بين مدرستين

عكــود · 26-12-2007, 09:53 AM

[align=justify]الناظر محمد أحمد جقلاب، رائد التعليم في المنطقة، حارب مع بابكر بدري ظلام الجهل في مختلف بقاع السودان. آتاه الله من الحكمة والذكاء وفن التعامل ما يُضرب مثلاً حتى الآن.
عند تقاعده وضع هدفه "مسح الجهل عن رجال البلد ونساءها" . نجح في ذلك واستطاع أن يتغلّب على كثير من الصعاب.

شيخنا فضل السيد وحيرانو أكملوا بناء الخلوة والتفتوا للّوح والعماري ومسح صدورهم بالقنتات.

الناظر محمد أحمد زار شيخ فضل السيد في خلوته ليبارك له اكتمالها. بعد واجب الضيافة، دار الحِوار كالآتي:
الناظر: ما شاء الله، شيخنا فضل السيد، والله عاد خلوةً سمحي بالحيل. بس إن كان سوّيت لها بَرَبيت يبقى لي بتكون أسمح.
الشيخ: الله يبارك فيك آ الناظر، لكن البربيت باقي لك بيزيد الخلوة وَسَاع؟
يضحك الناظر أمام المنطق القوي للشيخ ويمنحه إبتسامة كلّها توقير ويقول:
نان آ فضل السيد آ خوي، الزيق قاع يزيد الفردة ضراع؟

للتأمّل! [/align]

بسمله · 26-12-2007, 10:19 AM

استاذنا البشوش دائما
و الله فعلا وقفه تامل جميله جدا

ربنا يديك العافيه

بسمله

عكــود · 26-12-2007, 10:44 AM

حمد الله على السلامة يا بسملة . .
كل عام وأنتِ بخير.

اقتباس:

و الله فعلا وقفه تامل جميله جدا

نعم . .
هي وجهات نظر جديرة بالتأمّل.

تسلمي.

فيصل سعد · 26-12-2007, 02:30 PM

سلام يا عمدة يا حبوب :

كدي اول بالتبادي ورينا البربيت دا شنو؟

"من شان نسوي واجد تفكير معاك ارباب، بربيت دا سامان ما نعرف .زين حبيبي"

Fanar · 26-12-2007, 02:34 PM

حصيلة تأملي:

دا أول بوست يكون بدايته "عكود" ونهايته "فيصل سعد" وما يكون مرفوع

فيصل سعد · 30-12-2007, 10:45 AM

اقتباس:

المشاركة الأصلية كتبت بواسطة Fanar

حصيلة تأملي:
دا أول بوست يكون بدايته "عكود" ونهايته "فيصل سعد" وما يكون مرفوع

حصيلة تأملك تجد منا كل التقدير و الاحترام

و رفعك للبوست عجبنا و سر بالنا بالحيل

ايتها الاخت الكريمة.
يديك العافية.

عكــود · 30-12-2007, 10:54 AM

سلاااام يا فيصل،

البربيت ما بتعرفو؟
طيّب ضيفو عندك للبوست بتاع المصطلحات.

ده يا سيدي زخرفة من الحجر أو الطوب تبنى على محيط السقف من الناحية الخارجية.

ما سمعت ود الأمين في المناحة؟
تبكيك الجوامع الإتبنت طابقين . . .

ذاكر فيها البربيت برضو.

تحياتي وتعال تاني،
بس ما تجي تسألني عن "الفردة" أو "الزيق".

عكــود · 30-12-2007, 10:56 AM

اقتباس:

المشاركة الأصلية كتبت بواسطة Fanar

حصيلة تأملي:

دا أول بوست يكون بدايته "عكود" ونهايته "فيصل سعد" وما يكون مرفوع

الرافع الله يا بت العم . .
بعد ده ما فات فيهو الفوات،

ألف شكر على المرور و . .
التأمّل.

فيصل سعد · 30-12-2007, 11:20 AM

اقتباس:

المشاركة الأصلية كتبت بواسطة عكــود

سلاااام يا فيصل،

ما سمعت ود الأمين في المناحة؟
تبكيك الجوامع الإتبنت طابقين . . .

ذاكر فيها البربيت برضو.

تحياتي وتعال تاني،
بس ما تجي تسألني عن "الفردة" أو "الزيق".

