إنفصال الجنوب .. القاه في اليم مكتوفاٌ و قال له إياك إياك أن تبتل بالماء
أطالع هنا و هناك أهلي الطيبيين في شمال السودان يهمسون و أحياناٌ يجهرون : لا لا نريد إنفصال الجنوب. و كل ما تحدث أحدهم - من الحركة الشعبية - عن الإنفصال كالوا له اللعنات ، و هناك حالة رفض عامة لتأييد (القذافي) - الخجول - لإنفصال الجنوب.
ما أود قوله أن الأوطان (الموحدة) لا تبنى بالنوايا (الطيبة) و (الأماني) ، و ما أسهل (القول) و ما أصعب (الفعل) و قد أصبحت (الإنقاذ) كفارة (الذنوب) و حائط (المبكى) لأهل شمال (السودان) في شأن جنوب (السودان) يقولون إنها (الإنقاذ) و أقول (نعم) إنها (الإنقاذ) و لكن أين كنتم من قبل (الإنقاذ) ؟ لقد صبت (الأنقاذ) الزيت في (النار) المشتعلة القديمة ، و لقد لعبت (الحكومات السابقة) دوراٌ في (التمييز و التفرقة) بين (ابناء الوطن الواحد) و لكن ماهو (الدور الحقيقي) لشعب (شمال) السودان في جعل (الوحدة جاذبة) ؟ هل تخلوا عن عنصريتهم (المعهودة) ؟ هل لا زلنا ننظر اليهم ذات (النظرة الاستعلائية) السابقة ؟ هل نرضى (بتزوجيهم من بناتنا) و (نتزوج من بناتهم) ؟ ينبغي قبل (ان نستنكر) على الجنوبيين (استعجال) الانفصال ان ننظر الى انفسنا ماذا قدمنا من (اجل) الوحدة أكانت (طاردة أم جاذبة) ؟ ________________ لم أرغب في توسيغ هذا النقاش في موضوع الاستاذ عبد الماجد و الخروج عن الخط العام و المضمون، و في نفس الوقت رغبت في الرد على منال في موضوع (الوطنية والمواطنة) و أرتأيت انه من الأفضل مواجهة الذات في هذا الموضوع |
اقتباس:
مودتي التي تعرفين يا منال |
اقتباس:
هل إذا خير (المسلم العادي) في (شمال السودان) بين وطن (موحد) لا تطبق فيه (الشريعة الاسلامية) و وطن (مفصول الجنوب) به (شريعة اسلامية) ماذا سيختار ؟ |
سلامات يا حاتم..
يا أخي المسألة أكبر من (تزويجهم بناتنا) رغم اتفاقي معك في تحليلاتك الأخري. هنالك أزمة لا تحتاج تصريح من "مجنون " كي يبينها . الدول يا صديقي لا تقاس بحجمها بل بقدرة شعوبها علي التعايش في سلام وكرامة. هل مشكلة الجنوب وليدة عهد الإنقاذ ؟ نعم هم من ألقي الزيت في النار لكنهم قدموا من التنازلات للجنوب ما لا يحصي وما كان حلما عصيا من قبل. البعض يتحدث عن صعوبة التعايش ؟ ألا يعلم هؤلاء أن هنالك أكثر من2000.0000 جنوبي (إثنين مليون) يعيشون في الشمال . إن كان التعايش بهذه الصعوبة فكيف تواجدوا ؟ الحقيقة المرة "ولا يسمع لقصير أمر" أن الشمال لبعض أبناء عمومتنا الجنوبيين أكثر أمنا وأمانا من الجنوب . تناقلت الأخبار الصراعات القبلية التي أودت بحياة المئات من أبناء الجنوب الشهر الماضي . أين الجيش الشعبي ؟ وأين حكومة الجنوب؟ هذا الجيش الذي ركع عدد من الحكومات وأسقطها منذ الاستقلال ، هذا الجيش الذي قاد حربا لعقود من الزمان .. هل صعب عليهم جمع السلاح الغير مرخص من المواطنين ؟ أخبار الفساد في حكومة "الوحدة الوطنية" شمال وجنوب تزكم الأنوف ونحن نتحدث عن وحدة جاذبة ونغضب لتصريح أدلي به مجنون وتصريحه عندي "فسوة مدنقر" لكنه لم يتحدث عن خطرفة أو سُكر . الرجل علي صلة جيدة ببعض القادة من الحركة الشعبية ويعرف نواياهم الغير مخفية في الانفصال. نعم هنالك ظلامات كثيرة حدثت للجنوبيين طوال الحقب الماضية . لكنها ظلامات صارت بعيد اتفاق السلام مجرد "تاريخ" . نحن أبناء اليوم يا حاتم . كفاية "دلع" للجنوبيين خاصة السياسيين منهم الذين يدفعون بجهد لا يخفي نحو انفصال صار أقرب لقبضة اليد من وحدة . وحدة قوامها العدل والندية وعدم النظر للشمال كالبقرة الحلوب يستنزف مستخدمين ظلامات تأريخية وقد صار الأمر أشبه بقصة "الهولكوست" التي يستنزف بها اليهود أموال ومساعدات الغرب. لن يؤدي تصريح مجنون ليبيا إلي انفصال السودان بأكثر مما تؤدي إليه تصريحات باقان أموم يا حاتم فاتركوا يرحمكم الله الأمر "للإنتخابات" كم يقول اتفاق السلام ودعوا السياسيين وتصريحاتهم في حالها فهذا هو دورهم في الحياة "الأذية" . تحياتي |
-- ------------------------------------------------------------------------------كانت هذه المداخله قبل قليل مع ود مخير ...
الحبيب ود مخير ...صباحك ورد أسمح لي هنا أن أختط درباً يخشاه البعض ...وفكرت كثيراً أن أجعله في بوست منفصل منذ مده وتوقعت سوء الفهم له وتراجعت ... سؤال ... لماذا نتخوف من إنفصال الجنوب ؟؟؟ وهل أبناء الجنوب في حاجة لرأي معمر القذافي حتي يقرروا ما إذا كانوا يسنفصلون أم لا ؟؟؟ في إعتقادي الخاص جداً طالما أن حق تقرير المصير قد تم إقراره لأبناء الجنوب فقط ...وفقط هذه تحتها ما تحتها من الخطوط .. فهم أحرار فيما يختارون ... دولفعهم لذلك تختلف ..وآراءهم تُبني وفق مرجعيات وخلفيات وتراكمات تختلف من شخص لآخر ... فإن إختاروا بكامل حريتهم تكوين دولة خاصة بهم شخصياً أفضل ألف مرة إنفصال بإحسان علي وحدة قسرية .. يتحدث البعض عن مآلات الإنفصال وتبعاته ويتناسون مآلات وتبعات الوحدة إن هي فُرضت علي أبناء الجنوب فرضاً ... الثروة ..والبترول ... هل تساوي قطرة دم واحدة تهدر في حروب بين الشمال والجنوب ؟؟ هل استنفدنا ما لدينا من موارد في أقطار السودان الأخري حتي لم يبق إلا موارد الجنوب ؟؟ التدخل الخارجي ..الدور الإسرائيلي ... هل نحن بمنأي عنه اليوم ...وهل بوجود الحركة الشعبية في حكومة موحدة يغلق هذا الباب أم يزيده إتساعاً ؟؟ وهل حدود مع ثلاثة أو أربعة دول آمنة أكثر من حدود مع دولة واحدة ..؟؟؟بإفتراض أنها ناصبتنا العداء .. خلاصة القول أن أبناء الجنوب الآن بيدهم الأمر وهم أصحاب الشأن ...فإن إختاروا الوحدة طوعاً عشنا في أمن وسلام وهذا مراد السواد الأعظم (من أبناء بقية السودان ولا أقول الشمال )..وإن اختاروا الإنفصال عن تراض وتشاور منهم فليكن فراق بمعروف ... ولنضع نهاية سعيدة لهذه الساقية ... |
اقتباس:
العزيز خالد ود الحاج سيد الحوش ، أعرف أن صدعت رءوس الناس هنا بموضوع (الهوية) و (إنفصال الجنوب) و المسئولية (التاريخية للشمال) الخ... لكن يا ود (الحاج) لنترك (الساسة) و نتحدث على النطاق (الانساني) ببساطة لقد دفع (الجنوب) كما أسلفت ثمناٌ باهظاٌ من قبل ، و من قبل (الانقاذ) أيضاٌ و ينبغي أن يتم (تعويضهم) التعويض (المناسب) عن ذلك و (الاعتذار) لهم (أيضاً) وبالطبع هذا لا يعني بالطبع أن بغنى (منسوبي الحركة الشعبية) من على ظهر (ذلك).الهدف هو (المواطن البسيط) في الجنوب أخي (خالد)، و هذه هي الوسيلة (الوحيدة) لتجاوز هذا (الأمر) و قفل هذا (الباب) حتى لا يصبح (ابتزازاً كهلوكوست اليهود في الغرب)، إتفاقية (السلام) لم تكن حلاً للأزمة (القائمة) لأنها ببساطة كان تسوية سياسية بين من يحمل (السلاح) في (الجنوب و الشمال) - المؤتمر الوطني و الحركة الشعبية - و هذه التسوية لم تهتم بإنسان (الجنوب) البسيط بقدر ما أهتمت بمصالح (الحركة الشعبية في جنوب السودان) . بالطبع تصريحات المجنون القذافي و لا حتى باقان اموم لن تؤدي للانفصال ، الذي سيصوت للانفصال هم مواطني (جنوب السودان) و هؤلاء و ان كانوا سيتأثروا (جزئياٌ) بتصريحات باقان لكنهم ليسوا عمياٌ ، سبق أن تحدثت هنا عن قصة مايكل : اقتباس:
اقتباس:
اقتباس:
موقع الاستفتاء للإطلاع على النتيجة: -------------------------- http://apps.facebook.com/realpolls/m/bzwymxds6 الرجاء قراءة التعليقات في الاسفل للنتيجة فهي وحدها تشرح تعقيدات المشكلة و سمح الكلام في (خشم سيدو) تحياتي |
اقتباس:
