قصص من الدنيا؛ وبعض حكاوي...!!!

[عبدالمنعم الطيب حسن]

شدهني شهاب !!!
رسم صورة حبينا وغاب !!!
خبن نجمات..
علي وش السماء الضلم !!!
تعالو الليلة نتالم .. ونتعلم !!!
زول أسمر طويل البال
محل تلقاهو يرمي البسمة ليك شبال !!!
دوام جياب وماشيال!!
لا تحته الورد مفروش
ولاعنده الدهب منقوش
بس عنده البعلي الشان
عقل واعي وضمير انسان !!
صلاح..ماراح ..
صلاح ممزوج في ابسط ناس
تحت هجليجة شال كراس
بفك في الخط مع ست شاي
وزول كناس !!!
صلاح لفح المروة. وشاح
ترس جدول مع فلاح !!
صلاح في ورشة بين عمال
بكلي هدووو ..وطولة بال
ربط صامولة شال مفتاح !!
ورجع بي شوق
سنده في كتفه بته (شروق)
وكتب قبال ينوم ساعتين
( رسوم طلاب..وداع حجاج..وبالونتين ) !!
صلاح ..ماراح
صلاح برق الحقيقة اللاح..
في احلي وشاح !!
عقل واااعي وضمير إنسان
في اي زمان.. واي مكان
وهسي اكيد في بطن التربة
مقسم كفنه لكم مسكين
وبرضو مفرش روحه العذبة
سكة ريد لي ناس جايين!!
صلاح ماراح.. صلاح ماراح
......
قصيدة للشاعر الفخيم
بدرالدين حمزة
يرثي بها الصديق
صلاح علي صالح
واحد من انبل الطلاب في مصر التمانينات
كان صلاح قائدا بالفطرة..
له الرحمة بقدر ما علمنا
فقد كان كادرا ملهما في الجبهة
الديمقراطية
كان نعم المعلم والكتاب..

[عبدالمنعم الطيب حسن]

تمر علينا هذه الايام
ذكرى غياب الشاعر الكبير صلاح حاج سعيد.
ادناه بوست في ذكر غيابه المرير
عينيك وحاتك غربتي واهلي ودياري الفيها ضائع لي زمن،
....
وتصبح اماني كسيرة في خاطر الحَنان
...
وكتبت ليك والله يا قمر الزمان
عشان جيتي في الزمن المحنة
وشفتا في عينيك حس اهلى القُدام
..
الشاعر صلاح حاج سعيد، والفنان مصطفى رفيقان لجلينا وسلوى، وكان الزمن ترابيا، موحشا، ومكندك بالحريق،
طمّنا جيلنا وصبراهوا، وقالوا لينا انو الدنيا لسا بخشها ضؤ،
كانا رفيقا جيلنا في ازقة ستوتة والغاز قاطع والشاي والسكر والعدس، ولاحقا في مكة وشقة العتيبية، وساحة اسلام، وملقية،
وجئنا باشرطتنا لرياض الخير، بمصطفانا وصلاح حاج سعيدنا..
وكان الكست والمسجل رفيقنا طوال هذه الرحلة الجبلية، الرحلة الصعبة، كانا وما زالا
سلوانا ومبتغانا، وقد تباعدت المسافات واستطالت الغربة، ونهض الف باب..
واصبحت العودة لوطن النجوم مجرد حلم..
..
لصلاح حاج سعيد ولمصطفى سيد احمد
عالي الفراديس،
ولنا الحزن الطويل،

[عبدالمنعم الطيب حسن]

ازهج صاحب عندنا
كل ما يلاقيني اساله
-كيف؟
-زي الزفت، والله لو قلت عوع اطرش
..
المهم الطفش دا عام
عام وانفدع
😂😂

[عبدالمنعم الطيب حسن]

زملينا تكلم مع خطيبته في السودان بالتلفون لما شبع
جاء قعد في مكتبو
ووشيهو يشع نورا وحبا وقال عبارته الشهيرة:
الحياة حلوة
المهم
فاطنة بتو الكبيرة ممتحنة الشهادة السنة

[Abdullahi Gaafar]

العزيز عبد المنعم تحيات وتقدير
رحم الله الشاعر صلا حاج سعيد

واحد من اجمل قصائد صلاح حاج سعيد وغناها مصطفى سيداحمد هي (عدى فات) رحمهما الله وادخلهما فسيج جناته)


عدى فات زمن العيون الالفة
والحضن الملاذ
ورهافة الحس البلون
ضحكة الناس العزاز
بعد الحنان الكان زمان
إستوطن المطر الحراز
روح زماني وفي رجاك
عانيت قساوة الانتظار
في ضل شبابيك السفر
صادقت ليلات المواني
الساكنة في بحر الاماسي...بتنتظر
لو يوم طيوف لحظك تقوت
تعبر خيآلاتك تمر
قلق المواعيد الضجر
سحر العيون والإحتراق
واتعزز النوم الخزاز
واتمدد الشقي في العمر
مليت تبآريح الجراحات
البقت بعدك اسي
وزمانا قسا وحالا أسيف
ومشيت افتش عن خطاويك القبيل
واضاري من زمنا وراك ملاني خوف
إحتجت ارتاح في عيون
فيهن ملامحك ذاتا من غير اي زيف
وإشتقت لي ضحكه صباحك والدعاش
عطر رزاز مطر الخريف
انا وانت والدنيا الأمان
والناس وفا وخـــــوة صفا
ودفء المشاعر الشاتية صيف
انا وانت والدنيا الزمان
زمن الغناوي الطالعه من قلبا رضى
وحسا ندى وزوقآ رهيــــــف
انا وانت والدنيا الأمان
ما العمر شتان بين اوان زمنا حبيتو
وعمر ما بتقدر بتعرف
بكره يصبح حالو كيف