جنازة بشروط
شوفوا أنا عارفكم لا حتعملوا ثورة لا حاجة .... لكن برضو داير أنتحر بس عندي شروط .... يلا نجيب عدة الشغل و نجي
|
شرطي الأول
هنا طوبة خضراء |
شرطي الأول
حزام الصبر تبعك لسه فيه عينين تلاتة اكربو شويه;) |
اقتباس:
تعرف دى (بعد عمر طويل) ذاتا .. الذيك ده عشان يتعلم العوم عشان ينتحر زى عمك جبر .. داير ليهو 20 سنة .. الوكت داك بكون نسيت أتعلمت العوم ليه :p |
اقتباس:
بوست غير موفق الخــــــــــور |
اقتباس:
يعني أول حاجة عنقريب الجنازة بدايته سنجة و نهايته سوبا وقع ليك, و بشرط العنقريب يشيلوها أوباما, أكامبو, و ساركوزي و شوف معاهم اي رابع لكن ما يكون من أي دولة عربية ... أصلا العرب ديل نحن مكجننهم ... و قدام الجنازة يمشي مع ابوي عمك ماركيز و مانديلا واضح يا ابو الشوش |
اسمع يا صديغي المنتحر
لازم يكون انتحار مجيه.. ما زي انتحار الزول دا اقتباس:
تدينا فرصة نلم الاشارات في ثنايا نصوصك عشان نتفلهم ونقول كيت وكيت بعدين فوت الفرصة ياخ السنة الجديدة خشت |
اقتباس:
|
اقتباس:
الشخص الرابع دا بقترح الأمين العام للأمم المتحدة لانو في الحسبة في سرارة بينك وبينو وكدا كدا كيف؟ |
رايك شنو أضيف إيزابيل الليندي
كرداحة في الجنازة بحسبان الكلام القريتو ليها في رواية "باولا" الزولة دي بتاعت بكا ونخجي جد |
اقتباس:
مرات بوست واحد يلحقك أمات طه ... و مرات عشرة و يا زيد لا غزيت لا جيت.. كدي خلينا في المهم ..... المهم أثناء العنقريب و أنتو كأصحاب رجرجة ماشين وراها ... فجاءة كدا بوش الاب داير يتخافف (بمناسبة بوش الاب ... الحاج طبعاً بكرة اليمين و عشان كدا كان معترض علي عزومة بوش و ساركوزي ... وافق عليهم تحت إصراري أنا)... المهم ما علينا بوش جاء يتخافف و قال لساركوزي (صلي ... صلي)... داير ليه أجر ... أها أثناء الخفة دي وطا علي رجل ساركوزي الكان معوق أصلاً ... المهم ساركوزي فك كراع العنقريب و أدي ليك عدد واحد fuck لبوش... و ما كان من ابي الا أن صاح فيهم: يا أخوانا الكلام الكلمة الكعبة دا منو؟ أوباما طبعاً ما لسانه ما حقه.... قال ليه دا بوش ... بالغلط؟ المهم الحاج قال ليه يا زول طيارتك الجيت بيها ترجعك يلا .... دا عزاء محترم |
اقتباس:
مكجن العرب؟! هسع كل سنة وانت طيب نقولها ليك كيف؟ |
اقتباس:
الفاتحه على روحك الافتراضية وجنازتك الصلاة فيها غير جائز :D |
اقتباس:
يا زول ما في أي إشارات و لو داير تحسب لي حسنات طيارتك قامت ... أنت تقول العين شافته بس... حكاية الحسنات دي ... عندنا زول في البلد إنترم ... أها في المقابر في زول من ناس الحلة المساكين الربنا بخلقهم عشان يتم بيهم جمال اللوحة الكونية ... عمك المسكين الناس في عز الحفر و كان القبر اجارك الله أرض بادوبة ... قام عمك المسكين دا قال (و الله المرحوم دا كان صعلوك خلاص)... انا ما عرف الحصل شنو نسيت فكرة الموت و لا هيبته ما عارف باعلي صوت فقعتها ضحكة .... ضحكة كانت نشاااااااااااااااذ أخوي أحرج قال لي يا خي دا عرفناه متخلف إنت مالك؟ |
