بشري للخريجين!!!!!!!!!!!

[يسرا مصطفي]

المالية تصادق علي 17 ألف وظيفة للخريجين
صادقت وزارة المالية والاقتصاد الوطني علي عدد 17الف وظيفة للخريجين وقال الاستاذ ادم فضل عضو اللجنة الفنية العليا للتوظيف ان اللجنة ستقوم بتوزيع هذه الوظائف علي الولايات وفقا للأسس والمعايير المتفق عليها واشار الي ان الوظائف المطروحه تسهم بصورة فاعلة في تقليل نسبة العطالة وطالب وزارة المالية ان تلتزم بسداد مرتبات الخريجين
اللخبر مقتبس من صحيفة اخر لحظه

[elmhasi]

المشاركة الأصلية كتبت بواسطة يسرا مصطفي

المالية تصادق علي 17 ألف وظيفة للخريجين
صادقت وزارة المالية والاقتصاد الوطني علي عدد 17الف وظيفة للخريجين وقال الاستاذ ادم فضل عضو اللجنة الفنية العليا للتوظيف ان اللجنة ستقوم بتوزيع هذه الوظائف علي الولايات وفقا للأسس والمعايير المتفق عليها واشار الي ان الوظائف المطروحه تسهم بصورة فاعلة في تقليل نسبة العطالة وطالب وزارة المالية ان تلتزم بسداد مرتبات الخريجين

[align=center]والله يا يسرا ليمن قريت الخبر جيت جاري جري ..

عشان أشوف الحاصل شنو ..

وليمن لقيت إنو الحكومة حتوفر وظائف إتكيفت 24 قيراط .. لكن ليمن وصلت وطالبت الوزارة بالإلتزام ..
طوالي بطني طمت .. وشعر بحالة من الإستفراغ المعوي ..
وإتذكرت ليمن أبوي كان بيرسلني عشان أصرف مرتبو الليهو أربع أو خمسة شهور ما عارف عنو حاجة ..

يا ستي تسلمي علي الخبر ..
لكن في السودان الحلو ما بيكمل ..[/align]

[د.سيد عبدالقادر قنات]

المشاركة الأصلية كتبت بواسطة يسرا مصطفي

المالية تصادق علي 17 ألف وظيفة للخريجين
صادقت وزارة المالية والاقتصاد الوطني علي عدد 17الف وظيفة للخريجين وقال الاستاذ ادم فضل عضو اللجنة الفنية العليا للتوظيف ان اللجنة ستقوم بتوزيع هذه الوظائف علي الولايات وفقا للأسس والمعايير المتفق عليها واشار الي ان الوظائف المطروحه تسهم بصورة فاعلة في تقليل نسبة العطالة وطالب وزارة المالية ان تلتزم بسداد مرتبات الخريجين
اللخبر مقتبس من صحيفة اخر لحظه

[frame="7 80"]
بس 17 ألف وظيفة لكل الخريجين

من جميع الجامعات والكليات


والمعاهد ،

وحتي الخريجين العائدين من الخارج ،

بس دا معقول ؟؟؟

أها الباقيين يفرشوا بصل وليمون وطماطم ؟؟

يا جماعة أقول ليكم وما تستغربوا ::

أنا الآن بدرجة وظيفية تسمي ::

الدرجة التانية القيادية العليا ،

مرتبي بجميع البدلات والحوافز وغلاء المعيشة،

في حدود :::

مليون و100 جنيه ، !!!!!

علما بأني تخرجت من طب الخرتوم1973

وتخصصت 1986 تخدير وأنعاش،،

الأخ المحسي،

هل هنالك أحصائية ::

كم عدد الخريجين سنويا

من جميع الموءسسات التعليميةبالوطن ؟؟

ومن خارج الوطن ؟؟

كم منهم يستوعبون ؟؟

كيف يستوعبون ؟؟كفاءة أم ولاء؟؟

وكم مرتب الخريج الجامعي

في بداية السلم الوظيفي ؟؟

يديكم الصحة والعافية[/frame]

[سلافة التوم]

تسهم بصورة فاعلة في تقليل نسبة العطالة وطالب وزارة المالية ان تلتزم بسداد مرتبات الخريجين

الأخت يسرا
إنشاء الله الوظائف دى تسهم فى تقليل نسبة العطالة المخيفة على قول القرار ..
الوظائف المصدق بها جميعها بالولايات المختلفة يعنى القرار دا بالنسبة لناس الولايات كويسة معاهم كدا تجنبوا عناء الجلوس مع قرايبهم اذا حالفهم الحظ بالعمل ولكن انا خريج مثلا من الولاية الشمالية وقدمت فى ولاية النيل الأبيض ولا عندى قرائب ولا معارف حتى طيب العمل دا بيوفروا فيه سكن ؟ ولا الوظائف دى بتكون مشروطة أى وظائف بتكون فيها الأولوية لأهل الولاية فقط

[الرمادي]

وظائف ستوزع كلها لمنسوبي المؤتمر الوطني أو عبرهم عشان كده ما فرحاااااااانين بيها خالص لانه مافي تساوي فرص بالمناسبة عندي أختي خريجة أداب جامعه الخرطوم عايزين نشغلها مدرسة فواحد نصحني انه أمشي لي بتاع المؤتمر الوطني الذي كان يعمل بناء والان بقدرة قادر صار يعين في خريجي جامعة الخرطوم وحلفت ما امشي ليهو كان تقعد عشرة سنين بلا شغل بلا وظائف بلا قيامة

[سلافة التوم]

أمشي لي بتاع المؤتمر الوطني الذي كان يعمل بناء والان بقدرة قادر صار يعين في خريجي جامعة الخرطوم وحلفت ما امشي ليهو كان تقعد عشرة سنين بلا شغل بلا وظائف بلا قيامة

إحتمال يشغلها تكون حرمتها من الوظيفة ... والقعاد فى البيت مامنو فائدة ..

[الرمادي]

المشاركة الأصلية كتبت بواسطة سلافة التوم

إحتمال يشغلها تكون حرمتها من الوظيفة ... والقعاد فى البيت مامنو فائدة ..

الاخت سلافة لك التحية توفير العمل حق شرعي فلا يجب الاستجداء فيه وأستجداء ممن يأكلون مالنا جهارا نهارا علي العموم الموضوع ده طبعا قبل مده ولكن الحمد لله اليوم 10/5/2007زواجها واهو اتفكينا من تعيين وخوتة بعد كده خلي راجلها يشوف ليها شغل هو مخير هسي حفلتها شغالة

[سلافة التوم]

الاخت سلافة لك التحية توفير العمل حق شرعي فلا يجب الاستجداء فيه وأستجداء ممن يأكلون مالنا جهارا نهارا علي العموم الموضوع ده طبعا قبل مده ولكن الحمد لله اليوم 10/5/2007زواجها واهو اتفكينا من تعيين وخوتة بعد كده خلي راجلها يشوف ليها شغل هو مخير هسي حفلتها شغالة

ألف مبروك وإنشاء الله بيت مال وعيال
فرحت ليها من جوة قلبى وربنا يسعدها ويسعد كل أخواتها السودانيات