دمج منتدى سودانيات دوت نت في دوت أورغ !!! عبد السلام

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!
آخر الأخبار العالمية

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 30-11-2014, 04:29 PM   #[1]
شوقي بدري
:: كــاتب نشــط::
الصورة الرمزية شوقي بدري
 
افتراضي امبده ... امبده ليه ؟؟؟

امبده .... امبده ليه ؟؟
من حكماء امدرمان ود ارصد . وكان سائق تاكسي . وكان فردة البطل اللواء عوض عبد الرحمن صغير .وهو من رفض قتل المواطنين في اكتوبر . وضغط مع آخرين علي عبود للتنازل. وقديما كانت المهنة او التعليم لا تفرق بين الناس . تجد المنجد صديقا للقاضي مثل يوسف ومولانا عبد الحليم الطاهر متعه الله بالصحة . او العربجي عثمان طه ورئيس الجيش السوداني حمد النيل ضيف الله . ولحمد النيل ابن اسمه عثمان طه ولعثمان طه ابن اسمه حمد النيل .
بينما ود ارصد مستلقيا في السيارة في ليل شتاء بارد ، تقدم منه ثلاثة من ضخام الاجسام ونقروا علي الزجاج , وبعد ان فتح الزجاج قليلا قالوا له .... قوم ودينا امبده . فغسلهم بنظرة طويله وقال لهم قبل ان يقفل الزجاج ...... امبده... ليه ما تدقوني هني وتشيلوا القريشات . ووقتها لم تكن الكهرباء والماء قد وصلت الي امبده وكان الفراغ بين الاحفاد وامبدة يغص بالرباطين .
دلوكت الانقاذ قايمة وقاعدة ومؤجرة بيوت ومكاتب وعربات وهيلة وهيلمانة . امبده ليه ؟ مايدقوا الشعب ده في محله ويركيبوا البشير رئيس . ونرتاح من السفر والتكسر والسرادق والحفلات والترليونات الحتتصرف في حاجة نتيجتها معروفة كان بي خج كان بي قلع .
المحنة السودانية ان الانقاذ بتصدق كذبها قبل الآخرين . انهم يبحثون عن الشرعية عن طريق الانتخابات . والشرعية قد اتحرجمت لانها ذبحت بي قزازة . الدستور السمكرته الانقاذ قاموا عليه معطوه وظعطوه . تقول لي امبده .
غندور ده غبي ام متغابي هل يؤمن بانه بيفاوض . نافع قبل كده مش عرض وبشر وقال لقد اتيت لكم بالسلام ونحنا ونحنا الشرف الباذخ .. ورجع البشير هجروه وطلعوه خارج عن الملة . وعلي عثمان الطرطش غازي وركب في سرج نيفاشا وعمل فيها لقمان الحكيم . وكان يتوقع ان يفوز بجائزة نوبيل للسلام وبدأ في تحضير العبايه وسمعنا قالوا بيتدرب قدام المراية علي الخطبة الحيلقيها في النرويج . بعد ما طار البترول قبلوا عليه وخلوا ريحتو جاز جاز . وبمناسبة الجاز . الجماعة مش حسدوه وبدأ الكلام عن سكنه في جزيرة النخلة في دبي . وخلوه دلوكت يتضاير .
يتكلمون عن القوي الامين . وانهم سيحاربون الفساد وسيضعون الرجل المانسب في المكان المناسب . وحيجيبوا ناس مابتعرف تاكل . ما عارف كوز ما بياكل ده بيجيبوه من وين . لقد كتبنا وقلنا ان الانقاذ تحمل بذور الفناء داخلها . لان من سرق يريد ان يسرق زيادة . ومن لم يسرق ينتظر دوره . ومن لم يجد فرصة سينقلب او سيعارض وينقسم . وده الحاصل دلوت .
الكيزان ديل لو شافوا اي انسان بيعمل حاجة لوجه الله بيفتفتوا من الزعل . قبل كدة الاحفاد عندها مركز لرعاية الامومة والاطفال . ومجاني وده البجنن بوبي . قاموا قفلوه وشمعوه بالشمع الاحمر . قاسم بدري لافي شهرين ما لاقي السلطة الشمعت المركز . في النهاية كسر الشمع وفتح المركز . وقال عاوز اي زول يجي يسأل علشان يعرف من هو من شمع المركز . ولم يظهر احد . وغبينة مامون حميدة مع مستشفي جعفر ابنعوف ومستشفي الخرطوم هي نتاج لهذا الحقد علي العمل الصالح . ناس تقفل المستشفيات وتفتح وتوسع السجون . امبدة ليه ؟؟
احد الظباط نزل المعاش وكان عنده عربية . فكر ينزلها تاكسي . وزمان التكس بيدخل ذي مرتب رئيس الوزراء او اكتر حوالي 150 جنيه في الشهر . فاتصل الظابط المعاشي بصديقه اللواء عوض عبد الرحمن صغير وصديقه ود ارصد . وطلب الظابط ان يأتي له ود ارصد بسواق امين ما ياكلو . فقال له في هذه الحالة في حلين ,,,, يا تسوق العربية دي انت او تسوقها امك . لانه لو ابوك ساقها حياكلك ,, الانقاذ دي الا تجيب امها علشان تمسك الوزارات والمنظمات لان ابوها معرف حرامي ومجرم وقاتل وكذاب . لكن الانقاذ دي طفل انابيب . ام ماعندها ام .
انتو عرمان القادة تفاوض فيه الحكومة وغندور يحضن فيه ذي تقول نسيبه . مش الحكومة دي حاكمة عليه بالاعدام مع عقار والحلو ؟ والله لو لقيت لي زول يقدر يحل لي المعادلة دي ، انا حاكون شاكر وممتن ليه بقية حياتي . ناس غندور ديل عارفين انه طلبات الجبهة الثورية عادلة وصحيحة . وانهم ما حيقدروا ينفذوها . ولسة يدلكوا في درب اديس اببا وده بقي اكبر ديداب في الدنيا بعد ده الا يرصفوه . كلموا غندور . ديداب دي ما نبذ معناها سكة البهايم والناس في الخلاء . يقوم يزعل ويتهيخ ويطق . وهو عنده القابلية للطق . لمن هاجموه في حزب الامة اتنفخ زياده .خفت علي نضافة قبه المجلس البلدي في امدرمان . قال امبدة قال . امبد ... لييييييه ؟



