اقتباس:
المشاركة الأصلية كتبت بواسطة قرقاش
النور ..ليك التحيه
وصباحاتك بيض دائما
والخير والفال الحسن فى دربك انشاء الله
وهاهو ادمان جديد ...
كان زمان .. عندما كانت الدسته خمستاشر حبه ...والمهيه اسمها مرتب وكان بعد ان تصرفها كلها تلقى لسه فى جيبك كم جنيه باقى ..
كنا نطلع الكراسى العصريه بعد الرجوع من الليق المجاور للقسم الجنوبى ..ومشاهده مباراه بين البرنس والعلمين .. ولا الحماداب وديم سلمان ..
ونقعد نجر الونسه ...لحدى ما يولعوا الدخان ...
ده ادمان بتاع زمان ..حتى الادمان كان شراكه مع اخرين
هسه من الصباح تلقى قرقاش مكبس فى الكمبيوتر مابتكلم مع زول .
وهناى مكبس فى الموبايل ومادى بوزو وما برد السلام ..
وهناى طابى الايباد والبفتح خشمه ياويله وسواد ليله
على فكره ..مازلت صامد ..وصدقنى الصحه بمبم
عنكبونا على الخاص ..
|
ههههه
ياخى سيجارة الصباح دى ما بتتفوت ،
حارم نفسك من الطيبات والذى منو
تعرف أول مرتب كان 98 جنيه
ولمن كانت هناك خدمة مدنية صاح كان حتى ضباط الشرطة الجدد ما بصرفوا ليهم راتب مالم يجى إخطار من ديوان شؤون الخدمة بإعتماد وترسيم الوظيفة ، جلسنا كم شهر فى نيالا بنصرف Cash advance
يا قرقاش
التكنولوجيا وتسارع خطوات الحياة ستكسح فى طريقها كل مظاهر الجماعة ،
نحنا داخلين على فترة طغيان ثقافة الفرد ، بنعمل فى تمارين ليوم الحشر العظيم
تحياتى