دمج منتدى سودانيات دوت نت في دوت أورغ
إذا دخلت دوت نت حتلاحظ العنوان فوق اتغير لي دوت أورغ
الإنت فيه دة منتدى ثالث نسخت فيه بيانات المنتديين دوت نت ودوت أورغ يعني لو في أي حاجة ما ظبطت خليك مطمئن العدة القديمة كلها قاعدة بي حالها ما هبشناها أكيد حتظهر مشاكل كتيرة من بينها الوجوه التعبيرية الهسة شايفة صور مكسرة قدامي، لكن دي كلها حاجات ملحوقة. نحن ياداب نزلنا دفارات العفش من البيتين القدام للبيت الجديد، راجينا تركيب دواليب وستائر وحاجات كتيرة كدة المهم عندي الآن مفاتيحكم! بتقدروا تدخلوا عندنا هنا ولا لأ لو عندك مشكلة في بيانات الدخول اعمل استرجاع كلمة مرور من هنا http://www.sudanyat.org/vb/login.php?do=lostpw ولو ما ظبطت اتواصل مع عكود على الايميل [email protected] أنا شغال في الموضوع دة من أمس العصر لحدي الآن صباح السبت وهسة شايف قدامي طشاش طشاش :smile: الدفارات الجابت العفش مخليهن في مكانهن لحدي بعدين المساء يا لقيت الشغلة نجحت وحاسبنا السواقين، يا رجعنا عفشنا محل كان |
سلام يا عبد السلام وكل سنة وإنت طيب،
ألف شكر على مجهوداتك الجبارة ووقتك المبذول دائماً في التطوير الفني لسودانيات، فأنت الجندي المجهول الذي يعمل بصمت دون منِ ولا أذى ولا "شو" في تسيير النواحي الفنية وتذليل عقباتها متى ما كانت الحوجة لذلك، حتى قبل أن نطلب. دمج المنتديين كان حلماً يراود جل أعضاء وقراء سودانيات، وها قد تحقق، بفضل الله، على يديك. الشكر لك مرة أخرى والله يديك العافية يا ملك. اقتباس:
00971505615109 أرجو عند طلب بيانات الدخول أو إسترجاع الباسويرد، ذكر إسم الدخول أو/و عنوان الإيميل كما هما مسجلين في سودانيات دوت أورغ حتى يمكنني الوصول إلى معلوماتك بسهولة ويسر. تحياتي للجميع وألف مبروك دمج المنتديين. |
يا ريت يكون
|
يا سلام
التحية لك وللريس هكذا العمل فى صمت ، دايرين احتفال كبير بعد ان تعلنوا لينا انو المكيفات اشتغلت والديكور اكتمل ، :D شكرا عبد السلام شكرا عكود |
شكرا عكود
شكرا عبد السلام شكرا الطاقم الفني على هذا المجهود الكبير و المقدر |
سؤال
في طريقة ترجع الصور القديمة |
عودا حميدا عبد السلام
شكرا لكنا مثنى وثلاث |
تسلموا كتير يا حلوين
شكلو الأمور مشت كويس خلاص حاسبنا بتاعين الدفارات وقلنا ليهم الله لا حوجنا ليكم تاني يا معتصم كلو موجود في الحفظ والصون بس وريني الصور كانت قاعدة وين وفي ياتو برنامج ولا موقع وإن شاء الله نجيبها |
اقتباس:
|
أجمل خبر لي في ٢٠٢١
ألف مبروك وللأمام لازم نعمل حملة كبرى لارجاع العضوية قرفنا من فيسبوك وتويتر سودانيات هي الأصل وهي البيت الكبير |
تحياتي ومبروك الدمج مشكورين عندي الموضوع ده: ودعناكم ألله ... وداعاً جميلاً يليق بك أخي الحبيب قرقاش. وعنوانه: http://sudanyat.org/vb/showthread.php?t=27601 طشه وأصبح يجيب: مسابقة خالد الحاج للشعر العامي 13-14 وكذلك هناك عدة مواضيع طشت منها هذا العنوان: http://sudanyat.org/vb/showthread.php?t=31085 وكذلك هذا العنوان: http://sudanyat.org/vb/showthread.php?t=30301 |
وعليكم السلام أبو جعفر
لسة موضوع الفهرسة دة بحتاج شوية زمن لأنه دي سنوات كتيرة شديد ومحتاجين برضو نعيد الفهرسة على قوقل العافية درجات لكن كل المواضيع موجودة .. وريني بس عنوان الموضوع وانا بديك رابطه الجديد http://sudanyat.org/vb/showthread.php?t=59106 |
اقتباس:
تحياتي عبد السلام وكل سنة وأنت والأسرة بألف خير وشكراً جميلاً على سرعة الاستجابة. عندي موضوعات أجترها كلما هجم الحنين لسودانيات ... ولكن على أقل من مهلك فالمنتدى أولي بوقتك الثمين: 1- محمود محمد طه .. دراسة موضوعية (مفترع دوت أورغ موجود ولكن مفترع دوت نت طش) 2- أجمل البلاد التي لم تزرها وأجمل من أحببت من لم تتزوجها. 3- بعيداً عن السياسة في دنيا المتطرفين ليلة الرياض جدة ملحوظة معظم الموضوعات التي طشت كانت في دوت نت. يديك العافية ما قصرت وما بتقصر يا ملك. |
http://sudanyat.org/vb/showthread.php?t=61774
http://sudanyat.org/vb/showthread.php?t=62555 أما بوست الأستاذ فحاول انقل من هنا لحدي ما نلقى ليه دبارة |
الشكر كله و التقدير للأخ عبدالسلام!