التوقيع: [frame="6 80"]

العيد الما حضرو بله اريتو ما كان طله
النسيم بجى الحله عشان خاطر ناس بله
انبشقن كوباكت الصبر
وتانى ما تلمو حتى مسله
قالوا الحزن خضوع ومذله
ليك يا غالى رضينا كان ننذله



[/frame]


http://sudanyat.org/maktabat/shwgi.htm

رابط مكتبة شوقي بدري في سودانيات
شوقي بدري غير متصل   رد مع اقتباس
قديم 30-11-2014, 04:42 PM   #[2]
صديق عيدروس
:: كــاتب نشــط::
 
افتراضي

اقتباس:
المشاركة الأصلية كتبت بواسطة شوقي بدري مشاهدة المشاركة
. ناس غندور ديل عارفين انه طلبات الجبهة الثورية عادلة وصحيحة . وانهم ما حيقدروا ينفذوها
السلام عليكم استاذنا الكريم
خلينا من ناس غندور ،،انا وانت سودانيين عايزين نعرف الحاصل ونحكم عليه بعيدا عن مزايدات الحكومة والحركات المسلحة وداعميهم

ماهي طلبات الجبهة الثورية الصحيحة والعادلة ؟



التوقيع: (لا عقيدة أسمى من الحقيقة)
صديق عيدروس غير متصل   رد مع اقتباس
قديم 02-12-2014, 02:17 PM   #[3]
ناصر يوسف
:: كــاتب نشــط::
الصورة الرمزية ناصر يوسف
 
افتراضي

والله فعلاً يا عم شوقي ،،

أمبده ؟؟ !! أمبده ليييه ياخ ؟؟ !!!

ليهم يوم ولينا وللطن رب بيحمينا



التوقيع:
ما بال أمتنا العبوس
قد ضل راعيها الجَلَوس .. الجُلوس
زي الأم ما ظلت تعوس
يدها تفتش عن ملاليم الفلوس
والمال يمشيها الهويني
بين جلباب المجوس من التيوس النجوس
ناصر يوسف غير متصل   رد مع اقتباس
قديم 02-12-2014, 02:53 PM   #[4]
صديق عيدروس
:: كــاتب نشــط::
 
افتراضي

اقتباس:
المشاركة الأصلية كتبت بواسطة شوقي بدري مشاهدة المشاركة
ناس غندور ديل عارفين انه طلبات الجبهة الثورية عادلة وصحيحة
اقتباس:
المشاركة الأصلية كتبت بواسطة ناصر يوسف مشاهدة المشاركة
والله فعلاً يا عم شوقي ،،

أمبده ؟؟ !! أمبده ليييه ياخ ؟؟ !!!

