الطيب بشير بين عود الطلح .. الخُمرة ومديدة الحلبة
.
. . [align=justify]أعجبني نشاط أبو بشير، الملحوظ جدّاً، في الفترة الأخيرة، ورغم أني كنت مسجّل غياب لكني كنت أتابع من حين لآخر ما يكتب في سودانيات. وبما أن الطيب من الأقلام الما بفوّت كتابتها، بالإضافة لآخرين، كان حرصي كبيراً على قراءة كل بوستاته .. وهنا أود التعليق بالجملة. بداية من عود الطلح والقشرة أم قميصاً بمبي وتلميحاته لفوائد السونا المعطّرة وطبقة البوخة، وللأمانة لم يكن وحده من أشاد بطبقة البوخة فقد شاركه في الهوى الباشمهندس ود الطاهر الذي أسهب في الفوائد وأبدى حرصه الشديد على أعواد الطلح ووجوب عدم مزابنة أكتر من بائع واحد، ، غير أنهما لم يفصحا عن حكم البوخة بالنسبة للرجال. بعدها عرّج الطيّب للإطراء الشديد بالخُمرة (هنا وجب تشكيل الخُمْرَة لئلا يقود الأمر لمحاكم العدالة الناجزة) وتجربة التعطّر بها في المكاتب، مما لفت نظر الجنس الناعم، بعد أن تكرّفْنَها، وأثارت بينهنّ كثير من تأويلات تخلو من البراءة، وكانت مصدر شمار مغربل في ذلك اليوم على "جنابو الجايي المكتب بي كًبْرَتو" لم يكن الطيّب وحده من أطنب في تعداد فضائل التعطّر بالخُمْرة، شاركه نديم الطلح ود الطاهر، حتى ذكر أنّه قد قدّمها وبسخاء لزميلة :rolleyes: هولندية، وانضمّ خالد الحاج إلى الأجواء المعطّرة (بعد أن لقاها خربانة من كبارها)، وقد أجاد في وصف طرق تحضيرها ولا أجدع خبير، بيد أنه لم يذكر رأيه في فوائد البوخة. ثمّ جاء دور مديدة الحلبة، ويبدو أن ذلك جاء من تأثير تواجد الحكومة المركزية مع الحكومة المحلية، فعدّد الطيب وأسهب في فضلها كما ذكر أنه يُندب للرجال تناولها على انفراد (يفضّل ليلاً في وقت المسلسل مع إطفاء النور) وغسل الماعون بعدها مباشرة، كما يجب الإبتعاد عن جميع أنواع الموازين (حتى ميزان الجزارة) طوال مدّة تناولها والتي غالباً ما تمتد إلى 40 يوماً، لكنه لم يذكر لنا متعة لحس حلّتها وهي ساخنة، خاصة إن كان قعر الحلّة ماسك شوية (درجة اللون البني وليس الأسود - تتساوى هنا مع حلّة الكسترد). هنا تدخّل أبوجهينة وأفرد مداخلة كاربة، كشأنه دائماً، وقلّل من أهمية ريحة الحلبة التي تأتي مع العرق، وأقسم بأغلظ الإيمان بأنها مش لو خرجت مع العرق، ما هو مخلّيها حتى لو تدشر بأنفه وعينيه وأذنيه. دحين يا الطيب أخوي، أقبل البوست ده كمشاركة بالجملة في بوستاتك المذكورة وحأجيك في باقيها، عكــود[/align] |
اقتباس:
|
اقتباس:
اقتباس:
فنادته ست الأنداية ..( السنجك .. الحساب ..) و كررت ( ها السنجك ما دفعت حق العبارين) و لاحياة للشايقى .. ولما وصل الباب وعرفت أنه لن يدفع .. صرخت فيه ( ربنا ياخد لى حق مريستى منك يوم القيامة ) فرد عليها السنج ( أها كان مرةً بالصح يوم القيامة جيبى اسم القشيرة دى فى خشمك) .. |
بعدين يا عكود الطيب دا بهلوس ساى ..
الأيام دى نايم فى الكنبة .. انت نابشو مالك ؟ |
المبدع الحبيب عكود
دي أول طلة عليكم ..... نقول باسم الله أول شئ : أنا لما أشوف عمتك دي مقلوزة فوق الراس وراقدة بارتياح وفي سلام وطمأنينة، أشعر –وأنا هنا في الغربة - بالزهو والفخر ، وكأن لسان حال العمة يقول : نحن ما فاكرين في زول .. لا في أمريكا ولا في أوروبا ولا في الصين. والعمائم – كما قالوا _ تيجان العرب، بالرغم من قولة ذلك (الجار) الجاهل الذي لا يعرف قيمة العمة وقدرها فقال: : (أول مرة أشوف زول شايل كفنو على راسو). العمائم ليست تيجان العرب فحسب، فهي أيضا من لبس الملائكة. جاء في الحديث عن الرسول صلى الله عليه وسلم : (إن الله عز وجل أمدني يوم بدر وحنين بملائكة يعتمون هذه العمة) . تاني شئ : انتشرت في العاصمة محلات (المدايد) بخلطات وتشكيلات مختلفة، بل أن الحكاية انتقلت للخارج، فتجد في حي بني مالك بجدة، محلا للمديدة، يأتيه السودانيون من اطراف جدة (الواحد فيهم) يجقم الكورية جقمة رجل واحد. أنا أمر على هذه الأماكن مرور الكرام ولم أجرب يوما. لكن يبدو أن عليّ أن أعيد النظر. فيا عكود كما ذكرت فان الطيب قد أطنب في مدح مديدة الحلبة وفوائدها، فهل يتطوع أختصاصي ليشرح لنا أعراضها الجانبية؟!؟ |
عكــــــــــــــــــــــــود
ياخي والله الف مرحب وحمد الله علي السلامه وكده نقدر نقول ..مشوار الفرح بداء من تاني جميل جدا ان تلم (شمل) مواضيع ود البشير في بوست واحد (ويشهد الله انا اول زول قراء الموضوع ده بس كنت مشغول بي شي تاني):D مرحبتين عكود ويلا ابقي شمس مابتغيب [align=center]http://www.sudaniyat.net/upload/uploading/3kood01.jpg[/align] اقتباس:
محمد صالح مافي سلام مافي اي شي :D اول حاجه انت القاعد يوديك بني مالك شنو ؟؟؟؟؟؟ كان بالمره تقول انا قاعد امشي محل (جونقل) بتاع عنيكش كمان :D محمد صالح حركات الجيش بتاعتك دي خليها .. يشهد الله تلقاك قاعد تمشي بني مالك وبتشرب المديده وبتمشي عنيكش (في شارع الستين) وبتشرب الببيعو الصوماليين فوق الشارع داك :D مو شايقي ؟؟؟ والله تلقاك بتسوي السبعه واخواتها :D يلا بطل حركات البوليس بتاعتك دي وابقي شمس مابتغيب حمدي اب جقادو |
العزيز أب جقادو
آكل جقاجق بني مالك وشارب مديدتها وشارب ما يباع قرب كبري الخشب في شارع الستين بعنيكش أنا قبل كم يوم قلت ليك جاييك جاييك .. بس أصبر لي شوية .. أنت ما صبرت أول حاجة أنا لا بعرف عنيكش ولا شارع الستين ولا كوبري الخشب ولا ما يبيعه الحبوش والصومال هناك، ولا أعرف ماذا يخرجون من (شنط عرباتهم) من قوارير مياه الصحة واكياس بلاستيكية. لكن عندي سؤال برئ .. هي بني مالك دي فيها شنو؟ يعني الواحد لو مشى الكرنتينة، وأكل شية وأشترى شريط من الاستريو حرام عليهو؟ تحياتي يا جقجق |
اقتباس:
و الله ليك وحشـة بالحـيل فقدتك، لكن جيتنا بالتقيل، الـلـتاريك متابع متابعة لصيقة :D Man 2 man ..أشـكر كلماتك الجميلة أعلاه، و الأجمل منها مـما لم أقتبسـه و الأكثر روعـة مـما ادخرناه لحواراتنا القادمة.. ربطك بين الطلح و الخـومرة و الحلبة يـدل على ـ عمـق ـ أديب.. أو بالأحرى ـ غتاتة ـ شايقي، لأن الموضوع متصل/منفصل و المعنى واضح أو كما قال البروف عبدالله الطيب :D . لكن شـوف زول زي معتصـم الطاهـر قال شـنو :mad: : اقتباس:
و تصريحات سلفاكير و فوز حماس و غرق المصريين و ختام الـfoot ball الأمريكي و يركز على كـنـبـة الإحتياطي :( ؟ الباشـحاقد دة نعمل فيهـو شـنو :confused: ؟ ما خاتي عليهو خالد الحاج كان كشـف للناس طيبتو :eek: أها .. من ناحية أخرى صورة سـت أبوها سمحة بالحـيل و محمد ما شاء الله راجل طـب، عيني باردة، أقر الله بهم أعين والديهم و حفظهم بما يحفظ عباده الصالحين.. |
ود الطاهر،
ياخوي أنا سيرة القشيرة بقدر عليها .. وما داير أقول ليك زي ما قال بائع الطلح لصاحبك أزهري، أما نوم ابو الطيب على الكنبة ففيه عدّة فوائد:-. - التظاهر بالمسكنة أمام النسيبة (ده انا غلباااان). - تأمين نوع من ال Privacy وذلك ما تتطلّبه تماماُ طبيعة غاراته الليلية على مستودعات المديدة. - الإبتعاد عن مرامي بكيات موحــى (الإسم عاجبني شديد) الليلية. - تجديد الأشواق بإتباع نظام "التعطيش" المفروض عليه. والقائمة تطول، عكــود |
الحبيب محمد صالح،
مرحب بيك وحبابك ألف في ديار سودانيات الإلفة والمحبّة، فقد أحببنا قلمك الذي سبقك إليها، ولك الشكر أجزله على إطرائك العمامة وقلوزتها .. اقتباس:
ومن هنا وراسك عدييييل على حي بني مالك، بس أختى شارع الستين وعنيكش، عكــود[/align] |
عاد يا عكود يا أخوي فوائد البوخة بيشرحوها يا الغبيان ;)
ما بتلقالك زول يفشك فيها دي. :D :D أما حكاية خبير الريحة دي فغايتو طلعت أشهم من رفيقيك رفقاء السوء طلعوني أي كلام ... :( :( |
ومنكم نستفيد..
حمدا لله علي السلامة يا عكود.. وبركة الجيت.. حميد.. |
الجميل حمدي،
لا يكتمل الفرح ولا نصاب المداخلات إلا بإشراق شمسك التي لا تغيب .. بس محمد صالح ده زولاً فقيــِّر وجنا فقراء، وهو متل .. شتلة في مساوي ضاربة ومن محاية أهل الله شاربة قايمة فوق موضع مبارك شمسو شارقة وماها غاربة دحين عنيكش دي ما بيعرف دريباتها، عكــود |
عكود يا قلم يا لذيذ
وكل المتداخلين خفيفي الظل سلام وأشواق كتيرات أها يعني فوق المعني كدي الحطب ده وكتين ما يشققوهو ناس الطيب وأبجقادو ونعمنو كدي يدوهو للحريم ويجيك ناطي عمكم عكود وخالكم خالد الحاج (ويتظكروا حفر الحفره ) علا بس هنوووك فوق بلاد الغربة المرة مااااااااااافي طريقة في شان يحفرولهم حفرة عند بلكونة الشقة ولا الفيلا ما عارف .. أها جابولهم إختراع جديد يعني فوق المعني كدي (حفرة دخان مودرن) أها وهاك يا توليعة الجن ، الحطب ووولع وهاك يا دخاخين التابه واليابه إنطلقت وغشتلك الجيران الخواويج ديل وبسراع تلفون منهم لي ناس المطافي (هلو ناس بتاع متافي ... هنا في هريقه في شقه بتاع سوداني كالد هااااج .... يس يس سوداني .. أوكي ) واتلمت كل الواطه ناس المطافي وناس البوليس البريطاني والأمن ومحكمة الأمن الدولي والتانيه (الما دولي) و حيث أيضا ذلك كذلك أنه المسعله كدي جااااااااااااااااطت .. مرق لهم خالد الحاج وقالهم : يا أخوانا الحاصل إنو المره دايره تتحنن ، هي بسم الله دايره تتدخن البوليس البريطاني: نو نو ده أمل إرهابي مستر كاااالد هاااااج سوداني نو نو .. خالد : والله العظيم يا أخوانا المسأله وما فيها إننا بنمارس مجرد عادة سودانيه سمممممممممحه .. البوليس البريطاني: نو نو إنت في لازم مهاكمه في قانون بريطانيا أها والحال فوق حالو قاملكم خالد الحاج ومرق جوالو وإتصل بي عمكم عكود في شان ينجده من هدي الخلوق وعمكم عكود ضرب لي الرول الحسكنيته زول النضم والمكنات الغلااااااد أبجقادو .. وقام كدي ابجقادو يناضم لكم في الإنجليز ، شئ بالتنكليزي وشئ بالدنقلاوي وشوية تشادي وبعضا من التكرنجه ولغة الأنقسنا وتماها ليهم غلاط وحبيبة جرايد ومكنات .. عليكم أمان الله خلالكم الخواجات ديل من دغشية اليوم التاني جايبنلكم حريمهم النايصات المايصات ديل لي شقة خالكم خالد الحاج وهاك يا طلبات .. بدوروا حريمهم يطبقن البوخه ..... أها خالكم خالد الحاج وفي شان ماهو فاضي والطلبات بقت كتيره عليه رأي فوق المنام إنو يسويلي تأشيرة دخول لي بريطانيا بي فيزة مدير شركة (يا الطابق البوخه كدي أخد لك جقيمة حلبه) ..... لكن الحساد ما كتاااااااااااااار بالحيل .. وحاتكم يا أهل الله عمكم الهو وين داك ما عارف عمكم أمين جاني ناطي لي فوق حلقومي وقال لي : هسي عليك الله وفوق زمتك دي شغله بشتغله راجل ؟؟ وهلا هلا قامت كدي الهاشمية شالتني ليك وقتلو أفو أنا أخوك يا فاطمه أخيرة المخيره خالد الحاج يشغلني في جنس تالا الشغلانة الــــــــ أفو .. وفففففت مرقت بي جلدي ... علا ناس الشمارات مو كتاااااااار إذ أنه ابجقادو قال لي وحاتك فيزتك سافر بيها امين الما عارف هو وين داك ودلوقت إتوسعت الشركة وبقي إسمها (يا الطابق البوخه كدي أخد لك جقيمة حلبه ونفس طوييييييييييييييل من أبو فيل) ــــــــــــــــــــــ أها أنا عاد كيف أسوي عاد يا معتصم وليد الطاهر ويا محمد صالح ويا حميد ويا ود بشير ؟؟ |
أبو البشير يا أنيق،
بوستاتك المذكورة كانت مثيرة للتبسّم والتكشّم والتكرّف .. قلمك أضاف نكهتك الحصرية الساخرة الخاصة .. كثرين/ات مسكوا الأقلام عن الإسترسال .. وعندما طالبك البعض بالإفصاح .. سكت أنت عن الكلام المباح .. ورميت الكورة في الملعب منتظراً الدردقة ولعب الباصات الحلوة، أما قولك: اقتباس:
وإلا كنت قد أتيت على ذكر الأكسسوارات المصاحبة من طقطقة اللبان والرقدة مع جعل راحة اليد تكّالة للخد المقابل حين يرتاح الكوع مغزوزاً في مخدّة قد ثُنيت أطرافها، هذا بخلاف "المساج" بخليط من مواد عطرية تُخلط ثمّ تُخبز ثمّ تُكوّر على شكل كرات يكون مفعولها كالسحر على ثلاثة حواس (البصر والشم واللمس). أما الباشحاقد، فرغم حقده الشديد نحترم فيه خبرته العريقة في المجال .. فهو كبيرنا ودليلنا في الأسواق ذات الصلة، تحياتي لبشير الكلس ولموحى والحكومتين،[/align]عكــود |
| الساعة الآن 09:48 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.