** وصلنا لقناعة :الكلمة الطيبة أو الصمت في سودانيات !! و هاكم الأسباب **

[فيصل سعد]

بسم الله الرحمن الرحيم

الاخوات و الاخوة
الاعزاء الكرام في سودانيات :

سلاما طيبا و وافر التحايا ..

وصلنا لهذه القناعة اعلاه بعد سنوات عديدة من اكتساب عضوية هذا المكان العامر و الطيب بالجميع .. قطع شك هناك من يوافقنا و هناك من يعارضنا هذه القناعة و وجهة النظر .. و هذه اسبابنا ننثرها لكم لتستنشقوا عبيرها و لتسر بها انظاركم ما استطاعت لذلك سبيلا :

1.

الكلمة الطيبة تسر السامع و تؤلف القلب و تحدث أثرا طيباً في نفوس الآخرين .. هي التي تفتح أبواب الخير، وتغلق أبواب الشر .. أنها جميلة رقيقة في اللفظ والمعنى لا تؤذي المشاعر ولا تخدش النفوس .. يشتاق إليها السامع ويطرب لها القلب .. نتائجها مفيدة، وغايتها بناءة ، و منفعتها واضحة ..

قال تعالى: "ألم تر كيف ضرب الله مثلاً كلمةً طيبةً كشجرةٍ طيبةٍ أصلها ثابت وفرعها في السماء، تؤتي أكلها كل حين بإذن ربها و يضرب الله الأمثال للناس لعلهم يتذكرون"

2. فوائد الصمت :

عبادة من غير عناء - زينة من غير حلي - هيبة من غير سلطان - حصن من غير حائط - الاستغناء عن الاعتذار لاحد - ســتر لـــعيوب الجـــــــاهلية - يمنحك طاقة قوية للتفكير بعمق في كل ما يحصل حولك والتركيز بعقلانية على إجابتك - في المواقف الصعبة يولد الاحترام، بعكس الصراع والجدل الذي يولد التنافر والحقد - يدمر أسلحة من تتشاجر معهم ويجردهم من القدرة على مواصلة الكلام - يعلمك حسن الاستماع الذي يفتقده الكثيرون.


و لكم وافر
الاعزاز و المودة ..


* منقول بتصرف ، صادف هوانا ، و على الاعناق حملناه ..

[الرشيد اسماعيل محمود]

سلام يا حبّوب..
الكلمة الطيّبة لا وطن لها أو حيّز جغرافي تتوافق معه..
ولكنها طيّبة لأنها كذلك..هي مطلب وحوجة ملحة لكل من له فطرة سليمة..
كلنا ننجرف أحيانا كثيرة عنها..ولكن نتمني لو فقط نجتهد في أن نسلك دربها ونسكّها سكّا..
وكما قال ابن عطاء الله:
"أصلُ كلِّ معصيّة الرّضا عن النفس"..
لذلك فنحن دوماً نحاول إكمال نقصنا ما استطعنا لذلك سبيلا.
تحيّاتي.

[كيشو]

ياخ هواكم ما يصادف إلا العنوان الرهيب الخلعتنا بيهو دا

[فيصل سعد]

المشاركة الأصلية كتبت بواسطة كيشو

ياخ هواكم ما يصادف إلا العنوان الرهيب الخلعتنا بيهو دا

ما داير اخلعك تاني يا صاحب و اقول ليك الصادفنا دا حيكون منهج
و مسيرة ما تبقى !! اها معانا ولا مع الخيانا

ما تقول لي دي ما كلمة طيبة !! عارفك معصلجاتي كبير
و شوال عكلتة

[فيصل سعد]

المشاركة الأصلية كتبت بواسطة الرشيد اسماعيل محمود

سلام يا حبّوب..
الكلمة الطيّبة لا وطن لها أو حيّز جغرافي تتوافق معه..
ولكنها طيّبة لأنها كذلك..هي مطلب وحوجة ملحة لكل من له فطرة سليمة..
كلنا ننجرف أحيانا كثيرة عنها..ولكن نتمني لو فقط نجتهد في أن نسلك دربها ونسكّها سكّا..
وكما قال ابن عطاء الله:
"أصلُ كلِّ معصيّة الرّضا عن النفس"..
لذلك فنحن دوماً نحاول إكمال نقصنا ما استطعنا لذلك سبيلا.
تحيّاتي.

من اهداف هذا البوست الزاخر ضرب شفافية نديدنا المتماهي خلف المنبر !!
و شنو !! بقى يشخت لينا و يفطنا آخر الزمن !!

لك التحايا يا رشيدنا ..

