اقتباس:
المشاركة الأصلية كتبت بواسطة محسن خالد
أغنية محكر الديوان
وهذه الأغنية تقوم فيها حميراء بترديد أحد المقاطع ست مرّات، والتكرار ذاته يقع مرتين بوسط الأغنية، وتقوم في المرتين بإبدالات حماسية كثيرة، توقّعت أن يحدث .
|
سيد محكر الديوان ثابت أب قلب تقابه للنيران
مين متل الحسن
الليله الحسن ما حسب القبائل ما قدمن لمه
ودالي وبرمكى وبعائلة ما اتسمى
وتقيل يا أب زنود ...
الدابى العشارى الحجر مشارع المه
أب حنكن بليغ الما بردد الكلمه
يا ود العشا ... الما بتلدك البلمه
يا النيل التساب الفوق البلد عمّ
********
الليله الحسن انا ولّف ليك بقياس
وسيد زينا قديم بيفهموه الناس
تقيل يا حسن ....
مطر السواري الماك هبوب ورشاش
كبديق للغلا وللدموع قشاش
قصب الفراسه اللي الفقر قصاص
جيت يا خيري أنا خلوني نتحدث
دا سيد زينا قديم قبل الناس تعرف الناس
الليله الحسن أنا ولّف بغنى ليه
يا دود الكوانى الزى الجمر عينيه
تقيل يا أب زنود.....
وخبر البندقية القالو دى بترميه
تلب يا صقر فرق الرخم منى
هيييييييييييييع !!
ومن جبتة سيرة حبوبتى حميراء ام قلب و" العبيدية" دخلتنى فى اللحم الحى تب ياصديق! يلا عليك الله انسه ناس بابكر ومبر والجوطة الفوق دى ..
وابداء لينا صفحة جديدة للانسانة الجميلة دى ...
واكون لك من ...المتابعين !
بس فى الاول اشرح لى القصيدة يامحسن عليك الله ...ان امكن يعنى !