ليهم يوم ولينا وللطن رب بيحمينا

سلام ياناصر
تكرار الكلام في سوء وسيئات الحكومة يعتبر تحصيل حاصل ،، واحيانا مقصود وموجه ،، الناس كلها عارفه عيوب وإنحرافات النظام ،،وبرضو عارفين كويس جدا عيوب وإنحرافات وجرائم المعارضين ،، المسلحين منهم والغير مسلحين ،، العنصريين وغير العنصريين

المشكلة الاكبر والماعارفنها كل الناس هي الدور الغريب البيقوم بيه (كتّاب المعارضة) ،، بقصد او بغير قصد ،، فهم يخدمون نفس الاهداف والاجندات الاستعمارية المشبوهة والتي تمول وتؤجج الصراعات في بلادنا والبلدان المجاورة

الناس اليوم ياناصر محتاجة ان يتكاتف الشرفاء والفضلاء ومن له قدر من المرؤة والاخلاق وبعد النظر للمساعدة في إنقاذ بلادنا من الوقوع في هوة الفوضى والاقتتال والحرب الاهلية كواجب اخلاقي وديني ،، ومن لم يستطع ان يقوم بذلك فخيرا له ان يصمت ،، لاننا مسؤلون عما نقول ونكتب ، خاصة إذا ترتب عليه إذكاء وتأجيج للفتنة ،،،
فال صلى الله عليه وسلم :: ( من كان يؤمن بالله واليوم الآخر ، فليقل خيرا أو ليصمت ، ومن كان يؤمن بالله واليوم الآخر ، فليكرم جاره ، ومن كان يؤمن بالله واليوم الآخر ، فليكرم ضيفه ) رواه البخاري ومسلم .



التعديل الأخير تم بواسطة صديق عيدروس ; 02-12-2014 الساعة 03:04 PM.
التوقيع: (لا عقيدة أسمى من الحقيقة)
صديق عيدروس غير متصل   رد مع اقتباس
قديم 02-12-2014, 03:13 PM   #[5]
عبد المنعم حضيري
:: كــاتب نشــط::
الصورة الرمزية عبد المنعم حضيري
 
افتراضي

اقتباس:
المشاركة الأصلية كتبت بواسطة صديق عيدروس مشاهدة المشاركة
سلام ياناصر
تكرار الكلام في سوء وسيئات الحكومة يعتبر تحصيل حاصل ،، واحيانا مقصود وموجهه ،، الناس كلها عارفه عيوب وإنحرافات النظام ،،وبرضو عارفين كويس جدا عيوب وإنحرافات وجرائم المعارضين ،، المسلحين منهم والغير مسلحين ،، العنصريين وغير العنصريين

المشكلة الاكبر والماعارفنها كل الناس هي الدور الغريب البيقوم بيه (كتّاب المعارضة) ،، بقصد او بغير قصد ،،فهم يخدمون نفس الاهداف والاجندات الاستعمارية المشبوهة والتي تمول وتؤجج الصراعات في بلادنا والبلدان المجاور

الناس اليوم ياناصر محتاجة ان يتكاتف الشرفاء والفضلاء ومن له قدر من المرؤة والاخلاق وبعد النظر للمساعدة في إنقاذ بلادنا من الوقوع في هوة الفوضى والاقتتال والحرب الاهلية كواجب اخلاقي وديني ،، ولم يستطع ان يقوم بكل ذلك فخيرا له ان يصمت ،، لاننا مسؤلون عما نقول ونكتب ، خاصة إذا ترتب عليه إذكاء وتأجيج للفتنة ،،،
فال صلى الله عليه وسلم :: ( من كان يؤمن بالله واليوم الآخر ، فليقل خيرا أو ليصمت ، ومن كان يؤمن بالله واليوم الآخر ، فليكرم جاره ، ومن كان يؤمن بالله واليوم الآخر ، فليكرم ضيفه ) رواه البخاري ومسلم .


أخي صديق

تحية طيبة وإحتراماً لك ولقلمك الرشيق وأنت تتناول المواضيع المختلفة في أزقة وحواري هذا المنبر العامر وأنا بذلك لسعيد.

