الرِزِق تلاقيط

[قيس شحاتة]

المشاركة الأصلية كتبت بواسطة زول الله

وحتى موعد "اللقيط" تجدنا هنا -في انتظار الدر- متكئين على ارائك اخترعناها
و
كيفنك وعساك فاين انت والاسرة الكريمة ورمضانكم كريم

ثم..
اشتياقات ليها ابعاد





اقول قولي هذا واستغفر الله لي...............

حبيبنا خلف،
الله أكرم
الحمد لله نحنُ بخير. والشوق حاصِل واللهِ.
كنتَ حاضِراً بالبال البارحة عندما وقعت عيناي على وُريْقة كُتِب عليها:
السكه طالت والمسير..
والشّوف صِبح يا بت طشاش
واللهفه في عيون القمر
رَسَمَت ملامح الإندهاش
حزنانه شتلات الربيع
تسأل متين جيْة الفراش؟
دا ريدك الغيم الهطل
حرّك نِسيمات الدُّعاش

المشاركة الأصلية كتبت بواسطة رأفت ميلاد

وضمير الكتابة فى هذا البوست يعود لصاحبه

عشان حنكك السّنين دا، صاحب البوست ما عندو مانع.

المشاركة الأصلية كتبت بواسطة كيشو

ازيك يا خواجة
وسﻻم لقيس وزول الله
البوست دا ذكرني فرضيات وحاجات في راسي دا خايف أخش فيها أجهجه البوست؛ ويمكن أحتاج أحرسا

مرحبتين كيشو. كل سنة وانت طيّب.
وفي انتظار حاجاتك وفرضياتك ال بتدورلها حراسة دي يا مولانا.

المشاركة الأصلية كتبت بواسطة أميرى

الغيث سلامات

أأوو خاسر*


__
* مناسب معاك أكتر من "ياسر".

المشاركة الأصلية كتبت بواسطة أميرى

وهنا ربكة الحروف مقصودة فأنت فينا مثل بعثرتها حرفا إثر سحابة

أقرا كلامك أصدقك

المشاركة الأصلية كتبت بواسطة أميرى

اااي عااارف
خلاص ما تلوم
و يا نقط نقط ديك قولها في سرك آ سفيه

في سرّي لشنو؛ التلفون دا مالو؟ ما بتصّل؟

المشاركة الأصلية كتبت بواسطة رأفت ميلاد

تعرف الأدباء ديل بفترضو الفى راسم وكرعينم ما فى الواطة .. طالما القصة خواطر عندى شعور قوى قيس ده جواهو زول سلفى ما لاقى طريقو للخروج .. عشان الأبداع والسلفية ما متباريات ..

صِدقاً لي كلامك يا عم رأفت، إنت شُفتَ الجانب المُضيء من السلفي الجواي؛ الجانب المُظلم - الله لا ورّاك ليهو - عندو أفكار تانية تُبيح طلب الشّهادة في كفار الانترنت

إتّا يا عم رأفت، بعد دا، الجرجير براهو ما بساعدك؛ بتدورلك معاهو فِجل وبصل أخدر غُلاد.

المشاركة الأصلية كتبت بواسطة مرافي

والرزق تلاقيط
سلام لكل (الملقطين)

مرافي، كل سنة وانتي طيبة. ينعاد عليك وأنت وأسرتك بخير.

المشاركة الأصلية كتبت بواسطة بابكر عباس

أول من قام بتدوين هذه الجملة يا قيس هو: يُوسف ميخائيل جد رأفت نقلا عن خُطب المهدي في مُذكراتِه عن المهدية، يقول: كان المهدي يخرج من خلوتِه على المُريدين ويبكي بعين واحدة والدموع على خده وبعد أن يحث أتباعِه على الجِهاد يختم ب: "يا أحباب الله، الرِزِق تلاقيط"

شكراً بابكو، صاحب العينين الوقادتين والشارب الكثيف.
ما تنسى بين الفينة والأخرى تجي تلقّط معانا.

