[أبوبكر عباس]

المشاركة الأصلية كتبت بواسطة حافظ حسين

يا بابكر عباس بطل لف و دوارن , أها قول بالحي الشرقي و الغربي دا أنا قاصد الحلة و الكمبو حيفرق شنو؟
في قضايا واضحة جداً و خليني من علاقات إنتاج و نظراتك العميقة ....
1. ناس بتمارس عليهم إستعلاء واضح جداً و قالوا ليك في المحل دا ليهم أكثر من سبعين سنة لكن حتي في إنتخابات اللجنة الشعبية البائسة دا ما بشاركهم فيها.
2. في شاب عمره 18 سنة و مشي يطلع شهادة سكن و رئيس اللجنة الشعبية قال ليه يا عب يا لاجي أنت ما عندك حق هنا امشي دارفور ... عب دي قبلناه لكن لاجي دي دارفور لسا ما إنفصلت....
3. ضرب عب عمره 18 سنة من قبل أولاد العرب و زعيم لجنتهم الشعبية
4. حريق 11 بيت لناس ما عندهم ذنب سوي أن بشرتهم مختلفة
4. أطفال شردوا من مدارسهم و ليس لهم ذنب سوي لونهم

شوف يا بابكر عباس وقت تجاوب علي الأسئلة دي بصراحة و تخت رأيك الواضح فيها , ممكن يكون في حوار لقدام .... لكن ما تجي تشبكني بفكرتك القديمة ديك (الغناء في بيت العزاء) دي و تجي تنظر لي في علاقات إنتاج و إفتكارات مهببه.

أها يا بابكر قول الناس ديل ناس كنابو ساي يعني تفتكر الكلام الاتعمل دا صح؟
و بجي راجع تاني لجنس الهباب دا

معقولة بس يا حافظ!
بعني يا حاقظ انت جايب البوست عشان دايرني أردد معاك التثبيت على الحقوق الإنسانية البديهية؟!
إذا: عبد المنعم ليس كاتبي المفضل الأوحد.