اوبريتات سودانية (اوبريت) !!! عبد الحكيم

باب العودة لإعمار سودانيات ( مفتوووووح ) الآن !!! ناصر يوسف

هَكَذَا يَمْضِي الغفاريون نَحْوَ الله: في رحيل مظفر النواب !!! عبد الله جعفر

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 17-04-2022, 08:48 AM   #[31]
فيصل سعد
:: كــاتب نشــط::
الصورة الرمزية فيصل سعد
 
افتراضي

حكايات سودانية

*العجركي*


قصة الحاج *حسن عثمان الأمين* الملقب ب ( *العجركي* )

*الذي *راسل إذاعة البي بي سي في العام ١٩٦٩ و طلب منهم أن يرسلوا له صورة رواد الفضاء للمركبة ابولو ٨ و هم علي سطح القمر*...

*العجركي لم يغادر تمبول منذ ميلاده في ١٩٥٠* و حتي اليوم...
*راسل إذاعة البي بي سي* عربي بالعنوان الذي التقطته من رادي ابوه.

...*الرادي البيجيب لندن دا زمان اقيّم من آي فون هسع...*

لمن تمشي تشتري اي حاجة من السوق و يقولوا ليك فيها سعر عالي كان التعليق جاهز...( *ليه..بتجيب لندن* ؟؟)

الرادي البيجيب لندن دا كان عجيب...

عمنا العجركي *كتب طلبه للبي بي سي* و رسله إلي وكيل بريد تمبول و دفع له قيمة الطابع البريدي و قيمة الخدمة و العمولة...

وكيل بريد تمبول حمل خطاب العجركي مع خطابات تمبول كلها إلي مكتب بريد رفاعة حيث قام بإلصاق طوابع البريد و تسليم كل الخطابات لمكتب بريد رفاعة (البوستة)...تم كل ذلك

*وسط دهشة اهالي تمبول*
*وتهكم البعض منهم أن العجركي يراسل لندن من تمبول...*

*يا له من رجل مخبول...*
كيف يراسل لندن من تمبول...؟؟

كان *يتحلق الناس يومياً ليلا حول رادي عثمان حاج اللمين والد العجركي* ليسمعوا التطورات عن خطاب العجركي الخيالي هذا...
و *هم يتندرون*... و منهم من يقول و الله يا العجركي *جوابك كان وصل شنبي دا يقوم في العازة بتي*...

يا زول انت ماك نصيح...
*لندن شنو البترد عليك انت السجمان الرمدان دا...*
المخولق المعولق..

و كلام كتييير....
العجركي بالو واسع ..
*بس بيقول ليهم اصبروا...*
إنتو بس اصبروا....
البرنامج كان في إذاعة لندن اسمو *مع المستمعين*....

بعد أسبوعين تلاتة كدا *ضربت ليك تمبول قنبلة ذرية *وزنها مليون طن....*

يوم *نطق الراديو اسم المستمع العزيز حسن عثمان الأمين من السودان من قرية تمبول و التي يطلب فيها صورة لرواد الفضاء علي سطح القمر في المركبة ابولو ٨*

*مع التحية من إذاعة لندن المستمع الكريم من السودان و إنو *حنرسل ليك الصورة التي طلبتها*

يا زول الناس ديل حول الرادي صنوا التقول نزل عليهم السماء بما حمل...
منهم مصدق و منهم مكذب و منهم من الجمته الدهشة.....

و العجركي مبسوط و يردد مش قلت ليكم اصبروا...

اليوم داك *تمبول ما نامت*...و كل *القري المجاورة*

*حتي رفاعة و الحصاحيصا و الهلالية اليوم داك و الايام التي تليه....*

*ارسلت ود راوة مبعوثا للتأكد من صحة ما يقال ان اسم حسن عثمان العجركي ذكر في إذاعة لندن مع تمبول .. ؟؟

الخبر *زلزل أركان البطانة* و جعل من *العجركي بطلا* و محور نقاشات أن جاء اسمه و إسم تمبول في إذاعة لندن...

*ها زول ها...انتا ماك نصيح... و الله ود الأرباب قال سمع الكلام كلو بي اضانو...*

*و زعيتير كان حاضر...و اللدر و هجام و أباع و الاعور و ود ابتووب كلهم حاضرين و سمعوا الكلام في الرادي...*

هكذا كانت الونسة و الموضوع في تلك البادية و لا حديث غير ذلك....

يا زول بعد أسبوعين تلاتة من إذاعة اسم العجركي في الرادي وصلت تمبول القنبلة *الذرية* التانية التي كان *وزنها ضعف* الأولي...

توقف الزمن...
توقفت الشمس...
و صبها القمر....

وصل تمبول *أكبر مظروف بريدي في تاريخها* ....

مظروف زي نص صفحة فلسكاب... معنون كالآتي :

السودان
الخرطوم
مكتب بريد رفاعة
توكيل بريد تمبول
المرسل إليه : *حسن عثمان الأمين*
الراسل: *هيئة الإذاعة البريطانية...لندن*
و كمان *مكتوب علي الظرف*....
*قابل للكسر....*

*يا زول الدنيا قامت و ما قعدت...

العجركي *إستلم الظرف من وكيل بريد تمبول كمن استلم مقاليد الحكم في مملكة بروناي...*

الزهو و الفخار يمشي أمامه و خلفه و بجانبيه...
و هو يردد في كبرياء...
مش قلت ليكم اصبروا..

*في ذلك اليوم الغنيمات و البقيرات رضعن ...*

*الحِلل في النار حرقن...*

كل زول ترك ما بيده و جاء ليري ماذا في ذلك المظروف...