حبيبنا الأغبش سبحان الله و ما طالبني حليفة ، كنتا عاوز انقل مداخلتك دي هنا لكنك سبقتني . إنتا عارف أنا (سوء الفهم) دا انا بعاني منو من دخلتا (سودانيات) لأني بتكلم عن (الهوية) و (مشاكل جنوب السودان) الناس فاكرني (حركة شعبية) gooodgoood و الحالة انا (الحركة الشعبية) عندي فيها رأي كبير بس لسة ما اتكلمتا ، المشكلة التصنيف يا حبيبنا الأغبش. سبق أن أسلفت من قبل في غير موضع : ----------------------------- يمكن لمشكلة الجنوبيين أن تحل عن طريق انفصال الجنوب عن الشمال. ربما يكون في ذلك حل لمشكلة الجنوب مع الشمال، ولكنه لن يحل أزمة الهوية الشمالية الخاسر (الحقيقي) في الانفصال هو (شمال السودان) ===================== فاليوم الذي سينفصل فيه الجنوب (دارفور) ستطالب بتقرير المصير ، و (البجا) سيكون من الافضل لهم الانفصال بالشرق بدل أن تذهب خيرات البحر الاحمر الى غيرهم و هم لسة راجين المركز ، و (النوبة) يرجعوا يعملوا امبراطوريتهم القديمة و يرتاحوا من السدود و الخوتة الفارغة دي ، و هكذا يتبقى وسط السودان و (الخرطوم) لا يدري من من ينفصل ؟ |
اقتباس:
حاتم اجيال حديثه بتاعت شنو ؟ دقيقه ياخى ... لى كتابه فى هذا المنبر و قلتها وبقولا تانى نحن جيل التناقضات – وكما اسلفت فى اقتباسك ده ما بنشيل المرارات معانا ... لمتين نقعد نبارى الجداد؟ و كمان الحديثه دى جبتها ليه ما عرفت هو الحداثه شنها يا حاتم ؟ فى شنو نقدر نقول عليهو حديث ... زمان قالو كان فى مصطلح اسمو (القوى الحديثه – تشدق به الشيوعين فتره من الزمان – ثم تخلو عنه – والان وفى تصنيفات القوى السياسيه لا توجد اختيارات كلنا مقترعين اصلو الحكايه دوائر و توزيعها فيه طعون كثيرة ... و التعداد مضروب ) ده على سيرة الحديثه و صدقنى مكجنا التعميمات دى لدرجه انها بتلبشنى عدييييييييييل يا حاتم الانقاذ شنو البتكون شماعتنا ... استميحك يا حاتم هنا لانو اضطرتنى اوضح الكثير فى مجالى عملى العام و الخاص درست فى جامعة جوبا – طالبه و فى القاعات نحاور الاساتذه و الطلاب الجنوبين ... ومن ذات القاعه التى جمعت شتات كل السودان و كشباب برضو بقولو ما عندنا اشكاليه هويه و استعلاء عرقى و تفرقه ... طيب من الجامعه كنت متطوعه فى تنظيمات المجتمع المدنى و اعمل الى الان فى ثلاثه تجمعات شبابيه ( شباب يبنون السلام) – و قدر لى ان اعمل وكان وقتها جولات التفاوض والاتفاقيه و اطار مشاكوس فى برنامج فض النزاعات ومنه اكتسبت معرفة بالروت كوزيز – و زرت جوبا فى 2005 و 2006 و اعتذرت الان و تعللت ان تركيزى عملى الان بشرق السودان – احبطت بالجد من و اقع الجنوب و زرت واو 2008 و هنا و بلا تردد بتسال يا حاتم ليه الان الجنوب فيه مجاعه بعد مرور اربعه اعوام و كل المداخل للجنوب فتحت بس اوع تقول لى الظروف الطبيعيه كما يروجون ... و الجوز بتاعت الجنوب شغاله عربى و افرنجى و متواجدين فى المركز و نقدر نقول عملو شنو لانسان طحنته الحرب ... و الان المجاعه... كما عملت فى الفاشر و نيالا بعد الحرب ... و اعمل الان فى شرق السودان و المهم نحن لنا رؤيه و ادوات للعمل وسط مجتمعاتنا ... و برضو التنظير و الحكى ما بنرجع ليهو و اعرف ان امد حرب الجنوب لاربعين عاما خلفت ضحايا ... و تركت ترسبات ... و احن لانسان الجنوب و السودان كله و لا فرانيس دينق و لا منصور خالد او ابل الير او الراحل جون قرنق لم يقدموا الاطار العملى لمعالجة ازمة جنوب السودان ... ناهيك عن السودان ... اعلم بان الصراعات الموجوده فى كل بقاع السودان و عبر كل الحقب ... و لكن لنكون اكثر دقه الانقاذ هى التى اججت اوار الحرب فى السودان كله ... و عملت بالمكونين الاثنى و الدينى ... و لسه بتعمل ... بس كمان زى ما قلت نجحت فى ان تجعل الكثيرين يدور فى الحلقه ... و لا يتفرغون الى مواضع الازمات و فى تقديرى الواقع الان لا يحتمل التنظير لمكون الهويه و العرب العاربه و المستعربه ... و برضو فى البقول ليكم ما هم القبائل الشماليه التى حددتها من مارس التهميش ... فى تقديرى انهم تميزو عن سواهم بجديتهم فى العمل و البناء ونالو حظا من التعليم وتلسللوا الى مراكز القرار ... و هل كانو منفردين؟ ابدا معهم الدارفورين و الجنوبين منذ الاستقلال ... فماذا قدمو للوطن الكبير؟ اتواجد حيث يكون البوساء و اقراهم الف مره ... فى كل بقاع السودان بل نعمل كشباب و سطهم و همومنا معروفه ... و مداخلنا لهم واضحة الهدف ... و المشوار طويل و بالرجوع لعنوان البوست منو القاهو فى اليم و اخيرا بكتب هنا انو الوحده الغير جاذبه ستكون خيار الجنوبين الاول ... حتى بنتجة الاستفتاء الذى يستعجل له الان ؟ بس نصحناهم وقولنا كفايه انكم تعيشوا فى الخرطوم نازحين و متسولين ... و عاله على السودان الكبير ... و كفانا دفعنا من دمائنا و ثروتنا لوقف الحرب .. عودوا الى تعمير الجنوب و هم الان فى مركز قوى بفعل الاتفاقيه الثنائيه ... و ابى قادة الحركه الشعبيه للقوى الجنوبيه الاخرى المساهمه فى الحكم و السلطه ... فكيف لهم ان يعملوا مع باقى القوى السودانيه ... وبرضو بقول لسه بدرى على الجنوبين ادارة حكم الجنوب - بسب فقط خلافاتهم ... و تعوزهم المقدرات . وستظل الخرطوم الكبرى ... البكان الواسع البنتوهط فيهو كلنا |
اقتباس:
منال في البدء اعتذر ان فهمت عبارتي بالخروج الى الشارع في غير موضعها وجميل ان اوردت ما تقومين به من اجل انسان هذه البلاد - التعسة - و ليجزيك الله عليه الف خير (حقتنا ما حقتهم) مشكلة النخب (الحاكمة و المعارضة) و (الحاملة السلاح و المسالمة) هي انها لم تفكر في (الانسان البسيط) الذي تجوسين (الديار) حاملة (همومه) يا (منال) هؤلاء اهدافهم (اتفه) من ذلك ، يريدون الحكم على اعقاب (جماجمنا و دمائنا) ، مخطئ من ظن يوماً ان (الحركة الشعبية) همها (انسان الجنوب) كما ان جبهة (الشرق) تنظر صوب (ازمات البجا) و معاناتهم ، أما الحركات (الدارفورية) فهؤلاء (افضل) ان اريح (كيبوردي) عن عناء (وصفهم) لربما كان معارضو (السدود) من (النوبة) اشرف مقاماً لأنهم لم يبحثوا بعد عن (سلطة و ثروة) مشكلة (السودان) هو انه (امة) لم تنصهر بعد (مكوناتها) العرقية في (بعضها) ، و لازال في النفوس بقايا (جاهلية) حملها (الكل) في (جيناتهم) لأن مفهوم (الدولة) لم يتشكل بعد في (وعي) الانسان ، فصار (شقياٌ) يبحث عن (ضرورياته) في ظل (اللادولة) . في خضم واقع (كالح) كهذا تسود (القبلية) في (النهاية). أزمة (شمال السودان) مركبة فهو (كالمنبت) لا (أرضاٌ) قطع و لا (ظهراً) ابقى ، ورثنا من اجدادنا (شيئين خطيرين) هما أن هذه (الارض) لنا (وحدنا) ، و ان تفردنا و تميزنا نابع من نقاء (أعراقنا) و ليس كما تفضلت انت و قلت ب(جديتنا و كدحنا) ، فكم (سوداني) لم بنل (حظه) من التعليم و فرص (الحياة) ؟ و في ذلك يشتركون (جميعاً) و لكن لو عدنا الى (الاحصائيات) لوجدنا أن (اعراق) معينة نالت (حظوظاً) أقل من (غيرها) ، و مرد ذلك ليس ل(كسلهم) و (طيشهم) و (خفة عقولهم) و (فساد اجسادهم) كما أفتى بذلك (ابن خلدون) ، بل لأن (أعراق) معينة احتكرت (معظم الفرص) و هل يلد (النجيب سليل الاصل و الفصل) الا نجيباٌ ، ؟ و (الولد للفراش) دائماٌ و للام (الحجر) غالباٌ. تلك هي (مأساتهم) يا منال. الاجيال (الحديثة) - لو انها ما عاجباك لكن مافي مصطلح تاني - ورثت تركة (حزينة) مثقلة بالمرارات و الاحزان ، حاولوا (الاصلاح) ما استطاعوا (اليه) سبيلاً ، و لكن كيف (تبني) و غيرك (يهدم) ؟ و في لحظة ما تسود ارادة (اللامبالة) و (رغبة الانا) و هي مبررة كيف تريدين من من يعاني (في ذاته) أن يألم (لغيره) ، التسامي فضيلة (نادرة) و لا تتأتي الا بروح (صوفية زاهدة) او اخرى (قانعة يائسة). من حق هذه (الاجيال) ان تحلم بغد (أفضل) و ان تضجر من (حمولات) التاريخ و اوجاعه (القديمة المتجدده) ، فيكفيها ما هي فيه يا (منال) ، و أنت هنا تحكين ب(لسان الحال) الذي يغني عن أي (مقال)، حسبك فقد (كفيت و وفيت). عنوان (البوست) سؤال (مفتوح) يا منال للتاريخ ، سريعاٌ سيأتي (الإنفصال) شئنا أم أبينا و لنتمنى لأهلنا في (جنوب السودان) واقعاٌ افضل من ذلك الذي عاشوه بين (ظهرانينا) ، و إن كانت كل (القراءات) تقول بعكس ذلك ، فالحركة الشعبية لن تكون أحن عليهم من تلك القطة التي تأكل بينها . و لكن لندعهم يخوضون (تجربتهم) الذاتية بعيداٌ عننا و عن (أزمتنا الثقافية) ، لربما يجدون ذات نهار (خلاصهم) الذي افتقدوه (بيننا) ، و الايام حبلى بالمفاجآت غصباٌ عن تخرصات المنجمين - امثالنا - و لو صدقوا احياناٌ . و ستبقى (الأزمة) شمالية سودانية تعيد انتاج ذاتها كل مرة حتى يفتح الله علينا بمسرب نسري به الى (حقيقتنا) او يرث (الله) الأرض و ما عليها. |
اقتباس:
|
اقتباس:
اقتباس:
|
اقتباس:
اقتباس:
اقتباس:
ه اقتباس:
|
اقتباس:
اقتباس:
اقتباس:
اقتباس:
|
اقتباس:
احلامنا عكس ذلك يا (منال) و هل لنا ان (نحلم) بخراب (دورنا) و نعيق (بوم الشؤم) فوق رؤوسنا ؟!!! انه طعم (الواقع) المر في حلوقنا يا منال انتي (البتحلمي) بالمناسبة الاستفتاء فاضل ليهو (400) يوم و تقولي لي (الوحدة الجاذبة) !! منال الحالة انتي لفيتي السودان لكن مشكلتك (عاينتي) بي عين (نحن و هم) يا منال لو كل واحد فينا أقتنع أنو (نحن) هم ذات (هم) مافي انسان حايفكر في انفصال من أساسو يا منال ينفصل منو من منو و يتوحد منو في منو وها أنت تنسبين أشياءك على اناس - يفترض- انهم (نحن) و تلك هي أشياءهم (ايضاً) : اقتباس:
:(:(:(:(:(:(:(:(:(:(:( |
اقتباس:
و الدنيا منى و احلام ركز شويه يا حاتم قلت ليك الجنوبين ما بدخلو فيلم الانفصال ده .. و قلت فى بوست بكور ده كرت ضغط ليس الا ؟؟؟ و انتظر انت 400 يوم ده ههههه تخش سينما تانى؟ خلينى تانى يا حاتم اشوف بعيونى ديل و نحن دى الشبكا فيها دى قصة معاى قصه ... و لصقت من عند شغلى و عملى الجماعى ... مع ناس البيت بقول ليهم نحن؟ و معاك بسأل اها نحن منو؟ وماشين وين ؟ وقاعدين نسوى فى شنو؟ الاخيره اجابتها (دورنى بتاعت الامتحانات ديك عرفتا) وبس خلاص شعبان عبدالرحيم |
سلامات يا حاتم يا زولي ...
اقتباس:
منذ أن تم إدخال هذه جملة (الوحدة الجاذبة) للأدبيات السياسية لم تعجبني أبدا ..فهي تستخدم كوسيلة ضغط علي نطاق واسع ...وكأن علي الشمال أن يستجدي الجنوب البقاء متوحدا معه .. وكأن الجنوب هو طفل السودان المدلل الذي يقف منتظرا الإعتذار والطبطبة .. ما حاق بالسودان من أفاعيل الحكومات والعساكر لم ينج منه مكان ولا مواطن ..نعم كان حظ الجنوب كبيرا من الموت والتشريد والنزوح ..وهي أخطاء رغم فداحتها لا يمكن بأي حال أن يحاسب عليها مواطن عادي في أقصي الشمال جوّعته آثار الحرب في الجنوب وحرمته العلاج وحسن المأكل والمشرب (كما فعلت مع الجنوبي بدرجة أفدح) وربما فقد ابنه فيها (بعد أن أخذ قسرا للخدمة الإلزامية) ..رجل كهذا (ومثله كثر في الشمال) لا يجب أن يعتذر لأحد ..يا حاتم .. ما المقصود بالله عليكم من جملة مفخخة مثل ( الوحدة الجاذبة )؟؟؟ أخذ الجنوب حقه كاملا في الاتفاقية ..قروش زي الرز ..ياكلوها يودوها البحر دا شغلهم ..وكما نعرف فإن الدكتور قرنق لم يكن صيدا سهلا لعلي عثمان ..لقد وضع شروطه كاملة علي الطاولة وحقق أغلبها ... ما يحدث يا صديقي من مطالبة للشمال(شعب الشمال) بجعل الوحدة جاذبة شئ مزعج .. ماذا لو خرجنا عن طورنا جميعا قائلين ( بلا وحدة بلا لمّة ) ؟؟ هو عليك الله يا حاتم نحن نلقاها من منو وللا من منو ؟؟؟ قدرتنا شنو زاتو عشان نعمل الوحدة دي جاذبة وللا طاردة ؟؟؟ دا كلام سياسيين يا حاتم ..ودي قدرتهم هم الفي ايدهم القلم ..مافي ايد شعب شمال السودان ... عدم تنفيذ بنود الاتفاقية وفق الفترة الزمنية ..عمل ضد الوحدة خرق البنود والدستور بما يخالف الاتفاقية .. عمل ضد الوحدة .. تطبيق القانون الاسلامي علي الجنوبي غير المسلم ..