13 عاماً على الرحيل المر للشاعرة غيداء أبو صالح/19 أكتوبر 2008 !!! عايــد عبد الحفيــظ

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 03-07-2015, 11:17 AM   #[1]
جيجي
:: كــاتب نشــط::
 
افتراضي رمضانيات

جارتنا بلغارية مسيحية متزوجة من اخ سوداني
لديهما ابن ربما في الثالث عشر من عمره
تصوم رمضان تضامنا مع ابنها وزوجها
حكت لي انها ايضا تركت اكل لحم الخنزير اكراما لهما
المودة تخلق الكثير
وتتجاوز الاكثر



جيجي غير متصل   رد مع اقتباس
قديم 05-07-2015, 12:46 AM   #[2]
جيجي
:: كــاتب نشــط::
 
افتراضي

تقابلنا بعد عامي زمان في احد الطرقات
-اووو يا سيدتي الجميلة يا لمحاسن الصدف
كيفك وكيف الخواجة
بابتسامة بدت باهتة اجابتني
-انا والخواجة ياصديقتي تطلقنا
-اووو انا جد اسفة
اجابت
-لاانا التى طلبت الانفصال...اتسعت ابتسامها الباهتة قليلا
واصلت حديثها
-تصوري الخواجة الانا دخلتوا الاسلام اصبح متزمتا ومتطرفا دينيا حتى بت لا استطيع العيش معه
لم استطع مدارة ابتسامتي فاسرعت اواسيها
-يازولة على الاقل بتدخلي بي الجنة
عانقتها وافترقنا



جيجي غير متصل   رد مع اقتباس
قديم 06-07-2015, 12:00 AM   #[3]
جيجي
:: كــاتب نشــط::
 
افتراضي

ازمة القروبات في الواتساب والمنقول
لما كنت في قروب العائلة بس
كنت مستمتعة بالتواصل مع الاهل في السودان ومعرفة اخبارهم بالتفصيل
يعني الواحد لوعايز ياخد دش بتعرف انه حياخد دش لي والساعة كم
واهم من دا كلو كنت بسمع النكتة مرة واحدة وبقرأ المنقول مرة واحدة
لمان النور يوسف كان يحتج على القروبات كنت بقول -اجي يايمة النور دا هسة المزهجو شنو
لحدت مااضفت قروب صديقات وقروب تاني
صح انه خلق نوع من تواصل انقطع فترات من الزمان
والواحد كان مبسوط بالقرب الحصل
لكن
ياخرابي وياويلي على قول اخوانا المصريين
ياخ معقول تسمع نكتة تلات مرات في نفس الوقت
وتسمع فيديو تلات مرات ومنقول واحد تلات مرات وتجيك صورى عشرين مرة
على الاقلل مفروض الناس دي تكون خلاقة شوية يعي الواح مثلا يعد لحدت تلاتة وبعد داك يرسل:tongue
او يعني من باب تنظيم اشياءه كدا ساي يقرر انه يرسل حاجة واحدة في اليوم
او يعني خلي عندك ذوق
وكفاية نكت شوايقة-اجدع ناس والله-
اما المساطيل ديل حكايتهم حكاية تانية
ياخ انا اكتر نكتة عجبتني بتاعت المسطول الوقعت منو بليلة واتدردقت قام فك بوراها الصحن كلو وقال ليهم اقبضوها لي- عارفين لي - كيفتني السطلة الجد جد دي
الخلاني كتبت
انه هسة النكتة دي وصلتني تلات مرات
والاظرف انه كاتبين انها كرت كرتون
وان بتذكر جاتني قبل شهر وبرضو تلات مرات ولو ما اخاف الكضب اقول رسلوها لي نفس الناس ديل زاتم
بالله هسة كدا كل واحديحسبكم مرة سمع النكتة
ابيت ما بقولها



جيجي غير متصل   رد مع اقتباس
قديم 06-07-2015, 11:11 PM   #[4]
جيجي
:: كــاتب نشــط::
 
افتراضي

ونحن باحد المولات
والجميع في انتظار الافطار بالفود كورت
وكل يضع ماطاب له من طعام امامه والبعض مازال ينتقي طعامه
عن يميني طاولة يجلس اليها بعض الاخوة الفلبينيين
وامامي اسرة اروبية اروبية وليسي ببعيد يجلس جماعة من السيخ
لفت نظري انه جميعا يضعون طعامهم في الطاولات امامهم دون ان يبدأو بتناوله
فقط هناك اسرة افريقية تتناول طعامها
همست لسلمى
-ماما لاحظتي
همست ضاحكة
-هسة ديل لو نحنا كنا اكلنا
- اكيد ماشايفة ابناء عمومتنا هم الوحيدين الماهاميهم الناس الحولهم
-ياربي الذوق دا بيورث
-اكيد يا سلمى كمان بيورث عن طريق وراثة الصفا ت المركبة



جيجي غير متصل   رد مع اقتباس
قديم 06-07-2015, 11:30 PM   #[5]
جيجي
:: كــاتب نشــط::
 
افتراضي

في حد مرة سمع صوت العطش
ياخ معقول
ماسمعتوه صوت عطشو


حاسمعكم ليه المرة الجاية



جيجي غير متصل   رد مع اقتباس
قديم 07-07-2015, 09:10 AM   #[6]
ناصر يوسف
:: كــاتب نشــط::
الصورة الرمزية ناصر يوسف
 
افتراضي

اقتباس:
المشاركة الأصلية كتبت بواسطة جيجي مشاهدة المشاركة
في حد مرة سمع صوت العطش
ياخ معقول
ماسمعتوه صوت عطشو


حاسمعكم ليه المرة الجاية
هههههههههههه
شكلك عطشانه شديد


انا غايتو منتظر أسمع صوت العطش



التوقيع:
ما بال أمتنا العبوس
قد ضل راعيها الجَلَوس .. الجُلوس
زي الأم ما ظلت تعوس
يدها تفتش عن ملاليم الفلوس
والمال يمشيها الهويني
بين جلباب المجوس من التيوس النجوس
ناصر يوسف غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 09:36 PM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2021, vBulletin Solutions, Inc.