وتقول ليهم لا أنا ما خلقت لبلاد زي السودان..
ما تنتجه العلمانيه من مظاهر حياة ومعاملات وقوانين بإسم الحريات الشخصية هذا ما أخافه على السودان الطاهر أخي قرقاش...

النعمه الفيها نحن في السودان ما حانعرف قيمتها إلا بعد نفقدها وأتمنى إنه دا ما يحصل..



التوقيع: Qui s'engage sur le chemin arrive
من مشى على الدرب وصل.
ود الخير غير متصل   رد مع اقتباس
قديم 05-12-2013, 10:06 PM   #[3]
اشرف السر
:: كــاتب نشــط::
الصورة الرمزية اشرف السر
 
افتراضي

اقتباس:
المشاركة الأصلية كتبت بواسطة ود الخير مشاهدة المشاركة
فكيف نسمح لأنفسنا بعد أن منّا الله علينا بآخر أيام نميري الله يرحمو..بإغلاق مية وأربعتاشر بار بالعاصمة..وأصبحت كل مظاهر العاصمة ومنذ ذلك الحين مظاهر مشرفه ويتمناها كل غيور على دينه وعرضه...
سلام لصاحب البوست
وسلام لود الخير

أسمح لي بمناقشة ما افتخرت به أعلاه....

هل الشريعة الاسلامية هي مجرد إغلاق بارات!!!
هل الشريعة الاسلامية هي ما فعله نميري من تعديلات في القانون الجنائي فقط... وادخل الحدود فقط.. وتناسى بقية مقومات الشريعة..
وهل كانت قوانين سبتمبر تلك هي قوانين تمثل الشريعة الاسلامية..

حقائق:
(قوانين سبتمبر 1983م) التى أدخلت بموجبها عقوبات الحدود الشرعية الإسلامية ضمن القانون الجنائى. ومن المعروف أيضاً أن الغرض من وراء إصدار تلك التعديلات كان سياسياً أكثر منه عدلياً، أو إسلامياً، وهدف إلى ترويع المواطنين وإدخال الرعب فى نفوسهم لتكريس حكم الطاغية الذى سمى نفسه إماماً للمسلمين! . ويذكر من عاصر تلك الفترة أنها تزامنت مع إعلان حالة الطوارئ فى البــلاد وتكوين ما ســمي محاكم (العدالة الناجزة) التى سامت المواطنين ترويعاً وإرهاباً بإصدار الأحكام الاستثنائية العاجلة بالجلد والقطع والقطع من خلاف والإعدام والصلب. ومن لا يذكر إعدام الأستاذ محمود محمد طه بابتداع جريمة الردة التى لم تكن حتى معّرفة فى القانون؟ وإعدام وصلب الواثق صباح الخير بسبب أنه (اشتهر) بالسرقة والسطو؟ ثم القطع والقطع من خلاف لمئات من بؤساء المواطنين المعدمين، خاصة أبناء الجنوب وغرب البلاد، من العطالى والمشردين الذين اضطرتهم ظروف حياتهم لمخالفة القانون لسد حاجياتهم البسيطة وإقامة الأود، حين صعبت أو استحالت فرص العيش الكريم. كما أن النظام الحاكم آنذاك لم يكن معنياً بمآل أولئك المقطوعين بعد أن استحالت كل فرص كسب العيش الشريف، خاصة بعد فقدان الأطراف. ولم يكتف النظام الحاكم بذلك، بل وصل إلى حد إغلاق وطرد إحدى المنظمات الغربية (غير الإسلامية)؟ التى جاءت بمشروع ومعدات لتركيب الأطراف الاصطناعية لمن فقدوها، من منطلق أنهم، بهذا المشروع، يقللون من آثار العقوبة الشرعية الإسلامية، كما لم يسع النظام إلى تبني أى مشروع لإعادة تأهيل المقطوعين أو كفالة أية وسيلة لكسب عيش كريم بعد فعل ارتكبوه ودفعوا أطرافهم ثمناً لذلك.
المعروف لدى كل فقهاء الشريعة الاسلامية أن العقوبات الحدية التى تشترط، أو ينبغى أن تشترط، بالنسبة لجرائم السرقة والحرابة كفالة العدالة الاجتماعية والأمن والعدل والمساواة، أعلى القيم الإسلامية. كما ذهب الكثيرون للاستشهاد بتجميد عقوبة حد القطع فى عام الرمادة بواسطة الفاروق عمر، رضي الله عنه...