هو عمل ضد الوحدة صحيفة الإنتباهة (مثلا)كلها بي صمّتا ..عمل ضد الوحدة .. مثل هؤلاء كان بإمكانهم جعل الوحدة خيارا جاذبا .. طالما كان بيني وبين الجنوبي الإحترام وله مالي من حقوق وعليه ما عليّ من واجبات ونتساوي أنا وهو أمام القانون ..فسبب واحد يا حاتم يخليهو يقيف قدامي يقول لي اجعل الوحدة خيارا جاذبا مافي ... العنصرية وحكاية التزاوج دي ياحاتم إقحامها في أثناء طرح مسألة (جعل الوحدة جاذبة) شئ مضحك ..لأن التصويت لتقرير المصير تبقت له شهور..لا تكفي ل(شراء الشيلة) إذا وافق الشماليون علي تزويج بناتهم كلهن للجنوبيين .. ما تراكم خلال قرون وعقود يا حاتم لا يمكن علاجه خلال أيام ..فلنترك ما نختلف عليه جانبا وننظر لما نتفق فيه ونرعاه ..والسايقة واصلة .. _________ رمضان كريم يامنال كلامك عن احباطات مرحلة مابعد الحرب صحيح وموجع وقد عشت بعض تجاربك هذه بالنيل الأزرق ...بس من زاوية أخري رمضان كريم يا دكتور الأغبش ..أتفق مع حديثك كلمة ..كلمة رمضان كريم يا خال ... خرج الأمر عن اليد كما يبدو ...البركة فينا وفيكم .. _______ محبتي للجميع .. |
اقتباس:
ازيك البركه فى امة محمد ما يجاملوك فى شينه وبركه الجيتنا هنى طيبان من قبيل بفتش لى لزول افكو فى حاتم عطشنى طيبان لاحظ حاتم ده قاصد شنو بناس الشمال .. و قال شنو اتخلو عن الرطانه ... هى بلا الرطانه دى مافى شئ غتس حجرنا :D:D يسكتو يرطنو و نحن نتلفت لا ما بلقوها خلاص بلا لمه بلا لمه حاتم من الشمال الجد جد جااااااااك زول قول واحد مودتى طيبان النيل الازرق ... بلا لمه صحى صحى و بالجد كمان اخير تكون مادام عندهم برتوكولات كدى اليبقو قدروها و قال اتفاقيه و قاعدين فى راسينا دى و نحن ندفع التمن كفااااااااااااااااااااانا |
منال الحالة انتي لفيتي السودان لكن مشكلتك (عاينتي) بي عين (نحن و هم) يا منال لو كل واحد فينا أقتنع أنو (نحن) هم ذات (هم) مافي انسان حايفكر في انفصال من أساسو يا منال
ينفصل منو من منو و يتوحد منو __________________________________ كلام سمح |
اقتباس:
سمح نضمك وتعال اكتب فى كلو مودتى |
منال كيفنك ورمضان يتبارك
موضوع الوحده والانفصال دا انا مقل في الحديث عنو حتي في الونسه باعتبارات محدده ، من اهمها انو القلم البكتب انفصال او وحدة جنوبنا بيد الموتمر الوطني والحركه الشعبيه. يعني جملهم الارعن دا ماشي ، وانا قصة انو اكون كلب ينبح دي ما راكبه لي في راسي . بعدين عمليتنا السياسيه هنا دايماً ما تخضع لعوامل ذاتيه بحته وتستغفل دايماً عن العامل الموضوعي لي اي قضية عندك مثلاً ، السواد الاعظم من شعبنا وكل قوانا السياسيه لديهم راى سلبي في حكومة الانقاذ هذاء شرط ذاتي لاكتمال العمليه ولكن غياب الشرط الموضوعي هو الذي جعل الاوضاع والي الان كما هي عليه. بنفس القدر كل الخايضين في بحر الوحده والانفصال اجدهم اما مع الوحده دون دعامات واما مع الانفصال ايضاً دون دعامات انا عن نفسي داعم للوحده وداعي لها ، واعتقد ان ما سؤاها كارثه لا تحمد عقباها فالعالم كله اليوم يجنح للوحدة وخلق التكتلات الاقليميه وحتي القاريه والانفصال عندي ليس انفصال جغرافيا ومورد بقدر ماهو انفصال تاريخ مشترك وقضيه واحده ، وعوده بالتاريخ للوراء لاكثر من قرنين ثم انه يؤخر نضوج حراكنا الفكري الذي سعت حركة التنوير السودانيه ان تبنيه فوق واقع متعدد اثنياً ودينياً . الانفصال يفتح ابواب التزمت الايدولجي والهوس الديني علي مصراعيه في شمال السودان المسلم ، وستتحول المطالبه من مطالبه بانفصال جغرافي الي مطالبه بانفصال فكري وستنجلد لبني كل يوم وهلم جرا من خيبات اراها لا محاله واقعه. اما مسألة انو علي الشماليين جعل الوحده جاذبه فهذه في ظني فريه كبرى وضحكه مُره الوحده بطبعها جذابه وسمحه ، بعدين فؤايد الوحدة لاتصب في مصلحة طرف وتجافي الاخر بقدر ما هي تصب في مصلحة السودان عموم كما ان الوحده لا تبني علي عواطف يعني ما بالضروره الجنوبيين يحبو الشماليين ويعرسو ليهم بناتهم وبالعكس . الحاصل في امريكاء دا هسي ما ناتج عن علاقة نسب ومصاهره بقدر ما هو التزام للكل القوميات تلك بقانون واحد ينظم حياتها ولا يكترث لابيض ولا لاسود وغيرها من شئون الله في خلقو |
