الحل شنو
قبل سنين طويلة يا جماعة كنا شوية كده صغار ... زمن الكورة والدافوري في شوارع الحلة
كان في شاب وسيم جداً بهي الطلعة اكثر ما يميزه انه انيق ... كثير الصمت دائم الابتسامة اختفي الشاب ده من الحلة وشوارعا افتكرت في بالي كده انه سافر وخصوصاً ان والده ميسور الحال الكلام ده قبل عشرين سنة او اكتر المهم قبل فترة وانا في السودان وبتونس مع الشباب والكلام جاب الكلام وجات سيرة الشاب ده عارفين الحصل شنو ؟ الشاب ده اصيب بمرض نفسي والظاهر انو اصبح عندو ميول عدوانية وكلنا بنعرف ان في بيت ناصية كاتبو ليهو ابوهو بي اسمو البيت لا فيهو نور ولا حركة الشاب ما نازل في مستشفي امراض عقلية ولا نازل مع شيخ عشان اتعالج الشاب اكثر من كم وعشرين سنة وهو مقفول في البيت ده ماف حد بيزورو غير امو وابوهو وديل بمشو ليهو عشان يوصلو ليهو الاكل والشراب الصراحة الموضوع ده شاغل بالي شديد ما حبيت اكتب الموضوع في الفيس لانو الشاب من ناس الحلة واكيد حا اكون في جدل وعدم رضي اذا علم اهله انا عايز حل |
يا صاحب التحايا والأشواق
الحل يا صاحبي ان تنشغل بحالك، فالرجل أحسن حالا مني ومنك أنا لا أعرف هذا الرجل ولا أعرف أحواله ولكني أعرف تماما أن الذين أعتزلوا الناس هم خيار الناس. فكونك تعتزل الناس هذا فعل يتطلب مجاهدة للنفس يعجز عنها الانسان العادي أنا نصيحتي ليك شتت البوست دا، وبديل تشيل هم هذا الرجل المعتكف مع نفسه شيل هم الرشيد الذي يكاد تهلكه العزوبية ^_^ |
اقتباس:
قلت لى الرشيد ...! ذكرتني نكتة اب سن مع بخيت |
اقتباس:
امكن زى ما قال اسعد .. مرتاح .. |
اقتباس:
حبيبنا هندسة أنا فرصي الأوفر حظا من الرشيد لا لشيء الا أني ماسك درب واحد، لكن الرشيد ركاب سرجين، وزي ما بقول المثل الشعبي (ركاب سرجين ما بعرس قريب) بمعنى أنو لو قابلنا لينا جكسوية، أنا بتعامل مع الجكسوية على اساس انها جكسوية لكن الرشيد بتعامل معاها على اساس انها مادة خام لكتابة نص ادبي. ودا فرق كبير يؤثر على انتهاز الفرص السانحة على سبيل المثال: فتاة (محنة المقعد الأول) أنا لو كنت صاحب المشهد، وقاعد جمب الجكسوية دي، كان الحيحصل كالآتي: يقوم قلبي لمن يشوف الجكسوية دي وتعجبو، يرسل بريد الكتروني عاجل الى المدير التنفيذي بعمل اللازم للحصول على هذا العميل المميز. المدير التنفيذي ح يقوم يحول الايميل الى ادارة المبيعات والتسويق لعمل الخطة اللازمة لنجاح استقطاب هذا العميل، تقوم الادارة المعنية بعمل دراسة سريعة عن أنواع الحنك المناسب مع هذا العميل، وتقوم الادارة بارسال ايميل الى امين المستودعات لتحضير الحنك والذي تم توضحيه في المرفقات، يقوم أمين المستودعات بتوجيه العمال بتحضير الحنك وتغليفه وارساله على وجه السرعة، أمين مستودع فاضي لا قدامه ولا وراه. أها لمن توصل الطلبية وبنفس السرعة سيتم تقديمها للعميل، ففي الحالة بتكون النتيجة واحد من أتنين، يا إما الحنك ظبط والعميل اتسلك والجكسوية اتعلقت، يا إما الحنك كان عاضي والعميل لوا بوزو والحمامة طارت نظرا لعدم وجود السكر اللازم في الموية التي تم التشريك بها. لكن مع الرشيد الحصل شنو؟ الحصل أنو القلب بعد ما قام بارسال الايميل للمدير التنفيذي والمدير التنفيذي وجهو لادارة المبيعات والتسويق وهذه الادارة قامت بارسال طلبية لأمين المستودعات بتحضير الحنك اللازم. هنا ح يقوم أمين المستودعات ح يقوم يرد على الإيميل بغضب، إنه لا يستطيع توفير الطلبية المطلوبة وذلك نظرا لضغط العمل الذي يواجهونه في المستودعات، حيث انه الآن تم استلام شاحنات وترلات ولواري ودفارات من المستندات التي يتم فيها توصيف مشهد الحافلة، والجميع في المستودع يعملون في استلام الطلبية وترتيبها ومن ثم تخزينها. لذلك يطلب أمين المستودع تأخير الطلبية مدة 48 ساعة. في الحالة دي تكون الحافلة وصلت ورجعت، والجكسوية طارت واتعرست. شوفت كيف يا معلم الفرق البيني وبين الرشيد كبير كيف؟! لذلك لا غرو من اب سن يضحك على الرشيدتين :gap: |
اقتباس:
الاشواق كلها والله ليك طيب يا سيدي نعرف كيف انو وضعو مية مية وامور كلها باسطة يا اسعد راجل مقفول في بيت من عمرو 25 سنة ولحدي اسي عمرو تقريباً 50 الحكاية مؤلمة ياخ ... الزول ده مفروض اطلع الشارع لو ما عجبو ارجع تاني لي وحدتو وعزلتو المجبور عليها . . بالنسبة للرشيد ياخ ما تشيلني هم في حاجة ميئوس منها |
اقتباس:
|
اقتباس:
:biggrin::biggrin: ياخى مداخلة الواحده يقراها على الريق ، وما يحتاج لفنجان قهوة ، ويمكن الفطور ذاتو يجليهو ،، تعرف أمين المستودعات بتاع الرشيد يكون النوع الشكاك داك ، البقول ليك يازول أنا داير طلب مكتوب ، التوجيهات الشفاهية دى ما بتنفع معاى :smile: وفى النهاية تقع فوق رقبة صاحبك ، تحياتى |
حزنت جدا ... للقصة دي يا محمد ... ورغم عدم معرفتي بجارك ده ..
لكن تألمت لحالو .... في السودان المشاكل النفسية للاشخاص قاعدين ننهزم قدامها ونتجاوزها ونغض الطرف عنها ، المشاكل بتبدأ صغيرة ونعمل رايحين منها لغاية ما تكبر وتبقى مشكلة للمريض واهله ، في كثير من المرضى النفسيين قاعدين بيناتنا وعايشين بسلام ، ولكن بداخلهم بركان يهدر وصراع دائر يوماتي ، لانهم ما عايشين الحياة كما ينبغي ... ومع تفاوت الحالات واختلاف المرض من شخص لآخر بنلقى مريض نفسي .. لو كان لقى يد العون ما كان وصل للطريق المسدود ده ، وما كان بيكون ده وضعه هسي ... بالجد حرام ، نشوف زول ممكن نساعدو وما نقدر .. وننهزم زي ما اهله انهزموا.. المبادرات الزي دي كويسة يا محمد ، وبتعلى فينا القيمة الانسانية ، ويمكن تفيد المريض اكتر من اي خطوة تانية عملها اهلو ، عارف لو تجاهلت الموضوع ده ، حيتعبكـ لقدام ، لانه شعرت بأنك ما مرتاح لوضع زولك ده ، وعاوز تساعد ، الشعور دي لو قتلته قبله ، ما حيكون كويس عشانك .. اعمل محاولة اي كان نوعها ، فقط عشان ما يجي يوم وتندم وتقول ياريتني لو كنت عملت اي حاجة ... وجع الضمير حار ، ورغم انه لا يمت ليك بأي صلة ، لكن انت بحسك النبيل خلقت صلة قوية تجاه الزول ده ، وحسك ده للأسف وصلني انا ذاتي برضو .. ماعارفة كيف اصف ليك ، هذا النوع من الصلات ، البتخلى الواحد فجأة يحس بمسؤولية تجاه انسان من العالم لا يعرفه مطلقاً ، زي تلاتة يوم بجي البوست ده وبهرب منو .. بجي وبهرب منو ... لغاية ما اتوكلت وقلت اواجه ضميري ... كلنا مسؤولين طالما بوسعنا ان نفعل شيئا ... يارب ادينا القدرة على احتمال كل احزان هذا العالم .... انا جاهزة لو في اي طريقة نساعد بيها .... .. . ودام ضميرك صاحي ... |
يا حمادة،
أرجو أنك تصدقني في قولي أنو الراجل دا مرتاح جدا وبالمقابل أنا بصدقك في دي اقتباس:
|
يا سعادتو
تحياتنا واشواقنا اقتباس:
الرشيد دا أنا من شوفتو عرفتو عندو اشكالية في الهيكل التنظيمي وسوء اختيار الموظف المناسب في المكان المناسب اسي تلقى المحاسب بتاعو، يجيهو مورد يطلب مبلغ معين يقوم المحاسب يصدر ليهو شيك بدون فاتورة وبي أو أو حتى أي تعميد |
سمرمر يا أم كريم
اقتباس:
شلاقة دليب، دليب أسي أنتي محمد ما بتعرفيهو وبالتالي الراجل صاحب الكيس ما بتعرفيهو يبقى على أي أساس تساعديهو؟! والأقربون أولى بالمعروف. ياخ أنا حالتي أصعب من الراجل دا، وكما يقول الشاعر: لا تحسبن قعادي معكم أني كويسُ**** فالحمامة المتوحدة بتقعد مع الطير الزيكمو ساعديني أنا ياخ أنا عندي كك فوق رأسي دا بي مس من الشيطان شوفي لي جكسوية ترقيني على سنة الله ورسوله ان شاء الله تكون جكسوية واقعة في شارع المشتل |
| الساعة الآن 08:48 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.