اقتباس:
المشاركة الأصلية كتبت بواسطة رأفت ميلاد
الجيلى والله كلامك ده عدائى جداً .. ياخ ما كل زول يكتب البكتبو ويقصد البقصدو
غايتو ماجد تاج أنا بختلف معاهو فى كتير جداً .. لكن كان بطل الكتابة هنا ما عافى ليهو يبقى طلع مهزوم من جنس كلامك البتجدعو ده
ودى وجهة نظرى ما وصاية ولا تحرش ولا تحيز
|
ـ
والله يا عم رأفت الاقرار بالهزيمة في حالة زي دي شرف كبير ..
فما من سبيل للحوار مع من يستخدم لغة كاللغة الدائرة في المنتدى حالياً
بعد إنطلاق فعاليات حملة شنق ماجد تاج المجيدة مؤخراً ..
التداعي الما بيخفى على الانسان العادي دا متأثر تماماً بلغة أترك لك وصفها
لغة هبطت لكل المستويات الغير متصورة ..
استخدمت فيها تعابير زي :
الخصي ..
البامبرز ..
والشتم المقذع والبذئ ..
وإطلاق التهم لأقصى مداها .. وتهديد من لا يشارك أو يؤمن ..
و ، و ، و ..
قدرات زي دي ما عندي والله ..
كما أن سودانيات لا تستحق مني أن أسهم فيما تجري نحوه مقاديرها الان ..
أقر بالهزيمة هنا وأنا مرفوع الرأس والله
ـ