الضلمه،،،،،،
*الضلمة*،،،،،،،،،
👀 👀
نحن صغار كنا بنخاف من الضلمة،،،
تتخيل ضلمة زمان تفرق
فيها امان عجيب،،،
ملون بي *حبة خوف عند اللزوم،،،*
ضلمة زمان لي زمنا ده
نور عدييييييل،،،
الضلمه زمان مربوطه
بالليل،،،
*الضلمه هسه،،،،،* اتغيرت و اتبدلت،،، ،،
نص النهار ممكن تشوفها
الضلمه ممكن تكون،،،
زول ،،،
اي زول ضلمه من ما تشوفه بتشوف الدنيا ضلمه،،،
و لا ساي كان جابوا سيرتوا سمعك ببقي اطرش،،،
ما هي الضلمة ممكن تكون،،،
بالسمع،،،
بالشم ،،،
بالذوق،،،،
في نوع ضلمه،،،،
زي ضلمة الكلام،،، الخارم بارم ،،،،
ضلمة حروف لي كلام لا بودي لا بجيب،،،،
دي هسه كتيره كتره ،،،،،
كترت الجداد الحايم ،،،، ما حايم في الخلاء،،،
حليل حوامة الخلاء،،،
الجداد هسه اتفلهم و اتقرضم،،، نفض ريشوا و اتغير بقى،،،،
*Electronic one*
*ضلمة لي ضلمة تفرق*
في ناس ضلمتهم شوف عند ناس تانين،،،،
اصلوا كل زول وضلمتوا،،،
بخاف من *ضلمة الجهل*
او التساهل في النقاش،،
ناس *Yes man,,,,*
*ضلمة القراية*،،،،
دي كيف 🤔 هي عدوي بتنتقل من زول مضلم جاهل للاسف للاجيال الجايه،،،،
ناس انسخ و الصق،،،
ياريت،،،
لو في طريقة *تحصين* من ضلمة،،،
الجهل،،،،
و الجشع،،،،
و الجبن ،،،،
*دي نظام 3Gs*
كل شي ولا اتلموا الاتنين ديل 👇
*ضلمه و خوف*،،،
دي متلازمة معقده جدا،،،
هسه هو ده الحاصل
ضلمه و خوف ،،،
ادوها نظره بي عين 👁 مفتحه،،، ممكن نشوف الناس دي كلها مضلمه،،،
*ضلمت،،،،*
و زح من طريقنا الفرح
و البهجة،،،، و التفاؤل،،،
و الونسه ،،،، كتير من التفاصيل دي،، ،، زحت ،،،،
*ضلمت،،،*
*ما عشان الكهرباء قطعت*
*ضلمت،،،،*
لانه دخلنا الخوف،،،
و ضلمت جوانا الفرحه،،،
و ضلمت لحدي ما ضلمت ،،،
زمان الغناء كان،،،
نور بيتنا و شارع بيتنا
و بيتنا نور
و يا نور النوار
*الحقبنجيه بغنوا،،،،*
و بقولوا ،،،،
*لي نيه في قمر السماء*
نحن هسه كان لقينا،،،
*شمعة كابلي الضوايه* بنفرح و ننطط،،، ،،
💃🏾🕺🏻👯🏼♂️
*د.علي الشيخ*
*الحنين*
*امدرمان*
*٤ يونيو ٢٠٢١*
|