[كيشو]

المشاركة الأصلية كتبت بواسطة فيصل سعد

ما داير اخلعك تاني يا صاحب و اقول ليك الصادفنا دا حيكون منهج
و مسيرة ما تبقى !! اها معانا ولا مع الخيانا

ما تقول لي دي ما كلمة طيبة !! عارفك معصلجاتي كبير
و شوال عكلتة

قطع شك مع الخيانا، ومع ذلم ما بنستغنى منكم يا حبيب
ضحّكتني، شوال عكلتة؟ والله تعبان البشيلو

[همس الشوق]

معاك قلبا وقالبا

فالكلمه الطيبه جواز سفر

صراحة
سئمنا من قراءة الألفاظ التي لا تسر القلب ولا العين

لك أحترامي وتقديري

[همس الشوق]

المشاركة الأصلية كتبت بواسطة كيشو

قطع شك مع الخيانا، ومع ذلم ما بنستغنى منكم يا حبيب
ضحّكتني، شوال عكلتة؟ والله تعبان البشيلو

اديني نص ربع من شوالك دا امكن اجابد بيهو في الحياة دي

[جيجي]

عارف يافيصل انا امس فاتحة سودانيات ومتابعة وبفكر في الموضوع دا
لقيت انه فعلا نحن ليس كسودانيات ولكن كسودانيين طريقتنا جافة في الحوار ومفرداتنا سئية وبسرعة جدا بنققد المنطق ويتوارى العقل وقدسية العلاقات ويبتدي السب والرمي بالكلمات المؤلمة وشخصنة الموضوع لكانك ابو السياسة والدين وابو الفكرو ابو الثقافة وابو المعرفة ان خالفك احد رائا في اي منها وتبرز الانا اللئيمة على سطح الطرح او القضايا
يعني بجد لاادري لماذا يريد المثقف الواعي المثقل بالمعرفة انا يبدو مشوها من اول استفزاز يتعرض له ويسيب وعيه وثقافته ويبتدي بالتعدي النفسي
يعني لماذا لانبرز اجمل مافينا ونحن نعرف اننا من اوعى الشعوب و اسبقها لطرق المعرفة والادب فكيف لانجيد تقديم انفسنا بالوجه الاجمل لان النفس البشرية السليمة والمجتمعات المعافاة لاتقبل العنف بكل اساليبه لفظيا كان اام جسديا وحقيقة وعي الشعوب يقاس بانضباطها وتمكنها النفسي ومدي روقتها
امثلة
صديقة جامعية قمة في المعرفة واالثقافة ولايعرفها الكثيرين الا من خلال شخصيتها الشرسة المتحاملة ودوما يتهما الاخرون بالزلل النفسي
صديقة ذهبت لطبيب اجنبي وطبيب سوداني لاجراء عملية غدة درقية السوداني معروف لدي الجميع في المستشفى انه زول شاطر ومتمكن
قال ليها حافتح ليك من هنا لي هنا يعني ضبح واشار بيديه
وطبعا انتي عارفة انواالعملية فيها مخاطر ممكن الحبال الصوتية تتهبش تقول ليه بتحصل يادكتور
بقول ليها ممكن تحصل بتحصل عندكم هنا
ممكن تحصل
السوري قال ليها
حاعمل فتحة صغيرة ان شاء الله وطبعا انتي عارفة مخاطر العملية لكن لحدي الان والله ماحصلت عندنا وان شاء الله ماتحصل
قالت لي بالله عليك هسه نفسيا كدا مفروض امشي لمنو؟
قلت ليها السوري طبعا لانه على الاقل قدر يقدم ليك نفسه وامكانياته مع انه داك برضة زي ماعرفنا اكتر من دا تمكن وماحصلت معاه برضو
لكن اسلوبنا وكلماتنا البتخليتا ماتقدر نقدم روحنا للاخرين بطريقة صاح

[فيصل سعد]

المشاركة الأصلية كتبت بواسطة همس الشوق

معاك قلبا وقالبا

فالكلمه الطيبه جواز سفر

صراحة
سئمنا من قراءة الألفاظ التي لا تسر القلب ولا العين

لك أحترامي وتقديري

العزيزة بت مصطفى
همسا و شوقا ..


لك باذخ المحبة و عميق الاحترام
و التقدير .. و بكم و معكم تنشرح المودة ..

كوني بالف خير ..

[فيصل سعد]

المشاركة الأصلية كتبت بواسطة جيجي

عارف يافيصل انا امس فاتحة سودانيات ومتابعة وبفكر في الموضوع دا
لقيت انه فعلا نحن ليس كسودانيات ولكن كسودانيين طريقتنا جافة في الحوار ومفرداتنا سئية وبسرعة جدا بنققد المنطق ويتوارى العقل وقدسية العلاقات ويبتدي السب والرمي بالكلمات المؤلمة وشخصنة الموضوع لكانك ابو السياسة والدين وابو الفكرو ابو الثقافة وابو المعرفة ان خالفك احد رائا في اي منها وتبرز الانا اللئيمة على سطح الطرح او القضايا
يعني بجد لاادري لماذا يريد المثقف الواعي المثقل بالمعرفة انا يبدو مشوها من اول استفزاز يتعرض له ويسيب وعيه وثقافته ويبتدي بالتعدي النفسي
يعني لماذا لانبرز اجمل مافينا ونحن نعرف اننا من اوعى الشعوب و اسبقها لطرق المعرفة والادب فكيف لانجيد تقديم انفسنا بالوجه الاجمل لان النفس البشرية السليمة والمجتمعات المعافاة لاتقبل العنف بكل اساليبه لفظيا كان اام جسديا وحقيقة وعي الشعوب يقاس بانضباطها وتمكنها النفسي ومدي روقتها

سلامات يا جيجي و مرحبا بك و بالمشاركة الطيبة ..
و معا لدفع الكلمة الطيبة او الصمت الى الامام ..