- ليست قوانين شريعة لأنها تاخذ الناس بالشبهات.
- ولأنها لا تدرأ الحدود بالشبهات.
- ولأنها تتسور على الناس منازلهم لتهتك ستر الله عنهم.
- ولأن محاكم العدالة الناجزة لم تتوفر فيها أبسط مقومات العدالة، من تأهيل القضاة، وتوفر الدفاع، والبينات...


من أبجديات الفقه الاسلامي أن درء المفاسد مقدم على جلب المصالح.. صح الكلام ولا ما صح؟

النميري عمل شنو.. قفل 114 بار.. بناء على قوانينه..
فيم تسببت قوانينه:
- لم توفر البديل لاصحاب البارات.
- لم توفر وسيلة الحياة الكريمة لصانعات الخمور البلدية.
- الضعاف ومن لا يمتلكون قوتهم تم قطع أيديهم وأرجلهم ولم تهتم الدولة بهم.
- لا تنسى أن ملايين الشباب قتلوا بسبب حرب الجنوب التي اندلعت عقب اعلان النميري لقوانين سبتمبر
- كما لا ننسى مهزلة اعدام محمود محمد طه....


قم بترجيح هل أصلحت هذه القوانين أكثر مما ضرت؟



التوقيع:

اشرف السر غير متصل   رد مع اقتباس
قديم 07-12-2013, 09:09 AM   #[4]
قرقاش
:: كــاتب نشــط::
الصورة الرمزية قرقاش
 
افتراضي

الحبيب ود الخير ..
دعنا نرحب بحبيبنا الكمبيوترجى الجميل ..اشرف السر ..الرجل المعطاء ..
واسمح لى ان اشرح لك مافهته من رسالتك ..
وهو انك لاترى فى العلمانين الا انهم مجموعه ابتلاها الله بشرب الخمر ..وانك تخاف ان تعود البارات لتفتح ابوابها من جديد بسببهم...
( عدد البارات التى اغلقت هى مئه واربعتاشر بار اى بعدد سور القران الكريم ..؟؟؟؟؟) ...
وانك ترى ان الكارثه ستكون اكبر لو ان الحكومه سمحت لهم بفتح البارات ورفض العلمانين بحجه انهم اكبر من السودان ...وانك تخشى على الرفاق من هذا الامر ..
وحتى نكون واضحين ونستطيع الوصول الى فهم نتفق عليه فى حب وخدمه هذا الوطن ..اسمح لى ان اسال من تعنى بالرفاق ..؟
تانيا ...اتمنى ان تحدثنا بتفصيل اكثر عن ماقلته هنا ...
( ما تنتجه العلمانيه من مظاهر حياة ومعاملات وقوانين بإسم الحريات الشخصية )
فممافهمته من رسالتك انك تعتبر ان هذا ايضا من الامور التى تخشاها ..ولك كل احترامى



التوقيع: انته رايك شنو ...؟؟ قرقاش

(وما من كاتبٍ إلا سيفنى/ ويبقى الدهرُ ما كتبت يداه / ولا تكتب بكفّك غير شيء / يسرُّك في القيامةِ أن تراه).
قرقاش غير متصل   رد مع اقتباس
قديم 07-12-2013, 10:00 AM   #[5]
أبو جعفر
:: كــاتب نشــط::
الصورة الرمزية أبو جعفر
 
افتراضي

السلام عليكم قرقاش
وفعلاً موضوع ثري لأنه حوى صراع العصر بين الطغاة ومناهضيهم، وسبحان الله قبل فترة قرأت عناوين تقول : الإسلام هو رائد العلمانية .. والمطالبة بتطبيق الشريعة كفر وخروج من الدين .. طبعاً أنا أفتكرت الموضوع عنوان بلا مضمون ولكن الزول ده أقنعني إنو الإسلام أتى بالعلمانية المحررة للسياسة من تلاعب الطغيان الديني والفاشي بأنواعه المختلفة. وبعدين برضك أقنعني إن المطالبة بتطبيق الشريعة الإسلامية هو كفر وخروج من الدين. وأقتطف لكم منه:
اقتباس:
إن ادعاء صفة الإسلامية ورجم الآخرين بالعلمانية الذي يقوم به بعض الجهلة بالإسلام والسياسة، هو في حقيقته ادعاء باطل واحتيال لا أساس له في الإسلام بالكلية، ففي نهي قاطع حذر الرسول صلى الله عليه وسلم من اتخاذ الدين ذريعة لفرض الرأي السياسي على ولاية الأمر الشرعية، لحديثه في ذي الخويصرة التميمي الذي شادد الرسول صلى الله عليه وسلم في تقسيم قسمة من فضة – مستنداً على الآية 41 من سورة الأنفال التي توضح تقسيم الغنائم – قائلاً للرسول الكريم: أعدل يا محمد. علماً بأن القسمة وقتها شأن سياسي من اختصاص ولاية الأمر، فقال فيه الرسول صلى الله عليه وسلم: [[فإن له أصحاباً يحقر أحدكم صلاته مع صلاتهم، وصيامه مع صيامهم، يقرؤون القرآن لا يجاوز تراقيهم، يمرقون من الدين كما يمرق السهم من الرمية]]، [رواه البخاري ومسلم]. هذا الحكم عادل ومستحق فقد ثبت ضرر التدخل بالدين لفرض الرأي السياسي على المسلمين، وكيف إن هذا الفعل من الخوارج قد تسبب في الفتنة الكبرى وتدمير الخلافة الشرعية الراشدة، وأدى إلى قيام ملك غير شرعي، وتكوين جماعات مسلحة تشن الحرب باسم الإسلام تحت مظلة حكم الله دون وجه حق.
هذا وقد انعكستهذه الظاهرةعلى حاضرنا متمثلة في تلك التنظيمات التي ظاهرها التمسك بتعاليم الإسلام والسعي لتطبيق شرع الله، وباطنها فاشي مستبد. فهل أطلق الإسلام سلطة الإمارة والفتوى في الدولة الإسلامية فوضى لكل من يعلن عن رغبته في تطبيق الشريعة؟. ثم هل من وجود لشريعة إسلامية متكاملة من نظم ولوائح وقوانين تشمل كل ما أستجد ويستجد في حياة الناس، جاء بها الإسلام حتى نصف مناصروها بالإسلاميين ورافضوها بالعلمانيين؟.
والإجابة على هذا السؤال تقول لا وألف لا، فقد أطلق الإسلام صفة الشريعة على الدين قال تعالى في الآية 13 من سورة الشورى: [[شرع لكم من الدين ما وصى به نوحا والذي أوحينا إليكَ]]، وقال تعالى في الآية 21 من نفس السورة: [[أم لهم شركاء شرعوا لهم من الدين ما لم يأذن به اللَّه]]، ومعلوم أن الدين في الإسلام هو منظومة أركان الإيمان وأركان الإسلام والإحسان كما ورد في الحديث الذي رواه الإمام أحمد: [ذاك جبريل أَتاكم يعلمكم دينكم].
وأما السلطة والحكم فقد وردت في الكتاب والسنة بلفظ [الأمر]، وقد فوضت بالكامل لشورى المسلمين قال تعالى في الآية 38 من نفس السورة: [[وأمرهم شورى بينهم]] أي أن سلطة الإمارة في الدولة الإسلامية هي لشورى المسلمين. ومن هنا فليس هناك منهج أو نظام محدد للسلطة والحكم في الإسلام يمكن أن نطلق عليه صفة شريعة إسلامية ونطلق على ما خالفه من نظم صفة علمانية، فكل ما يصدر عن الشرعية المتمثلة في شورى المسلمين ومؤسسات ولاية الأمر المنبثقة عنها من نظم ولوائح وقوانين هو تشريع الوقت ولو شابه تشريع غير المسلمين.
وها هو الخليفة الراشد الثاني عمر بن الخطاب رضي الله عنه يأمر بضم الأراضي التي فتحت في عهده إلى بيت المال تحت إدارة فلاحيها الأصليين مع فرض الخراج عليهم، وهذا نظام فارسي مخالف لما جاء في الآية 41 من سورة الأنفال التي قضت بتقسيم الغنائم بنسبة الخمس لله والباقي للمقاتلين قال تعالى: [[واعلموا أنما غنِمتم من شيء فأن للَّهِ خمسه...]]، وهو كذلك مخالف لما فعل الرسول صلى الله عليه وسلم بأراضي خيبر التي خمسها وقسمها بين المقاتلين. فهل عمر بن الخطاب رضي الله عنه علماني لأنه لم يقضي بما أمر به الله ورسوله؟.
كلا وألف كلا ولكنه استخدم التفويض الذي أعطاه له القرآن الكريم في اتخاذ القرارات التي تصبح حال صدورها تشريع الوقت الملزم ولا يجوز لأحد معارضتها بادعاء عدم مطابقتها لأحكام الكتاب والسنة، فولاية الأمر الشرعية مفوضة من قبل المسلمين بحق التشريع الذي أنعم به الله سبحانه وتعالى على عباده في الآية 59 من سورة النساء قال تعالى: [[يا أيها الذين آمنوا أطيعوا اللَّه وأطيعوا الرسول وأولي الأمر منكم]]، وهنا يجب الانتباه إلى أن المطلوب هو طاعة أولي الأمر، والأمر كله قد أسند لشورى المسلمين، وتشير كلمة منكم لولاية الأمر الحاضرة، وطاعتها بحسب الآية من طاعة الله كما وأن قرارها سنة للحديث الذي رواه الإمام أحمد [[فعليكم بسنتي وسنة الخلفاء الراشدين المهديين، فتمسكوا بها وعضوا عليها بالنواجذ]]، من دون تحديد في الحديث لعدد الخلفاء أو تحديد زمان للخلافة الراشدة، الشيء الذي يؤكد استمرارية دور الشورى (الديمقراطية بالمعنى الحديث) ومؤسساتها كشرعية مشرعة في الإسلام.



التوقيع:
مسك العصا من النصف لا يوصلها إلى رأس الحية
آفة الرأي الهوى
أبو جعفر غير متصل   رد مع اقتباس
قديم 07-12-2013, 10:41 AM   #[6]
ود الخير
:: كــاتب نشــط::
الصورة الرمزية ود الخير
 
افتراضي

نعم ما أتخوف منه أن نفرط في سمعة وواجهة السودان الناصعة
لإرضاء أفكار من يبشرون بسودان لا يد للإحكام الشرعية والعرف فيه
ونكون بذلك ضيعنا ديننا ومبادئينا...وكلي يقين سوف نجني سراب..ونحن نبحث عن عدالة وحريه وطمأنينه ورفاهيه في معية ناس اليسار( بكل مسمياتهم
)
تجربة العلمانية في تونس ودول أخرى ...كافية أن نرفض حتى قبول التفاوض مع من يبشروننا بالحرية والديمقراطية والعدالة....

الآن انا اكتب واحوارك لكن يوجد من لا يقبل حتى مبدا الحوار مع المبشرين بأن علمنة الدولة سوف تنتج عداله واستقرار ورفاهية ... لوصولهم لقناعة! 



التوقيع: Qui s'engage sur le chemin arrive
من مشى على الدرب وصل.
ود الخير غير متصل   رد مع اقتباس
قديم 07-12-2013, 12:09 PM   #[7]
أبو جعفر
:: كــاتب نشــط::
الصورة الرمزية أبو جعفر
 
افتراضي

اقتباس:
المشاركة الأصلية كتبت بواسطة اشرف السر
- لا تنسى أن ملايين الشباب قتلوا بسبب حرب الجنوب التي اندلعت عقب اعلان النميري لقوانين سبتمبر

قم بترجيح هل أصلحت هذه القوانين أكثر مما ضرت؟.
السلام عليكم أخي أشرف وعساك بألف خير

هذا الذي أشرت إليه هو مربط الفرس والبيت القصيد فيما يفعله السلفية والإسلامويين من دمار لقاعدة السياسة أو نظرية الإسلام السياسية التي فوضت للمسلمين سلطة دولتهم وإمارتهم وحكومتهم وتقوم على: (أن يكون الناس أقرب للصلاح) كما ذكر ابن عقيل في مناظرته لسلفي.



التوقيع:
مسك العصا من النصف لا يوصلها إلى رأس الحية
آفة الرأي الهوى
أبو جعفر غير متصل   رد مع اقتباس
قديم 08-12-2013, 03:15 PM   #[8]
مهند الخطيب
:: كــاتب نشــط::
الصورة الرمزية مهند الخطيب
 
افتراضي

سلام وتحية ياقرقاش ...
واسمح لي عبرك استفسر ود الخير استفسار جاي من عنوان البوست...

ياود الخير شنو هي العلمانية؟؟ وكيف ممكن تتعارض مع سودانيتنا؟؟

كلام علمي عليك الله في الاجابة بعيدا عن العاطفي الكابيهو فوق ده...



