نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 09-07-2006, 06:17 PM   #[1]
ناصر يوسف
:: كــاتب نشــط::
الصورة الرمزية ناصر يوسف
 
افتراضي كنتين (أبو رحيق)

أيها ألحباب في كل مكان

سلام من القلب

أتتني فكرة هذا البوست اليوم وأنا في حضرة أمي أحتسي فنجان قهوة وما أحلاها من قهوة من يديها هي امي

أها يا أهلنا

الفكرة إننا نفتح لينا كنتين ... دكان ضلفاتو فاااااااااااااااااتحه في خدمة كل بورداب الخارج وبرضو كمان ناس الداخل البعيدين عن الأحداث

وطبعا إنتو فيكم الليهو سنوات وسنوات بعيد عن الوطن وفي شان كدي فتحنا الكنتين ده عشان يبقالكم نافذه تمدكم بالسودان وكأنكم قاعدين معانا هني
والمسأله ما متل التلفزيون ولا الجرايد ولا الراديو في شان نحن هني بندور ننقلكم كل شئ بكل صدق

أها رواد الكنتين ده

د. سيد / سعادة السفير/اشراق ضرار/ مهند الجيلي بادي/الرباطابي/واحه/ بنت النيل/مااااايم / ندي/جمال تاج السر/ ميدو / احمد عبد العاطي / هاشم الشيخ / ناجي الملك وأنا زاااااااتي معاهن .... أها والبقيه كتااااااااااار
جايين لا وراء

الضلفه الأولي بتنقلكم أخبار الثقافه والفنون والأدب أها والضلفه التانيه دي مع ناس الرباطابي ومايم وجمال تاج السر أخبار السوق والعجور بقي بي كم والليمون والدكوه وكيلو اللحم والذي منه ...

ومن جوّه الكنتين تجيكم الأخبار الإجتماعيه والسياسيه وأخبار البورداب وعييييييييييييييييك

أها وإن كان عندكم مناسبه (عيد ميلاد حبيب ليكم ولا عيد زواج ولا خطوبه ولا طهووووووووره __ أولاد بس__ ولا أي مناسبه في السودان وإنتو هناك نحن بنقوم لكم بالواجب تب ... بس تقولوا لينا تاريخ المناسبه وإسم الشخص ومكانو . وبإذن الله حنكون هناك بإسمكم ومعانا الهديه البتحددوها إنتو ومن غير عناء تقدم بإسمكم )

أها

وعندنا ركن للونسات الدقاااااااااااقه والدايرنا في الركن ده بجينا


أها رأيكم شنو يا الأحباب ؟؟؟

عليكم الله ما حقو البوست ده يكون معلق فووووووووووووووووق ومثبت كمان

بالمناسبه أول الأخبار


عكود ود. بيان وأماني أمنا وأحمد عبد العاطي وأمنا التانيه أم سهي وبعلها الجميل وهاشم الشيخ اليومين ديل هني معانا والكنتين حتما حيحتفي بيهم كلللللللللللللهم جت عليهم

ومن سيد الكنتين سلام وحب شديد ليكم جت عليكم

في أمان الله يا الحلوين



التوقيع:
ما بال أمتنا العبوس
قد ضل راعيها الجَلَوس .. الجُلوس
زي الأم ما ظلت تعوس
يدها تفتش عن ملاليم الفلوس
والمال يمشيها الهويني
بين جلباب المجوس من التيوس النجوس
ناصر يوسف غير متصل   رد مع اقتباس
قديم 09-07-2006, 07:08 PM   #[2]
imported_المجدلية
:: كــاتب نشــط::
الصورة الرمزية imported_المجدلية
 
افتراضي

العزيز ناصر
ربنا يديك والوالدة العافية وطولة العمر
فكرة جميلة ومفيدة

أنا غايتو بتحكر ليكم في ركن الشمار والونسة الدقاق

دم بخير



التوقيع: [align=center]"الأصدقـــــ أوطان صغيرة ـــــــاء "
- إميلي ديكنسون -
[/align]
imported_المجدلية غير متصل   رد مع اقتباس
قديم 09-07-2006, 11:11 PM   #[3]
معتصم الطاهر
:: كــاتب نشــط::
الصورة الرمزية معتصم الطاهر
 