سلام يا حبوب :

بربيتكم دا نحن بنقول ليه "ترويسة" ، اما الزيق و الفردة معروفين قطع شك

لكن بندلعهم و نقول الشخيت و الغطاء

.

لعلك تقصد تبكيك الجوامع الإتبنت ضانقيل

و الضانقيل = الطوب الاحمر

و دا برضو نحوله بهناك، و لازم تعرف اخوك برضو تفتيحة و شفت و غتيت

تماما زي الطيب جنابو صاحبنا بتاع المديدة و العود و الحفرة

دايرنك انا و شبارقة متغالطين في كلمة قعمز بمعني صنقر و استريح و تمجلس ، هو قال ليبية و انا قلت خليجية و دايرنك تجي تقطع الشك باليقين و تحسم الموضوع دا بهناك.

عكــود · 30-12-2007, 12:56 PM

اقتباس:

لعلك تقصد تبكيك الجوامع الإتبنت ضانقيل

و الضانقيل = الطوب الاحمر

فعلاً بقصد كده يا فيصل . .
والغريبة عارفها "الضانقيل" وما "طابقين" زي ما ورد في مداخلتي . .ما عارف الخلاّني أكتبها طابقين شنو . .
يكون البرد يا ربّي؟

جنابو، الله يطراهو بالخير، إفتقدناه كثيراً
وافتقدنا كتاباتو الطاعمة جدّاً
إشاراتو اللّمّاحة
سربعتو
وسماحتو الما ليها متيل.

وبفض إشتباككم إنت وشبارقة .
إنت بس كدي قعمز شوية واقرا رد الناظر محمد أحمد
بعد توضيح البربيت
أنا ما أعتقد في رد أبلغ من كده
و بنفس السجعة
مع اختلاف مدرسة كل منهما.

برضو . .
تعال راجع.

فيصل سعد · 30-12-2007, 01:38 PM

اقتباس:

المشاركة الأصلية كتبت بواسطة عكــود

ما عارف الخلاّني أكتبها طابقين شنو . .
يكون البرد يا ربّي؟
برضو . .
تعال راجع.

انت تسرح طابقين و ثلاثة و معتصم بهناك يرجف حروف مجلية و املاء في تدهور و تعللوا بالبرد و طقطيق و نشاف اصابعين

الشكية لله على قول ابو نهلة الله يواليه بالعافية. شكرا على الطلة بهناك.. ارقدوا عافية.

الجيلى أحمد · 01-01-2008, 02:52 AM

فيصل وعكود

الله يعليكم ويرفعكم

فيصل سعد · 01-01-2008, 10:56 AM

اقتباس:

المشاركة الأصلية كتبت بواسطة الجيلى أحمد

فيصل وعكود

الله يعليكم ويرفعكم

و يعلي مراتبك انت كمان يا بنج

kbeida · 01-01-2008, 07:14 PM

الحبيب عكود
والاخوة المتداخلين يعطيكم العافية
أعتقد ان المدرسة الاولى مدرسة الشيخ المتصوف المتنزه عن الدنيويات ويكتفكي بالضروريات,
أما المدرسة الثانية مدرسة الناظر هي مدرسة الكماليات والوجاهات والجماليات والله جميل يحب الجمال.
فكلاهما على حق من وجهة نظره للامور كمتصوف وكسياسي ولا يخلوان من فطنة وذكاء.

لكم الود

معتصم الطاهر · 01-01-2008, 11:53 PM

اقتباس:

المشاركة الأصلية كتبت بواسطة عكــود

فعلاً بقصد كده يا فيصل . .
والغريبة عارفها "الضانقيل" وما "طابقين" زي ما ورد في مداخلتي . .ما عارف الخلاّني أكتبها طابقين شنو . .
يكون البرد يا ربّي؟

.

بكون يا عكود ..
بكون ..ما دام فيها طبيق ..

اقتباس:

نان آ فضل السيد آ خوي، الزيق قاع يزيد الفردة ضراع؟

أها عاين البسمة دى !!!

ما بتزيد الوجيه دا متاع ..