التوقيع:
"أتعرفين ماهو الوطن؟ الوطن هو ألّا يحدث ذلك كلّه...!"

غسّان كنفاني
مهند الخطيب غير متصل   رد مع اقتباس
قديم 08-12-2013, 03:57 PM   #[9]
ود الخير
:: كــاتب نشــط::
الصورة الرمزية ود الخير
 
افتراضي

اقتباس:
المشاركة الأصلية كتبت بواسطة مهند الخطيب مشاهدة المشاركة
سلام وتحية ياقرقاش ...
واسمح لي عبرك استفسر ود الخير استفسار جاي من عنوان البوست...

ياود الخير شنو هي العلمانية؟؟ وكيف ممكن تتعارض مع سودانيتنا؟؟

كلام علمي عليك الله في الاجابة بعيدا عن العاطفي الكابيهو فوق ده...
يا أخ عليكم الله وبحق العاطفة نحن ما دايرين علمانية

دايرنها كدا....حياة دراويش

وعلمانيتكم بتاعة الإحتكام الى القوانيين الوضعية واستبعاد حق الناس ان يحتكموا للقوانين السماوية ما جايبه حقها في السودان...

نوصف ليك دربها في تسني واديس وكمبالا وجزء من إستانبول

بس تلبو من حياة دستور السودان دا....وكفاية راضين بيكم تمامة عدد
وأعلى نسبة حضور علماني في السودان كان تلانه مقاعد ... في آخر ديمقراطية...وتلاته مقاعد بعد تحالف عريض ضمّ الشيوعيين والناصرييين والبعثييين والقوميين العرب والمتردية والنطيحة....

العاطفة دي ساترة بلاوي ...ما في داعي للأرقام والحقائق



لانكم حا تتطلعوا 0 كبييييييييير

يا ود يا هنّو...



التوقيع: Qui s'engage sur le chemin arrive
من مشى على الدرب وصل.
ود الخير غير متصل   رد مع اقتباس
قديم 08-12-2013, 04:08 PM   #[10]
مهند الخطيب
:: كــاتب نشــط::
الصورة الرمزية مهند الخطيب
 
افتراضي

اقتباس:
المشاركة الأصلية كتبت بواسطة ود الخير مشاهدة المشاركة
يا أخ عليكم الله وبحق العاطفة نحن ما دايرين علمانية

دايرنها كدا....حياة دراويش

وعلمانيتكم بتاعة الإحتكام الى القوانيين الوضعية واستبعاد حق الناس ان يحتكموا للقوانين السماوية ما جايبه حقها في السودان...

نوصف ليك دربها في تسني واديس وكمبالا وجزء من إستانبول

بس تلبو من حياة دستور السودان دا....وكفاية راضين بيكم تمامة عدد
وأعلى نسبة حضور علماني في السودان كان تلانه مقاعد ... في آخر ديمقراطية...وتلاته مقاعد بعد تحالف عريض ضمّ الشيوعيين والناصرييين والبعثييين والقوميين العرب والمتردية والنطيحة....

العاطفة دي ساترة بلاوي ...ما في داعي للأرقام والحقائق



لانكم حا تتطلعوا 0 كبييييييييير

يا ود يا هنّو...
أها يعني أنا أفهم انك بتتكلم باسم مواطني جمهورية السودان؟ تمام...

وأفهم انك ما عندك تعريف ولا كلام علمي تقولو بس عاطفة ساي....عديلة...

كان كده عفيتك من الحوار والأسئلة الممكن تتعبك دي ...

بس عندي تعقيب صغير على البي الأحمر دي ، أنا اسمي مهند الخطيب ، "هنّو" دي ممكن أقبلا من خاصة الأصدقاء ، أما كلمة "ود" فدي يقولا ليك البتطبل وراهم ديل ، ما تتخيل أنك ممكن تخاطب بيها الجميع....
قليل ما أظنه بضيرك في شي ..وللا صعب بالنسبة ليك الاحترام؟



التعديل الأخير تم بواسطة مهند الخطيب ; 08-12-2013 الساعة 04:10 PM.
التوقيع:
"أتعرفين ماهو الوطن؟ الوطن هو ألّا يحدث ذلك كلّه...!"

غسّان كنفاني
مهند الخطيب غير متصل   رد مع اقتباس
قديم 08-12-2013, 05:27 PM   #[11]
ود الخير
:: كــاتب نشــط::
الصورة الرمزية ود الخير
 
افتراضي

اقتباس:
المشاركة الأصلية كتبت بواسطة مهند الخطيب مشاهدة المشاركة
أها يعني أنا أفهم انك بتتكلم باسم مواطني جمهورية السودان؟ تمام...

