تنبيك عن سؤالك أشواقي..أسألو..!
[align=center]مقاطع من الضؤ تتسلل لتنقلنا كم سنة ضوئية
لزمن جميل...و يبقى السؤال حائر بالامارة و ما اصعب الاجابة عندما تكون حزمة من الاشواق معطونة بحنين السنين.....!!! فهل تستطيع القلوب الاحتمال..؟؟ و برضو اسأل قلبك عن حالى اسالو...!!!! و سؤال اجبارى فى زمن ماشى و زمن جاى و زمن لسه...! و لا ينقطع العشم مهما كانت حراره الاشتعاال و الاحتراق فى الوصول للاجابه لتبقى حفرة الهم تنتظر الخروج من باب الدخول لتتشابك المعاانى مع الاماانى و يظل بااب الامل مفتوحا و نحن نبحث عن قطرات من الندى تطفئ بها حراارة الشجن فى زمن اصبحت فيه مسااحاات الممكن المتاح اشبه بالمستحيل.. و غفوه مع صوت الرائع وردى الذى براهو بيجيب...[/align] [align=center] [media]http://sudaniyat.net/wadosman/uploading/assal_gulbak.wma[/media][/align] [align=center]كدا اسأل قلبك عن حالي..أسألو تنبيك عن سؤالك اشواقي..اسألو كدا اسأل عيونك يا أجمل حبيب واسأل لي خدودك براها بتجيب في عيونك حياتي في حسنك بغيب قلبي الحباك .. اسألو ما حب سواك .. أسألو ما عاش لولاك .. اسألو طول عمرو فداك .. اسألو تنبيك عن سؤالك اشواقي..أسألو في حبك متيم والشوق ليك رسول من قلبي بيطير ما بخشى العذول وحولك يا حبيبي بيطوف ليك يزور عن آمالي .. أسألو عن أحلامي .. اسألو عن آلامي .. اسألو تنبيك عن سؤالك اشواقي..اسألو أنا عايش عشانك يا أملي الوحيد لو ما كان غرامك ما كان صابني ريد ما فجرت لحني وما غنيت نشيد أنا عابد جمالك ولي فنك بجيد عنك وعني .. اسألو طورك ولحني .. اسألو حسنك وفني .. اسألو تنبيك عن سؤالك أشواقي..أسألو أنا ضقت السعادة وفارقني الندم قبلك كنت تايه حياتي عدم سلواي كان دموعي وسميري الألم لكين اليوم ياحبيبي دنياي ابتسم هل ربيعي .. اسألو قدت شوعي .. اسألو راحو دموعي .. اسألو تنبيك عن سؤالك أشواقي... اسالو ــــــــــــــــــــــــــــــ[/align] |
ود عثمان
تأتينا (تشع) موسقة وتضوع عطرا ياحبيب... كم يأسرني ياود عثمان صوت وردينا هذا بصفائه (القديم) ذاك!... فهذه الماتعة ...كم دغدغت فينا مواطنا للعشق والهيام ياصاحب! انه لحن لا تتبدى (تمام) حلاوته الاّ للذي عاش ردحا من عمره في مناطق السكوت والمحس حيث نشأ وردي وترعرع!! فوردي بلحنه هذا قد البس كلمات راحلنا الجميل اسماعيل حسن لباس حسن لا يدانيه الاّ وصف ذاك الشاعر الذي قال (وأمواه تصل بها حصاها صليل الحلي في ايدي الغواني)! لكن... ليت وردي (يومها) استجاب لاسماعيل حسن فأبدل مستفتحها الى (كَدِي) بدلا عن (كِدَة) التي غيرت كثيرا من مرادات الأيحاء ومآلات السؤال... مودتي ياصديقي |
اقتباس:
تحيّة طيّبة وشُكر على التّقديم لهذا العمل الجّميل ( طُهرك ) وليس طورك تحاياي [/align] |
اقتباس:
