الكسمبر “أبو الحسن” أو “رأس الشيطان”

اشرف السر · 22-12-2013, 06:11 PM

الكسمبر
“أبو الحسن” أو “رأس الشيطان”

مشحوناً بالفضيحةِ والجريمةِ

ورائحةِ الخمرِ البالية..

تندرجُ في أزقته السرية

أغاني السبيِّ البابليِّ

والآهاتِ الغاربة..

وأقصى ما فهمته منها

أحزانُ ليلي مارلين “Lilly Marlyn”

وغيبوبتها الأبدية..

لم أكترث، لأن حزني

ما زال صبياً في اللحدِ

يمازح الثواني العابرة

ينسى جُدُر الفقر القاتم..

والأمر القائم هو النسيان

وهو ذو جسمٍ ماديّ

لكنك لن تحسه وتراه

لتدخله،

لأنه مزاجٌ

يتولّدُ صحواً

حين تأفل المسلمات

ويختلُ التوازن الهش

في ميزان وعيك بالعدم

***

مثل بغيٍّ قروية

تعانقك حقائق الحياة

وتُسقط قناعها المأفون

لساعة،

حين تدخل الكسمبر

ولن تدخله بخشيتك

عار النظرات المشبوهة..

ستراوح مكانك.. يسكنك الزيف

وأناقة النفاق ..

ويمضي بك الرياء إلى مدينة السراب

تُعاني جبنك القديم..

يا أيها الإناء

كيف احتواك ما فيك

فرحت تتماهى بمحتواك

تتباهى بما فيك

وما في جبتك إلا الفراغ!!

.. بضعُ لحظاتٍ وينكسر الزجاج

من أغواك

وإبليسك فيك!!؟

أبوبكر عباس · 22-12-2013, 08:04 PM

عبد الباقي موسى النو، مهندس وصديقي، لاقيتو بعد تمّ تعينو بوزارة الري، راكب مُشمع في بص سنكات جبرونا، كوركت ليهو وأنا جالس في نهاية كنبة البص: بالله يا باش مهندس، انتو بتركبوا المواصلات العامة معانا!!
زحف زحف لحدي ما وصل جنبي وسبّ لي الدين في أضاني وقال لي: المحطة الجاية أنزل معاي يا تافه
نزلنا في ود قيحة وشيلني كيس التبش وأصرّ أمشي أتغدى معاهو، بعد شربنا موية السلطة*، قال لي: تذكر الحاج الصديق بانقا زميلنا بتاع الكسمبر؟
قلت ليهو: أبو عريب؟
- أيوة يا تافة، الراجل عرّس من الكسمبر، مشيت حضرت عرسو، يا أخي، العرس هناك رخيص رخصة
تمشي؟
تذكرت انو ود خالتي عرّس قبل شهرين من رياض الخرطوم

عليك الله، يا أشرف، لو المداخلة دي، شترا؛ تعفي لي.
ــــــــــــــــ
* الحقوق ما زالت للطيب بشير

اشرف السر · 22-12-2013, 08:31 PM

بابكر عباس

تحياتي
مداخلتك ما شترا ولا حاجة...
بس شايفك عصرت على الكسمبر... وعملت نايم من راس الشيطان!!
يعني مارنجان حلة حسن دي ما عتبتها!!!!!

** الكسمبر المذكورة أعلاه هي غير الكسمبر المشهورة..
زنقتني في خانة اليك..
ولازم اشرحها وأفسد متعة القراء البحبو الاحتمالات المفتوحة

عنيت بها كمبو ملاصق لـ 24 القرشي في غرب الجزيرة.. هذا اسمه القديم.. والان يعرف بأبو الحسن ولا يختلف في مضمونه عن بقية ما يعانيه سكان الكنابي في الجزيرة