افتراضي

عندكم فواكه ؟



التوقيع:
أنــــا صف الحبايب فيك ..
و كـــــــــــل العاشقين خلفي
معتصم الطاهر غير متصل   رد مع اقتباس
قديم 09-07-2006, 11:22 PM   #[4]
imported_د.سيد عبدالقادر قنات
:: كــاتب نشــط::
 
افتراضي

اخونا ناصر الوقت بقي ليل شديد وبكره نمر عليك برواقة

اها في ضلفة للدبل ولا التربل

ولا في ناس في السوق


شكرا لهذي فكرة

وسلامنا لرحيق وامها وام الجميع الوالدة

يديكم العافية وان شا الله ما يكون عندك بضاعة بايته ولا مهربة

ولا ضاربة ولا ولا



imported_د.سيد عبدالقادر قنات غير متصل   رد مع اقتباس
قديم 10-07-2006, 01:11 AM   #[5]
imported_haneena
:: كــاتب نشــط::
الصورة الرمزية imported_haneena
 
افتراضي

اقتباس:
عندكم فواكه ؟
يبدو إنو الباش قلب (فكهاني) زي ما بيقولوا المصريين

يا باش..إنت كان نفسك تقرأ هندسة زراعية و لا شنو؟


أما عني يا ناصر فأريد التالي

إستبدال عربة عمرها سنة و نص دريكسون يمين إستعمال (ستاَّتي) أول زول يخت رجله فيها هو شخصي الضعيف
حملت على متنها الكثير من الحبايب من سودانيات و إستمعنا في السي دي بلير بتاعها إلى أعذب الألحان بما فيها الليل..موضوع بوست بسودانيات

أبدل العربة بقَّلاب و كسَّار. بالسودان (حتى نتفادي مقلب غـــرض في بلاد البولاند).على شرط تكون أول مهامه قلب الحكم على البشير و من والاه و تكسير ريسينهم و عظامهم ثم تعليقهم في المشانق.
بعد داك نخش بيهم السوق للبيزنيس

قلت شنو؟؟



التوقيع: Life is all about choices
imported_haneena غير متصل   رد مع اقتباس
قديم 10-07-2006, 08:06 AM   #[6]
imported_نزار حسن علي
:: كــاتب نشــط::
 
افتراضي

الأخ / الحبيب ناصر يوسف
كل سنة وانته طيب والاسرة الكريمة بخير يا سيدي موافقين علي اقتراحك وانشاء الله لو الامور مشت تمام في اكتوبر انزل السودان واسجل ليك زيارة
مع حبي
نزارحسن علي
دوحة الجميع
دولة قطر



imported_نزار حسن علي غير متصل   رد مع اقتباس
قديم 10-07-2006, 08:06 AM   #[7]
imported_مهند الجيلي بادي
:: كــاتب نشــط::
 
افتراضي

[align=justify]
بسم الله الرحمن الرحيم

الحبيب ناصر ،،

الفكرة راقتني من قبل ما تكون بوست
ويدييييييييييييييييييك العافية
ويخليك لينا

أها وكما وعدت أمبارح بأن أول مشاركة في البوست حتكون عن منتدى (الجزيرة اسلاج) الوليد وكيف قام .. وجيت أوفي بي وعدي ...

منتدى الجزيرة اسلانج

وح أبدأ من علاقتي بالجزيرة اسلانج ...
وكانت بسبب الشاعر الصديق وحبيبي جدا .. بدر الدين صالح عيسى .. وعند أول لقاء لنا مع بعض .. قال لي :
تعرف يا ود بادي .. الزول العايز احتفي بيهو بسوقو معاي محلين الجزيرة اسلانج أو الحريزاب والاتنين بيقعوا في الريف الشمالي لأم درمان .. فقال لي اختار .. فقلت : الجزيرة اسلانج ....
عند وصولنا عرفني بالعزيز والرجل الما عادي .. معاوية عبده .. وإذا جيت اتكلم عن معاوية عبده هذا ... فلو مليت البورد دا كلو ما بوفيه حقه .. يلا ... باختصار ...