المشاركة الأصلية كتبت بواسطة جيجي

هو زاتتو شكلو قيس غلبوا اللقيط

ودمعو اتشتّت.. غلب اللقاط

عيد سعيد يا جيجي

المشاركة الأصلية كتبت بواسطة محمد علي الجراح

ومن قبلك سلام لقيس

جبل الكحل بهدنو المراويد ...

مرحبتين محمد علي. كل سنة وانت طيّب
المثل دا وصفو جامع ومثالو مُعبّر جداً.

[قيس شحاتة]

دجاجي يَلقُط الحَبَّ!

٭٭ وعد "المتعافي" ذات يوم بجعْل الدجاج وجبةً للفقراء، وبالطبع لم يفِ بوعده، لأنه وعْد مَن لا يستطيع لِمن لا يحلم! وأعاد "الخضر" رفْع الشعار ذاته، ولم يأكل الفقراء إلا لحم الخُطب الذي لا يُسمِن ولا يُشبع. وبين هذا وذاك ظل الشعب يهتف:
"دجاجي يلقطُ الحَبَّ
ويجري وهو فرحانا"
وما همَّتْ به نفسي
مهما كنتُ جوعانا
فلا أُلقِي له بالاً
ولم أجعله لي شانا
يطيبُ الفول لي عَيْشاً
أكونُ بأكلِهِ انْسانا
فإن شِئْتُم لنا نفْعاً
وإصلاحاً وإحْسانا
فمَحْضُ الخُبزِ مقصَدُنا
وهذا السُّوقُ أشقانا
وَدَعوا الدجاج فإنّهُ
"لَعَيْنُ القفْزِ بالزّانة"!!

[رأفت ميلاد]

المشاركة الأصلية كتبت بواسطة قيس الصديق شحاته

دجاجي يَلقُط الحَبَّ!

٭٭ وعد "المتعافي" ذات يوم بجعْل الدجاج وجبةً للفقراء، وبالطبع لم يفِ بوعده، لأنه وعْد مَن لا يستطيع لِمن لا يحلم! وأعاد "الخضر" رفْع الشعار ذاته، ولم يأكل الفقراء إلا لحم الخُطب الذي لا يُسمِن ولا يُشبع. وبين هذا وذاك ظل الشعب يهتف:
"دجاجي يلقطُ الحَبَّ
ويجري وهو فرحانا"
وما همَّتْ به نفسي
مهما كنتُ جوعانا
فلا أُلقِي له بالاً
ولم أجعله لي شانا
يطيبُ الفول لي عَيْشاً
أكونُ بأكلِهِ انْسانا
فإن شِئْتُم لنا نفْعاً
وإصلاحاً وإحْسانا
فمَحْضُ الخُبزِ مقصَدُنا
وهذا السُّوقُ أشقانا
وَدَعوا الدجاج فإنّهُ
"لَعَيْنُ القفْزِ بالزّانة"!!

ياخ تلاقيطك متعة أستمر بالله

أديك بداية بمناسبة دحاجى يلقط الحبّ

نامى نامى يا تيتانى
عندى زهرً ذو ألوانِ

[قيس شحاتة]

المشاركة الأصلية كتبت بواسطة رأفت ميلاد

ياخ تلاقيطك متعة أستمر بالله

حاضِر يا عم رأفت. ("عم"، دي، لو بتضايقك "استراتيجياً" أنِي ممكن نسحبوها).
بعدين شايفك صدّقت رواية بابكو إنو جدّك يوسف ميخائيل هو صاحب مقولة "الرِزِق تلاقيط" وسوّيت الدّرِب ساساق

[قيس شحاتة]

"المزاج" السوداني إلى إحتضار!