أتفق معك بأن هنالك معارضة رهنت قرارها لغيرها وتمرغت ذلاً وإنكساراً تستجدي الآخرين مقابل إفتعال معارك تكون في أغلب الأحيان وهمية ولكنها ترضي ساداتهم وهؤلاء لا اعتقد بأنه سيكون لهم موضع قدم في حكم السودان ذهبت الإنقاذ أو بقيت لأن المواطن فطن ويعلم خائنة الساسة وما تخفي صدورهم ويعلم كذب إدعائاتهم.... ولكن ألا تتفق معي بأن هنالك معارضة وطنية خالصة همها الأول القضاء على نظام حكم البلاد بالقوة ويريد الإستمرار في حكمه هذا برغم إخفاقاته التي شهد بها أهله قبل أعدائه إلى أن يرث الله الأرض ومن عليها.
ومثل ما قلت أن تكرار الكلام عن سواءات النظام صار مكروراً وممجوجاً أرجو أن تسقط كلامك هذا على تكرار دفوعاتكم عن الحكومة وكلامكم عن المعارضة دون أن تفرقوا بين معارضة عميلة ومعارضة وطنية.

تحياتي وتقديري



عبد المنعم حضيري غير متصل   رد مع اقتباس
قديم 02-12-2014, 03:35 PM   #[6]
صديق عيدروس
:: كــاتب نشــط::
 
افتراضي

اقتباس:
المشاركة الأصلية كتبت بواسطة عبد المنعم حضيري مشاهدة المشاركة

أخي صديق

تحية طيبة وإحتراماً لك ولقلمك الرشيق وأنت تتناول المواضيع المختلفة في أزقة وحواري هذا المنبر العامر وأنا بذلك لسعيد.

أتفق معك بأن هنالك معارضة رهنت قرارها لغيرها وتمرغت ذلاً وإنكساراً تستجدي الآخرين مقابل إفتعال معارك تكون في أغلب الأحيان وهمية ولكنها ترضي ساداتهم وهؤلاء لا اعتقد بأنه سيكون لهم موضع قدم في حكم السودان ذهبت الإنقاذ أو بقيت لأن المواطن فطن ويعلم خائنة الساسة وما تخفي صدورهم ويعلم كذب إدعائاتهم.... ولكن ألا تتفق معي بأن هنالك معارضة وطنية خالصة همها الأول القضاء على نظام حكم البلاد بالقوة ويريد الإستمرار في حكمه هذا برغم إخفاقاته التي شهد بها أهله قبل أعدائه إلى أن يرث الله الأرض ومن عليها.
ومثل ما قلت أن تكرار الكلام عن سواءات النظام صار مكروراً وممجوجاً أرجو أن تسقط كلامك هذا على تكرار دفوعاتكم عن الحكومة وكلامكم عن المعارضة دون أن تفرقوا بين معارضة عميلة ومعارضة وطنية.

تحياتي وتقديري
حياك الله اخونا عبدالمنعم
ياخي انا مادافعت عن الحكومة ولن ادافع عنها ،، راجع كلامي كويس ،، انا اتكلم عن الموقف الحالي والظرف الحرج والحساس الذي تمر به البلاد ،، والذي لايحتمل غيرالحكمة وبعد النظر والتروي (الف مرة ) للمساعدة في ايجاد حل امن ومضمون يضمن عدم انزلاق بلادنا في الفوضي ،،، أمّا من اراد ان يصم اذنيه ويغمض عينيه ويستمر في تكرار العبارة الموهمة (اسقاط النظام )،، فهذا شأنه ،، لان كل اطفال وصبيان السودان لديهم تصور صحيح وناضج لما يمكن ان تؤول اليه الامور في ظل وجود جيوش ومليشيات مسلحة تستهدف الدولة قبل النظام ،، لانها موجودة وفاعلة على الارض قبل ان يأتي النظام



التوقيع: (لا عقيدة أسمى من الحقيقة)
صديق عيدروس غير متصل   رد مع اقتباس
قديم 02-12-2014, 04:07 PM   #[7]
شوقي بدري
:: كــاتب نشــط::
الصورة الرمزية شوقي بدري
 