معاوية عبده .. زول بسيط جدا زي أي زول من الريف .. فاتح ليهو دكان بتاع زيوت في نص الحلة وقاعد .. بس عنده عقلية ما عادية .. وفكر جميل وفريد .. وفهم للدنيا واعي جدا .. ضف إلى ذلك علاقته بالأدب جيدة جدا .. وهو صاحب فكرة منتدى الجزيرة اسلانج .. حقيقة أنا لم عرفت معاوية .. حصل إنقلاب في كتاباتي كبير جدا .... فمن عباراته اللي ما بنساها لامن أموات كان بيقول :
(من حق الكاتب أو الشاعر يكتب عن حبيبتو ومشاكلو .. بس انت معاي إنو الاحساس البيلم الناس كلها أشمل وأجمل وفضفاض) وكان بيقصد الامور البتربط ناس في منطقة جغرافية واحدة أو بلد .. وحقيقة دا حد من الانسانية بعيد جدا ...

زول فاتح بيتو للشباب وهمومهم .. الشعراء والأدباء .. والمغنين .. وبيهتم بالمبتدئين كتير وبيشجعهم .. يعني بيت أدبي بحت ..

بدت فكرة المنتدى من جلسات الاستماع اللي كان بيعملها في الدكان والبيت بالامسيات .. فكان بيجمع الشباب .. وبيعملوا جلست استماع لي لحن أو لحنين على الاكثر .. وبيحللوا العمل أدبيا وفكريا وموسيقيا ..

ولم طرحت علينا الفكرة أنا وبدر الدين صالح عيسى .. أبدينا الموافقة .. والدعم .. واتعهدنا نقيم الليلات الأول .. مع شباب الحلة .. والمبتدئين منهم وكانت أول ليلة للمنتدى في غريبة بالجد يلا تعالوا شوفو .....

كانت الفكرة مجنونة ومخاطرة .. عاوية عريس .. فكرنا نعمل حفل الحناء جلسة استماع وشرعنا في الأمر .. وكانت المفاجأة بي الحضور الكبير .. وخصوصا إنو المتلقي بتاع الجزيرة اسلانج متلقي غريب .. ومافي زيو .. بالجد نا ما لاقني زيو لحدي الآن .. في متابعة للمقدم .. واندماج في العمل الأدبي .. أو الفني .. وخصوصا في الشعر .. بيحكها مع الشاعر لامن يقول كفى .. نقاش جميل حول النص المقدم .. وهادف ..ومليان بالفكر ...

حقيقة كانت مفاجأة كبيرة لينا .. وطوااااااااااالي الشباب بدو في فكرة المنتدى .. وشاركت معاهم في الليلة الثانية .. بعد ما حددوا إنو يكون يوم الأحد في النادي .. والمنتدى عامر بالرائعين ..

ودي كان منتدى الجزيرة اسلانج ..
وحأوافيكم بأخباره كلما ذهبت هناك ...

الجزيرة اسلانج
هذه البقعة التي أحببت




مرفق :
حبي الكبير
بـــــادي
[/align]



التوقيع: [align=center]
وَخَرجْتُ مِنْ وَجعِي
بآلافِ التَجَارِبْ ..

وأمْتَهَنْتُ الصَبْرَ
وَعَشِقْتُ بِلادِي
ثُمَ مَلَكِ المَوتِ
وَبَقِيتُ أُحَارِبْ ..


(مهند الجيلي بادي)[/align]
imported_مهند الجيلي بادي غير متصل   رد مع اقتباس
قديم 10-07-2006, 08:12 AM   #[8]
imported_مهند الجيلي بادي
:: كــاتب نشــط::
 
افتراضي

اقتباس:
المشاركة الأصلية كتبت بواسطة المجدلية

أنا غايتو بتحكر ليكم في ركن الشمار والونسة الدقاق






مرفق :
...................
بـــــادي



التوقيع: [align=center]
وَخَرجْتُ مِنْ وَجعِي
بآلافِ التَجَارِبْ ..

وأمْتَهَنْتُ الصَبْرَ
وَعَشِقْتُ بِلادِي
ثُمَ مَلَكِ المَوتِ
وَبَقِيتُ أُحَارِبْ ..