اقتباس:
|
سلامات يا سلفي و ماك طيب انت البوست دا اوعاك تكون
كتبته بعد ما سمعت كلام احمد زين و عملت بوصية امهم مع اميري و كدا :D:D |
اقتباس:
يا بكري كل سنة و إنت طيب وقت جيت بكرعينك نحكي ليك قصتك دي ... يا خي لاقيت زولة وارد دبي نار الله الموقدة .... يا خي أجمل بت الله خلقها في الدنيا دي يعني تقول لجنيفر لوبيز بالله فحطي ... المهم أخوك حنكه جعان طبعاً ... في أطار الحنك العاضي دا قلت ليها يا خي ما تخشي سودانيات ... و الله هسي بجيب ليك باسويرد ... أصلاً انا في طريقي أكون مدير كبير في الحتة .... كنت مشرك لمنصب سماح.... المهم أول ما قلت ليها سودانيات طوالي قالت لي: ناس بكري؟ قلت ليه لا يا خي... ديك سودانيز اون لاين؟ سودانيات دي أسسها المرحوم خالد الحاج قالت لي عارفة لكن قصدي بكري عباس؟ في سري قلت ليها دا أخر زول داير أسمع إسمه هسي ....معليش وقتها كنت طالع من معركة العنصرية الشهيرة .... المهم نكرتك حطب .... أبداً ما في زول بالإسم و إقتنعت أنك ما في في سودانيات لكن ممكن تكون في سودان تاني... |
اقتباس:
:L:L:L:L جنازة فيها الكفار:D:D:D ما بنصلي عليها |
اقتباس:
اوكي يا مليجي خلينا في المهم .... جوا خاشين ليك كوندليزا رايس بحضورها الطاغي و إزداد طغياناً مع العباية الفارسية و معها هيلاري ... رابط التوب في نصها و هاك يا صفقة ... و رميد (يا الشباب السكن التراب) (يا حفوظي أنا داير ادق ريحتك أجي أدق حنوطك) طبعاً الملكة نور إستفادت من أصولها الغير عربية و جات ممثلة ليهم شت ... وقت شافت كوندا و هيلاري مقالدات أمي و بثكلني قالت ليها: (إستغفري يا هيلاري ... ربنا يبدل ليه شبابه بالجنة) المهم نظرة من الحاجة و نور جرت واطي (عرب حقارين)... و تواصل الثكلي... |
اقتباس:
ما ياكلو شوربة سمك في أماكن أخرى نحن عندنا ينتهي العزاء بإنتهاء مراسم الألم وفي ناس بكون فراشهم مفتوح طوالي |
اقتباس:
فيصل سيلي دي رأسها قوي عليك الله ما تخليها تجي |
اقتباس:
ومجكس جمب مستشفي العظام وبسمع عظام محمد نور وعظمة علي عظمة (بعملوا علامة راية القراصنة):D |
اقتباس:
أها العصير كدا جات مونيكا ... مونيكا ست الإسم ذاتها .... المهم بكت بكت , أمي أصلاً ما بكت معاها و ما وقفت في هذا الحد و إنما تعدته قائلة (يا أنجلينا جولي عليك الله شوف نسوان اندونسيا ديل جن هسي , اديهن موية و لو ما فطرن جيبي ليهن فطور), طبعاً هيلاري أتكيفت كيف ما عادي ... المهم مونيكا مستمرة في البكاء و وقت الحاجة زهجت من سماجتها قالت ليها: خلاص يا بت ما تبكي ... حافظ تاني ما بجي و لو بجي كان جابنه كوندا و هيلاري ... إستغفري و غسلي وشك. |
اقتباس:
|
تلقيت اتصالا هاتفيا قبل قليل من شاكيرا تعتذر عن تأخرها نسبة لسوء الأحوال الجوية واضطرار طائرتها للنزول في السنغال..
