اقتباس:
المشاركة الأصلية كتبت بواسطة ناصر يوسف
و هو قالولك وكتين الزول يخلي الشاهي ،، بيكتل ؟؟
ما تراهو بيسوي مِتِل سُواتَك دي
يا زول هوي من هني و لا قدام تاني ما فينا ( فِرِّيييييجَة )
تبقي داخل و تعمر البيت الكبير سودانيات ده إن شاء الله بكلمة
و بس
ثُمَ إنو مشتاقين ياخ
|
والله يا ناصر .. ما بمر يوم الا وانا متصفحها .. مرات اصابيعني تأكلني علي الكيبورد و ابدأ ادخل في اسم المستخدم وكلمة المرور لحد نقطة معينة تاني اقول ياخي هسة انا ابحت لي موضوع من سنة 2010 عشان اتور لي شكلة ساي الناس نسوها .. لان أغلب المشاركين فيما كنت ناوي اشارك فيه مختفيين .. ارجع اكنسل الدخول .. لكن القراية والله شاهد ما خليتها هنا
قبل اجي بي يومين عزمت علي الدخول وبدأت فعلا .. كان جاتني ان كلمة المرور خطأ
.. يا زول انت مجنون ؟ خطأ كيف حررررم ما خطأ .. وادخلتها خمسة مرات .. لحد ما جاتني رسالة ايميل من ايميل الخالد تنبهني انه في شخص بحاول الدخول بي اسم المستخدم حقك وادخل كلمة المرور خمسة مرات خطأ و الان يتعين علي ان اخوض امتحان ما في الصورة
ومافي صورة .. لحظتها بس انتبهت انه انا ما غيرت الكيبود للعربي وبكتب كلمة المرور بالحروف العربية
..
المهم قلت في نفسي انا ربحان كونوا جاتني رسالة من الخالد وكان حكيت القصة دي لي زول ساي بعتبرني مجنون