وأفهم انك ما عندك تعريف ولا كلام علمي تقولو بس عاطفة ساي....عديلة...

كان كده عفيتك من الحوار والأسئلة الممكن تتعبك دي ...

بس عندي تعقيب صغير على البي الأحمر دي ، أنا اسمي مهند الخطيب ، "هنّو" دي ممكن أقبلا من خاصة الأصدقاء ، أما كلمة "ود" فدي يقولا ليك البتطبل وراهم ديل ، ما تتخيل أنك ممكن تخاطب بيها الجميع....
قليل ما أظنه بضيرك في شي ..وللا صعب بالنسبة ليك الاحترام؟


علمي أكتر من كدا ؟؟؟



انت يا مهند وأخياتك ديل كملتو علينا الوشوش الصفر والخدر

يعني فيها شنو أنا لو دلعتك مرة واحدة... مستكثرة عليّ ... وبعدين دي ما

فيها عدم إحترام... نحن ما بشر يا أخي.. بنبغر... وبنقلّد ... وبنتأثر برضو

فيا أخي أعتبرني شالتني الشيمه وإتأثرت بالناس البدلعوك ديل ...

بتسويلك شنو ياود يا هنو دي!!؟

على كل انا ما حا أقولها ليك تاني

وبرضو قلته ما يخاطبوك في العام بالأمين...!

الننوس* بتاعينك كيفن كويسات؟؟
















* الدببه



التوقيع: Qui s'engage sur le chemin arrive
من مشى على الدرب وصل.
ود الخير غير متصل   رد مع اقتباس
قديم 08-12-2013, 08:31 PM   #[12]
مهند الخطيب
:: كــاتب نشــط::
الصورة الرمزية مهند الخطيب
 
افتراضي

اقتباس:
المشاركة الأصلية كتبت بواسطة ود الخير مشاهدة المشاركة
علمي أكتر من كدا ؟؟؟



انت يا مهند وأخياتك ديل كملتو علينا الوشوش الصفر والخدر

يعني فيها شنو أنا لو دلعتك مرة واحدة... مستكثرة عليّ ... وبعدين دي ما

فيها عدم إحترام... نحن ما بشر يا أخي.. بنبغر... وبنقلّد ... وبنتأثر برضو

فيا أخي أعتبرني شالتني الشيمه وإتأثرت بالناس البدلعوك ديل ...

بتسويلك شنو ياود يا هنو دي!!؟

على كل انا ما حا أقولها ليك تاني

وبرضو قلته ما يخاطبوك في العام بالأمين...!

الننوس* بتاعينك كيفن كويسات؟؟
















* الدببه
ياود الخير بس عشان ماننحى بالموضوع لاتجاه قلة الادب ومزيد من عدم الاحترام ، العﻻقات الانسانية دي ما فيها نقلد والهبل البتقول فيهو ده ، يعني انا ممكن أقلدك مع اخواتك مثﻻ زي ماحكيت انت؟؟؟!!

ماعندك شغلة ياود الخير بالبدلعوني وأدلعم وحقو تحفظ شي من الاحترام وبقول ليك للمرة التانية والاخيرة انا اسمي مهند الخطيب وكلمة "ود" دي تقوﻻ للبضرب الطبلة وراك ويقوﻻ ليك البتطبل ليهم ديل اعتقد كﻻمي كده واضح....

...المعذرة ياقرقاش



التوقيع:
"أتعرفين ماهو الوطن؟ الوطن هو ألّا يحدث ذلك كلّه...!"

غسّان كنفاني
مهند الخطيب غير متصل   رد مع اقتباس
قديم 09-12-2013, 05:27 AM   #[13]
ماجد تاج
:: كــاتب نشــط::
الصورة الرمزية ماجد تاج
 
افتراضي

اقتباس:
المشاركة الأصلية كتبت بواسطة مهند الخطيب مشاهدة المشاركة
ياود الخير بس عشان ماننحى بالموضوع لاتجاه قلة الادب ومزيد من عدم الاحترام ، العﻻقات الانسانية دي ما فيها نقلد والهبل البتقول فيهو ده ، يعني انا ممكن أقلدك مع اخواتك مثﻻ زي ماحكيت انت؟؟؟!!