22-12-2013, 06:11 PM	#[1]
اشرف السر :: كــاتب نشــط::	الكسمبر “أبو الحسن” أو “رأس الشيطان” الكسمبر “أبو الحسن” أو “رأس الشيطان” مشحوناً بالفضيحةِ والجريمةِ ورائحةِ الخمرِ البالية.. تندرجُ في أزقته السرية أغاني السبيِّ البابليِّ والآهاتِ الغاربة.. وأقصى ما فهمته منها أحزانُ ليلي مارلين “Lilly Marlyn” وغيبوبتها الأبدية.. لم أكترث، لأن حزني ما زال صبياً في اللحدِ يمازح الثواني العابرة ينسى جُدُر الفقر القاتم.. والأمر القائم هو النسيان وهو ذو جسمٍ ماديّ لكنك لن تحسه وتراه لتدخله، لأنه مزاجٌ يتولّدُ صحواً حين تأفل المسلمات ويختلُ التوازن الهش في ميزان وعيك بالعدم *** مثل بغيٍّ قروية تعانقك حقائق الحياة وتُسقط قناعها المأفون لساعة، حين تدخل الكسمبر ولن تدخله بخشيتك عار النظرات المشبوهة.. ستراوح مكانك.. يسكنك الزيف وأناقة النفاق .. ويمضي بك الرياء إلى مدينة السراب تُعاني جبنك القديم.. يا أيها الإناء كيف احتواك ما فيك فرحت تتماهى بمحتواك تتباهى بما فيك وما في جبتك إلا الفراغ!! .. بضعُ لحظاتٍ وينكسر الزجاج من أغواك وإبليسك فيك!!؟
اشرف السر :: كــاتب نشــط::	التوقيع:

22-12-2013, 08:04 PM	#[2]
أبوبكر عباس :: كــاتب نشــط::	عبد الباقي موسى النو، مهندس وصديقي، لاقيتو بعد تمّ تعينو بوزارة الري، راكب مُشمع في بص سنكات جبرونا، كوركت ليهو وأنا جالس في نهاية كنبة البص: بالله يا باش مهندس، انتو بتركبوا المواصلات العامة معانا!! زحف زحف لحدي ما وصل جنبي وسبّ لي الدين في أضاني وقال لي: المحطة الجاية أنزل معاي يا تافه نزلنا في ود قيحة وشيلني كيس التبش وأصرّ أمشي أتغدى معاهو، بعد شربنا موية السلطة، قال لي: تذكر الحاج الصديق بانقا زميلنا بتاع الكسمبر؟ قلت ليهو: أبو عريب؟ - أيوة يا تافة، الراجل عرّس من الكسمبر، مشيت حضرت عرسو، يا أخي، العرس هناك رخيص رخصة تمشي؟ تذكرت انو ود خالتي عرّس قبل شهرين من رياض الخرطوم عليك الله، يا أشرف، لو المداخلة دي، شترا؛ تعفي لي. ــــــــــــــــ الحقوق ما زالت للطيب بشير
أبوبكر عباس :: كــاتب نشــط::

22-12-2013, 08:31 PM	#[3]
اشرف السر :: كــاتب نشــط::	بابكر عباس تحياتي مداخلتك ما شترا ولا حاجة... بس شايفك عصرت على الكسمبر... وعملت نايم من راس الشيطان!! يعني مارنجان حلة حسن دي ما عتبتها!!!!! ** الكسمبر المذكورة أعلاه هي غير الكسمبر المشهورة.. زنقتني في خانة اليك.. ولازم اشرحها وأفسد متعة القراء البحبو الاحتمالات المفتوحة عنيت بها كمبو ملاصق لـ 24 القرشي في غرب الجزيرة.. هذا اسمه القديم.. والان يعرف بأبو الحسن ولا يختلف في مضمونه عن بقية ما يعانيه سكان الكنابي في الجزيرة التعديل الأخير تم بواسطة اشرف السر ; 22-12-2013 الساعة 08:35 PM.
اشرف السر :: كــاتب نشــط::	التوقيع:

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري