انضممت اليكم

[أشتر]

خش
الف الف مرحب

[فتحي مسعد حنفي]

المشاركة الأصلية كتبت بواسطة هاشم طـه

والله إعتزلت صغير لكن يا أبو الفتوح إصابة وللا شنو .. ، وأنا مخطط أمر على الرواق الأيمن في المطار .. يعني بقيـت فرادي .. كان كدي أشوف لي نصيـة .. يعني إنت دفعة جمال سعيد وعقيلي وود القسيس نسيت إسمو .. !!! لا حول الله .. الله يديك العافية.

جمال محمد سعيد أو جمال جمرك انا دفعة أخوه الاصغر منو سميراما عقيلي فأنا دفعة ابراهيم عقيلي(كركور) ولما تجي حأحكي ليك نوادره أأما ود القسيس فدا قصة تانية دايرة قعدةعموما عشان ما تقعد تخمن ساكت أنا درست سنة أولي في الانجيلية وتانية في الكلية القبطية وتالته الامتحنت فيها كانت في مدرسة فاروق جمال عبد الناصر لاحقا ودا كان في سنة 1963 حين التحقت بجامعة القاهرة الفرع بكلية الحقوق وكان معانا المرحوم الطيب شبيكة وفريجون وديل دراسيا دفعتي لكن كانوا الاتنين فوق الاربعين سنا ووقتها الطيب شبيكة كان ناظر مدرسةكما كان معنا عباس ابو شامة وخورشيد وفاروق هلال وديل كانوا ضباط شرطة ومعانا المحامية صفية صفوت ودي كانت دفعتي وكان استاذنا في المصطلحات الانجليزية سعيد ميرغني حمور المحامي...

[مواطن]

لا يا أبو الفتوح .. الكلام ده بقى لازمه أكتر من نصية .. أكيد بتعرف ولد بابكر الديب .. وأبراهيم كبير .. وعادل ميرزا بيكون دفعتك .. يعني لفيت على الثلاثة مدارس .. سمير سعيد أصغر من جمال .. ويمكن تكون بتعرف نصر الدين حسن سعد .. وحسن دقدق .. وأبو الرمم ... وفيس الهورس (عادل) ..
كدي لما نتقابل يوم 23 .. بس لو القاهرة برد كلمني من حسع أغير النوع ..

[طارق صديق كانديك]

يبدو لي أننا على موعد مع الجمال .. فما لبثنا مرحبين بك أخي ود القصاص إلا واحتوتنا أحرف اساتذتنا هاشم طه ومسعد حنفي فجلسنا نتابع باهتمام لائق .. !!

أهلاً بك بيننا والبيت بيتك .. !!

تحياتي

[فتحي مسعد حنفي]

المشاركة الأصلية كتبت بواسطة هاشم طـه

لا يا أبو الفتوح .. الكلام ده بقى لازمه أكتر من نصية .. أكيد بتعرف ولد بابكر الديب .. وأبراهيم كبير .. وعادل ميرزا بيكون دفعتك .. يعني لفيت على الثلاثة مدارس .. سمير سعيد أصغر من جمال .. ويمكن تكون بتعرف نصر الدين حسن سعد .. وحسن دقدق .. وأبو الرمم ... وفيس الهورس (عادل) .. وعادل ميرزا دفعتي وقريبيوما تنسي صبري الحكيم وحيدر الحكيم(الأعور)دي لما نتقابل يوم 23 .. بس لو القاهرة برد كلمني من حسع أغير النوع ..

المرحوم حيدر الديب دفعتي وابراهيم كبير وسمير محمد علي وفيصل سيحة كانوا في تالتة وانا في اولي نصر الدين حسن سعد وحسن فنادق قدامي بي سنة ومنصور حسن سعد(منصفون) نفس الحكاية وعادل قلته دفعتي وحسن دقدق لامن كنا طلبة كان في قطروما كنت بعرف رمم وما تنسي أخو جمال وسمير الأصغر اية بكسر الألف وتشديد الياء..
البرد عادي يعني احنا في امشير يوم يكون 18 وتاني يوم 25 يعني كفاية عليك السحلب

[مواطن]

إذا إلى لقاء قريب بإذن الله .. وشكرا على التواصل ، وإعتذاري لود القصاص .. قصينا ليه البوستر بتاعو

[ودالقصاص]

المشاركة الأصلية كتبت بواسطة محمد أبوعاقلة

خش
الف الف مرحب

خشيت تسلم ابو حميد
تخريمة
محمد ابو عاقلة يوسف؟؟ولا تشابه اسامي

[ودالقصاص]

المشاركة الأصلية كتبت بواسطة طارق صديق كانديك

يبدو لي أننا على موعد مع الجمال .. فما لبثنا مرحبين بك أخي ود القصاص إلا واحتوتنا أحرف اساتذتنا هاشم طه ومسعد حنفي فجلسنا نتابع باهتمام لائق .. !!

أهلاً بك بيننا والبيت بيتك .. !!

تحياتي

مرحبتين حبابك حفيد كانديك
ومراحب بالاستاذين هاشم طه و فنحي مسعد حنفي

[ودالقصاص]

المشاركة الأصلية كتبت بواسطة هاشم طـه

إذا إلى لقاء قريب بإذن الله .. وشكرا على التواصل ، وإعتذاري لود القصاص .. قصينا ليه البوستر بتاعو

ونحن منتظرين ومتابعين معاكم ويازول قص زي ما عايز

[فتحي مسعد حنفي]

المشاركة الأصلية كتبت بواسطة ودالقصاص

ونحن منتظرين ومتابعين معاكم ويازول قص زي ما عايز

بالله شوف الشطارة دي يا ود طه..هم منتظرين ومتابعين واحنا نقلع في هدومنا هدمة هدمة قدام الناس لغاية ما نقيف ملط..بالله عليك شوف الراجل دا عايز يقص علينا بالمعني الخليجي

[عمر عبدالكريم]

حبابك قصاص
اخوك زيك وجاي
كرت لسه ورقتي ماإتفكت

[مواطن]

تعرف يا فتحي .. كتير بتحسـر إنو الأجيال البتكتب معانا حسع دي ماعاشت الزمن الجميل زيّـنا ، بيسمعوهو حكايات .. يعني لما الواحد يسمعك بتتكلم عن ال G.B. يقول ليك دي عيادة دكتور؟ .. وإذا كلمتو عن الأتيـنيـه وللا ال CYMS , وللا الدونبوسكـو .. بيفتكرك بتتكلم عن هنولولو ..، حسع حينط واحد منهم يسألك الألغاز دي شنو يا جماعة ..؟
خليهم يرموا سماعاتم .. دي أجيال ما تركت ليها الأنظمة الإتولدوا في ظلها غير الشمار والواحد ما بيلومهم .. بالعكس بشعر بتعاطف ومحبة ليهم .. الفرق إنو نحن أخدنا زمنـّا وهـم أخـدهم الزمـن..
لك الحب

[jezabell]

المشاركة الأصلية كتبت بواسطة هاشم طـه

.. الفرق إنو نحن أخدنا زمنـّا وهـم أخـدهم الزمـن..

هنا قمة البلاغة..
يااااااااااهو حالنا دوت كوم وردوم يا هاشم.. وصفتنا فأجدت وعلى الاجيال القادمة مراعاة فروق التدهور..


ود القصاص مرحب بيك وبي انضمامك.. فاضل نشوف نضميك

[مواطن]

يا رشـويـة .. وينـك يا ست الحسان .. ؟؟
البلاغة دي ما دايرة تحريض .. أها شفتي .. ؟؟ من ما أشرقتي نحـن غردنا ..

[ودالقصاص]

المشاركة الأصلية كتبت بواسطة فتحي مسعد حنفي

بالله شوف الشطارة دي يا ود طه..هم منتظرين ومتابعين واحنا نقلع في هدومنا هدمة هدمة قدام الناس لغاية ما نقيف ملط..بالله عليك شوف الراجل دا عايز يقص علينا بالمعني الخليجي

فرق اجيال يا اخ فتحي

وبعدين قص بالمعني الامدرماني وبين قوسين امدرمان القديمة

تحياتي