نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 31-05-2015, 03:15 AM   #[16]
زول الله
:: كــاتب نشــط::
الصورة الرمزية زول الله
 
افتراضي

اقتباس:
المشاركة الأصلية كتبت بواسطة النور يوسف محمد مشاهدة المشاركة
أنا غايتو تروقنى تشكيلة 36/24/36
ماعايز معاها أغنية "البلوم" في فرعو غنى؟؟؟؟؟










اقول قولي هذا واستغفرالله لي....................



التوقيع:

انا يوماتي أردد إسمِك بعد الحمدو "مكان الآية"
لما وحاتِك -من أشواقي- حِفِظ القول خيط المُـصلاية



أبــداً ماهُنـتَ ياســـوداننا يـومـاً علـينا

زول الله غير متصل   رد مع اقتباس
قديم 31-05-2015, 06:10 AM   #[17]
أسامة الكاشف
:: كــاتب نشــط::
الصورة الرمزية أسامة الكاشف
 
افتراضي

إنتو ناس الشرطة ديل زمان في الكلية كان بدرسهم الطيب صالح
ولا ناس شرطة سودانيات ديل ناس براهم

تسلموا



أسامة الكاشف غير متصل   رد مع اقتباس
قديم 31-05-2015, 06:49 AM   #[18]
طارق صديق كانديك
:: كــاتب نشــط::
الصورة الرمزية طارق صديق كانديك
 
افتراضي

كتابة بدت تتصاعد وتتبعها الأنفاس في كل منعرجاتها، بدأت في منتهى الرقة ثم انهمرت كما الغمام، ثم استعدنا معك التوازن المستحق لنتقبل الدهشة.

مرحب بيك في سودانيات ياجنابو.


ـــــ

غايتو الوصف البتوصف فيهو ده (تلج) الفاضل مااااا بحلك



التوقيع: الشمس زهرتنا التي انسكبت على جسد الجنوب
وأنت زهرتنا التي انسكبت على أرواحنا
فادفع شراعك صوبنا
كي لا تضيع .. !
وافرد جناحك في قوافلنا
اذا اشتد الصقيع
واحذر بكاء الراكعين الساجدين لديك
إن الله في فرح الجموع



الفيتوري .. !!
طارق صديق كانديك غير متصل   رد مع اقتباس
قديم 31-05-2015, 10:14 AM   #[19]
الطيب عثمان
:: كــاتب جديـــد ::
الصورة الرمزية الطيب عثمان
 
Cool

*** طيب الخلاك توافقينى فى كلامى القلت ليك شنو؟ و سبب كراهيتك للحاجة دى شنو؟
*** سكتت مساااافه ... غريزتى يا الطيب ... يوم واحد ما حسيت إنو الحاجه دى أمى ... أبداً ما حسيت الإحساس ده ... بالعكس والله يا الطيب كل يوم بتمناها تموت ... تصدق؟ خالد زاتو ما حاسه بيهو اخو,.. ومن أنا صغيرة عندى إحساس إنو أنا ضيفة فى البيت ده ... أسمع نوقف كلام فى الموضوع ده ممكن؟ لحدى هنا كفاية ...
يلا قوم ودينى أنا حاسة بى راسى ده لافى ... قوم قوم ...
حملت شنطتها وسبقتى مسرعة ...
دقيقة دقيقة طيب أحاسب؟ ...
بنتظرك فى العربية ...
*** نزلتها جنب الباب على ان نلتقى غداً و معها جواز سفرها...

..................... (5)..........................

*** تانى يوم الصباح مريت عليها فى السوق العربى ...
إستلمت الجواز و طوالى على جوازات بحرى حيث صديقى و دفعتى
رئيس فرع الجنايات (خالد الخير) وشرحت له الحاصل بالضبط و طلبت منه
أن يبحث عن الملفات الأصلية للجواز والجنسية ... وأن يوافينى بهما بأسرع وقت
ممكن فى الشركة ثم ودعته بعد أن إتفقنا أن يتم الأمر فى أعلى درجات السرية ...
معلومة مهمة: حسب النصوص القانونية فإن الجنسية هى الوثيقة الرسمية التى تثبت نسب حاملها الى أبيه بالإضافة الى إثبات أن حاملها سودانى الجنسية...

*** جلست مع شيرين مساء نفس اليوم فى نفس المكان جلسة عادية جداً ... خلت تماما من التطرق لموضوعها بل تخللت الجلسة الكثير من النكات و التريقة على البدرى وصحبه وتريقة الفاضل عليها بعد مغادرتى للسوق ... بيد أنها ظلت تؤكد لى فى الختام أنها رغم قناعتها بعدم إمكانية حل لغز حياتها إلا أنها شعرت بكثير إرتياح لأنها لأول مرة فى حياتها ... تجد من تفتح معه هذا الموضوع ...

*** جاءنى الرجل الهميم خالد الخير فى الشركة حاملاً معه الملفات الأصلية ...
*** لقد نجح إنسان فى إرتداء ثوب الخطيئة ردحاً من الزمان حتى أثمرت ـ ضحية ملؤها التفكير والبحث عن حقيقة نفسها قدر بقائها فى هذه الدنيا ـ فهل يفشل فى تزوير بعض أوراق يوارى بها سوأته؟
فقد جاءت كل الأوراق التى اتى بها صديقى خالد مزوره ...

*** فقررت أن أرتكب خطأ لا يرقى الى مستوى ذلك الإنحطاط ...
حيث طلبت من خالد أن يأتينى بورقة تكليف بالحضور فوراً ... وأن يحضر معى جلسة التحقيق المزيفة فى مكتبى بالشركة صباح الغد ...
ذهبت معه واستلمت ورقة التكليف بالحضور وملأتها بكل بيانات الحاجة والدة شيرين بعد ان أخذت تفاصيلها من شيرين نفسها وكتبت فى خانة مكان الحضور عنوان الشركة واضحاً جداً على أن يكون الموعد فى الساعة 2 ظهراً ...

*** حضر خالد الخير فى الموعد وعلى غير عادته كان مرتدياً الزى الرسمى ...
و حضرت الحاجة ... وكان بادياً عليها شديد إعياء ...
ـ شوفى يا حاجة أنا دخلت بيتك قبل كده ... وأنا على إستعداد كامل لأحترامك ما دمتى حتساعدينى، لكن بخلاف ذلك انا ممكن أمسح بيك الواطه دى ...
و ما عايز اى تعليق ... سامعة ...
ـ حاضر ....
ـ انتى يا حاجة عمرك كم سنة؟
ـ والله يا ولدى ما عارفة لكين ما أقل من 70 ، 75 سنة
ـ طيب يا حاجه اليافطة القديمة المعلقة فوق الباب دى شنو؟
ـ اليافطة دى يا ولدى قديمة خلاس ... أنا أصلاً كنت داية قانونية ...
ـ 70 ، 75 سنه ووالدة شيرين أم 18 سنه؟ ... كويس بوريك أنا .. همسا في نفسي طبعا
شوفى يا حاجه بدون أى لف و دوران ومن الاآخر طوالي ، شيرين دى أمها منو؟
ـ احيييييى يا ولدى ...



الطيب عثمان غير متصل   رد مع اقتباس
قديم 31-05-2015, 10:24 AM   #[20]
الطيب عثمان
:: كــاتب جديـــد ::
الصورة الرمزية الطيب عثمان
 
افتراضي

اقتباس:
المشاركة الأصلية كتبت بواسطة عكــود مشاهدة المشاركة
سلام الطيب ..

كتابة يبشروا فوقها ..
ويهزوا الضرعات.

الشبال ذاتو ما دايرنو ..
بس واصل.


*** بعد ما تبشر وتهز وتاخد الشبال يا عمدة مر على الزول الاسمو رأفت دا ماسك الكشف .



الطيب عثمان غير متصل   رد مع اقتباس
قديم 31-05-2015, 10:27 AM   #[21]
الطيب عثمان
:: كــاتب جديـــد ::
الصورة الرمزية الطيب عثمان
 
افتراضي

اقتباس:
المشاركة الأصلية كتبت بواسطة أمير الأمين مشاهدة المشاركة
منتظرين باقى الحكى الما خمج
وبالله تفاصيل الخطة اياها...!!
*** أمير يا أمير ،، أها كيف ليك ؟

تسلم يا حبيب



الطيب عثمان غير متصل   رد مع اقتباس
قديم 31-05-2015, 10:35 AM   #[22]
الطيب عثمان
:: كــاتب جديـــد ::
الصورة الرمزية الطيب عثمان
 
افتراضي

اقتباس:
المشاركة الأصلية كتبت بواسطة زول الله مشاهدة المشاركة
قلت لي عاملة زي كاس العالم
عارف ياسعادة رجعتنا لأيام الكوووورة ياخ
باين عليك من النوع البلعب ضاغط
مرحبمبك وحبابك مليون زاتو
خت الكورة واطه وشوت
منتظرنك نحن


.................................................. ....








اقول قولي هذا واستغفرالله لي.......................
*** زول الله يا ضاغط انت لك الشكر و التقدير يا كابتن ،،،،،،،،،،،،،دم بخير



الطيب عثمان غير متصل   رد مع اقتباس
قديم 31-05-2015, 10:39 AM   #[23]
الطيب عثمان
:: كــاتب جديـــد ::
الصورة الرمزية الطيب عثمان
 
Cool

اقتباس:
المشاركة الأصلية كتبت بواسطة اشرف السر مشاهدة المشاركة
سلام يا الطيب

حكي زي دا ببت الحيل
وبعصر علينا شديييييييد "على قول كاديلاك"...

.....

متابعة... مان تو مان
ونرجو ان لا تعدل التشكيلة بتاعت 3-5-2 دي
ود السر يا خوي حيلك مهدود براك ما تتصلبط فينا دم بخير



الطيب عثمان غير متصل   رد مع اقتباس
قديم 31-05-2015, 11:47 AM   #[24]
زول الله
:: كــاتب نشــط::
الصورة الرمزية زول الله
 
افتراضي

اديتني احساس: بانت سعاد فقلبي اليوم شنو كدا ماعارف
ويوصف ليك سعاد دي لمن قلبك ينقطع وبعدين يخش في الموضوع

احساس عالي والله ياسعادتك
واصل بدون فواصل وجلي الناس دي ماترد علينا










اقول قولي هذا واستغفرالله لي....................



التوقيع:

انا يوماتي أردد إسمِك بعد الحمدو "مكان الآية"
لما وحاتِك -من أشواقي- حِفِظ القول خيط المُـصلاية



أبــداً ماهُنـتَ ياســـوداننا يـومـاً علـينا

زول الله غير متصل   رد مع اقتباس
قديم 31-05-2015, 01:08 PM   #[25]
آخـر المواني
:: كــاتب نشــط::
الصورة الرمزية آخـر المواني
 
افتراضي

اقتباس:
أنا غايتو تروقنى تشكيلة 36/24/36



اقتباس:
المشاركة الأصلية كتبت بواسطة خالد غالي مشاهدة المشاركة
ههههههههههههههههههههه

اول مرة اشوف مداخلة خبيثة للنور




اجمل ما في القصة دي انو القارئ ما بقدر يوصل لي نهاية السيناريو دا

غايتو حصلت علي أنا لما بديت أقرأ البوست؛ كل مشاركة أقراها اقول المشاركة القادمة السيناريو ح يكون كذا كذا .. اجي ألقاهو مختلف!

متعة في المتابعة وتشويق في السرد ..



عليك الله آآ جنابو جلي الردود علي الناس واحكي بس

وأهم حاجة تجلي الرد علي انا دا



التوقيع:
اقتباس:
المشاركة الأصلية كتبت بواسطة أبوذر بابكر مشاهدة المشاركة
افسحى لى مكانا فى دمى

قرب عينيك
علنى بإحدى الحسنيين أفوز
فإما أغنية تضج فى مسام الفرح
أو دمعة تنادم الصمت
فى فمى
آخـر المواني غير متصل   رد مع اقتباس
قديم 31-05-2015, 02:48 PM   #[26]
الطيب عثمان
:: كــاتب جديـــد ::
الصورة الرمزية الطيب عثمان
 
افتراضي

اقتباس:
المشاركة الأصلية كتبت بواسطة آخـر المواني مشاهدة المشاركة









اجمل ما في القصة دي انو القارئ ما بقدر يوصل لي نهاية السيناريو دا

غايتو حصلت علي أنا لما بديت أقرأ البوست؛ كل مشاركة أقراها اقول المشاركة القادمة السيناريو ح يكون كذا كذا .. اجي ألقاهو مختلف!

متعة في المتابعة وتشويق في السرد ..



عليك الله آآ جنابو جلي الردود علي الناس واحكي بس

وأهم حاجة تجلي الرد علي انا دا

*** أجلي الناس دي كلها معناتا ننزل آخر الموانئ بس .
تسلم يا حبيب وخلك قريب .



الطيب عثمان غير متصل   رد مع اقتباس
قديم 31-05-2015, 02:54 PM   #[27]
الطيب عثمان
:: كــاتب جديـــد ::
الصورة الرمزية الطيب عثمان
 
Cool

السـلام عليكم أيها الساده :

*** توقفت فى المره الفائته فى جلسة التحقيق المزيفة مع الحاجة عند سؤالى لها عن والدة شيرين الحقيقية ...
ـ سكتت بعدها لفترة ... الحقيقه يا ولدى ده موضوع ليهو زمن طويل وطبعا أنا كنت شغاله داية (قابله) ...
و مرة جاتنى جليلة النصرى ـ اسم وهمى ـ و معاها و احدة إسمها فايزة الجاك ـ إسم وهمى ـ
قامت جليلة قالت لى فايزة دى متزوجة وزوجها مسافر ليهو فترة طويلة لكنها حملت فى غيابو فعايزين نشوف ليها حل .... المهم أنا وافقت ... وولدت فايزة فى بيتى ده وجابت شيرين دى و خلتها عندى ومشت ... وكانت بتجى تزورها مره مره لما كانت صغيرة ... أها تانى إنقطعت وهسى والله ما بعرف ليها جيهه...
ـ طيب يا حاجة ... فايزة الجاك دى هسى وين؟ و قالت ليك البت دى أبوها منو؟
ـ و الله يا ولدى فايزة دى هسى حيه ... ميتة ... ما عارفاها وما حصل قالت لى وين ساكنة ولا قالت لى البت دى أبوها منو...
ـ طيب جليلة النصرى دى منو، و وين هى حالياً؟
ـ جليلة دى صاحبتى من زمان و ساكنة الجريف غرب محطة ...
ـ طيب يا حاجه شكراً على تعاونك معانا و تقدرى تتفضلى بس ممكن نتحتاجك تانى وأقول ليك حاجة ... شيرين ما تعرف أى شى عن الموضوع ده ـ بحدة ـ فاهمة؟
ـ حاضر يا ولدى... بس يا ولدى طلبتك بالنبى كان تجيب لى مصيبة فى آخر عمرى انا مرة عمرى فوق الـ 75 سنة؟ قالت هذا الكلام وهى بالقرب من الباب ...
ـ عمرك فوق الـ75 وخالد ولدك عمرو 22 سنة؟ يعنى خالد زاااتو ...
ـ يا ولدى استرنى الله يغتى عليك؟
ـ إتفضلى يا حاجة إتفضلى إتخارجى ...

*** ظللنا أنا وصديقى خالد خير فى المكتب بنفس دهشتكم هذه... اللهم أحفظنا وسلم أهلنا ... قولو آمين ...
*** جهزنا ورقة تكليف بالحضور للسيدة جليلة النصرى بعد أن أخذنا كافة بياناتها من الحاجة ...
و هى تعمل بإحدى المؤسسات التعليمية بمنطقة تبعد عن الخرطوم حوالى الـ 25 كيلومتر ...
تحركت اليوم التالى الى حيث مقر عمل جليلة النصرى وسألت عن مكتب شؤون الموظفين ... كانت المفاجأة سعيدة بالنسبة لى حيث وجدت المسؤول عنه هو صلاح ـ إبن عم أولاد عمتى ـ وهو معروف عنه أنه يسمع أكثر مما يتحدث ...
بعد السلام والمطايبة ... طلبت منه الاطلاع على ملف خدمة السيدة الجليلة ... جليلة النصرى والتى إتضح أنها مجرد عاملة نظافة ليس إلا ...
تم تعيينها مع إفتتاح المؤسسة فى 1977 وأنها حالياً موجودة على رأس عملها .... طلبتها ...
الحاجة جليلة النصرى تبلغ من العمر حوالى الـ60 سنة سودانية 100 % مشلخة ... قصيرة القامة ... ممتلئة الجسم سمراء لم يعرف لها الجمال طريقاً يوماً ... ظريفة ...
إلتقيتها ووصفت لها طريق الشركة (مكتب الأمن الوهمى) بالضبط على أمل أن تشرفنا صباح الغد ...


طلبت من صلاح أن يسمح لها بملاقاتنا ...
لم يسألنى صلاح عن أى معلومة رغم علمه التام بأننى تركت العمل بالشرطة ... بل أبدى كل تعاون ... شكرته وغادرنا....