اقتباس:
العزيز طيبان رمضانك كريم يا صاحب و مشتاقيين عارف يا الحبيب الشماليين عندهم عقدة ذنب تجاه الجنوبيين ، دائماٌ بحبوا يقولوا جملة دي (الحكومات و العسكر) أنا كمواطن شمالي بسيط - قاعد اعاني - ذنبي شنو عليك الله في الشبكة المابتنتهي دي؟ طيب يا جماعة الباع الديك و ريشو للجنوبيين دا كان منو ؟ و الكان عندو الرقيق و السراري لحدي العشرينات من القرن الماضي منو ؟ و العمل مذبحة الاحد العظيمة و الاثنين الاسود منو ؟ و الحسة بيعامل (الجنوبيين) معاملة سيئة منو ؟ بعدين كمثال فقط في التعيين في الوظائف كلنا عارفيين المحسوبية الحاصلة في التعيين في القطاعيين الخاص و العام لكن التفرقة تتم بشكل اكبر تجاه الجنوبيين دا على النطاق العام اما على النطاق الشخصي و الفردي سؤال ينبغي ان نجاوب عليه بصراحة : هل نعامل الجنوبيين كأشخاص كاملي الاهلية و الانسانية و المواطنة في الشمال ؟ ================================= موضوع الزواج مضرب مثل لسؤالي اعلاه و هو المقياس الحقيقي لزوال العنصرية لأنه يعني لحظة التمازج الحقيقية ___________________ أتفق معك يا طيبان أن الحكومات الشمالية المتعاقبة منذ الاستقلال و سيدنا الازهري و سيدنا عبد الرحمن اخطأت في حق الجنوب و لكن من أتى بهم الى دست الحكم ؟ اليسو هم الشماليين سواء عبر الصناديق الانتخابية أم على اسنة الدبابات ؟ في النهاية هم مننا و فينا و الشينة منكورة يا طيبان أتفق معك اننا نتكلم في الزمن بدل الضائع لكن اليس حرياٌ بنا ان نأخذ الدروس و العبر من تجربة مشكلة جنوب السودان حتى لا تسعى اجزاء اخرى - من السودان - للانفصال مستقبلاٌ كذلك نقطة مهمة يعتقد كثير من الشماليين أنه بانفصال الجنوب يستطيع الشمال الهروب بجلده من المسئوليات التاريخية الملقاة على عاتقه و الجرائم التي ارتكبت عبر 53 عاماٌ الى الان ، و القول بأنها الحكومات السابقة أيضاُ ليس بحل لأن ديون السودان (الخارجية) من زمن نميري لازلنا ندفع فيها و هي أشياء لا تسقط بالتقادم خصوصاٌ اذا كانت أرواح 2.5 مليون انسان و تشرد 4.5 مليون انسان و تعاسة شعب و ضياع أمة لا لشيئ سوى اختلافها العرقي و اللوني و الديني عن بقية مشاركينها في الوطن. دمت بود عزيزي طيبان |
ه
اقتباس:
مبر يا صديق نضميك سمح بالحيل لكن تعقيب بسيط على عبارتك و هي أن الوحدة المبنية بالقانون لا يمكن ان تستمر اذا لم تكن هناك ارادة شعبية (شمالية - جنوبية) على الوحدة ، الحروب القديمة المشتعلة دي يا مبر سببها عدم الرغبة و الارادة من الطرفين - الشعوب قبل الحكومات - في الوحدة القسرية دي بدون أساس كامل قائم على المواطنة برجع ليك بس النرجى منال الترد عليك بالاول بعرفا منال صاحبتي كويس |
اقتباس:
اسفة ومتاسفه كتير ما شفت مداخلتك دى وده كلو من حاتم يعرف يخت الدراب فى بوست شكل للبيع وصدقنى الا يلكزونى مرات للدخول اقبلا منى يا مبر بعدين هو ما كتيييييييييير ما راكب فى دقنوسنا ده ومرات الراس بيكون كبير من الشيل الله حى و كل سنة و انت طيب |
اقتباس:
منال يا صديقة ، كل سنة و انتي طيبة قلتي لي كلو ما بابا (علا البوابا) .........:p ثمح مسعولة من الخير بوست شكل للبيع وينو هو ذاتو ؟ ودراب شنو البختو ؟ قولي بس انتي ما فاضية العيد قرب و كدا تحياتي و امنيات طيبة |
سلامات ياصاحبي ..