26-12-2007, 09:53 AM	#[1]
عكــود Administrator	بين مدرستين [align=justify]الناظر محمد أحمد جقلاب، رائد التعليم في المنطقة، حارب مع بابكر بدري ظلام الجهل في مختلف بقاع السودان. آتاه الله من الحكمة والذكاء وفن التعامل ما يُضرب مثلاً حتى الآن. عند تقاعده وضع هدفه "مسح الجهل عن رجال البلد ونساءها" . نجح في ذلك واستطاع أن يتغلّب على كثير من الصعاب. شيخنا فضل السيد وحيرانو أكملوا بناء الخلوة والتفتوا للّوح والعماري ومسح صدورهم بالقنتات. الناظر محمد أحمد زار شيخ فضل السيد في خلوته ليبارك له اكتمالها. بعد واجب الضيافة، دار الحِوار كالآتي: الناظر: ما شاء الله، شيخنا فضل السيد، والله عاد خلوةً سمحي بالحيل. بس إن كان سوّيت لها بَرَبيت يبقى لي بتكون أسمح. الشيخ: الله يبارك فيك آ الناظر، لكن البربيت باقي لك بيزيد الخلوة وَسَاع؟ يضحك الناظر أمام المنطق القوي للشيخ ويمنحه إبتسامة كلّها توقير ويقول: نان آ فضل السيد آ خوي، الزيق قاع يزيد الفردة ضراع؟ للتأمّل! [/align]
عكــود Administrator	التوقيع: ما زاد النزل من دمع عن سرسار .. وما زال سقف الحُزُن محقون؛ لا كبّت سباليقو .. ولا اتقدّت ضلاّلة الوجع من جوّه، واتفشّت سماواتو.

26-12-2007, 10:19 AM	#[2]
بسمله :: كــاتب نشــط::	استاذنا البشوش دائما و الله فعلا وقفه تامل جميله جدا ربنا يديك العافيه بسمله
بسمله :: كــاتب نشــط::

26-12-2007, 02:30 PM	#[4]
فيصل سعد :: كــاتب نشــط::	سلام يا عمدة يا حبوب : كدي اول بالتبادي ورينا البربيت دا شنو؟ "من شان نسوي واجد تفكير معاك ارباب، بربيت دا سامان ما نعرف .زين حبيبي"
فيصل سعد :: كــاتب نشــط::	التوقيع: اللهم اغفر لعبدك خالد الحاج و تغمده بواسع رحمتك.. سيبقى رغم سجن الموت غير محدود الاقامة

26-12-2007, 02:34 PM	#[5]
Fanar :: كــاتب نشــط::	حصيلة تأملي: دا أول بوست يكون بدايته "عكود" ونهايته "فيصل سعد" وما يكون مرفوع
Fanar :: كــاتب نشــط::	التوقيع: أجمل خمس أشياء في الدنيا ثلاث: العقل والجنون

30-12-2007, 10:54 AM	#[7]
عكــود Administrator	سلاااام يا فيصل، البربيت ما بتعرفو؟ طيّب ضيفو عندك للبوست بتاع المصطلحات. ده يا سيدي زخرفة من الحجر أو الطوب تبنى على محيط السقف من الناحية الخارجية. ما سمعت ود الأمين في المناحة؟ تبكيك الجوامع الإتبنت طابقين . . . ذاكر فيها البربيت برضو. تحياتي وتعال تاني، بس ما تجي تسألني عن "الفردة" أو "الزيق".
عكــود Administrator	التوقيع: ما زاد النزل من دمع عن سرسار .. وما زال سقف الحُزُن محقون؛ لا كبّت سباليقو .. ولا اتقدّت ضلاّلة الوجع من جوّه، واتفشّت سماواتو.

01-01-2008, 02:52 AM	#[12]
الجيلى أحمد :: كــاتب نشــط::	فيصل وعكود الله يعليكم ويرفعكم
الجيلى أحمد :: كــاتب نشــط::	التوقيع: How long shall they kill our prophets While we stand aside and look Some say it's just a part of it We've got to fulfill de book Won't you help to sing, These songs of freedom 'Cause all I ever had Redemption songs

01-01-2008, 07:14 PM	#[14]
kbeida :: كــاتب نشــط::	الحبيب عكود والاخوة المتداخلين يعطيكم العافية أعتقد ان المدرسة الاولى مدرسة الشيخ المتصوف المتنزه عن الدنيويات ويكتفكي بالضروريات, أما المدرسة الثانية مدرسة الناظر هي مدرسة الكماليات والوجاهات والجماليات والله جميل يحب الجمال. فكلاهما على حق من وجهة نظره للامور كمتصوف وكسياسي ولا يخلوان من فطنة وذكاء. لكم الود
kbeida :: كــاتب نشــط::

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري