اقتباس:
المشاركة الأصلية كتبت بواسطة Osman Hamad
يا مان العربي دا، انا ماناقش فيهو حناني، لكن (العينين المقلقتين) دي ما ياها يامان، إحتمال تكون قاصد (مغلقتين)؟ وبعدين هى زاتها إتخيل لي ممكن تكون ( عينان مغلقتان) لانها ليس مجرورة، لان الجمع يجر بالياء والنون، هي غايتو يبقي لي ما مجروة، لكن مالها؟
عاين يامان، ذو الظهر المحني دى، (محني) دي برضو ماعاجباني، الله يكفينا ويكفيك شر الإنحناءة
برة الخط:
انا مش قبل كدا، قلت ليك يامان، موضوع البنية التحتية دا حاول إتخطاهو
|
عثمان حمد
ازيك في سودانيات
ياخي سعيد جداً بالمتابعة مان تو مان دي
ودا القصد الأساسي من الكتابة مباشرة أونلاين... التفاعل المباشر والتصحيح والتنقيح...
(في كلام هنا.. المتصفح وداه وين ما عارف)
وتركيب الجملة بعطفها على ما قبلها.. يختمل تأويلات متعددة للجر بالإضافة وغيره.. لكنها في نظري لا تخرج من كونها
- احتمال الدخلك في شر (المقلقتين) دي عدم التشكيل في الحروف..
فهي (المُقلِقتين).. بمعنى أنها تصيب من ينظر إليهما بالقلق...
وأطمئنك أنها مجرورة...
ولم أحسبها جمعاً... بل عاملتها معاملة المثنى.. وهو ما بعيد من أحكام الجمع في خاصية الياء والنون.. الشرح كالتالي:
ذو: ما بعدها يأتي مجروراً (ذو الظهرِ المحنيِ) مضاف ومضاف اليه.
و: حرف عطف
العينين: مضاف ثان لـ (ذو) وفي نفس الوقت مضاف اليه بالنسب للمقلقتين.
المُقلِقتينِ: مضاف اليه، بالنسبة للعينين.. (والجملة كلها يمكن اعتبارها مضاف الى الجملة الأولى)..
كل الاحتمالات بتوديك للجر..
والفوق دا كلام ناس البصرة.. فإن شئت، جئتك برأي أهل الكوفة
وليس فيه كبير اختلاف..
الظهر المحني:
سآخذ برأيك في الحسبان عند التنقيح إن شاء الله... وإن كنت قصدت أن أكتفي بالإشارة لتقدمه في السن وأن يفهم القارئ التلميح..
شكراً وابقي تعال تاني وتالت ورابع وسادس
جوه الجك:
البنية التحتية ركيزة لازمة لبنيوية الوجود