(مهند الجيلي بادي)[/align]
imported_مهند الجيلي بادي غير متصل   رد مع اقتباس
قديم 10-07-2006, 08:16 AM   #[9]
imported_مهند الجيلي بادي
:: كــاتب نشــط::
 
افتراضي

[align=center]
اقتباس:
المشاركة الأصلية كتبت بواسطة معتصم الطاهر
عندكم فواكه ؟

اقتباس:
يبدو إنو الباش قلب (فكهاني) زي ما بيقولوا المصريين

يا باش..إنت كان نفسك تقرأ هندسة زراعية و لا شنو؟

و قرقرقرقرقرقرقرقرقرقرقرقرقرقرقرقر

و قرقرقرقرقرقرقرقرقرقرقرقرقرقرقرقر

+

لوووووووووووووووووووووول

وأنا برررررررررررررررررة


مرفق :
حبي الكبير
بـــــادي
[/align]



التوقيع: [align=center]
وَخَرجْتُ مِنْ وَجعِي
بآلافِ التَجَارِبْ ..

وأمْتَهَنْتُ الصَبْرَ
وَعَشِقْتُ بِلادِي
ثُمَ مَلَكِ المَوتِ
وَبَقِيتُ أُحَارِبْ ..


(مهند الجيلي بادي)[/align]
imported_مهند الجيلي بادي غير متصل   رد مع اقتباس
قديم 10-07-2006, 09:15 AM   #[10]
imported_عبد الوهاب هنداوى
:: كــاتب نشــط::
 
افتراضي

والتمباك .............................وسجائر ابو نخلة
والكلام ده لاخوى عكود والمهندس معتصم
والطلح .......والشاف جيبوا ليهو الطيب ود طابت
عشان عندو خبرة فى تكسير الحطب
والمقاقيش والبوروش للعرسان من رفاعة وود بادى
عارف السوق وما انسى كبدة الابل
مع ودى ,,,,,,,,,,,,,,,,,,,,,,,,,,,,,,هنداوى



التوقيع: كم من جروح بتروح
ألا التى فى الروح
خلى القلب شباك
نحو الأمل مفتوح
سرج الأمانى حنون
مهر الليالى جموح
...........................محجوب شريف
imported_عبد الوهاب هنداوى غير متصل   رد مع اقتباس
قديم 10-07-2006, 09:48 AM   #[11]
ناصر يوسف
:: كــاتب نشــط::
الصورة الرمزية ناصر يوسف
 
افتراضي

مجدليه

حباااااااااااااااااااابك في الكنتين

ونفيدك بأنه وبما لا يدع مجلا للشك فإنه قد تم إستيعابكم في ركن الونسات الدقاااااااااااااااااااااقه

أها تعالي لينا بشماراتك وخباراتك باقي عمك مايم بحب الشماراااااااااات

هههههههههههههههههههههه



التوقيع:
ما بال أمتنا العبوس
قد ضل راعيها الجَلَوس .. الجُلوس
زي الأم ما ظلت تعوس
يدها تفتش عن ملاليم الفلوس
والمال يمشيها الهويني
بين جلباب المجوس من التيوس النجوس
ناصر يوسف غير متصل   رد مع اقتباس
قديم 10-07-2006, 10:05 AM   #[12]
ناصر يوسف
:: كــاتب نشــط::
الصورة الرمزية ناصر يوسف
 
افتراضي

وفاكهة وأبّا

يا سيد الفواكه الما خمج

سلام من القلب

لكن فواكهكم ما مسّخت فواكهنا

برتقانا أبو نقطه ومنقتنا فلب التور ما بورتهم لينا يا ود الطاهر

تسلم يا زول يا رهيب



التوقيع:
ما بال أمتنا العبوس
قد ضل راعيها الجَلَوس .. الجُلوس
زي الأم ما ظلت تعوس
يدها تفتش عن ملاليم الفلوس
والمال يمشيها الهويني
بين جلباب المجوس من التيوس النجوس
ناصر يوسف غير متصل   رد مع اقتباس
قديم 10-07-2006, 10:13 AM   #[13]
ناصر يوسف
:: كــاتب نشــط::
الصورة الرمزية ناصر يوسف
 
افتراضي

اقتباس:
المشاركة الأصلية كتبت بواسطة د.سيد عبدالقادر قنات
اخونا ناصر الوقت بقي ليل شديد وبكره نمر عليك برواقة

اها في ضلفة للدبل ولا التربل

ولا في ناس في السوق


شكرا لهذي فكرة

وسلامنا لرحيق وامها وام الجميع الوالدة

يديكم العافية وان شا الله ما يكون عندك بضاعة بايته ولا مهربة

ولا ضاربة ولا ولا

سيد الدكان الجد جد

صديقنا وعمنا د.سيد

حباااااااااااااااابك في كنتينك

جيب القهوة يا منهد لعمك د. سيد


الدبل والتربل والكواتربل ظااااااااتو معانا هني كمان

وعليك أمان الله بضاعتنا بضاعه سالكه وجديدة لنج أخبار طااااااااااااااااااااااازه وعليها ختم الجودة وجودتنا هي الصدق والأمانه ...

