أشرقت الانوار بقدوم الشفيف قصي مجدي سليم

[بابكر عباس]

شفت الإسم مكتوب تحت كآخر زول إتسجل بالمنتدى، وأنتظرت واحد من التقدميين يفتح بوست ترحيب، لكن مرّ يوم ويومين، ولا حياة لمن تنادي!
تلفحت بتوب مدني وقلت أرحب بولدنا ود بلدنا الاستاذ قصي مجدي سليم، وعليكم الله، أي زول ما من مدني أو حبيب لمدني، ما يجي يرحب بيهو والفيكم إتعرفت.
مرحب بالشفيف قصي مجدي سليم

[بابكر عباس]

طبعا يا قصي، نحن هنا في سودانيات ناس لطيفين جدا، لكن كمان غالاطين غلاط قانوني جدا، صحي انتا من مدني وزولنا، لكن كمان كل شئ بدربو. وقت الغلاط والزرزرة ما عندنا يا يمة أرحميني. يا أخي بروف أمين، إتعود على القصة دي وبقى حقاني مرّة! شعارنا الكبير بعد التواصل والمحبة هو: الزعل مرفوض تجاه العنف القانوني.

[عبدالمنعم الطيب حسن]

شكرا
ابوبكر محمد احمد عباس البطري
صاحب خالد اب دقن

.....................
مرحبا قصي شرفت المكان ،

[imported_ابرا]

المشاركة الأصلية كتبت بواسطة عبدالمنعم الطيب حسن

شكرا
ابوبكر محمد احمد عباس البطري
صاحب خالد اب دقن

.....................
مرحبا قصي شرفت المكان ،

مرحبا بود الاستاذ
نحن اهل بث سيبك من حنك بكة العاضي دا

[imported_طارق صديق كانديك]

مرحبتين حباب الأستاذ قصي، ابن أستاذي الجليل مجدي سليم،وابن أخ صديقي الأستاذ الفاتح سليم، ياخي البركة الجيت، بابكر ده عاصر على الجماعة هنا بمدني، كان ينفكوا منو شوية.

أكيد مبر محمود عندو يد في الموضوع ده يا بكة الذي، فله الشكر أن أهدانا هذا القلم الحصيف.

مرحباً بك وبقلمك

شكرا يا دكتور

تحياتي

[imported_مبر محمود]

يا قصي، مرحباً بكَ وألف مبروك!
مرحباً بكَ في سودانيات، وألف مبروك على لقب "شفيف" الذي تكرّم عليك به بابكر عبّاس دون أن تكتب معنا مداخلة واحدة! يأخي اللقب دا الناس قاعدة تمرق بيهو منو بعد تلتلة، غايتو بالطريقة دي بوست بوستين وبنلقاهو ركّب ليك دبورة برتبة "أنيق حواف" والأجر على الله! عموماً بابكر دا أسأل منو محمّد حسبو عشان تكون على بينة من أمر ألقابك الجديدة دي.

[imported_فيصل سعد]

الف مرحب بيك يا قصى
و يطيب لك و بك المقام ..

[imported_عمر صديق]

مرحبا بك قصى مجدى سليم
من المتابعين لسجالاتك فى الملحق الثقافى بصحيفة القرار
المقال الاخير هل نزلت اجزائه الاخرى ولا ناس الصحيفة قرطوا على كده

[imported_خالد الصائغ]

مرحبا و سهلا بك قصي

إضافة حقيقية لسودانيات


شكرا يا دكتور

[imported_اسامة عبدالماجد]

القصي مجدي
سلامات يازول ونورت سودانيات ومتابعين حروفك اينما قدر لها ان تحط رحالها . وشكرا لكبير الشفافين دكتور بابكر.

[imported_بدر الطائف]

يابابكر لو لا غيابنا اليومين الفاتو ديل ماكنا اديناك شرف السبق فى الترحيب بولدنا وحبيبنا قصى.
قصى مرحب بيك .
إن شاء الله يطيب ليك المقام.

[imported_قصي مجدي سليم]

الف شكر للعزيز ابوبكر
والف تحية للمرحبين.. وللمرحبات لما يجن ;-)
انا في غاية الأسف لتأخري في الرد وذلك لمشغوليات ألمت بي
واكتب الان من جهاز لا يسمح بمداخلة طويلة ولا دقيقة تليق بكم
فارجو منكم جميعا قبول هذا الرد المتواضع على أمل أن أعود فأوفيكم حقكم فردا فردا

[imported_خضر حسين خليل]

يا مراحب أخونا وحبيبنا قصي نورت البلد يا مان
ابقي داخل

[imported_لنا جعفر]

قُصّة ...أو غُصة...
اهلا بيك هنا يامساجلاتي ...
تخيل الحتة بتشبهك هنا انت ومحمد فاروق نقد الله
منوووور ياقُصي..
وشوق كتير ليك ولي مهيرة
محبتي التي تعرف...
---
القروب بتاعكم داك مسكك من المشاغلات غايتو
وهو وأحصنه مفررررحني
يطيب ليك المقام يا أحلى زول في حينا