صباح اليوم التالى فى الشركة . ..
جات الحاجة (جليلة) ممسحة ولابسة (فردة) ـ نوع من أنواع التياب ـ لونها كحلى وعليها زيق ذهبى اللون ...
بعد أن شرح لها صديقى خالد الخير طبيعة الطلب ـ شرحاً لم يخلو من كثير تهديد ووعيد ... ووعد بالمساعدة ...
.. كانت حاجة جليلة متعاونة أكثر مما توقعنا ...
ـ هييَّا اولادى كان كلمتونى أمبارح كان وريتكم ليها ما كانت معاى؟
ـ يعنى أم شيرين شغالة معاكم؟ و موجودة هسى؟
ـ آي بالحيل إسمها فايزة ... بس يا وليداتى المرة دى على حبال راجل وأولادها رجال ...ما تمشوا تخربوا بيتها...
ـ مبروك ... شغلك نضيف يا حاجة ... إتوكلى طوااالى البيت ... بس بكرة حنحتاجك مرة تانية هنا الساعه 9 ص شكراً يا حاجة ... يلاكى نوصلك البيت ...
و بووووووووووو الجريف ومن هناك بسرعة شديدة جداً لى صلاح مدير شؤون الموظفين مرة أخرى ...
بى نفس قايم
ـ أه أه ... إن شاء الله نلقى ما طلع...
ـ أه أه إنشاء الله...
** الحمد لله...
أبو صلاح آسفين ياخ جيناك مرة تانية ... عايزين ملف واحدة إسمها فايزة الجاك بس المرة دى حنشيلو معانا ... وحنرجعو ليك بكرة إن شاء الله ... لم يتردد ... جدا جدا بس ما تضيع منو حاجة ... جدا جدا يا أبو صلاح ... وما قصرت ياخ شكراً ليك ...



الطيب عثمان غير متصل   رد مع اقتباس
قديم 31-05-2015, 05:04 PM   #[28]
معتصم الطاهر
:: كــاتب نشــط::
الصورة الرمزية معتصم الطاهر
 
افتراضي

ياخ الفساد بتاعك دا زى فساد السمك لما يبقى فسيخ فى الدويم ..

له طعم لازم تصطبح به و تتناوله مع كقير من الشطة و الليمون و تختمه بكباية موية باااردة ..

شكرا على كل لحظة جمال تهديها لنا .



التوقيع:
أنــــا صف الحبايب فيك ..
و كـــــــــــل العاشقين خلفي
معتصم الطاهر غير متصل   رد مع اقتباس
قديم 31-05-2015, 06:34 PM   #[29]
الطيب عثمان
:: كــاتب جديـــد ::
الصورة الرمزية الطيب عثمان
 
Cool

اقتباس:
المشاركة الأصلية كتبت بواسطة معتصم الطاهر مشاهدة المشاركة
ياخ الفساد بتاعك دا زى فساد السمك لما يبقى فسيخ فى الدويم ..

له طعم لازم تصطبح به و تتناوله مع كقير من الشطة و الليمون و تختمه بكباية موية باااردة ..

شكرا على كل لحظة جمال تهديها لنا .
*** أفهم من كدا يا معتصم انو فسيخى كارب ؟ طيب بالهنا و الشفا والتحايا عبرك لكل أحبابنا في الدويم .



الطيب عثمان غير متصل   رد مع اقتباس
قديم 31-05-2015, 06:39 PM   #[30]
الطيب عثمان
:: كــاتب جديـــد ::
الصورة الرمزية الطيب عثمان
 
افتراضي

اقتباس:
المشاركة الأصلية كتبت بواسطة طارق صديق كانديك مشاهدة المشاركة
كتابة بدت تتصاعد وتتبعها الأنفاس في كل منعرجاتها، بدأت في منتهى الرقة ثم انهمرت كما الغمام، ثم استعدنا معك التوازن المستحق لنتقبل الدهشة.

مرحب بيك في سودانيات ياجنابو.


ـــــ

غايتو الوصف البتوصف فيهو ده (تلج) الفاضل مااااا بحلك


*** الكانديك طالما علقت في ذهنك برودة تلج الفاضل معناها أنا وصافا والله هو بينيى وبينك باااااارد في هجير السوق العربي داك . دم بكل الخير حبيبنا



الطيب عثمان غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 09:34 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.