والله فعلا صوت وردى زمان صوت غير صوت رويان بموية النيل و معطون بريحة الشمال الاصيل.. مافى شك شكل ثنائية رهيبة مع الراحل اسماعيل حسن افرزت الكتير من الاعمال الجميلة و لعلها هذه الاغنية كانت من بدايتهم سويا و وردى استطاع ان يلحن المفردة الشايقية و يغنيها بطلاقة فى اغنيتى الله لبلى و اغنية وا اسفاى و لربما طبيعة اللحن فى هذه الاغنية كانت غبرة مساعدة لتحويل كدا الى كدى...و الله اعلم تسلم يا حبيب..و شكرا للمداخلة الثرة[/align] |
اقتباس:
يديك العاافية..[/align] |
الفنان الانغام الباشمهندس ود عثمان... اصبتنا بهوس الادمان المريح..فاصبحت اروحنا تشرأب وتشب على ميقات صباح. مدوزن بروائع الالحان وبديع الانغام.ورفقة خيالات الاحلام فى نهج راقى ومتفتح.. وهذه غاية الامال.. وانت تدرى بهمس المواجع حين تستجيب الظروف.. كدى اسال لى عيونك يا اجمل حبيب.. واسالى لى خدودك.براها بتجيب.. ود عثمان الفنان.. هذه التشكيله ..فيهااجرالمساسقه العشق.ما بين بريق العيون واثيل الخدود... ومجمل كل ذلك هو عمق التدله فى الريده والحب..فى اوصاف فيها التوافق والبراءه والعفويه.. والشاعر المبدع اسماعيل حسن يجيد غزل الكلام ... الشاهد يا صديقى الفنان... فى خميلة الاختيار البديع...توافق كل الشروط..وقوة سطوة ابداع الاختيار... وكما اسلفت عدة مرات هذه المنحه ربانيه خالصه لانها فن دقيق وحاذق.لا يتأتى لكل الناس.بل هو هبة ربانيه خالصه فيها حساسية الاستشعار.. وبلوغ منتهى الغايات.واحساس الدفق ..والهام الاختيار... ونحن سعداء كما اسلفت اننا نقتسم معكم عمر زمان واحد.وانت تمنحنا كل هذه القدر من الجمال والمعانى والالهام..فى ظروف عالم جريح ينزف.. وانت تعبر بنا حواجز الزمن لتعيدنا الى صدىء كل ذلك الزمن الجميل..غنائه وكلماته ومبدعيه.والهامه.. لذا نحن اسلمنا لك مقاليد امزجتنا.واحساس دواخلنا..ومحاور طربنا.. وانت الحادى.. لفيالق ركابنا.. نتزود منك بكل إشراق وضىء.. وانت تمنحنا النور والنوار.. الفنان الباشمهندس... صوت وردى ..وعفوية الكللمات,,زخم اللحن..وصدىء الذكرى.. اجيال .وامال.وتمدد لا يحتسب ابدا بقوه او زمن.او شعور.. ايها الحادى الراوى الفنان.. نحن دائما على اعتاب افق من توقعات الاختيار.. امضى بنا.. واجلى ركام ما علق فى وجداننا من صدأ وخبوب.. وكما قال الشاعر ابراهيم عوض نشير.. متعت عينى.وسبحت فى الاحلام.. وسننتظرك مثل اشراقات الفجر فى إصطباح مفعم بالامال والاجيال..والجمال لك ذرى المنى .. ايها الرائع النبيل.. |
اقتباس:
لك التحايا اخ عصمت و انت تعطر ساحاتنا بهذه الحروف الملونه و الكلااام الشفيف... و ناسف جدا على الرد المتاخر كمين يوم او شهر... تسلم.. |
شوف مرت كم سنه....!!!:rolleyes: تنشيط للذاكره...و تنشيط للاغنيه و صوت وردى المسحوووور [rams]http://up.nilelove.org/uploads/1365831106.mp3[/rams] لينك للحفظ و الاستمااع |
| الساعة الآن 11:07 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.