|
اقتباس:
مشكور كتير ... يديك العافية ما قصرته يا ملك |
تحياتى أستاذ عبد السلام
وكتر خيرك على هذا العمل الكبير كل من ذاق حلاوة سودانيات لديه هاجس أو أمنية أو رغبة فى عودة سودانيات المذهلة باهرة الجمال بلد العجائب والواحة الوريفة . حاولت الدخول لبوستاتى القديمة فوجدت مكانها أخرى كما ذكر أستاذ أبو جعفر وبعد عدة محاولات جاءتنى رسالة تنبيه فتوقفت عن المحاولة ده جزء من البوستات يا أستاذى الجميل 1- عاشق جميل لوطن جميل/ مكي حسن أبو قرجة 2- أيام الجوع فى أثينا 3- فى ذكرى رحيل شاعر الشعب محجوب شريف 4- حكايتى مع عطبرة المدينة السامقة الصيت . . الباسقة المعانى 5- الغريب . . الحكيم . . الوافد فى كرة القدم السودانية 6 - أزمنة الريح والقلق والحرية - السيرة الذاتية لدكتور حيدر إبراهيم على 7 - الأرض المشتركة بين الصوفية والثورة 8 - The Age Of Adaline 9 - عن الكتابة والكتاب والنشر 10 - فيلم Hereafter 12 - ما يشبه السيرة الذاتية . . أكيرا كوروساوا 13 -رحيل ود الحلة الكبير . .رحيل بروف بابكر محمد بدرى 14 - تحية للمنتدى ومبدعيه 15 - حلاوة الدنيا 16- بطل لكل العصور . . د الفاتح على الحسن 17 - تساؤلات جمال الغيطانى فى نثار المحو 18 - تكريم الموسيقار بشير عباس 19- مصطفى سيد أحمد وطلال دفع الله |
البوستات موجودة فى منتدى الحوار
لكن غير موجودة ضمن قائمة ( التى كتبتها ) فى الملف الشخصى |
سدد الله خطاكم
ودا الشغل |
الحبوب عبد السلام
تحية و احتراما عندي ملاحظة بسيطة مثلاً في البوست الحالي ده لما تفتح الصفحة التانية ، بتلقي معظم المداخلات الفي الصفحة الأولي مكررة في الصفحة التانية |
اخ / عبدالسلام ...
السلام ... هذا الموضوع بحثت عنه ولم أجده ... المهرج عبدالله عبدالسلام (الطويل ) وحب الأذية وسب الدهر . [الأرشيف ... قلت اعزئ فرقة فضيل في وفاة بدرالدين بساطي (البلولة ) ... فلم اجده |
وعليكم السلام جميعاً وآسفين على تأخير الرد
مشغوليات شديدة خلاص .. حقكم علينا كدي راجعوا الاحصائيات تاني .. بإذن الله تلقوا بوستاتكم |
اقتباس:
دي غالباً مشكلة في المتصفح بتاعك حاول امسح تاريخ التصفح بتلقاها زالت إن شاء الله |
شكرا للمجهود،
دمتم.. ... الصور ما بتظهر خالص.. |
اقتباس:
ياريت ياخى عودة العضوية الأحياء منهم ورحم الله من غادر الدنيا. |
اقتباس:
ياتو صور؟ أنا غايتو شايف الأمورة بتاعتك دي عادي ربنا يحفظها |
403
Forbidden Access to this resource on the server is denied! عندما احاول الرد في بوستاتي .. تأتيني هذه الرسالة ؟؟؟ مثال : كتب وكتابات في العلاقات السودانية المصرية - مصر والسودان - وفهم النخب المصرية علي الرابط |
اقتباس:
الرابط الختيتو دة رابط الرد على الموضوع ما رابط الموضوع عشان كدة بتطلب تسجيل الدخول رابط الموضوع هنا https://sudanyat.org/vb/showthread.php?t=62706 بتقدر تدخله عادي |
اقتباس:
أشكرك يا باشا |
اقتباس:
دا محمد هسا بقا كبير ههههههه ..... لا اقصدي صور في بوستات في خاص للاعضاء |
| الساعة الآن 01:02 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.