ازرق كحل الشيخات.. ماك طيب..
ذاتها المتاحة يا قريبي شفناها في القمة الأفريقية الإستثنائية.. الموضوع يا اخي بقى ناس ابو البراء السوداني في نيروبي ويست قيت مول ، و تركيب خيال المآتة من روؤساء وهم امثال ادريس ديبي المنزوع من سوق ليبيا في امدرمان لغاية ما بقى رئيس في انجمينا ، و اخونا ميشيل جودتويا اول رئيس مسلم لأفريقيا الوسطي (ده غير عيال ابا الحابسين هناك) ، و جوطة مالي بتاعة انصار الدين و جماعة التوحيد لغرب افريقيا ، و عكة اهلنا هناك الإنقسموا ام زرقة و عرب في شمال مالي ، في سبيل كيس نايلون اسمو احياء دولة المرابطين..!!!
و ناس شيخ شريف الصومالي القريتوهم في جامعة الدلنج عشان يسبكوا السواطة الحصلت في الصومال الشقيق..!!!
الموضوع يا ول ابا.. نحن السودانيون و السودانيات عارفين بنكاتل في شنو.. مش موضوع نشيل البشير و نجيب غيرو ، الموضوع موضوع الإسلام السياسي القسم السودان لدولتين و لسع عشمان يقسم الباقي لخمس دول اخرى ، وفوق لي ده قسمتوا القارة الأفريقية...!!!
المال الحرام القطري و السلاح الإيراني ، كلهم ما بيملأوا عين سوداني امو بت عم ابوهو..و مليشيات ادريس ديبي الجابوها لمن البشير قام قومة المك و دقش كنانة ، أو مليشيات كلـــــــيب الحر نافع..ومليشيات تيران ارتريا و الحبش و الصومال ، دي كلها ما بتخوف زول ولا بتملا عين زول...!!!
شرحوا.. راس الترابي و ابراهيم السنوسي و باقي الجريوات امثال نافع و علي عتمان و عوض الجاز ابكر...اديتونا ليهم بالتي هي احسن .. اهلا و سهلا.. قلتو سيك ميك.. الزمن كفيل بالشهادة..!!!
على قول صديقي ود البشرى.. الموضوع تار..و اهلنا قالوا الما بشيل التار ابوهو حمار..!!!
كبر
بدروف حرامي النت
كل سنه وانت سارق
المنقول اعلاه من سودانيزاونلاين لصاحبك كبر
فهو اكثر من يعتد برايه فيك . بالمناسبه عنوانك هذا يذكرني بالنكته التي قيلت على ايام السلام من الداخل الذي وقعه مشار في القصر الجمهوري مع الانقاذ .
التعديل الأخير تم بواسطة ابومشعل ; 19-10-2013 الساعة 09:18 AM.
|