افتراضي

الاستاذ صديق السلام عليكم . صدقت ا لشسعب السوداني ليس بغبي . ونحن جزء من هذا الشعب . مسرحية نحن ضد الحكومة ولكن لا نقبل بالمعارضة التي ترتبط بساسات خارجية ، واننا نخشي عل البلد من الانزلاق والفوضي هذا كلام سمج . لان البلد قد انهارت وسقطت في اسفل درك من الفوضي والاجرام والتقسيم والتشرزم . ولم يبقي في الحكم الا اسوأ المجرمين .
لم نسمع لك يوما بانتقاد البشير وبقية اللصوص والقتلة الذين ادانهم الترابي والكودة والعتباني ... الخ هل انت بتعرف البشير وبقية السفلة اكثر من هؤلاء ؟؟
طيب بدل الكلام الفضفاض الذي يشمل دفاع مبطن عن البشير وجماعته . كدي انت قولينا واحد اتنين تلاته انحنا نتخلص من النظام ده كيف ؟ ومعلاضتنا تكون كيف . ما تنسي واحد اتنين تلاته سمح . نحن نؤمن باجتثاث هذا النظام بكل الطرق المتاحة . ماهي وصفتك ؟ انا شخصيا لا اعرف برامج جارجية زوعلي اقتناع ان شن حرب شاملة علي البشير وبقية المجرمين حق من حقنا . انت رايك نكتب عرضحالات ؟



التوقيع: [frame="6 80"]

العيد الما حضرو بله اريتو ما كان طله
النسيم بجى الحله عشان خاطر ناس بله
انبشقن كوباكت الصبر
وتانى ما تلمو حتى مسله
قالوا الحزن خضوع ومذله
ليك يا غالى رضينا كان ننذله



[/frame]


http://sudanyat.org/maktabat/shwgi.htm

رابط مكتبة شوقي بدري في سودانيات
شوقي بدري غير متصل   رد مع اقتباس
قديم 02-12-2014, 05:04 PM   #[8]
صديق عيدروس
:: كــاتب نشــط::
 
افتراضي

اقتباس:
المشاركة الأصلية كتبت بواسطة شوقي بدري مشاهدة المشاركة
الاستاذ صديق السلام عليكم . صدقت ا لشسعب السوداني ليس بغبي . ونحن جزء من هذا الشعب . مسرحية نحن ضد الحكومة ولكن لا نقبل بالمعارضة التي ترتبط بساسات خارجية ، واننا نخشي عل البلد من الانزلاق والفوضي هذا كلام سمج . لان البلد قد انهارت وسقطت في اسفل درك من الفوضي والاجرام والتقسيم والتشرزم . ولم يبقي في الحكم الا اسوأ المجرمين .
لم نسمع لك يوما بانتقاد البشير وبقية اللصوص والقتلة الذين ادانهم الترابي والكودة والعتباني ... الخ هل انت بتعرف البشير وبقية السفلة اكثر من هؤلاء ؟؟
طيب بدل الكلام الفضفاض الذي يشمل دفاع مبطن عن البشير وجماعته . كدي انت قولينا واحد اتنين تلاته انحنا نتخلص من النظام ده كيف ؟ ومعلاضتنا تكون كيف . ما تنسي واحد اتنين تلاته سمح . نحن نؤمن باجتثاث هذا النظام بكل الطرق المتاحة . ماهي وصفتك ؟ انا شخصيا لا اعرف برامج جارجية زوعلي اقتناع ان شن حرب شاملة علي البشير وبقية المجرمين حق من حقنا . انت رايك نكتب عرضحالات ؟
جزاك الله خير
يعني انت ماشايف اي توجيه وتمويل خارجي للمليشيات المسلحة بغرض زعزت الامن والاستقرار في البلد ..!

وبرضو بتشوف انو الحل هو في اسقاط واجتثاث النظام بقوة السلاح ..!

وبعد ان يسقط النظام وينهار الجيش والدولة من بعد ،، سيخرج المواطنون الرجال والنساء وزعماء القبائل في كل انحاء السودان لاستقبال الجيوش المنتصرة ،، وسيخضع الجميع ويعم السلام والامن والامان في ربوع البلاد ،،

بالله انت جادي في الكلام ده ،، ؟
نفس منطق بوش (من ليس معنا فهو ضدنا )

برجع لبقية كلامك



التوقيع: (لا عقيدة أسمى من الحقيقة)
صديق عيدروس غير متصل   رد مع اقتباس
قديم 02-12-2014, 06:24 PM   #[9]
عبد المنعم حضيري
:: كــاتب نشــط::
الصورة الرمزية عبد المنعم حضيري
 
افتراضي

اقتباس:
المشاركة الأصلية كتبت بواسطة شوقي بدري مشاهدة المشاركة
الاستاذ صديق السلام عليكم . صدقت ا لشسعب السوداني ليس بغبي . ونحن جزء من هذا الشعب . مسرحية نحن ضد الحكومة ولكن لا نقبل بالمعارضة التي ترتبط بساسات خارجية ، واننا نخشي عل البلد من الانزلاق والفوضي هذا كلام سمج .


أخي شوقي

لك التحية والتقدير

أنا راس السوط لحقني هنا ...لأني فعلاً ضد المعارضة العميلة زي ما أنا ضد حكم الكيزان الغاشم والذي أتمنى زواله اليوم قبل بكرة ...

من يعارض سياسياً المفروض يكون صاحب فكرة ومشروع وطني تتضائل امامه حياته فليعارض من الداخل أو على الأقل أن يكون حراً في فكرته ومشروعه الذي يناضل من أجله.

السودان مستهدف من قبل دوائر الإستعمار العالمي هذه حقيقة لا ينكرها إلا أعمى أو متعامي والدليل الموقف الأمريكي الثابت من السودان الذي لم يتغير على مر الحقب وتغير الحكومات وعلى الأقل هذا الكلام ينطبق على تاريخنا الحديث وأعني به الفترة من حكم مايو البغيض وحتى الآن في كل الفترات نجد أن الأمريكان واقفين على الشط الآخر من الحكومات السودانية المختلفة فلماذا نضع أيدينا في أيديهم كمعارضة وندفق مويتنا على الرهاب؟؟؟؟

النظام الحاكم الآن هو أكبر عميل لأمريكا ومنفذ بعلم أو بجهل لكل سياساتها في المنطقة فلنخالفه كمعارضة ولنبحث عن طرق وقوى أخرى غيرهم نقاوم بها النظام.

مجرد وجهة نظر .... مع فائق إحترامي وتقديري لقلمك القوي وشخصك الكريم

تحياتي



عبد المنعم حضيري غير متصل   رد مع اقتباس
قديم 02-12-2014, 07:21 PM   #[10]
شوقي بدري
:: كــاتب نشــط::
الصورة الرمزية شوقي بدري
 
افتراضي

الاخ عب الكمعم لك التحية . اظن معاك ممكن آخد وادي . نرد علي بعض بنقاط ؟ 1 ... ماذا تقصد بالمعرضة العميلة . ومن هم وحلتهم ويب ؟ العمالة هي عمالة الكيزان لانهم يتبعون التنظيم العالمي وليس الوطن .
2 ...انا مقتنع بنقاط معينة قالوها ناس الانقاذ . الداير يقلعنا الايجينا بالبندقية . اي نقاش مع البشير ضياع وقت . انت حتعرف احسن من البشير ؟
3 ... اذا انت ما مقتنع بمحاربة النظام . ادينا روشتة المعارضة الانتا بتفتكر ناجعة .
4 ... الناس ديل قتلة وكذابين عبارة عن همباتا سرقوا الوطن . ودلوكت بيقتلوا الناس في جبال النوبة والنيل الازرق . هل ناس المناطق دي تسمع اكسح امسحو قشو ماتجيبو حي والناس تربع ايدينها وتنتظر الموت ؟؟
5 ... بسبب البترول الانقاذ فتنت المسيرية وذودت الكيزان منهم باسلحة ثقيلة . واعطت الاتنين في المية من البترول لكيزان المسيرية ز وسلمت الاراضي والمشروع الزراعي لصباحي المسيري الكوز . لان الكوز لا يحترم انتماءه القبلي او المحلي فقط تنظيم الاخوان العالمي . الحل شنو في نظرك ؟؟



التوقيع: [frame="6 80"]

العيد الما حضرو بله اريتو ما كان طله
النسيم بجى الحله عشان خاطر ناس بله
انبشقن كوباكت الصبر
وتانى ما تلمو حتى مسله
قالوا الحزن خضوع ومذله
ليك يا غالى رضينا كان ننذله



[/frame]


http://sudanyat.org/maktabat/shwgi.htm

رابط مكتبة شوقي بدري في سودانيات
شوقي بدري غير متصل   رد مع اقتباس
قديم 02-12-2014, 07:45 PM   #[11]
عبد المنعم حضيري
:: كــاتب نشــط::
الصورة الرمزية عبد المنعم حضيري
 
افتراضي

اقتباس:
المشاركة الأصلية كتبت بواسطة عبد المنعم حضيري مشاهدة المشاركة


أخي شوقي

لك التحية والتقدير


من يعارض سياسياً المفروض يكون صاحب فكرة ومشروع وطني تتضائل امامه حياته فليعارض من الداخل أو على الأقل أن يكون حراً في فكرته ومشروعه الذي يناضل من أجله.