* الاخ سعادة / المشرف الفني
نواجه بعض البطء في التصفح و السبب www.myweather.com
كما يظهر في شاشاتنا و الله اعلم .. نرجو المراجعة و عمل المستطاع ..

[محمد فرح]

قال صلى الله عليه وسلم ((من كان يؤمن بالله واليوم الآخر فليقل خيراً أو ليصمت))
صدق رسولنا الكريم
هكذا علمنا ديننا الحنيف
وأهلنا قالوا
الكلمة الطيبة جواز سفر

مؤونة عام من الود

[أبوبكر عباس]

يا زول المنتدى دا بدون مكاجرا، و غلاط وسحلبة، و جلافة ما بنفع معانا و لا شئ!

لكن لو بقيت عاصر شديد على الكلمة الحلوة و الكلام المنمق، ممكن نقسم ليكم حقكم في المنتدى و نعمل ليكم منتدى جنب الخاص بسميهو ليكم: المنتدى الشفيف

لك باذخ المحبة و عميق الإحساس وكتير الإحترام و وافر الحب

[عصمت العالم]

العزيز البديع فيصل سعد...

مساك الله بظلال خيره...ورضاه..
يا صديقى...

ان السر الالهى فى الكلمه الطيبه هو مفتاح ولوج سحرى ومؤثر..وجامع.. الكلمه الطيبه تنشرح السرائر وتفرح القلوب وتهدى الخاطر وتزدهر الايام...محبة ومشاعر
ونحن كسودانيين فى تركيبتنا العقليه والبدنيه اشعار تلك الخشونه المبالغ فيها فى الاعتبار والتصرف...فيها ذلك الجفاء الغاشم الذى هو اعصار غضب يجتاح كل شىء .بدون روية ولا تبصر...تعلونا الحماقه والعزة بالاثم...ونواجه الامور بتلك الشده التى لا تخدم غرضا ولا تحقق غاية ولا امل...
سمات الجفاف والشده فى كثير من الاحيان فى غير موضعها ولا موقعها...
..ودعونا نسترجع اسباب فشلنا فى ان نبنى وطننا .لاننا نختلف فى كل شىء ولا نرضى ببعضنا بعضا ..ونعارض من اجل المعارضه...والرفض المباشر...لايعجبنا العجب..ولا الصيام فى رجب...برغم ان فينا صفات المرؤه ومساندة الضعيف ونجدة المظلوم والوقوف متكاتفين فى المشائل الاجتماعيه فرحا او كرها...
العزيز فيصل...
اما هنا فى سودانيات..وفى عرفان العوالم الاسيفيريه التى تفتح المجالات هكذا لكل ساعى الى عضوية الانتماء اليها دون اشتراطية موضوعيه تضع خبرته وممارسته الصحفيه والكتابيه فى محك التقيم من كل المناحى التتى تتطلب ان تكون عضوا فى محفل اسيفيرى يقرأ..ليجنب المتلقين له..جفاف اللغه وسوقية التعابير والاسفاف فى الموضوع وفى ادوات التعبير...خاصة فيما يتعلق بالرأى السياسى والذى فى تناوله تكون لغة المخاطبه فى حضيض مستوياتها...
ولعلك تذكر فى سودانيات المصادمات الاولى التى اتت من غزاة الكلام من القريه الاسيفيريه لنا التى ..فيها صدام اللغه التعبيريه تحمل عباراته كل اسلحة الدمار التى لا تقيم وزنا ابدا..
البديع فيصل..
اتفق معك ان قناعاتنا بالكلمه الطيبه لن تقف ولن تنكسر.ولن تضمحل..وسنسعى جاهدين فى اعلاء شانها وسيادتها على اروقة سودانيات كافه...
واتفق معك فى ان الصمت مجدى لكن ليس فى كل الحالات ..التى تتطلب ان تعلو الاصوات فى اعلان استنكارها ورأيها بصراحة فى كلما يقال..
وفى نهاية الامر نتمنى ان نسير فى ذلك الخط السليم الذى جذب الكثيرين الى واحة سودانيات وربيع ازهارها وهى تخط فى مسيرتها ذلك النهج القويم وتحتضن الاداب والفنون والروايه والشعراء والفنانين وتلك الكلمات المرهفه...
لك محبة الاعزاز

[معتصم الطاهر]

يعنى خلاص الود لميض ..

ما ياها حالك .. عمرك كلو كلامك حلو و شفيف

وصبتنا الرسالة ..

لكن كلام بابكر عباس برضو ممكن يكون بس معجون بطيبة