الكرفسه،،،،،

25-02-2021, 04:37 PM

*الكرفسه،،،*
اييييييييييك ،،،،،
في ناس بحبوها،،،،،
هم و الكرفسه زي الطره و الكتابه،،،،
و في ناس بصحوا من النوم،،،،
خلي البطانيه ،،،، و لا الملايه ،،،،
وشهم زاتوا بكون مكرفس،،،،
لكن،،،
في ناس انيقين،،، بمرقوا من البيت،، منظمين و مجيهين،،،
المكوه سيف،،،، ممكن تسطر بي بنطلونه شدة ما مكوي صاح،،، زي ده بكيفك،،، جد،،،
تقعد تعاين ليهو،، و لي لبسه،،، ولي مشيته،،، زي البفتش في طابور الشرف،،،
مسكين،، بكون محافظ،،، على قشرته دي،،
يقوم كده يركب المواصلات،، َ هاك يا دفسيبه،،، و جنس عصر،، ومدافره،،،،، و ناس تدعك فيهو ،،،
لا تعرفها حساده و لا دايرين يفكوا مغصتهم فيهو ،،،
المسكين،،،، بعد يجتاز،،، العكه دي ،،، و يلقى ليهو مقعد،،، طوالي براجع لبسته،، بقوم بصر وشو ،،، و من تعبير الصره،،، بكون كرفسوا ،،، عشان هدومه اتكرفست ،، والقشره القيافه ،،،، اتكرفست،،،، مزاج
و اتكرفس،،،
الكديسه ،،،، طوالي مكرفسه و شها،،، زي بتاع الحركه ،،، و زي أحبابنا المريخاب ،،، شربوا *فيتا* لحدي ما قالوا كفانا،،،،
و سمعنا منهم غناء البلابل،، شربنا دموعنا،،، ما روينا،،،
احلى كرفسه،،، صرة البوز حقت الشفع،، يا اخ،،،، دي حلوه حلا ،،، زي البطيخ بعد الغداء،،،
تلقاهم مكرفسين وشهم و بضحكوا،، ده إجرام الطفوله،،،، الضاحك،،،،
في كرفسة زمن كانت القرايه مجاني،،،،،،، يقولوا لينا قوم يا طالب امسح السبوره،،،، كرفسه منقوله على الهواء Life,,,, بنقوم نكرفس قطعة القماش و هاك يا مسح،،،، زي لجنة إزالة التمكين،،،، بنمسح ساي ،،،، وبنعاين للباقين ،،،،
و ما بنشوف حاجه،،،، اصلوا شغلهم،،، بقى زي حفر البير،،، ما معروف متين تجيب المويه،،،،
هسه مع العولمه،،،
الناس خلت كرفسة الوش،،،، بقت تكرفس دهب،،،، بالطيارات،،،، مره بتقبض و مرات كتييييييره ما بتكرفس،،،
الكرفسه الجاينا من جهة الشمال،،، دي البتودينا التوج ،،، تدخل دفارات شايله سموم مكرفسه،، وتمرق بي خيرات بلدنا،، تخلينا نكرفس وشنا،،، و نكرفس للماشي و الجاي،،،

فكوها شويه يا ناس،،،،
كرفسة الوش،،،، ما سمحه،،،

*زمان كنا بنشيل الود،،،*
*و ندى الود،،،،*

ياريت يرجع الزمن داك،،،

*د. علي الشيخ*
*الحنين*
*امدرمان*
*٢٥ فبراير ٢٠٢١*

25-02-2021, 04:37 PM	#[1]
علي الشيخ Guest	الكرفسه،،،،، الكرفسه،،، اييييييييييك ،،،،، في ناس بحبوها،،،،، هم و الكرفسه زي الطره و الكتابه،،،، و في ناس بصحوا من النوم،،،، خلي البطانيه ،،،، و لا الملايه ،،،، وشهم زاتوا بكون مكرفس،،،، لكن،،، في ناس انيقين،،، بمرقوا من البيت،، منظمين و مجيهين،،، المكوه سيف،،،، ممكن تسطر بي بنطلونه شدة ما مكوي صاح،،، زي ده بكيفك،،، جد،،، تقعد تعاين ليهو،، و لي لبسه،،، ولي مشيته،،، زي البفتش في طابور الشرف،،، مسكين،، بكون محافظ،،، على قشرته دي،، يقوم كده يركب المواصلات،، َ هاك يا دفسيبه،،، و جنس عصر،، ومدافره،،،،، و ناس تدعك فيهو ،،، لا تعرفها حساده و لا دايرين يفكوا مغصتهم فيهو ،،، المسكين،،،، بعد يجتاز،،، العكه دي ،،، و يلقى ليهو مقعد،،، طوالي براجع لبسته،، بقوم بصر وشو ،،، و من تعبير الصره،،، بكون كرفسوا ،،، عشان هدومه اتكرفست ،، والقشره القيافه ،،،، اتكرفست،،،، مزاج و اتكرفس،،، الكديسه ،،،، طوالي مكرفسه و شها،،، زي بتاع الحركه ،،، و زي أحبابنا المريخاب ،،، شربوا فيتا لحدي ما قالوا كفانا،،،، و سمعنا منهم غناء البلابل،، شربنا دموعنا،،، ما روينا،،، احلى كرفسه،،، صرة البوز حقت الشفع،، يا اخ،،،، دي حلوه حلا ،،، زي البطيخ بعد الغداء،،، تلقاهم مكرفسين وشهم و بضحكوا،، ده إجرام الطفوله،،،، الضاحك،،،، في كرفسة زمن كانت القرايه مجاني،،،،،،، يقولوا لينا قوم يا طالب امسح السبوره،،،، كرفسه منقوله على الهواء Life,,,, بنقوم نكرفس قطعة القماش و هاك يا مسح،،،، زي لجنة إزالة التمكين،،،، بنمسح ساي ،،،، وبنعاين للباقين ،،،، و ما بنشوف حاجه،،،، اصلوا شغلهم،،، بقى زي حفر البير،،، ما معروف متين تجيب المويه،،،، هسه مع العولمه،،، الناس خلت كرفسة الوش،،،، بقت تكرفس دهب،،،، بالطيارات،،،، مره بتقبض و مرات كتييييييره ما بتكرفس،،، الكرفسه الجاينا من جهة الشمال،،، دي البتودينا التوج ،،، تدخل دفارات شايله سموم مكرفسه،، وتمرق بي خيرات بلدنا،، تخلينا نكرفس وشنا،،، و نكرفس للماشي و الجاي،،، فكوها شويه يا ناس،،،، كرفسة الوش،،،، ما سمحه،،، زمان كنا بنشيل الود،،، و ندى الود،،،، ياريت يرجع الزمن داك،،، د. علي الشيخ الحنين امدرمان ٢٥ فبراير ٢٠٢١
علي الشيخ Guest