اقتباس:
اقتباس:
اقتباس:
أما مسألة التفرقة في الوظائف دي فهي مرتبطة بالنظام السائد وليس لعموم أهل الشمال يد في ذلك فغمارهم مثل غمار الجنوبيين في التفرقة والإبعاد عن الوظائف ولا نحتاج لأمثلة .. رجاءا افصل لنا بين الدولة الشمالية وعموم شعب الشمال .. اقتباس:
مقياس الزواج الذي تعتبره مقياسا للتمازج الحقيقي ياحاتم دونه عقبات كثيرة ..ولايمكن تجاوزها ببساطة ..هو حراك مجتمعي يحتاج لزمن وبناء ثقة وعمل دؤوب ..وحتي بعد كل هذا ستجد من يرفض أن يزوج بنته لجنوبي .. ياحاتم الزواج دا لايمكن أبدا المساومة به في مسائل بناء الثقة في هذه المرحلة ..هناك مسائل أكثر إلحاحا يرجي الإلتفات لها .. اقتباس:
ستحدثني عن الطائفية وأن المصوتين (حينها) يعطون أصواتهم لطائفة ما لاعتبارات عقدية ..وستكون هذه ذات الإجابة علي سؤالك لماذا جاءوا بقادة شماليين .. الإدانة هنا يا حاتم حكم جائر إذا أطلقت علي عموم الشعب ..فكثير من المفاهيم تحتاج لتغيير ..والحرب ماتركت فرصة لتغيير حقيقي أو بناء ثقة .. اقتباس:
ح تكون ملكي أكتر من الملك ؟؟؟ موش العقيد الراحل قرنق قعد وختّ شروطو كاملة في الإتفاقية ( الثنائية ) مع المؤتمر الوطني ؟؟ موش اتفقوا علي حلحلة هذه المسائل ؟؟؟ ألم يذهب لنيفاشا وحيدا ..بعيدا عن التجمع ..لإيمانه بخصوصية مشكلة الجنوب ؟؟ يبقي هو ناقش القضايا وطرق استرداد الحقوق ..وشال حقو كامل مكمّل ..ولكنه مانسي أن يضع جملة مبهمة مثل ( أن يجعل الشماليون خيار الوحدة جاذبا ) .. هذه الجملة هي أس الإبتزاز الذي يحدث حاليا لانها جملة معممة بشكل كبير ..ولا تشي بمعناها إطلاقا وقد تجعل بعض الشماليين الذين اكتووا بنيران الحرب وآثارها ويكتوون بآثار السلام حاليا يجعلهم يسألون ( لماذا لا يجعل الجنوبيون خيار الوحدة جاذبة ) ؟؟؟ ___________ سلام يازولي .. |
اقتباس:
خالد الحاج لا فض فوك أيوا كفاية دلع وتدليل، فالجماعة شايلين الوحدة كرباج يلسعوا بيهو ظهورنا ابتزاز واستغلال .. وتهديد .. الوحدة الوحدة الوحدة .. ياخي في ستين العكس أنا شايف الشماليين حيفرحوا أكتر بالانفصال |
اقتباس:
يا أخي حاتم أقول ليك حاجة : الإبادة العرقية الحقيقية حصلت من جنوبيين ضد شماليين يعني حصل استهدفوا شماليين فقط لأنهم شماليين بدون أن يكون عندهم مشكلة معاهم أو حتى سابق معرفة استهدفوا مدنيين شماليين وضبحوهم والكلام دا حصل قبل الاستقلال .. عشان ما تقول لي الحكومات الشمالية هي السبب دي ما حصلت في الشمال، ما حصل اتفق الشماليين وطلعوا الشارع وبدوا يكتلوا في الجنوبيين لأي سبب من الأسباب .. يعني صاح ممكن تكون في حرب في الجنوب يموتوا فيها مدنيين لكن الحروب أصلها بموتوا فيها المدنيين خلي الجنوب ينفصل واترك لنا القلق بشأن الديون الخارجية بعدين أسنة الدبابات دي شني؟ |
الاخ حاتم وكل المتداخلين الذين جعلوا البوست جاذبا .. تحاياى
كل ما جات سيرة الإنفصال كل ما تحدث الشمال عن حروب قبليه فى الجنوب وفساد نخبه ..ودا كلو ما بمنع قيام دوله .. يؤسفنى انو لغة الوصايه بتاعت 56 لسه موجوده .. مجرد رغبة الطرف الآخر فى الانفصال يجب ان تحترم فى رأيى .. وللآخرين كل الحق فى رفض الإنفصال من خلال لغة تانيه غير الوصايه .. برضو كل ما جات سيرة الوحده الإجتماعيه طوالى قبل اى سؤال آخر بتجى حكاية النسب دى مما دفع أحد السياسيين الجنوبيين لقول ( على الشماليين الا يظنوا اننا جئنا لنتزوج أخواتهم ..ربما اتينا فقط لنعيش فى وطن واحد ) .. |
الاعزاء : التياري و طيبان
كل عام و انتم بخير كنت مشغولاً في الفترة الماضية و سأعود بالرد المفصل على مداخلاتكم فقط احيلكم الى : What Dr. Martin Jacquessaid said on his book The Global Hierarchy of Race: " The dominant race in a society, whether it is white or otherwise, rarely admits to its own racism. Denial is near universal. The reasons are manifold. It has a huge vested interest in its own privilege. It is often oblivious to its own prejudices. It will regard its racist attitudes as nothing more than common sense, having the force and justification of nature. Only when it is challenged by those in the receiving end is racism ousted, and attitudes begin to change. .. Nations are never honest about themselves: they are all in varying degree of denial. i دمتم بود و خير و عافية |
اقتباس:
عزيزي علي ماجداب اعجبتني مداخلتك و كلامك عقلاني للغاية تحياتي و كل عام و انت بخير |
حاتم سلامات وكل سنة وانت طيب
البوست ده فيهو شغل جميل والله اهنيك جدا بيهو وهو بيشبه الوعي الفيك تسلم ومزيدا من القراية وبجيك صادة بس عايزة أشيد بي مداخلة مبر اخوي ده تحياتي وخليني اشوفك لاني مزازية ليك لنا |
| الساعة الآن 09:36 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.