ماعندك شغلة ياود الخير بالبدلعوني وأدلعم وحقو تحفظ شي من الاحترام وبقول ليك للمرة التانية والاخيرة انا اسمي مهند الخطيب وكلمة "ود" دي تقوﻻ للبضرب الطبلة وراك ويقوﻻ ليك البتطبل ليهم ديل اعتقد كﻻمي كده واضح....

...المعذرة ياقرقاش
ـ





دا استهبال يا ( مهند ) ..

تزعط بوست الراجل وتفش غبينتك وتقول ليه معذرة !



ـ



التوقيع:
Be careful when a naked person offers you a shirt
ماجد تاج غير متصل   رد مع اقتباس
قديم 09-12-2013, 01:49 PM   #[14]
قرقاش
:: كــاتب نشــط::
الصورة الرمزية قرقاش
 
افتراضي

احبه المنتدى سلام ..
ولنبدا مرحبيبن بالحبيب النسيب..ماجد تاج ونطمنه على البوست وعلى حق ملكيه كل احبه المنتدى فيه فالقصد ان نزيد بعضا بعض علما ومعرفه ...
والحقيقه اننى اهدى ماسطره اخونا ابوجعفر الى الحبيب ودالخير ليقراءه بعنايه .. ففيه رد على مساله الشريعه والقانون ..واقول له ان ماقاله مهند ..لايستحق ان يوصف قائله بانه هنو ..او هنتود ..فهو تماما مانريد ان نفهمه ..فماهى العلمانيه من وجهه نظرك ..؟ واتمنى ان تراجع قصه البارات هذه..
ونتفق معك بان النميرى قد اغلق البارات ...ولكن هل بطل الناس السكر ..؟على اجابتك يتوقف تحديد كيف يمكن ان يترك الناس السكر ...



التعديل الأخير تم بواسطة قرقاش ; 09-12-2013 الساعة 01:55 PM.
التوقيع: انته رايك شنو ...؟؟ قرقاش

(وما من كاتبٍ إلا سيفنى/ ويبقى الدهرُ ما كتبت يداه / ولا تكتب بكفّك غير شيء / يسرُّك في القيامةِ أن تراه).
قرقاش غير متصل   رد مع اقتباس
قديم 09-12-2013, 04:03 PM   #[15]
ود الخير
:: كــاتب نشــط::
الصورة الرمزية ود الخير
 
افتراضي

اقتباس:
المشاركة الأصلية كتبت بواسطة قرقاش مشاهدة المشاركة
احبه المنتدى سلام ..
ولنبدا مرحبيبن بالحبيب النسيب..ماجد تاج ونطمنه على البوست وعلى حق ملكيه كل احبه المنتدى فيه فالقصد ان نزيد بعضا بعض علما ومعرفه ...
والحقيقه اننى اهدى ماسطره اخونا ابوجعفر الى الحبيب ودالخير ليقراءه بعنايه .. ففيه رد على مساله الشريعه والقانون ..واقول له ان ماقاله مهند ..لايستحق ان يوصف قائله بانه هنو ..او هنتود ..فهو تماما مانريد ان نفهمه ..فماهى العلمانيه من وجهه نظرك ..؟ واتمنى ان تراجع قصه البارات هذه..
ونتفق معك بان النميرى قد اغلق البارات ...ولكن هل بطل الناس السكر ..؟على اجابتك يتوقف تحديد كيف يمكن ان يترك الناس السكر ...
هديتك* مقبوله (ما سطره أبو جعفر) غير أني حسيت إنو أبو جعفر وفي مداخلتين وصّل رساله أو حقيقة كأنها ضايعه علينا أو هي ما تبحث عنه انت أو ما ينكره ود الخير وهي ما قال عنه أنه البيت القصيد ورأس الرمح..السلفييين والاسلاميين الخ كلامه

من غير ما أورد تعريفات العلمانية والتي يستحيل أن توجد من ضمن

تعريفاتها إنها توفر لى مجتمع معافى محكوم بما أحلى وحرم الله..

الا يحق لي أن أتمسك بما هو بين من الحلال وأرغب أن يتنزل هذا البين الواضح

قوانيين..واحكام وشرائع أحتكم بيها أنا وكل من يرغب؟؟



التوقيع: Qui s'engage sur le chemin arrive
من مشى على الدرب وصل.
ود الخير غير متصل   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 03:02 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2021, vBulletin Solutions, Inc.