[رأفت ميلاد]

المشاركة الأصلية كتبت بواسطة محمد أبوعاقلة

وبعدين مسألة الخطوط الحمرا الوهمية دي طلعت روحنا وبنعتبرا سلك شائك .. تعاين وراهو في شنو لكن ما تقربو ولا تلمسوا شحتفة ساي ... وكمنجات الجسد ما هي الا صور شعرية وبعداك انت وشوفك وخيالك لى وين بوديك ... ربما كسر لرتابة التعبير وتشابه التناول وفي النهاية مهما نكسر رقبتنا الغريزة المطروحه حاليا حتفضل زي ما هي وزي ما في ناس مبدعين في التعامل مع الجسد ككيان ايضا في ناس مبدعين في التعامل مع النص كجسد ولا يعني بالضرورة تجريمو ولا تعني بالظاهر كدا (قلة أدب)...
وكونها تلفت انتباه السادة القراء (وتستفز) الراكد فيهم فهي بالطبع نجحت في دغدغة حواسكم بكل بساطة ... الحواس التي لا ترى إلا القبح والمناطق الشينة من حيث الشكل مع الانفصال التام عن جسد القصيدة ... وما تقعدو تمسكوا في القوالب الطبيعة والعرف والشارع العام الذي ينضح بكل ما هو قبيح وقد يكون أسوأ من كدا بكتير ... وتطلعو الكلام كزبرة ساي مع شوية تنظير مع انو الواقع غير كدا ...
وما ذهب اليه المشرعون هنا في هذا البورد .. ان التعامل مع هكذا ابداع يجب أن يظل حبيس الأدراج أو كتم انفاسو أو شنقو ولا يحترمون حتى شرف المحاولة في الخروج عن المألوف ... حتى وان قلنا أن الكتابة حالة تعتري الانسان شأنها شأن الأدوات التعبيرية الأخري ...
وبعدين فصل الكاتب عن نَصو فيه (بعض) الاجحاف الغير مبرر ولا يعني انه اصبح ملكا للجميع ... فقط تبقى وجهة نظرو محترمة حتى وان اختلفنا في المضمون ... وتباينت رؤانا كلو واحد ليهو وجهة نظرو وهو حر فيها مع انها ممكن تعود عليهو سلبا او ايجابا ...
غايتو انا اتخيلتو كمنجة بنفس الصوت الحِنيّن ... برضو احسن من الدلوكة والقربة المقدودة ...

كلام يا عوض دكام ..

المشاركة الأصلية كتبت بواسطة محمد أبوعاقلة

لذا !!!
الذين يتناوبون وينهشون في منبت القصيد ولا (يمعطون) الا في جسد الكاتب انا هو هراء ومحض افتراء يتوجب عليهم فض قيحهم في جسد آخر غير الذي يكتب ليقتفي أثر حالة خاصة بخيال خاص لا نمتلك إلا الولوج معه في خضم حالة نعيشها بالطريقة التي نحب كلٍ في (حتتو) وكلٍ له (فيتو) حواس منهم ما يصيبنا بالدوار ومنهم من يعزف على انفراد (بغيثارتة) النشاز ...

أما دى ريحتنى تب ..