وقد صرحت لي بأنها ستحذف المقطع الأول من أغنية (متي يكن، أينما يكن) والذي يقول Lucky you were born that far away so We could both make fun of distance Lucky that I love a foreign land for The lucky fact of your existence لانو حافظ طلع من الوجود:(:( |
اقتباس:
الله الله الله يا أشرف هيفاء وهبي و نانسي عجرم ديل الجابهن شنو؟ بالله قول ليهن بدربهن ما يقعدن لينا هنا... نحن ما بنقدر نتحمل مسعوليتن |
اها يا حافظ
الناس دي اتغدت والان انا والرباطابي بنوزع في الجبنة الحلفت (سارة نورو) الا تعملها هي مع قلية بنها وكل المستلزمات ياخي موت موتك دا موت بي كيفو |
في الفراش حصلت حاجة صغيرة كدا لازم نحكيها هنا... أها صوفيا لورين كانت خالف رجل علي رجل (قادرين تتخيلوا خلفة رجل صوفيا بفستان فوق الركبة بشوية).. المهم في هذه اللحظة التاريخية من عمر الزمان كتب علي والد المرحوم الحمام فإستلم الإبريق و دخل... و عندما عاد فكر في اي مدخل لهذه الزرافة و في النهاية قال ليها:
عليك الله يا صوفيا قولي للولية دي دايرين ملايات غطاء للضيوف؟ صوفيا: حاضر يا حسين, و مع حاضر نفضت رماد سيجارتها و إتجهت الي حيث أمي قابعة مع كوندا و هيلاري و خالتي حمرة شغالت قرف مطاعنة في مونيكا و المطاعنة ابتدرتها خالتي حمرا ذات اللسان المتبري منها حيث خاطبت كوندا قائلة: شنو إنتي يا كوندا لسا ما جاكي ود حلال و لا قاعدة تكسري بالملوة ساي؟ نسيت النسوة أن دفني لم يتم 6 ساعات و إنفجرن بكورال من الضحك في حضرة المغضوب عليها و أعقبت تساؤل خالتي حمرة الذي ليس للإجابة أمي حين قالت: حاشاها كوندا السمحة.... كوندا ما شبه كسر الملوة.... الملوة عندها رخيساتها... و هذا كان بإشارة واضحة للضيفة الغير مرغوب فيها , و لكن قطعت حبل المطاعنة هذي صوفيا بصوتها القاطع مخاطبة أمي: يا مدام حسين دا قال ليك داير ملايات للضيوف.... و إنصرفت الأخيرة قبل سماعها الجواب. هبت أمي متنطنة و تمت هذه الطنطنة في طالب الملايات قائلة: يا راجل ملايات شنو هسي .... خاشي و مارق في النسوان .... أمشي أقعد في الصيوان هناك الملايات بجنك. و حسم الامر الذي فيه تستوفون |
اقتباس:
ول إسمث دا أصلا كراعو في السماء ما في ... خفيف و لفيف زي قداف الملاريا ... هسي سايق بت الناس دي موديها فريق فوق لشنو؟ ما كان يطير براها كان طاير يتسجم... بعدين يا اشرف شايفهم دايرين يسقوها جردقة, عليك الله ما تخليهم و من دربك دا وديها الدكتور ... الزولة دي شكلها شربوها عرقي مصدي أو فيه بنج حصين. |
الزولة عفيناها من الجردقة وغلينا ليها حرجل
بس لما جيت راجع لقيت ويل سميث دا مهبوش ياخي لقيت القصة كبيرة خلاص، وخالتي ما خاتية كان بتهرج اصلو الواد ويل سميث، ساق اعمامك ناس تومي لي جونز وجاك نيكلسون وكيفين سبيسي وسامويل جاكسون وفات عرفهم على جكس فريق فوق وحلفوا ما يجوا راجعين اسه والدنيا خاشة على المغرب |
يا عمك الحق...
لقيت النسّون متلميات في ذات الغمازتين شيرلي كول واقنعنها انها لو اساسن كانت بتتدخن ما كان راجلها عينو زاغت وعمل الفضايح وهي ردت انها بتدخن مارلبورو فعلا:D وعرفن غبا زولتن.. وشرحن ليها كافة الفوائد الظاهرة والمستترة للدخان لحقتهن في اخر نفس بعد ما اتخمخمت بالشملة بتاعت حبوبة إيا.. المهم بعد شكلة طويلة وملاوة حتى كبيت جردل موية في حفرة الدخان وزولتك شيرلي عاينت لي كدا عين .. بتاعت اووو يو ار سو روود |
اقتباس:
يا طه عليك الله أمشي الصيوان نادي لي عمك كلينتون لكن جاها بسامحة الوصف و قال ليها يا خالتو عمي كلينتون دا قالوا في الحمام سالته طوالي قالت ليه القال ليك كدا منو؟ قال ليها ساركوزي قالت ليه نادي لي الكمريرا دا .... المهم قدر ما زرزته ما طلعت بحاجة في النهاية جات إتأكدت من مونيكا و لقتها قاعدة و خشت متكيفة الا يا فرحة ما تمت خشت عليها خالتي حمرا قالت ليها (الترابة في خشمك ... البتأمن الرجال تأمن الموية في الغربال ... مونيكا هينة أها أنسعلك يا هيلاري وين اللبنانية؟) و سحابة من الكأبة مرت علي الوجوه عندما إكتشفوا غياب اللبنانية و هنا صاحت امي قائلة: يا طه قول لأبوك يجي يشيل الملايات.... طه: يا خي أنا بوديهم أمي: لا يجي يشيلن هو .... مش هسي جاء يطاول و يتقاصر قال داير ملايات للضيوف؟ هم وينهم الضيوف ما كلهم هاجين يتغطوا ليه غطاهم السيل |
الله ياخ..
