جنازة بشروط

[حافظ حسين]

شوفوا أنا عارفكم لا حتعملوا ثورة لا حاجة .... لكن برضو داير أنتحر بس عندي شروط .... يلا نجيب عدة الشغل و نجي

[اشرف السر]

شرطي الأول

هنا طوبة خضراء

[اشرف السر]

شرطي الأول

حزام الصبر تبعك
لسه فيه عينين تلاتة
اكربو شويه

[رأفت ميلاد]

المشاركة الأصلية كتبت بواسطة حافظ حسين
شوفوا أنا عارفكم لا حتعملوا ثورة لا حاجة .... لكن برضو داير أنتحر بس عندي شروط .... يلا نجيب عدة الشغل و نجي

تعرف دى (بعد عمر طويل) ذاتا .. الذيك ده عشان يتعلم العوم عشان ينتحر زى عمك جبر .. داير ليهو 20 سنة .. الوكت داك بكون نسيت أتعلمت العوم ليه

[المليجي]

المشاركة الأصلية كتبت بواسطة حافظ حسين

شوفوا أنا عارفكم لا حتعملوا ثورة لا حاجة .... لكن برضو داير أنتحر بس عندي شروط .... يلا نجيب عدة الشغل و نجي

بوست غير موفق
الخــــــــــور

[حافظ حسين]

المشاركة الأصلية كتبت بواسطة اشرف السر

شرطي الأول

هنا طوبة خضراء

كدي يا أشرف خليني من شروطك أقول شروطي أنا أول يا خي....
يعني أول حاجة عنقريب الجنازة بدايته سنجة و نهايته سوبا وقع ليك, و بشرط العنقريب يشيلوها أوباما, أكامبو, و ساركوزي و شوف معاهم اي رابع لكن ما يكون من أي دولة عربية ... أصلا العرب ديل نحن مكجننهم ... و قدام الجنازة يمشي مع ابوي عمك ماركيز و مانديلا واضح يا ابو الشوش

[اشرف السر]

اسمع يا صديغي المنتحر

لازم يكون انتحار مجيه.. ما زي انتحار الزول دا

م تكن صبيحة العام الجديد عادية بالنسبة للوسط الثقافي في نيكاراغوا, نيكاراغوا حيث يتعلم الأطفال الرقص قبل المشي وحيث تمتلئ الحانات والبارات بالراقصين والحالمين حتى ساعات الصباح الباكر, في حين احتفل النيكرونسيون بالعام الجديد مع عائلاتهم أو في الملاهي والحانات, قرر الشاعر الشاب فرانسيسكو رويس أوذيل أن ينهي حياته بطريقة أقل ما يقال عنها انها تراجيدية, اذ علق مشنقته في الساعة الحادية عشرة من ليلة رأس السنة, مقررا أن ينهي حياته مع نهاية 2010. ترك فرانسيسكو فراغا كبيرا في الوسط الأدبي, كما ترك الكثير من المشاريع التي كان من المفترض أن يتمها كونه يتقلد مكانا هاما في رابطة الكتاب النيكرونسيين.

لم ينتظر حتى حفل توقيع كتابه المقرر في 3 فبراير من العام الجديد, اذ كان هناك من ينادي عليه من العالم الآخر, لقد ألقى فرانسيسكو بكل ذلك وراء ظهره عندما شدت عقدة الحبل على أنفاسه قاطعة اياها, وقاطعة بها مباهج الفرحة التي كادت أن تبقى حتى الساعات الأولى من العام الجديد.

اها اولا تدشن كتابك الجديد
تدينا فرصة نلم الاشارات في ثنايا نصوصك عشان نتفلهم ونقول كيت وكيت



بعدين فوت الفرصة ياخ
السنة الجديدة خشت

[حافظ حسين]

المشاركة الأصلية كتبت بواسطة رأفت ميلاد

تعرف دى (بعد عمر طويل) ذاتا .. الذيك ده عشان يتعلم العوم عشان ينتحر زى عمك جبر .. داير ليهو 20 سنة .. الوكت داك بكون نسيت أتعلمت العوم ليه

العمر الطويل دا قاصد بيه دعاء حبوبتي المفضل وقت تجيب كثافتها تقول ليك (يديك الشقاء و طولة العمر)... لكن ما حأتقدر يا رأفت تثنينا عن هذا الإنتحار التاريخي ... لكن يا رأفت عندي ليك وصية شايف هيلاري كلينتون و كوندليزا رايس ديل وصلن المطار.... عليك الله تمشي تغشيهم أقرب بيت في الديم هيلاري دي يمشطوها السودان قفل (ما تجينا بخنفس), و بعدين تلبسوها توب أبيض, إما كوندا دي عادي ممكن عباية سوداء و كراب رأس بالله ما تنسي

[اشرف السر]

المشاركة الأصلية كتبت بواسطة حافظ حسين

يعني أول حاجة عنقريب الجنازة بدايته سنجة و نهايته سوبا وقع ليك, و بشرط العنقريب يشيلوها أوباما, أكامبو, و ساركوزي و شوف معاهم اي رابع لكن ما يكون من أي دولة عربية

واااااضح

الشخص الرابع دا بقترح الأمين العام للأمم المتحدة
لانو في الحسبة في سرارة بينك وبينو وكدا
كدا كيف؟

