أشرقت الانوار بقدوم الشفيف قصي مجدي سليم
 

شفت الإسم مكتوب تحت كآخر زول إتسجل بالمنتدى، وأنتظرت واحد من التقدميين يفتح بوست ترحيب، لكن مرّ يوم ويومين، ولا حياة لمن تنادي!
تلفحت بتوب مدني وقلت أرحب بولدنا ود بلدنا الاستاذ قصي مجدي سليم، وعليكم الله، أي زول ما من مدني أو حبيب لمدني، ما يجي يرحب بيهو والفيكم إتعرفت.
مرحب بالشفيف قصي مجدي سليم

طبعا يا قصي، نحن هنا في سودانيات ناس لطيفين جدا، لكن كمان غالاطين غلاط قانوني جدا، صحي انتا من مدني وزولنا، لكن كمان كل شئ بدربو. وقت الغلاط والزرزرة ما عندنا يا يمة أرحميني. يا أخي بروف أمين، إتعود على القصة دي وبقى حقاني مرّة! شعارنا الكبير بعد التواصل والمحبة هو: الزعل مرفوض تجاه العنف القانوني.

شكرا
ابوبكر محمد احمد عباس البطري
صاحب خالد اب دقن

.....................
مرحبا قصي شرفت المكان ،

:D:D:D

مرحبا بود الاستاذ
نحن اهل بث سيبك من حنك بكة العاضي دا

يا قصي، مرحباً بكَ وألف مبروك!
مرحباً بكَ في سودانيات، وألف مبروك على لقب "شفيف" الذي تكرّم عليك به بابكر عبّاس دون أن تكتب معنا مداخلة واحدة! يأخي اللقب دا الناس قاعدة تمرق بيهو منو بعد تلتلة، غايتو بالطريقة دي بوست بوستين وبنلقاهو ركّب ليك دبورة برتبة "أنيق حواف" والأجر على الله! عموماً بابكر دا أسأل منو محمّد حسبو عشان تكون على بينة من أمر ألقابك الجديدة دي.

الف مرحب بيك يا قصى
و يطيب لك و بك المقام ..

مرحبا بك قصى مجدى سليم
من المتابعين لسجالاتك فى الملحق الثقافى بصحيفة القرار
المقال الاخير هل نزلت اجزائه الاخرى ولا ناس الصحيفة قرطوا على كده

مرحبا و سهلا بك قصي

إضافة حقيقية لسودانيات


شكرا يا دكتور

القصي مجدي
سلامات يازول ونورت سودانيات ومتابعين حروفك اينما قدر لها ان تحط رحالها . وشكرا لكبير الشفافين دكتور بابكر.

شكرا وسلام
 

الف شكر للعزيز ابوبكر
والف تحية للمرحبين.. وللمرحبات لما يجن ;-)
انا في غاية الأسف لتأخري في الرد وذلك لمشغوليات ألمت بي
واكتب الان من جهاز لا يسمح بمداخلة طويلة ولا دقيقة تليق بكم
فارجو منكم جميعا قبول هذا الرد المتواضع على أمل أن أعود فأوفيكم حقكم فردا فردا

يا مراحب أخونا وحبيبنا قصي نورت البلد يا مان
ابقي داخل