اقتباس:
المشاركة الأصلية كتبت بواسطة أمين محمد سليمان
سلام يا خالد ... متوقع منك رسالة في الخاص انك وصلت لقرار ... كل يوم أجي و أعاين و مافي حاجة منك ... الليلة مشيت لرسالتك الاولي عشان أخش بيها هنا لانو غير كده ما بعرف أجي هنا ذاتو (قال بروف قال  ) ... اها جيت لقيتك حارسني ليك تلاته اسابيع !!
بالجد والله في غاية الاسف علي الوقت الضاع ده ... و إنت تتحمل معاي الغلط ده النص بالنص ... ياخي بعد ما غبيت لي يومين تلاته ..أسبوع ... ما ترسل لي في الخاص ياخي !!!
دوام الجمعة انتهي هسي ...إلا يوم الاتنين إن شاء الكريم بتصل علي الناس دي و نشوف ناخد منهم المعلومة طالما إنت حددت كاليفورنيا كولايتك العايز تمتحن منها ... يا زول ربنا يسهلها عليك محل ما تقبل و زي ما عكود ما بنخليك لحدي ما تخلص القصة دي و نجي نفتح ليك بوست نبارك ليك الشهادة !!  |
يابروف هههههههههه
بالغت كلو كلو طبعا
طبعا الحصل اني قمت براااي كده قلت بسم الله وغصت ليك في نص اللنكات دي غواصة شديدة .. وبرضو ماقدر اصل لي نتيجة محددة
قمت بعد داك رسلت ليهم ايميل وشرحت ليهم الوضع ومعاهو الشهادات .. ردت لي البت كيلي الجميلة وبخطها الجميل .. قالت لي عزيزي خالد (واخد بالك ؟) كل ولاية عندها متطلبات .. يعني لازم تختار ولايتك .. ثم لم تنسى ان تردمني بالمزيد والمزيد من اللنكات !
وفي النهاية قالت لي ريقاردس .. وابتسمت
ومن جديد غصت في اللنكات .. وارسلت المزيد من الايميلات لجهات متعددة وردت علي فتيات كثيرات بالمزيد من اللنكات !
المهم ما اطول عليك في النهاية اتضح انو لازم اجيب ورق كتير جدا من الجامعة فيهو تفاصيل وافية جدا عن كل مادة درستها بتحتوي على شنو !!
وعى حسب خبرتي بي جامعتنا الكلام ده السماء اقرب منو .. فااااااا اصطكيت هنا ولازلت مصطك
من ناحية تانية فكرت في الCMA اللهي السيرتفايت منجمنت اكاونت ودي برضها امريكية وشروطها اسهل ومادتين بس .. لكن وزنها في السوق قليل
اها الفكرة البديلة القلتها ليك اليوووم داك هي اقرا الCMA دي وبعد اخلصها بكون معفي من 9 مواد من الACCA اللهي البريطانية حلم حياتي
وبديت فعليا في الخيار ده وحاليا بدرس من منازلهم في الجزء الاول من الCMA ..
بالمناسبة قيقراوي هنا بكون مفيد شديد لانو قطع شوط كويس في CMA دي لكن مشكلتو غتيت ومكنكش في مطعم الباشا داك حتى ظننت انه سيورثه !!
تسلم يابروف ياخ ومقدر شديد مساعدتك والله ولسة العشم فيك كبير
وبرضك واصل مع ناس كالفورنيا ديل ولو وافقو لي ممكن ارجع للCPA بكل سرور