إمتلأت الساحة امام دكان و منزل عثمان حاج اللمين بكل أهل البلد....
و العجركي يردد
مش قلت ليكم اصبروا...
و يلوح بالمظروف...
و يصيح أحد الحاضرين :

هيي نان ما تفتحو النشوف الفيهو...

* والعجركي واقف زي ليونيل ميسي حاملاً كأس دوري أبطال أوروبا ...*

و يصيح آخر:
يا زول افتح النصيبة دي....
كان الواطة مغربت تاني ما بنشوفو إلا بكرة...

و العجركي يزهو...
الي ان تدخل ابوه و كان رجل ذو كلمة مسموعة...
و فتح العجركي المظروف و *اخرج صورة رواد الفضاء علي سطح القمر ...و أصبحت الصورة *مزار لكل اهل تمبول و من حولها*

و صار العجركي *أسطورة في ذلك الزمن* و لفترة طويلة من الزمن لم تتحطم أسطورته إلا بدخول الكهرباء و التلفزيون إلي تمبول في عهد ليس بالبعيد ...
نقلها: الفاضل سليمان🎬🎬



التوقيع: اللهم اغفر لعبدك خالد الحاج و
تغمده بواسع رحمتك..

سيبقى رغم سجن الموت
غير محدود الاقامة
فيصل سعد غير متصل   رد مع اقتباس
قديم 17-04-2022, 11:34 AM   #[32]
فيصل سعد
:: كــاتب نشــط::
الصورة الرمزية فيصل سعد
 
افتراضي

💯💯🌺🌺
*"الوصايا المتناقضة"*
*"The Paradoxical Commandments"*

هي عشر وصايا كتبها الكاتب الأمريكي *كينت كيث Kent M. Keith* سنة ١٩٦٨م ٬ التي حولها عام ٢٠٠٢م إلى كتاب سماه *“على أية حال” "Anyway"* والذي تربع على أكثر الكتب مبيعاً في أمريكا في تلك الفترة ولفترات طويلة .
تم ترجمة هذه الوصايا إلى العديد من اللغات ٬ فلفتت العالم٬ وتحولت إلى ملصقات ٬ وعلقت على الحوائط و الأبواب ٬ كانت هذه الوصايا كالأتي:

1. People are illogical, unreasonable, and self-centered. Love them anyway.
١. الناس غير منطقيين ولا تهمهم إلا مصلحتهم ، أحِبهم على أية حال .

2. If you do good, people will accuse you of selfish ulterior motives. Do good anyway.
٢. إذا فعلت الخير سيتهمك الناس بأن لك دوافع أنانية خفية ، إفعل الخير على أية حال .

3. If you are successful, you will win false friends and true enemies. Succeed anyway.
٣. إذا حققت النجاح سوف تكسب أصدقاء مزيفين وأعداء حقيقين ، إنجح على أية حال .

4. The good you do today will be forgotten tomorrow. Do good anyway.
٤. الخير الذي تفعله اليوم سوف ينسى غداً ، إفعل الخير على أية حال .

5. Honesty and frankness make you vulnerable. Be honest and frank anyway.
٥. إن الصدق والصراحة يجعلانك عرضة للإنتقاد ، كن صادقاً وصريحاً على أية حال .

6. The biggest men and women with the biggest ideas can be shot down by the smallest men and women with the smallest minds. Think big anyway.
٦. إن أعظم الرجال والنساء الذي يحملون أعظم الأفكار يمكن أن يوقفهم أصغر الرجال والنساء الذين يملكون أصغر العقول ، إحمل أفكاراً عظيمة على أية حال .

7. People favor underdogs but follow only top dogs. Fight for a few underdogs anyway.
٧. الناس يحبون المستضعفين لكنهم يتبعون المستكبرين ، جاهد من أجل المستضعفين على أية حال .

8. What you spend years building may be destroyed overnight. Build anyway.
٨. ما تنفق في بنائه سنوات قد ينهار بين عشية وضحاها ، إبني على أية حال .

9. People really need help but may attack you if you do help them. Help people anyway.
٩. الناس في أمس الحاجة إلى المساعدة لكنهم قد يهاجمونك إذا ساعدتهم ، ساعدهم على أية حال .

10. Give the world the best you have and you'll get kicked in the teeth. Give the world the best you have anyway.
١٠. إذا أعطيت العالم أفضل ما لديك سيرد عليك البعض بالإساءة ، أعط العالم أفضل ما لديك على أية حال .🌺💯💯



التوقيع: اللهم اغفر لعبدك خالد الحاج و
تغمده بواسع رحمتك..

سيبقى رغم سجن الموت
غير محدود الاقامة
فيصل سعد غير متصل   رد مع اقتباس
قديم 25-04-2022, 11:26 AM   #[33]
حسن النضيف
:: كــاتب جديـــد ::
 
افتراضي

نشكل حضورنا
والتحية لك يافيصل



التوقيع: حسن
حسن النضيف غير متصل   رد مع اقتباس
قديم 25-04-2022, 03:48 PM   #[34]
فيصل سعد
:: كــاتب نشــط::
الصورة الرمزية فيصل سعد
 
افتراضي

الله يحييك و يبارك كل مقاصدك اخونا العزيز حسن النضيف.. ابقى طيب 💚💚



التوقيع: اللهم اغفر لعبدك خالد الحاج و
تغمده بواسع رحمتك..

سيبقى رغم سجن الموت
غير محدود الاقامة
فيصل سعد غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 05:44 PM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2022, vBulletin Solutions, Inc.