نظرتنا تجاه المرأة، هي تقريظ أم تنقيص
حتى في كلامنا ووصفنا
للرجل لمن تقول عنه أسد عظمته.. المرأة لمن تقول عنها لبوة أسئت لها.. كلها حيوانات مع أنه اللبوة أشد بؤسا عن الأسد وأكثر إخلاصا منه.. قول لي واحد إبن الكلب، بيفور ويندلق ويمكن تصل حد المضاربة قول ليهو: son of a pitch مشكلة لي رب السمآ ولا يسلم الشرف الرفيع.. يجي واحد يطلب يد بنية،، معقولة ومقبولة يلحق بنية حتى لو همسا تطلب يد واحد،، وووووووووب.. للرجل الزواج من الأجنبيات ويومها أسود من السكن لو حصل منها... ظلمناها وظلمواها لمن مسكينة تفتش ليها لي حقوق.. ما إحنا سلبناها حقوقها حتى البيتكلموا بإسم ديننا الحنيف، المساوة والعدل والمؤتمر كان وطني ولا معارض،،، منعوها وحرموها وجلدوها في خاطر بنطلون ورجموها بسبب إشتباه وعيييييييييك قدر لا يقدر وكم لا يقاس من المآسي.. ونجي نقول: حفاظ عليها نلبسها المكمكم ونظلطها بالحراية بالمخمخم في البيقولوا؛ صوتها عورة شكلها فتنة.. عارف أنه بوست ما مييز وحتى يمكن موضوع إنطرح من قبل،، لكن عندي سببي البيخليني أنكشه من جديد بالمناسبة الجديد بيكون شديد ويلآ أم التيمان، شديد لينا على الجديد goood |
في عيد أضحية قبل سنوات صلت دكتوره مريم الصادق في الصف الأمامي عند الطرف الأخير في لاين واحد مع الرجال
أباها الإمام هو صاحب الفتوي الرجال في الصفوف الخلفية غضوا البصر و تشوشت عليهم الصلاة والرجل بجانبها كان مشغولا بالعطر عن الصلاة والإمام الصادق يبتسم بظفر إرفعوا قدر المرأة فقط لا تشوشوا علينا صلاتنا ولا تشغلونا بالعطر يا بيكو سمحة المقدرة:D |
اقتباس:
الشيء شنو يعني انتوا الواحد مابيقدر يقيف بين يدي ربه وينسى الدنيا لمدة دقائق عشان في عطر شاغلو ياخ ياهي دي لكلكة ساي منكم |
اقتباس:
اها ماتجيب لينا الموضوع من اولو وتخلونا نناقشه:) |
اقتباس:
خليك عميق يا مرتضي المقبول ياخ |
اقتباس:
ليس تشكيكا في مصداقيتك يا أميري لكن لو السيناريو أعلاه تم تنفيذو بي نفس شكل المونتاج المدرج هنا يبقي حتهتز ثوابت كانت راسخة عندي جدا تجاه السيد الصادق لا أؤمن بأي حزب و لا أي طائفة في بلدي يا أميري و لست بصدد الدفاع عن الرجل و لكنني أكن لهذا الرجل كل التقدير و الإحترام رغم تحفظي علي كثير من المحطات في مشواره السياسي. |
اقتباس:
الحادثة مثبته وإن كنت لست متأكدا هل كانت صلاة أضحية أم صلاة مغرب في إفطار جماعي رمضاني المهم صلت معاهم تب:) |
الحبيب د. بابكر سلامات اولا اعجبني جدا دعوتك لام التيمان كيما تبدا وكنت في انتظار مداخلتها وبذلك يبدأ البوست بالشديد الجديد لكن العناتر دخلوا أولا أها يعملن شنو بنات طه |
اسمع يا عمك النكتة دي
قال لي دينكاوي كان بصلح الازيار وببيعها في يوم من الايام الجماعة لقوا اسعار الازيار بقت دبُل قاموا سالوهو (مالك يا جون غليت اسعار الازيار؟) رد عليهم (هو في تين؟) واستعيض من النكتة دي المقولة واحرفها قائلا (هو في مرأة؟) يا عمك حليل زمن النسوان لمن كانن يستاهلن النظرة علي الدين من الليلة وانت ما حتشوف مرأة زاتو الكتوف اتلاحقت (جندرة وكدة) حتشوف رجال ساااااااااااي ^_^ |
اقتباس:
|
اقتباس:
شكرا رشا |
اقتباس:
|
اقتباس:
|
اقتباس:
بالجنبه كده هي وكت متنكرة في زي (رجل) فما الداعي لإنشغال (أصحاب) أميري بسطوة ظهرها والله إلا يكونوا .... المهم أنا كويس إتي كيف؟ |
والله انا لم ينتابنى احساس يوما" بأن نظرة الرجل للمرأة عندنا دونية أو ورأها ما ورأها ,
من منا لا يحترم ويقدر ويكن من المودة لأمه واخته وزوجته وزميلته وجارته ووو, والشاذ شاذ ولا يقاس عليه ,من تسلط على امرأة ضعيفة شكك فى رجولته فى البدء وأظهر معايبه , ومن دعى المرأة الى التخفى والتسستر امر يعود الى بيئته وتنشئته اى ارتكز الى مرجعية ثقافة مجتمعية أكثر من أن نقول ان استند الى شرع وملة , وهذه امور تحث ولكن ليست سمة مجتمعية ... هل مكانة المرأة لن تتأتى الا بالمواقف الشاذة والافعال الغريبة , ... من يحترم المراة يحترمها بكينونتها التى عرفت بها ولن يذيدها وقوفها فى الصفوف الأمامية من تقدم فى مسيرتها غير ما تسيره من جدل عقيم مثل هذه القضايا |
| الساعة الآن 09:01 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.