وحتى الآن في كل الفترات نجد أن الأمريكان واقفين على الشط الآخر من الحكومات السودانية المختلفة فلماذا نضع أيدينا في أيديهم كمعارضة وندفق مويتنا على الرهاب؟؟؟؟

النظام الحاكم الآن هو أكبر عميل لأمريكا ومنفذ بعلم أو بجهل لكل سياساتها في المنطقة فلنخالفه كمعارضة ولنبحث عن طرق وقوى أخرى غيرهم نقاوم بها النظام.

مجرد وجهة نظر .... مع فائق إحترامي وتقديري لقلمك القوي وشخصك الكريم

تحياتي

دي الروشتة أخي شوقي .... أن نحرر قرار المعارضة من ربقة الإرتهان لمن نعلم عدائه للبلد ولإنسانه بغض النظر عن من يحكم. وأسلوب الترابي هو الغاية تبرر الوسيلة فما الفرق بيننا وبينه إن إرتضينا أن نصل للحكم بأي وسيلة حتى ولو كانت على حساب الثوابت. أن نعارض بقوة من الداخل والخارج كسودانيين ولو حسينا بإستهداف للوطن معلن أو مبطن نقيف كلنا في خندق واحد مع الكيزان لكي يعلم العدو أنه ليس أقرب إلينا من بني جلدتنا وإن جاروا علينا.
وفي رأي المتواضع أن اي معارضة تصل للحكم على أجنحة الإستعمار وبدعمه وتوجيهه لهي معارضة هزيلة ولن تستمر في الحكم وستسقط بنفس السرعة التي وصلت بها للحكم. قد تقول لي دا كلام نظري وإنشا ساكت ولا يمت للواقع بصلة ولكن تبقى دي وجهة نظري كمواطن سوداني له غيرة على بلده يتفق معها من يتفق ويخالفها من يخالف.


اقتباس:
المشاركة الأصلية كتبت بواسطة شوقي بدري مشاهدة المشاركة
الاخ عب الكمعم لك التحية . اظن معاك ممكن آخد وادي . نرد علي بعض بنقاط ؟ 1 ... ماذا تقصد بالمعرضة العميلة . ومن هم وحلتهم ويب ؟ العمالة هي عمالة الكيزان لانهم يتبعون التنظيم العالمي وليس الوطن .
2 ...انا مقتنع بنقاط معينة قالوها ناس الانقاذ . الداير يقلعنا الايجينا بالبندقية . اي نقاش مع البشير ضياع وقت . انت حتعرف احسن من البشير ؟
3 ... اذا انت ما مقتنع بمحاربة النظام . ادينا روشتة المعارضة الانتا بتفتكر ناجعة .
4 ... الناس ديل قتلة وكذابين عبارة عن همباتا سرقوا الوطن . ودلوكت بيقتلوا الناس في جبال النوبة والنيل الازرق . هل ناس المناطق دي تسمع اكسح امسحو قشو ماتجيبو حي والناس تربع ايدينها وتنتظر الموت ؟؟
5 ... بسبب البترول الانقاذ فتنت المسيرية وذودت الكيزان منهم باسلحة ثقيلة . واعطت الاتنين في المية من البترول لكيزان المسيرية ز وسلمت الاراضي والمشروع الزراعي لصباحي المسيري الكوز . لان الكوز لا يحترم انتماءه القبلي او المحلي فقط تنظيم الاخوان العالمي . الحل شنو في نظرك ؟؟
لا اختلف معك في كل ما قلته وستقوله عن الإنقاذ بل وأتفق معك فيه كله فقط أختلف معك في النظرة العامة لآلية المعارضة....

لك ودي وتقديري



عبد المنعم حضيري غير متصل   رد مع اقتباس
قديم 02-12-2014, 08:18 PM   #[12]
عبد المنعم حضيري
:: كــاتب نشــط::
الصورة الرمزية عبد المنعم حضيري
 
افتراضي

الشعب السوداني الذي ثار وإقتلع أعتى الديكتاوريات التي عرفت في التأريخ الحديث هل سيعجزه إقتلاع هؤلاء .... ولكن عندما ثار الشعب في إكتوبر ضد عبود كان هنالك رجال يركن إليهم الشعب ويحملهم في عقله الجمعي كقادة وكذلك عندما ثار على نميري .... فأين القادة الآن أخي شوقي الذين سيناضل الشعب وهم في ذهنه كقادة؟؟؟؟ اين هم؟؟؟

صدقني ما طال عمر هذا النظام إلا بعد أن ضعفت القيادة السياسية للمعارضة وإرتبط إسمها بالعمالة والإرتزاق