أها خباراتك للناس شنو ؟؟



التوقيع:
ما بال أمتنا العبوس
قد ضل راعيها الجَلَوس .. الجُلوس
زي الأم ما ظلت تعوس
يدها تفتش عن ملاليم الفلوس
والمال يمشيها الهويني
بين جلباب المجوس من التيوس النجوس
ناصر يوسف غير متصل   رد مع اقتباس
قديم 10-07-2006, 11:42 AM   #[14]
ناصر يوسف
:: كــاتب نشــط::
الصورة الرمزية ناصر يوسف
 
افتراضي

[QUOTE=haneena]يبدو إنو الباش قلب (فكهاني) زي ما بيقولوا المصريين

يا باش..إنت كان نفسك تقرأ هندسة زراعية و لا شنو؟


[color=#0000FF][size=4]أما عني يا ناصر فأريد التالي

إستبدال عربة عمرها سنة و نص دريكسون يمين إستعمال (ستاَّتي) أول زول يخت رجله فيها هو شخصي الضعيف
حملت على متنها الكثير من الحبايب من سودانيات و إستمعنا في السي دي بلير بتاعها إلى أعذب الألحان بما فيها الليل..موضوع بوست بسودانيات


أها العربيه حجزناها لرحيق في شان تمشي بيها الجامعه .. علا بس بالتقسيط لأنو لو دفعنا حقها كاااااااملا وكاش داون داون يونس بيه لفلس الكنتين وقفّل ...

أبدل العربة بقَّلاب و كسَّار. بالسودان (حتى نتفادي مقلب غـــرض في بلاد البولاند).على شرط تكون أول مهامه قلب الحكم على البشير و من والاه و تكسير ريسينهم و عظامهم ثم تعليقهم في المشانق.
بعد داك نخش بيهم السوق للبيزنيس

أهآآآآآ دي حولناك لعمك. سيد في شان يشوفلك كسّاراً متييييييييييييييين وقلاباً يقلبها عليهم هوبه وما يفتر من الكسير



حباااااااااااب طلتك بي هني في الكنتين ده .. والله طلتك فرحتنا بالحييييييييييييييييييييييييل يا الحنينه وسُكّرَه



التوقيع:
ما بال أمتنا العبوس
قد ضل راعيها الجَلَوس .. الجُلوس
زي الأم ما ظلت تعوس
يدها تفتش عن ملاليم الفلوس
والمال يمشيها الهويني
بين جلباب المجوس من التيوس النجوس
ناصر يوسف غير متصل   رد مع اقتباس
قديم 10-07-2006, 12:02 PM   #[15]
ناصر يوسف
:: كــاتب نشــط::
الصورة الرمزية ناصر يوسف
 
افتراضي

اقتباس:
المشاركة الأصلية كتبت بواسطة نزار حسن علي
الأخ / الحبيب ناصر يوسف
كل سنة وانته طيب والاسرة الكريمة بخير يا سيدي موافقين علي اقتراحك وانشاء الله لو الامور مشت تمام في اكتوبر انزل السودان واسجل ليك زيارة
مع حبي
نزارحسن علي
دوحة الجميع
دولة قطر

ده الكلام يا نزار يا اخوي وإن الله هونالقواسي قبل تاريخك ده بصلك لآ عندك في دوحة الجميع دي

أها تأمر بي شنو؟؟

التاكسي من المطار لآ عند بيتكم بي كم ؟؟
الدولار بقي بي كم ؟؟



التوقيع:
ما بال أمتنا العبوس
قد ضل راعيها الجَلَوس .. الجُلوس
زي الأم ما ظلت تعوس
يدها تفتش عن ملاليم الفلوس
والمال يمشيها الهويني
بين جلباب المجوس من التيوس النجوس
ناصر يوسف غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 11:02 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.