كلنتون دا راجل صنديد واصلو ديل الكلب ما يتعدل.... معليش كنت بره البيت.. اصلو لقيت انو موبايلي وقع مني في المقابر مشيت لقيت البت اليشا كيز،، ياخي دي قربت تموت من البكا.. زولة رومانسية وقلبها حنين وما بتشبه الخويويجيات ديل لقيتا غازة القبر كلو شموع ومتفنة قدام القبر وتتنخج بالبكا النوع الكتامي البجي من القلب داك المهم قلت ليها استغفري يا بت امي وجريتا على الحاجة هناك، هديناها ولقينا عندها وجع راس ومصدعة ومبادئ حمى فواحدة من الحاجات قامت فكت ليها مشاط راسا وقالت ليها مشاطتك دي جبدت شعرك شديد لما عمل ليك وجع راس.. ولتخن ليها راسها خليط من الودك والحنة لكن هي بت حنينة ورومانسية وبكتك بجد يعني اعلمك: ان الشماشة قاموا بلملة بقية الشموع الموقدة وبقية صندوق الشموع.. وما عارف ح يسوو بيها شنو |
اقتباس:
شوفي الدخان ما بمسك لو راجل .... شوفي الناقصك شنو من النسوان و تميه.. فتحت شيرلي خشمها شبرين و نص مستفسرة شوفي يا بت من يوم ما تفكي الحزن علي حافظ دا كلو يوم تدخني و تتحنني و وقت يجيك تقولي ليه السماء قريب... هذه كانت اجابة خالتي التومة. شيري: لكن يا خالتي التومة .... و لم تستطع إكمال الجملة و عالجتها المخاطبة قائلة: أخر العلاج الكي يا بنية .... و الحار دواهو الحار ... ما يقرب منك ... قولي ليه دايرة نجوم السماء .... و وقت يجيبها الدفع قدر السعر .... بنات أخر زمن لا بتعرفن البصلحنك من البضرنك .... هو قالوا ليكم مسك الرجال دا هين كثيرات إستفدن من نصائح خالتي التومة و لكن النتائج لم تظهر بعد. |
اقتباس:
إن لله يا أشرف إنت ما شايف شغلك الملك عبدالله دا خليته جاء كيف يعني؟ |
جنيفر مغطنها بملاية و عمي سعيدو الله اداها ببخر فيها... ببخور مزيج من البربارة, عرق ققا و شطة حمرا جنيفر تصرخ ........
واااااااااااااااي خلوني يا جماعة سعيدو: لا ما بنخليك يا منعول إنت منو؟ جنيفر: عليكم الله تستروني أنا منكم و فيكم سعيدو: سترة ليك ما في.... المننا و فينا ما بأذينا قول إنت منو؟ جنفير بصوت يقطع الأكباد.... عليكم الله تستروني سعيدو: سترناك إنت منو قول؟ جنيفر: أنا عبـــــــــــــــــــــــــــــــــــدالله؟ سعيدو: العجبك في البنية دي شنو؟ جنيفر: وراء وراء وراء .... التقيل وراء يا أخوانا سعيدو: أخرج يا ممسوخ جنيفر: خرجت و الله خرجت سعيدو: خرجت بشنو؟ جنيفر: خرجت بالأصبع الوسطاني and fuck سعيدو: منعول الله لا غزا فوقك بركة خلاص البنية دي يا حليمة بقت كويسة الا داير لوح محاية و 7 يوم ما تشوف الشمش ... هذه كانت أخر وصايا سعيدو الطبيب البلدي المعالج |
اقتباس:
حسع انحنا نعزي ولا نقعد نتفرج في الشخصيات المهمة دي... والله عزاك بروح شمار في مرقة بالصورة دي.. طويل عمر يابا بري بري يموت عدوك ان شاء الله . |
اقتباس:
أمة حسودة يا خي |
اقتباس:
ميتة vip |
يعني يا حفوظي الشيخه موزه دي تسوي شنو
امك حلفت بحياة ابوها ما تباكيها لانها شختت ليها في عزاء خالتك وما جات الناس ديل عندنا معاهم علاقات ومصالح ياخي |
| الساعة الآن 12:14 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.