ام درمان ليست مدينة ....
تمهيد قسري:
شقيقي ( لم تلده امي ) عادل ابن عمي مختار عباس ود الشول ( احد ظرفاء امدرمان- رحمه الله- والذي ساعود ايه لاحقا ان شاء الله)جابولو صبي بعد ان ظن ان زهرة حياته قد ذبلت . فانتابتني له فرحة ثلاثية القوة مدارج مدرج اول من دخل دار ابي سفيان فهو آمن مدرج مغاير من تقمصته امدرمان فهو عاشق مدرج في مطب هوائي: ظباء مكة صيدهن حرام ظباء امدر صيدهن محال ... الا لمن ملك مفاتيح الاسرار وندخل امدرمان .. حالة تصل الى اقصاها كما في حالة شيخنا الجليل رحمه الله العارف بالله الشيخ قريب الله حينما استدعا في هزيع من الليل قيثارة ذلك الزمن كرومة ، وطلب منه ان يغني ما كان يغنيه في بيت اللعبة المجاور.. اضطرب كرومة وتلجلج وترجرج وماج ثم صدح ( ياليل ابقى لي شاهد على نار شوقي وجنوني) فخر شيخنا مغشيا عليه وشتان ما بين ليلين وعالمين بينهما ولدت حالة امدرمان تنتشي فتقارب الزندقة وتطرب فترقى لمصاف السمو وملائكية الارواح ونوااصل |
الحبيب أبو الزهرات ... اقتباس:
وهذى اقتباس:
وسأبقى بانتظار عودتك لهذه الأخيرة على أحر من الجمر... ( احد ظرفاء امدرمان- رحمه الله- والذي ساعود ايه لاحقا ان شاء الله).. مودتي التي تعرف... |
الله الله الله يادوك ،،،،،،،،،،،،،،،،،
ام در بحرا مدّيرو قاسي وحنين ،،، واصل ياوريف وبجيك صادّي ،، |
[align=center]مالك علينا يا ود حسن
ربع قرن لم يبقي لنا من وتر مشدود يشدنا ويغرقنا حنين للمليون غير هذه البقعه المباركة التي أهلها بالأنصار يتشبهون آآآآآآآآآآآخ[/align] |
اقتباس:
يا ظبي الخلا الجفال ولثل هذي الظباء يشد الرحال مودتى دونما اضافة |
اقتباس:
مودتي يا حلو |
اقتباس:
الطوخي الزيات محمد برعي المصري مكتبةالحرية الطيب سيد مكي داموك عصابة الضبة امدرمان الاميرية الاهليات المؤتمر ترعة الحبيب ووو لك حبي |
اقتباس:
صدقت والله يا دكتور .. أم درمان ليست مدينة وحسب .. أمدرمان حالة أنت أجمل من عبر عنها ... جميل شديد والله وربنا يخلى لأمدر رجالها .. وجلالها .. وجما لها .. مودتى للجميع ... |
اقتباس:
جيتك تب ..... وكم يسعدني ان ننظر هنا الى الحبيبة أم در من منظور جيلين مختلفين ،، لنا فيها أيام والله لاتنسى ان نسينا مانسينا .. اقتباس:
الجان برمبل جورج مشرقي الوطنية ابو عنجة الهادي الضلالي ابكر ظروف شيخ الفاتح ووووووووو وبرضو بجي تاني... |
دكتور محمد حسن و ضيوفه
إسترقت البصر و السمع لهذا البوست فوجدت ما شدني أحب من يحب مكان صباه و أجمل ذكرياته و لكن.... هل هذه نوستالجيا لأم در زماااااان؟ لأنني عرفت من أهلها القدامي (و لست من اهلها) إنها لم تعد أم در التي يعرفون نرجع للقائمة... (و برضو قوائم):) ) اقتباس:
اقتباس:
نسيتوا شخصية مهمة يذكرها كل أهل أم در لم أعرف بوجودها إلا من عالم النت السُكِّي...يا سيد السمك كما قال عصمت العالم |
كل الود يا دكتور ، انت ذكرتنى النكتة بتاعت ابو داود :-
مرة كان بغني وجاء واحد سكران حتى النخاع وقال لأبو دأود والله رجعتنى عشرين سنة لوراء في الفاصل التاني برضو مشى لابو دأود وقال ليهو والله رجعتني عشرين سنة لوراء أبوداؤد وقف الغنا وقال ليهو انت عمرك كم؟ الراجل قال ليهو عمري خمسن سنة ! أ بــــــو داؤد قال ليهو اغنى ليك فاصل تاني وترجع...................... ؟ هسع انت لو عملت الفا صل التالت بتاع البوست ده نحن حنقضى اليوم بكاء وحسرة على المشى وما بيرجع ؟ اضيف الى القائمة: عبد الله محمد زين الفاضل أب أحمد ود عمسيب السلاح الطبي كبس الجبة عبدالله عشري الصديق بين بتاع الباسطة ابراهيم عبدالجليل كروان السودان عبد الدافع عثمان ومرت الايام مصطفي الجاك بخيت والنشرة بالانجليزي [font=Times New Roman] استاذ بعشر استاذ بشير كشيب استاذ جناح وكرفt] [] الاخت حـــــــــنينـــــــــــة قطعت قــــــــول كل خطيب ( السكى سيد السمك)[] |
