يازول ..!
يازول مكندك بالصبر
قائم الدغش وش الفجر
عينيك محمرة بالسهر
ايديك مغبشة بالتراب
قلبك حرارتو كما الجمر ..
يازول مكندك بالصبر
قائم مع ( حي علي الفﻼح )
كايس المﻼح
والسترة في عيشة الكفاح
قائم تساسق باﻻمل
مسنود تكابس للحﻼل
زي ( الدقيق ) ريقك نشف
هذا الدقيق
فارق الرف في المتاجر
وفارق النار في الفرن
مسخ عليك عيشة الكفاف
البيها راضي كت
مادام حﻼل
وعليها ﻻزمت الصبر
يازول مكندك باﻻمل ..
تصحي الصباح
قومة الفجر
وشك مقطع باﻷسي
وإيديك مخشنة بالتعب
ﻻشاي شربت
وﻻفطور
مارق مسند بالصبر
كايس الرزق
رزق العيال
اليوت تهاتي بﻼ صبر
اليوت تهاتي وضايقة مر
دايرين حليب ..
من وين تجيب ؟ ..
حق الفطور
رسوم المدرسة
من وين تجيب ؟ ..
حق اﻹيجار .. حق الدواء
والموية ماف والكهربة
من وين تجيب ؟ ..
مارق تساسق بالدريب
قومة الدغش
مارق تساسق باﻷمل
مارق علي دروب العمل ..
وين العمل ؟ ..
مارق بتمسح في الدموع
بتضاري فيها علي أمل
عاصر علي ضلوعك ألم
راسم إبتسامة علي وشيك
مارق تساسق وعلي امل
والله المعين وهو المستعان
وهو البفرج كل ضيق
يازول مكندك بالصبر
قائم الدغش وش الفجر
عينيك محمرة بالسهر
إيديك مغبشة بالتراب
قلبك حرارتو كما الجمر ... !
|
