إلى هــدى الأمين مع حبــى !!! عايــد عبد الحفيــظ

إلى كل الأحباب في سودانيات !!! ود المامون

أصلي سميتك وطن !!! أريج محمد

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!
آخر الأخبار العالمية

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 24-09-2014, 09:00 PM   #[1]
ابوبكر بشير سردار
:: كــاتب نشــط::
 
افتراضي زي الناس

* في اللغة العربية :
ﺯﻱ .. ﺍﺳﻢ وﺍﻟﺠﻤﻊ : ﺃﺯﻳﺎﺀ
وﺍﻟﺰﻯ .. ﺍﻟﻬﻴﺌﺔ ﻭﺍﻟﻤﻨﻈﺮ
وﺍﻟﺰﻯ .. ﺍﻟﻠﺒﺎﺱ
ﻋﺎﺭﺿﺔ ﺍﻷﺯﻳﺎﺀ .. ﻓﺘﺎﺓ ﺣﺴﻨﺎﺀ .. ﺗﺮﺗﺪﻱ ﻧﻤﺎﺫﺝ ﻣﻦ ﺍﻟﻤﻼﺑﺲ ﺍﻟﺠﺪﻳﺪﺓ ﻟﺘﻌﺮﺿﻬﺎ ﻋﻠﻰ ﺃﻋﻴﻦ ﺍﻟﻤﺸﺘﺮﻳﻦ ﻓﻲ ﺣﻔﻞ يقام خصيصا لهذا الغرض ..!
- اما كلمة " ﻧﺎﺱ" فهي ﺍﺳﻢ ﻟﻠﺠﻤﻊ ﻣﻦ "ﺑﻨﻲ ﺁﺩﻡ" .. ﻭﺍﺣﺪﻩ "ﺇﻧﺴﺎﻥ" .. لا نقول مفرده لن انسان علي غير لفظة "ناس" ..!
و"ﺟﺮﻯ ﻋﻠﻰ ﺃﻟﺴﻨﺔ ﺍﻟﻨﺎﺱ" اي ﺻﺎﺭ ﻣﺘﺪﺍﻭﻻ ﺷﺎﺋﻌﺎ"
وﺍﺑﻦ ﻧﺎﺱ اي "ﻣﻦ ﺃﺳﺮﺓ ﻛﺮﻳﻤﺔ" .. معروف اصله .. طيب الاخلاق .. حلو المعاشرة
وﺍﻟﻨﺎﺱ .. ﺳﻮﺭﺓ ﻣﻦ ﺳﻮﺭ ﺍﻟﻘﺮﺁﻥ ﺍﻟﻜﺮﻳﻢ
* وفي العامية السودانية :
تختلف جملة "زي الناس" وتتعدد مدولاتها حسب موقعها من الكلام والحدث .. فمثلا :
- طالع "زي الناس" بمعني خرج لقضاء حاجته .. وهي مربوطة في الغالب بقضاء الحاجة في الخلاء او الفضاء الطلق ..!
فلا تقال لمن يدخل دورة المياه مثلا ..!
- اتكلم زي الناس .. تقال للحث الكلام الجيد او علي الكلام بصوت عال وحروف واضحة ونفس ثابتة .. بدون "لجلجة" او همس او بدون الفاظ غير محترمة .. وخلافه مما يتوافق مع آداب الحديث
- يمكن ان نقول عن هذا المثال ان "زي الناس " هنا الغرض من الحث علي الفعل الحميد والتجويد .. وياتي مثلها ايضا .. جملة "اكل زي الناس" اي اكل جيدا .. اواكل بالطريق الصحيحة من مضغ الطعام جيدا وان تأكل مما يليك .. وخلافه مما يتوافق مع آداب الاكل المعروفة
- وكذلك جملة "اقعد زي الناس" و"اقرا زي الناس" .. وهلمجرا ..!
- وجملة "زي الناس" هنا تعمل عمل كلمة "كويس" فمثلا .. يمكن ان تقول "اتكلم كويس" بدلا عن "اتكلم زي الناس" او "اكل كويس" بدلا عن "اكل زي الناس" .. الا انني اعتقد ان الحالة النفسية للمتكلم حين يستعمل كلمة "زي الناس" تختلف عن الحالة النفسية التي يستعمل فيها كلمة "كويس" ..!
ملحوظة
:
كلمة "كويس" هنا اتت بمعني "جيدا" .. وهي احدي معاني كلمة "كويس" في العامية السودانية ...!
- وكلمة "زي الناس" تأتي "صفة" في بعض كلامنا العامي .. وهي علي تفيد الجمال والحسن او تحث عليه ..!
- فعندما يقال لك "قميص زي الناس" المقصود قميصا جميلا ..!
- تقول الطرفة ان احد الاباء ارسل ابنه ليشتري لهم "خروفا" .. فاحضر الابن خروفا صغيرا .. ضعيفا .. هزيلا .. فانتهره الاب معاتبا قائلا :
انت هسة مالقيت ليك خروف "زي الناس" تجيبو ...؟
حقيقة .. خروف زي الناس .. وجزمة زي الناس .. وقميص زي الناس .. واكل زي الناس .. وغناء زي الناس .. ومشي زي الناس .. وصاحب زي الناس .. وضحك زي الناس .. وبكاء زي الناس .. وهلمجرا .. دي كلها ماموجودة الا في "عاميتنا" السودانية ..!
تعريجة
:
لاتنسي بعد ان تقرأ هذا البوست ان "تكتب" تعليقا "زي الناس"



التوقيع: الشوق بحر
نركب سفائن الامنيات
نقطع بحور الذكريات
نلاوي امواج العشم
ونشد شراع
نتمني نوصل في سراع
نبحر نجابد في الظروف
يبلعنا حوت
نغطس ونقلع في ثبات
والشوق يزيد
بحرا يفيض
يملا الدروب الواصلة ليك
والجاية منك
شايلة حنك
ومن بعيد
الايد تلوح
والروح تشهق
تهاتي بيك
ما الشوق بحر ..!
:
سردار
ابوبكر بشير سردار غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 01:11 PM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2021, vBulletin Solutions, Inc.