اقتباس:
نعم لم تعد أمدرمان كما كانت ولا يغالط في ذلك الا مغالط ، ولكنها أم درمان !!!! تبقى أم السحر ،،، لاسبيل لها لتهرم أو يصيبها القعود ،،، ماعادت كما كانت نعم ،، وماالذي بقي كما كان ؟! ولكنها تبقى تبرا مضيئا وعهدا قديما ،، تبقى أم در....... |
اقتباس:
ومودتي |
اقتباس:
وصادق مودتي |
اقتباس:
بخيتة الخلاء .... لي ناس ودنوباوي موسي نفخو ... ؛؛؛؛؛؛؛؛؛؛؛؛؛؛؛؛؛؛ تمر أبونا .... لي ناس العرضة جامسكا ... الثورة وقبلها السوق الجديد ولمبة لاسلكي امدرمان الحمرة دي ركبها عمك دفع الله عبد العزيز شقيق الشاعر سيد ولاعب الهلال يوسف عمك أب شيبه بص ودنوباوي .. الدومة الهجرة وودرشوان وعلي الجلة ومجدي ووووووووو حليل امدر وحليل ناسها |
اقتباس:
كثيرون لا يعلمون ماوراء هذه الاسماء الطيب سمسم ويا حاجة ما تقولي كاروشة زقاق ناس زيدان استوديو ابوصلاح مطعم الرياضيين لابوشنب ، والغريب كان لو الهلال غلب تجي الجماهير وتكسر العدة وهي تهتف ( هلالنا غلب يا ابوشنب) ولو المريخ غلب برضو نفس الحكاية ويهتفوا ( مريخنا غلب يا ابو شنب) ومسكين ابوشنب |
قربت بعض الدم
احرقت ابخرتي .. كان نسك الروح لامدرمان بعض ما تدين به نبضات العشق وكل ما في القلب يفوح عبق امسية الريفيرا وشتاء الموردة هكذا كانت انثي تقرب الضفاف بشهوة الترقي لمصاف السمو تحتضن رفعة تلاقي الوهج بومضات الحسان لم تكن امدرمان غير مدينة سمت في اعالي الرحيق ... تركت اقمصتها في عراء الروح وشرت ثوبها في انسانها الرائع فكانت قمة الوطن .. مسوح لعشق ثائر ..وجموح سادر في الشجن وحزن المغنين الانيق .. هكذا هي عاصمة انثي ..تقبل بنيها بشروق فريد ... ونبل لا ينتهي ... |
اقتباس:
|
سعيد الصديق من ابناء النيل الابيض ، ريفي كوستي وتديدا قرية الملاحة ، يعشق الكونكان والهلال
سكن امدرمان في احد احيائها العريقةن يعمل عسكري مرور، في احد الايام ، وكانت فيه مبارة بين الهلال والمريخ ، وقع في يده جاد الله لاعب المريخمخالفا ، استعمل كل مافي جعتهمن قانون، اودعه الحبس او التوقيف او السجن سمها ماشئت وتقاطرت وفود الواساطات لاطلاق سراح اللاعب والزمن يمضي الى ان جاءت رتبة عاليةوتعهد لسعيد الصديق بانه بنفسه سيعيده اليه بعد المبارة ، وانتهت المبارة بانتصار المريخ على الهلال 4/2 احرز منها جاد الله هدفين، ويقاللا والعهدة على الراوي ان القبطان حاج حسن عثمان اعطى جاد الله عشرة جنيهات فما كان من جادالله الا ان قال له ( امشي افكها) برعي احمد البشير ( القانون كما يحلو لعشاقه) وهو في عز نجوميته ، اراد احد الاعلاميين ان يتقرب اليه او لغرض ما في نفسه - وكان كمال عبدالجليل ( سينا) رحمه الله في بداية ظهور نجوميته- قال لبرعي ممنيا نفسه بخبطة صحغية - سينا يقول انه العب منك ، فرد عليه برعي ( يا اخي العب مني ، انت مالك) ولم يكن يدري الصحفي ان بين برعي وسينا علاقة جميلة وصداقة قوية صديقي عادل مختار ، سئل مرة عن قبيلته فقال ( مريخابي) لا يحلو له الحديث في الكرة الا ان يناكفني انتصر الهلال على المريخ بهدف احرزه اللاعب الفنان الريح مصطفى اثر دربكة امام المرمى جاءني عادل اليوم الثاني وقبل ان يصلني قال لي صائحا: انتصر الهلال على المريخ واحد صفر احرزه اللاعب ( كبسيبة) ونواصل |
كم مرة
تنتقي التذكار وتمر حول امدرمان لتلتقي ريحانة العشق الجميل كم مرة تحتالك الشمس الوضوح ترنماً بك في الصباح وتضج اشرعة الهوي ها ارتحالك في ازقة الحي القديم كامتداد بيت المال وعراقة ابوروف قد كنت منك مدينتي ولا زال فيك بريقها وشعرها .. وقصص الجمال كن قلعة الحب الجميل فبغير وجهها لا جلال ولا استفاقة تمنح مأثر العشاق رونقها الزلال |
| الساعة الآن 07:01 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.