قِسِمْتَك يا رقيق الحال ...
[align=center]قِسِمْتَك يا رقيق الحال
كان مُناك تهجد .. تَتْكِل عصا الترحال
وَكِتْ لاحتْ برْقاً زي قبلي الخريف الشال
و قلتَ ياداب يا روحي بعد الشقا بِتْعِيشي راحة البال
بقيتْ أرُص الغزل كلمات.. أرسِّلو زاجْلاً ورا مِرْسال
أتاري زُويلي قاعدلو فوق راياً... يفوق كل خيال
ما بَخُت اللوم إلا علِيْ.. أستاهل أنا ال سقيتو دلال
كل ما يزعل أقولو سماح ... وكِتْ يحرد أقولو تعال
نام في قفا الطِيبة .. لا بدور لوماً .. لا بِدُورْلُو سؤال
مش قالوا ال بيحبك بِيَبْلَعْلَك من الغلط تلال و جبال ؟
عارف الرجوع لي دنياه ما ممكن .. بل أصلو محال
بس آخر كلمة :
(الإمتلاك في دنيا الريد ... لا بِنْكَتِب لا بِنْقَال )[/align]
جلال داود ( أسبانيا أغسطس 2009م )
|