[اشرف السر]

رايك شنو أضيف إيزابيل الليندي
كرداحة في الجنازة
بحسبان الكلام القريتو ليها في رواية "باولا"
الزولة دي بتاعت بكا ونخجي جد

[حافظ حسين]

المشاركة الأصلية كتبت بواسطة المليجي

بوست غير موفق
الخــــــــــور

التوفيق من رب العالمين يامليجي ....
مرات بوست واحد يلحقك أمات طه ... و مرات عشرة و يا زيد لا غزيت لا جيت..
كدي خلينا في المهم ..... المهم أثناء العنقريب و أنتو كأصحاب رجرجة ماشين وراها ... فجاءة كدا بوش الاب داير يتخافف (بمناسبة بوش الاب ... الحاج طبعاً بكرة اليمين و عشان كدا كان معترض علي عزومة بوش و ساركوزي ... وافق عليهم تحت إصراري أنا)... المهم ما علينا بوش جاء يتخافف و قال لساركوزي (صلي ... صلي)... داير ليه أجر ... أها أثناء الخفة دي وطا علي رجل ساركوزي الكان معوق أصلاً ... المهم ساركوزي فك كراع العنقريب و أدي ليك عدد واحد fuck لبوش... و ما كان من ابي الا أن صاح فيهم:
يا أخوانا الكلام الكلمة الكعبة دا منو؟
أوباما طبعاً ما لسانه ما حقه....
قال ليه دا بوش ... بالغلط؟
المهم الحاج قال ليه يا زول طيارتك الجيت بيها ترجعك يلا .... دا عزاء محترم

[أبوبكر عباس]

المشاركة الأصلية كتبت بواسطة حافظ حسين

العنقريب يشيلوها أوباما, أكامبو, و ساركوزي و شوف معاهم اي رابع لكن ما يكون من أي دولة عربية ... أصلا العرب ديل نحن مكجننهم ... و قدام الجنازة يمشي مع ابوي عمك ماركيز و مانديلا واضح يا ابو الشوش

دا شرط ساهل بجيبن ليك، لكن لو سألونا عن سبب عظمة المرحوم، نقول ليهم شنو؟
مكجن العرب؟!

هسع كل سنة وانت طيب نقولها ليك كيف؟

[المليجي]

المشاركة الأصلية كتبت بواسطة حافظ حسين

التوفيق من رب العالمين يامليجي ....
مرات بوست واحد يلحقك أمات طه ... و مرات عشرة و يا زيد لا غزيت لا جيت..
كدي خلينا في المهم ..... المهم أثناء العنقريب و أنتو كأصحاب رجرجة ماشين وراها ... فجاءة كدا بوش الاب داير يتخافف (بمناسبة بوش الاب ... الحاج طبعاً بكرة اليمين و عشان كدا كان معترض علي عزومة بوش و ساركوزي ... وافق عليهم تحت إصراري أنا)... المهم ما علينا بوش جاء يتخافف و قال لساركوزي (صلي ... صلي)... داير ليه أجر ... أها أثناء الخفة دي وطا علي رجل ساركوزي الكان معوق أصلاً ... المهم ساركوزي فك كراع العنقريب و أدي ليك عدد واحد fuck لبوش... و ما كان من ابي الا أن صاح فيهم:
يا أخوانا الكلام الكلمة الكعبة دا منو؟
أوباما طبعاً ما لسانه ما حقه....
قال ليه دا بوش ... بالغلط؟
المهم الحاج قال ليه يا زول طيارتك الجيت بيها ترجعك يلا .... دا عزاء محترم

الفاتحه على روحك الافتراضية
وجنازتك الصلاة فيها غير جائز

[حافظ حسين]

المشاركة الأصلية كتبت بواسطة اشرف السر

اسمع يا صديغي المنتحر

لازم يكون انتحار مجيه.. ما زي انتحار الزول دا


اها اولا تدشن كتابك الجديد
تدينا فرصة نلم الاشارات في ثنايا نصوصك عشان نتفلهم ونقول كيت وكيت



بعدين فوت الفرصة ياخ
السنة الجديدة خشت

يا زول ما في أي إشارات و لو داير تحسب لي حسنات طيارتك قامت ... أنت تقول العين شافته بس... حكاية الحسنات دي ... عندنا زول في البلد إنترم ... أها في المقابر في زول من ناس الحلة المساكين الربنا بخلقهم عشان يتم بيهم جمال اللوحة الكونية ... عمك المسكين الناس في عز الحفر و كان القبر اجارك الله أرض بادوبة ... قام عمك المسكين دا قال (و الله المرحوم دا كان صعلوك خلاص)... انا ما عرف الحصل شنو نسيت فكرة الموت و لا هيبته ما عارف باعلي صوت فقعتها ضحكة .... ضحكة كانت نشاااااااااااااااذ
أخوي أحرج قال لي يا خي دا عرفناه متخلف إنت مالك؟

[حافظ حسين]

المشاركة الأصلية كتبت بواسطة اشرف السر

رايك شنو أضيف إيزابيل الليندي
كرداحة في الجنازة
بحسبان الكلام القريتو ليها في رواية "باولا"
الزولة دي بتاعت بكا ونخجي جد

لا إيزابيلا الليندي دي خاتينه مشرفة علي الملاحات يا أشرف