اقتباس:
المشاركة الأصلية كتبت بواسطة زول الله
وحتى موعد "اللقيط" تجدنا هنا -في انتظار الدر- متكئين على ارائك اخترعناها
و
كيفنك وعساك فاين انت والاسرة الكريمة ورمضانكم كريم
ثم..
اشتياقات ليها ابعاد
اقول قولي هذا واستغفر الله لي...............
|
حبيبنا خلف،
الله أكرم
الحمد لله نحنُ بخير. والشوق حاصِل واللهِ.
كنتَ حاضِراً بالبال البارحة عندما وقعت عيناي على وُريْقة كُتِب عليها:
السكه طالت والمسير..
والشّوف صِبح يا بت طشاش
واللهفه في عيون القمر
رَسَمَت ملامح الإندهاش
حزنانه شتلات الربيع
تسأل متين جيْة الفراش؟
دا ريدك الغيم الهطل
حرّك نِسيمات الدُّعاش
اقتباس:
المشاركة الأصلية كتبت بواسطة رأفت ميلاد
وضمير الكتابة فى هذا البوست يعود لصاحبه
|
عشان حنكك السّنين دا، صاحب البوست ما عندو مانع.
اقتباس:
المشاركة الأصلية كتبت بواسطة كيشو
ازيك يا خواجة
وسﻻم لقيس وزول الله
البوست دا ذكرني فرضيات وحاجات في راسي دا خايف أخش فيها أجهجه البوست؛ ويمكن أحتاج أحرسا
|
مرحبتين كيشو. كل سنة وانت طيّب.
وفي انتظار حاجاتك وفرضياتك ال بتدورلها حراسة دي يا مولانا.
اقتباس:
المشاركة الأصلية كتبت بواسطة أميرى
الغيث سلامات
|
أأوو خاسر*
__
* مناسب معاك أكتر من "ياسر".
اقتباس:
المشاركة الأصلية كتبت بواسطة أميرى
وهنا ربكة الحروف مقصودة فأنت فينا مثل بعثرتها حرفا إثر سحابة
|
أقرا كلامك أصدقك
اقتباس:
المشاركة الأصلية كتبت بواسطة أميرى
اااي عااارف
خلاص ما تلوم
و يا نقط نقط ديك قولها في سرك آ سفيه
|
في سرّي لشنو؛ التلفون دا مالو؟ ما بتصّل؟
اقتباس:
المشاركة الأصلية كتبت بواسطة رأفت ميلاد
تعرف الأدباء ديل بفترضو الفى راسم وكرعينم ما فى الواطة .. طالما القصة خواطر عندى شعور قوى قيس ده جواهو زول سلفى ما لاقى طريقو للخروج .. عشان الأبداع والسلفية ما متباريات ..
|
صِدقاً لي كلامك يا عم رأفت، إنت شُفتَ الجانب المُضيء من السلفي الجواي؛ الجانب المُظلم - الله لا ورّاك ليهو - عندو أفكار تانية تُبيح طلب الشّهادة في كفار الانترنت
إتّا يا عم رأفت، بعد دا، الجرجير براهو ما بساعدك؛ بتدورلك معاهو فِجل وبصل أخدر غُلاد.
اقتباس:
المشاركة الأصلية كتبت بواسطة مرافي
والرزق تلاقيط
سلام لكل (الملقطين)
|
مرافي، كل سنة وانتي طيبة. ينعاد عليك وأنت وأسرتك بخير.
اقتباس:
المشاركة الأصلية كتبت بواسطة بابكر عباس
أول من قام بتدوين هذه الجملة يا قيس هو: يُوسف ميخائيل جد رأفت نقلا عن خُطب المهدي في مُذكراتِه عن المهدية، يقول: كان المهدي يخرج من خلوتِه على المُريدين ويبكي بعين واحدة والدموع على خده وبعد أن يحث أتباعِه على الجِهاد يختم ب: "يا أحباب الله، الرِزِق تلاقيط"
|
شكراً بابكو، صاحب العينين الوقادتين والشارب الكثيف.
ما تنسى بين الفينة والأخرى تجي تلقّط معانا.
اقتباس:
المشاركة الأصلية كتبت بواسطة جيجي
هو زاتتو شكلو قيس غلبوا اللقيط
|
ودمعو اتشتّت.. غلب اللقاط
عيد سعيد يا جيجي
اقتباس:
المشاركة الأصلية كتبت بواسطة محمد علي الجراح
ومن قبلك سلام لقيس
جبل الكحل بهدنو المراويد ...
|
مرحبتين محمد علي. كل سنة وانت طيّب
المثل دا وصفو جامع ومثالو مُعبّر جداً.