اقتباس:
المشاركة الأصلية كتبت بواسطة فيصل سعد
قصدك الايراق يا عرجونة،، أما الأوراق
ورق و انفرك
يديك العافية..
|
النصيحة انا العربي دا كنت بليدة فيه
و القواعدوالبلاغة ديل كنت بليدة فيهم جدا
الشيء الوحيد الفهمتو في البلاغة دي التورية
وفهمتني ليه مريم مرة خالي
بتذكر في درس التورية دا
الاستاذ اصلا عارفني مابفهم الحاجات دي مع انه كان بودني لدرجة مسميني البسامة
اصلا ربنا مديني لمحة كدا لو ببكي ولابضحك ولا مافاهمة ولا فاهمة كلو واحد- وماعارفةهو بتوحي ليه بشنو-المهم بعد كل مايشرح درس بينهي كلامه- اها يالبسامة انشاء الله فاهمة
قلت - الليلة فاهمة يا استاذ التورية دي فاهماها من زمان فهمتني ليها مريم مرة خالي
عشان كانت بتغني لبتها الصغيرونة
حلوة جميلة وقديسة
امها مريم واخوها عيسى :smile
وفعلا عندها ولد اسمه عيسى مسمياه على ابوها