تحياتي



عبد المنعم حضيري غير متصل   رد مع اقتباس
قديم 02-12-2014, 09:10 PM   #[13]
شوقي بدري
:: كــاتب نشــط::
الصورة الرمزية شوقي بدري
 
افتراضي

كتر خيرك يا عبد المنعم . الآن تأكد لي انك تريد ان تتكلم من اجل الكلام .انتا واحد اتنين تلاتة دي مابتعرفها ؟كلامك ده كلام عايم . هنا انزل انا . نحن يمكن ان نقف مع الشيطان ولن نقف ابدا مع الكيزان . لقد حاولت انا قبل 20 سنة ان انضم الي القتال ضد الانقاذ , ونصحت بانني بعد عمر اكثر من الاربعين الاربعين قد اشكل عبئا علي المقاتلين وان عندهم ما يكفي من الشباب . قلت لي تقيف مع احمد هارون ونافع ؟؟ هل ده معقول ؟؟ هذه المحن السودانية .



التعديل الأخير تم بواسطة شوقي بدري ; 02-12-2014 الساعة 09:19 PM.
التوقيع: [frame="6 80"]

العيد الما حضرو بله اريتو ما كان طله
النسيم بجى الحله عشان خاطر ناس بله
انبشقن كوباكت الصبر
وتانى ما تلمو حتى مسله
قالوا الحزن خضوع ومذله
ليك يا غالى رضينا كان ننذله



[/frame]


http://sudanyat.org/maktabat/shwgi.htm

رابط مكتبة شوقي بدري في سودانيات
شوقي بدري غير متصل   رد مع اقتباس
قديم 03-12-2014, 05:58 AM   #[14]
صديق عيدروس
:: كــاتب نشــط::
 
افتراضي

اقتباس:
المشاركة الأصلية كتبت بواسطة شوقي بدري مشاهدة المشاركة
نحن يمكن ان نقف مع الشيطان ولن نقف ابدا مع الكيزان . لقد حاولت انا قبل 20 سنة ان انضم الي القتال ضد الانقاذ .
طيب ما ياهو ده نفس منطق الدواعش ،،،!
لو في فرق عايزين نعرف ،،، وبرضو ياريت يتسع صدرك معانا وما تفرض لينا خيارين لاثالث لهما إما مع الشيطان وإما مع الانقاذ ...!

هل السودان من وجهة نظرك تلخص في الجبهة الثورية والمؤتمر الوطني ..؟

وهل سيثمر القتال والعمل المسلح في اسقاط الحكومة ام سيقويها ..؟

برضو بنحاول نصدقك انك ماعارف انو الحركات والمليشيات المسلحة مدعومة من جهات إستعمارية مشبوهة ..!

ولكن اكيد انك تعرف بان هذه المليشات المسلحة كانت تقاتل الدولة السودانية قبل ان تاتي حكومة الجبهة الاسلامية للحكم

وسوف لن تضع السلاح حتى ولو سقت الحكومة والنظام الحالي *

* (المعلومة في السطرالاخيرعلى مسؤليتي)



التوقيع: (لا عقيدة أسمى من الحقيقة)
صديق عيدروس غير متصل   رد مع اقتباس
قديم 03-12-2014, 06:19 AM   #[15]
عبد المنعم حضيري
:: كــاتب نشــط::
الصورة الرمزية عبد المنعم حضيري
 
افتراضي

اقتباس:
المشاركة الأصلية كتبت بواسطة شوقي بدري مشاهدة المشاركة
كتر خيرك يا عبد المنعم . الآن تأكد لي انك تريد ان تتكلم من اجل الكلام .انتا واحد اتنين تلاتة دي مابتعرفها ؟كلامك ده كلام عايم . هنا انزل انا . نحن يمكن ان نقف مع الشيطان ولن نقف ابدا مع الكيزان . لقد حاولت انا قبل 20 سنة ان انضم الي القتال ضد الانقاذ , ونصحت بانني بعد عمر اكثر من الاربعين الاربعين قد اشكل عبئا علي المقاتلين وان عندهم ما يكفي من الشباب . قلت لي تقيف مع احمد هارون ونافع ؟؟ هل ده معقول ؟؟ هذه المحن السودانية .

مشكور كتير

ووجهة نظرك محل تقدير وإن إختلفنا معها

تحياتي



عبد المنعم حضيري غير متصل   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 09:32 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2021, vBulletin Solutions, Inc.