٭٭ نشِطت السُلطات قبل شهور في حملة "شعواء" ضد مقاهي الشّيشة، وأصدرت قراراً بإغلاقها بدعوى أن تعاطي الشّيشة ليس من (قيمنا). لكن السلطات الموقرة التي تزعم الخوف على أخلاقنا، تركت مُنتجي المعسّلات وأصحاب المصانع يعملون وسكتت عنهم تواطؤاً أو خوفاً؛ فالدّفاع عن القِيم ينتهي بتشريد أصحاب المقاهي الكادحين لأنه أضعف من أن يطال (التماسيح) وأهون أمراً من المساس بمصالحهم.
أيها السّادة أصحاب المقامات السامية والجناب العالي؛ يحتاج الناس في بلد العجائب وزمان الشوائب وعصر المصائب هذا، إلى كثير من الصّبر، وضِعفين من الاحتمال، وقليل من (الكيف) ليصفو مزاجُهم العكِر، ويعتدل ميزانهم المائل، فترفّقوا بهم حتى لا يقول منهم قائل:
(حَجَرٌ) (حَجَرْ)
أنفاسُهُ يا صاحِبِي
يتسلّلُ الإحباطُ فيها والضَجَر
دخانُهُ كأنّه
بركانُ غُبْنٍ وانفجَرْ
لحظاتهُ في خلوةٍ
يحلو بنجواها السَمَرْ
وخيالُنا من فَرْطِهِ
تكوينُهُ شتّى الصُّوَرْ
و(جراكُهُ).. (نعناعُهُ)
مَزْجٌ يفيد إذا اختَمَرْ
لا تمنعونا (شُرْبَهُ)
لا تحرمونا ذا الأثَرْ

[عكــود]

سلام يا قيس ولعلك طيب؛

متابعة كتاباتك متعة والله.

واصل الله لا يسيئك.

[زول الله]

المشاركة الأصلية كتبت بواسطة قيس الصديق شحاته

[B]
(حَجَرٌ) (حَجَرْ)
أنفاسُهُ يا صاحِبِي
يتسلّلُ الإحباطُ فيها والضَجَر
دخانُهُ كأنّه
بركانُ غُبْنٍ وانفجَرْ
لحظاتهُ في خلوةٍ
يحلو بنجواها السَمَرْ
وخيالُنا من فَرْطِهِ
تكوينُهُ شتّى الصُّوَرْ
و(جراكُهُ).. (نعناعُهُ)
مَزْجٌ يفيد إذا اختَمَرْ
لا تمنعونا (شُرْبَهُ)
لا تحرمونا ذا الأثَرْ

ياخي دا مزاج عالي شديد
يفيد اذا اختمر بالجد

المشكلة اذا حاجات تانية اختمرت



حتى المزاج ياهؤلاء حتى المزاج ؟؟؟؟؟







اقول قولي هذا واستغفر الله لي...................

[رأفت ميلاد]

المشاركة الأصلية كتبت بواسطة قيس الصديق شحاته

حاضِر يا عم رأفت. ("عم"، دي، لو بتضايقك "استراتيجياً" أنِي ممكن نسحبوها).
بعدين شايفك صدّقت رواية بابكو إنو جدّك يوسف ميخائيل هو صاحب مقولة "الرِزِق تلاقيط" وسوّيت الدّرِب ساساق

يا حليلك عمو بقت ترفع المعنويات .. نحن بقينا ناس جدو والشقع حلاقيمم كبيرة تجيب التايه

منو القال ليك ما ضدقت بكور ده أنا متإكد من الملكية .. كب كبك وخلينا نمخمخ .. شيوخ البورد جابو لينا طمة

[قيس شحاتة]

النقطة ما بيناتنا!

أوضحُ ما يمكن أن يَسوءَ موقف الأحزاب والشخصيات المشارِكة في التشكيل الوزاري المُقبل، أنّ (الإتفاق) معها يتم – غالباً – بعد (الإنفاق) عليها.

[قيس شحاتة]

المشاركة الأصلية كتبت بواسطة عكــود

سلام يا قيس ولعلك طيب؛

متابعة كتاباتك متعة والله.

واصل الله لا يسيئك.

سلام عمّنا عكود ومعذرة على التأخّر في الرّد.
سأواصِل إن شاء الله حتى لا أحرِم نفسي شرفَ متابعتك. شكراً يا عمدة.